গোভ়িন্দরাজপ্রপত্তিঃ
গোভ়িন্দরাজপ্রপত্তিঃ
যশ্চৈকশৈলনিকটে কমলাপুরীশ-
গোভ়িন্দরাজপদযোরকরোৎ প্রপত্তিম্ ।
তং ভ়াদিভীকরগুরোশ্চরণং প্রপদ্যে
পাত্রং গুরুং ভ়রভ়রং পরমং গুরূণাম্ ॥ ১॥
শ্রীমন্ নিদান জগতাং নিখিলাণ্ডজাত-
নির্ভ়াহশক্তিমুখদিভ়্যগুণৈকতান ।
অত্যন্তভোগ্যনতদোষ নিরস্তদোষ
গোভ়িন্দরাজ চরণৌ শরণং প্রপদ্যে ॥ ২॥
রেখারথাঙ্গসরসীরুহভ়জ্রশঙ্ক-
চ্ছত্রাঙ্কুশপ্রভৃতিমঙ্গলচিহ্নগর্ভৌ ।
সংসারতাপহরণে নিপুণৌ নতানাং
গোভ়িন্দরাজ চরণৌ শরণং প্রপদ্যে ॥ ৩॥
পশ্যৎসু সান্দ্রভযকৌতুকমর্ভকেষু
প্রৌঢেষু সৎসু কৃতকৃত্যপরাযণেষু ।
ভ়িধ্বংসিতোর্ধ্বশকটাভ়পি বালভাভ়ে
গোভ়িন্দরাজ চরণৌ শরণং প্রপদ্যে ॥ ৪॥
আলম্ব্য বাহুযুগলেন কুমারভাভ়ে
গাঢং করাঙ্গুলিযুগং কিল নন্দপত্ন্যাঃ ।
অভ্যস্যমানদশচঙ্ক্রমণাভিরামৌ
গোভ়িন্দরাজ চরণৌ শরণং প্রপদ্যে ॥ ৫॥
ঘোষাঙ্গনাকরসরোরুহতালনাদ-
সঙ্গীতসম্পদনুরূপমনোজ্ঞনৃত্তৌ ।
মাণিক্যনূপুরমরীচিকৃতাঙ্গলেপৌ
গোভ়িন্দরাজ চরণৌ শরণং প্রপদ্যে ॥ ৬॥
কুট্টাকতামুপগতৌ সরসঃ প্রসহ্য
মধ্যেসরিৎসলিলমুদ্ধতকালিযস্য ।
তৎসুন্দরীনযননন্দনসংনিভ়েশৌ
গোভ়িন্দরাজ চরণৌ শরণং প্রপদ্যে ॥ ৭॥
ভ়াসাংসি দেহি তভ় কৃষ্ণ ভ়শংভ়দানা-
মস্মাকমাকুলধিযামিতি গোপকন্যাঃ ।
উদ্দিশ্য যৌ ভ়িদধুরঞ্জলিমা প্রসাদাদ্
গোভ়িন্দরাজ চরণৌ শরণং প্রপদ্যে ॥ ৮॥
গোরক্ষণে কিল বভূভ় যদীযরেণু-
রক্রূরমস্তকমণেঃ সরণিং সমেতঃ ।
তাভ়দ্ভুতাভ়নুপমাভ়তিপাভ়নৌ তে
গোভ়িন্দরাজ চরণৌ শরণং প্রপদ্যে ॥ ৯॥
মল্লাভ়হে মধুরযা মধুরাঙ্গনানাং
ফুল্লারভ়িন্দদলতল্লজলোচনানাম্ ।
ভ়াণ্যা প্রশংসিতপরার্ধ্যগতিপ্রকারৌ
গোভ়িন্দরাজ চরণৌ শরণং প্রপদ্যে ॥ ১০॥
কংসং নিপাত্য কনকাসনতঃ পৃথিভ়্যা-
মুদ্ধৃত্য সাগসমনাগসমুগ্রসেনম্ ।
রাজ্যেঽভিষিচ্য ভ়িনিভ়ারিতভূমিভারৌ
গোভ়িন্দরাজ চরণৌ শরণং প্রপদ্যে ॥ ১১॥
দুর্যোধনে দুরভিমানিনি দুর্ভগাণা-
মগ্রেসরে ভজতি তে শিরসঃ প্রদেশম্ ।
ধন্যেন যন্নিকটতঃ স্থিতমর্জুনেন
গোভ়িন্দরাজ চরণৌ শরণং প্রপদ্যে ॥ ১২॥
সারথ্যভ়েষসমলঙ্কৃতপাণ্ডুসূনো-
র্যুদ্ধাঙ্গণোজ্জ্বলরথাঞ্চলসংনিভ়েশৌ ।
সান্দ্রেন্দ্রনীলপরিভাভ়ুকভভ়্যরূপৌ
গোভ়িন্দরাজ চরণৌ শরণং প্রপদ্যে ॥ ১৩॥
ভক্ত্যা প্রসন্নহৃদযেন ধনঞ্জযেন
যত্রার্চিতানি কুসুমানি শিভ়োত্তমাঙ্গে ।
সাক্ষাৎকৃতানি সহসাদ্ভুতভ়ৈভভ়ৌ তৌ
গোভ়িন্দরাজ চরণৌ শরণং প্রপদ্যে ॥ ১৪॥
অস্মদ্গুরুপ্রভৃতিভিঃ কমলাভ়সানৈ-
রাদর্শিতৌ করুণযা মম দেশিকেন্দ্রৈঃ ।
সত্ত্বোত্তরৈঃ সকলজীভ়দযাপরৈস্তৈ-
র্গোভ়িন্দরাজ চরণৌ শরণং প্রপদ্যে ॥ ১৫॥
অস্মাৎপিতামহমশেষগুণাভিরাম-
মাচার্যরত্নমযি ভ়াদিভযঙ্করার্যম্ ।
গোভ়র্ধনাদ্রিধৃতিধারিতগোপ ভ়ীক্ষ্য
গোভ়িন্দরাজ মম দুর্লপিতং ক্ষমস্ব ॥ ১৬॥
। ইতি শ্রীগোভ়িন্দরাজপ্রপত্তিঃ সম্পূর্ণা ।