શ્રી મહાલક્ષ્મ્યષ્ટકમ્

ઇન્દ્ર ઉવાચ ..

ૐ નમસ્તેઽસ્તુ મહામાયે શ્રીપીઠે સુરપૂજિતે .
શઙ્ખચક્રગદાહસ્તે મહાલક્ષ્મિ નમોઽસ્તુતે .. ૧ ..

નમસ્તે ગરુડારૂઢે કોલાસુરભયજ્ર્રિ .
સર્વપાપહરે દેવિ મહાલક્ષ્મિ નમોઽસ્તુતે .. ૨ ..

સર્વજ્ઞે સર્વવરદે સર્વદુષ્ટભયઙ્કરિ .
સર્વદુઃખહરે દેવિ મહાલક્ષ્મિ નમોઽસ્તુતે .. ૩ ..

સિદ્ધિબુદ્ધિપ્રદે દેવિ ભુક્તિમુક્તિપ્રદાયિનિ .
મન્ત્રમૂર્તે સદા દેવિ મહાલક્ષ્મિ નમોઽસ્તુતે .. ૪ ..

આદ્યન્તરહિતે દેવિ આદ્યશક્તિમહેશ્વરિ .
યોગજે યોગસમ્ભૂતે મહાલક્ષ્મિ નમોઽસ્તુતે .. ૫ ..

સ્થૂલસૂક્ષ્મમહારૌદ્રે મહાશક્તિમહોદરે .
મહાપાપહરે દેવિ મહાલક્ષ્મિ નમોઽસ્તુતે .. ૬ ..

પદ્માસનસ્થિતે દેવિ પરબ્રહ્મસ્વરૂપિણિ .
પરમેશિ જગન્માતર્મહાલક્ષ્મિ નમોઽસ્તુતે .. ૭ ..

શ્વેતામ્બરધરે દેવિ નાનાલઙ્કારભૂષિતે .
જગત્સ્થિતે જગન્માતર્મહાલક્ષ્મિ નમોઽસ્તુતે .. ૮ ..

મહાલક્ષ્મ્યષ્ટકં સ્તોત્રં યઃ પઠેદ્ભક્તિમાન્નરઃ .
સર્વસિદ્ધિમવાપ્નોતિ રાજ્યં પ્રાપ્નોતિ સર્વદા .. ૯ ..

એકકાલે પઠેન્નિત્યં મહાપાપવિનાશનમ્ .
દ્વિકાલં યઃ પઠેન્નિત્યં ધનધાન્યસમન્વિતઃ .. ૧૦ ..

ત્રિકાલં યઃ પઠેન્નિત્યં મહાશત્રુવિનાશનમ્ .
મહાલક્ષ્મીર્ભવેન્નિત્યં પ્રસન્ના વરદા શુભા .. ૧૧ ..