নভ়গ্রহ স্তোত্রম্

॥ নভ়গ্রহ স্তোত্রম্ ॥

॥ অথ নভ়গ্রহস্তোত্রম্ ॥

॥ শ্রী গণেশায নমঃ ॥

জপাকুসুমসংকাশং কাশ্যপেযং মহাদ্যুতিম্ ।
তমোঽরিং সর্ভ়পাপঘ্নং প্রণতোঽস্মি দিভ়াকরম্ ॥ ১ ॥

দধিশঙ্খতুষারাভং ক্ষীরোদার্ণভ়সম্ভভ়ম্ ।
নমামি শশিনং সোমং শম্ভোর্মুকুটভূষণম্ ॥ ২ ॥

ধরণীগর্ভসম্ভূতং ভ়িদ্যুৎকান্তিসমপ্রভম্ ।
কুমারং শক্তিহস্তং তং মঙ্গলং প্রণমাম্যহম্ ॥ ৩ ॥

প্রিযঙ্গুকলিকাশ্যামং রূপেণাপ্রতিমং বুধম্ ।
সৌম্যং সৌম্যগুণোপেতং তং বুধং প্রণমাম্যহম্ ॥ ৪ ॥

দেভ়ানাং চ ঋষীণাং চ গুরুং কাঞ্চনসন্নিভম্ ।
বুদ্ধিভূতং ত্রিলোকেশং তং নমামি বৃহস্পতিম্ ॥ ৫ ॥

হিমকুন্দমৃণালাভং দৈত্যানাং পরমং গুরুম্ ।
সর্ভ়শাস্ত্রপ্রভ়ক্তারং ভার্গভ়ং প্রণমাম্যহম্ ॥ ৬ ॥

নীলাঞ্জনসমাভাসং রভ়িপুত্রং যমাগ্রজম্ ।
ছাযামার্তণ্ডসম্ভূতং তং নমামি শনৈশ্চরম্ ॥ ৭ ॥

অর্ধকাযং মহাভ়ীর্যং চন্দ্রাদিত্যভ়িমর্দনম্ ।
সিংহিকাগর্ভসম্ভূতং তং রাহুং প্রণমাম্যহম্ ॥ ৮ ॥

পলাশপুষ্পসংকাশং তারকাগ্রহমস্তকম্ ।
রৌদ্রং রৌদ্রাত্মকং ঘোরং তং কেতুং প্রণমাম্যহম্ ॥ ৯ ॥

ইতি শ্রীভ়্যাসমুখোদ্গীতং যঃ পঠেৎ সুসমাহিতঃ ।
দিভ়া ভ়া যদি ভ়া রাত্রৌ ভ়িঘ্নশান্তির্ভভ়িষ্যতি ॥ ১০ ॥

নরনারীনৃপাণাং চ ভভ়েদ্ দুঃস্বপ্ননাশনম্ ।
ঐশ্বর্যমতুলং তেষামারোগ্যং পুষ্টিভ়র্ধনম্ ॥ ১১ ॥

গ্রহনক্ষত্রজাঃ পীডাস্তস্করাগ্নিসমুদ্ভভ়াঃ ।
তাঃ সর্ভ়াঃ প্রশমং যান্তি ভ়্যাসো ব্রূতে ন সংশযঃ ॥ ১২ ॥

॥ ইতি শ্রীভ়্যাসভ়িরচিতং নভ়গ্রহস্তোত্রং সম্পূর্ণম্ ॥