.. கோ₃பீகீ₃தம் ..

கோ₃ப்ய ஊசு꞉ 
ஜயதி தே(அ)தி₄கம் ஜந்மநா வ்ரஜ꞉
ஶ்ரயத இந்தி₃ரா ஶஶ்வத₃த்ர ஹி .
த₃யித த்₃ருஶ்யதாம் தி₃க்ஷு தாவகா-
ஸ்த்வயி த்₄ருதாஸவஸ்த்வாம் விசிந்வதே .. 1..

ஶரது₃தா₃ஶயே ஸாது₄ஜாதஸ-
த்ஸரஸிஜோத₃ரஶ்ரீமுஷா த்₃ருஶா .
ஸுரதநாத₂ தே(அ)ஶுல்கதா₃ஸிகா
வரத₃ நிக்₄நதோ நேஹ கிம் வத₄꞉ .. 2..

விஷஜலாப்யயாத்₃வ்யாலராக்ஷஸா-
த்₃வர்ஷமாருதாத்₃வைத்₃யுதாநலாத் .
வ்ருஷமயாத்மஜாத்₃விஶ்வதோப₄யா-
த்₃ருஷப₄ தே வயம் ரக்ஷிதா முஹு꞉ .. 3..

ந க₂லு கோ₃பிகாநந்த₃நோ ப₄வா-
நகி₂லதே₃ஹிநாமந்தராத்மத்₃ருக் .
விக₂நஸார்தி₂தோ விஶ்வகு₃ப்தயே
ஸக₂ உதே₃யிவாந்ஸாத்வதாம் குலே .. 4..

விரசிதாப₄யம் வ்ருஷ்ணிது₄ர்ய தே
சரணமீயுஷாம் ஸம்ஸ்ருதேர்ப₄யாத் .
கரஸரோருஹம் காந்த காமத₃ம்
ஶிரஸி தே₄ஹி ந꞉ ஶ்ரீகரக்₃ரஹம் .. 5..

வ்ரஜஜநார்திஹந்வீர யோஷிதாம்
நிஜஜநஸ்மயத்₄வம்ஸநஸ்மித .
ப₄ஜ ஸகே₂ ப₄வத்கிங்கரீ꞉ ஸ்ம நோ
ஜலருஹாநநம் சாரு த₃ர்ஶய .. 6..

ப்ரணததே₃ஹிநாம் பாபகர்ஶநம்
த்ருணசராநுக₃ம் ஶ்ரீநிகேதநம் .
ப₂ணிப₂ணார்பிதம் தே பதா₃ம்பு₃ஜம்
க்ருணு குசேஷு ந꞉ க்ருந்தி₄ ஹ்ருச்ச₂யம் .. 7..

மது₄ரயா கி₃ரா வல்கு₃வாக்யயா
பு₃த₄மநோஜ்ஞயா புஷ்கரேக்ஷண .
விதி₄கரீரிமா வீர முஹ்யதி-
ரத₄ரஸீது₄நா(ஆ)ப்யாயயஸ்வ ந꞉ .. 8..

தவ கதா₂ம்ருதம் தப்தஜீவநம்
கவிபி₄ரீடி₃தம் கல்மஷாபஹம் .
ஶ்ரவணமங்க₃லம் ஶ்ரீமதா₃ததம்
பு₄வி க்₃ருணந்தி தே பூ₄ரிதா₃ ஜநா꞉ .. 9..

ப்ரஹஸிதம் ப்ரிய ப்ரேமவீக்ஷணம்
விஹரணம் ச தே த்₄யாநமங்க₃லம் .
ரஹஸி ஸம்விதோ₃ யா ஹ்ருதி₃ஸ்ப்ருஶ꞉
குஹக நோ மந꞉ க்ஷோப₄யந்தி ஹி .. 10..

சலஸி யத்₃வ்ரஜாச்சாரயந்பஶூந்
நலிநஸுந்த₃ரம் நாத₂ தே பத₃ம் .
ஶிலத்ருணாங்குரை꞉ ஸீத₃தீதி ந꞉
கலிலதாம் மந꞉ காந்த க₃ச்ச₂தி .. 11..

தி₃நபரிக்ஷயே நீலகுந்தலை-
ர்வநருஹாநநம் பி₃ப்₄ரதா₃வ்ருதம் .
க₄நரஜஸ்வலம் த₃ர்ஶயந்முஹு-
ர்மநஸி ந꞉ ஸ்மரம் வீர யச்ச₂ஸி .. 12..

ப்ரணதகாமத₃ம் பத்₃மஜார்சிதம்
த₄ரணிமண்ட₃நம் த்₄யேயமாபதி₃ .
சரணபங்கஜம் ஶந்தமம் ச தே
ரமண ந꞉ ஸ்தநேஷ்வர்பயாதி₄ஹந் .. 13..

ஸுரதவர்த₄நம் ஶோகநாஶநம்
ஸ்வரிதவேணுநா ஸுஷ்டு₂ சும்பி₃தம் .
இதரராக₃விஸ்மாரணம் ந்ருணாம்
விதர வீர நஸ்தே(அ)த₄ராம்ருதம் .. 14..

அடதி யத்₃ப₄வாநஹ்நி காநநம்
த்ருடிர்யுகா₃யதே த்வாமபஶ்யதாம் .
குடிலகுந்தலம் ஶ்ரீமுக₂ம் ச தே
ஜட₃ உதீ₃க்ஷதாம் பக்ஷ்மக்ருத்₃த்₃ருஶாம் .. 15..

பதிஸுதாந்வயப்₄ராத்ருபா₃ந்த₄வா-
நதிவிலங்க்₄ய தே(அ)ந்த்யச்யுதாக₃தா꞉ .
க₃திவித₃ஸ்தவோத்₃கீ₃தமோஹிதா꞉
கிதவ யோஷித꞉ கஸ்த்யஜேந்நிஶி .. 16..

ரஹஸி ஸம்வித₃ம் ஹ்ருச்ச₂யோத₃யம்
ப்ரஹஸிதாநநம் ப்ரேமவீக்ஷணம் .
ப்₃ருஹது₃ர꞉ ஶ்ரியோ வீக்ஷ்ய தா₄ம தே
முஹுரதிஸ்ப்ருஹா முஹ்யதே மந꞉ .. 17..

வ்ரஜவநௌகஸாம் வ்யக்திரங்க₃ தே
வ்ருஜிநஹந்த்ர்யலம் விஶ்வமங்க₃லம் .
த்யஜ மநாக் ச நஸ்த்வத்ஸ்ப்ருஹாத்மநாம்
ஸ்வஜநஹ்ருத்₃ருஜாம் யந்நிஷூத₃நம் .. 18..

யத்தே ஸுஜாதசரணாம்பு₃ருஹம் ஸ்தநேஷு
பீ₄தா꞉ ஶநை꞉ ப்ரிய த₃தீ₄மஹி கர்கஶேஷு .
தேநாடவீமடஸி தத்₃வ்யத₂தே ந கிம்ஸ்வித்
கூர்பாதி₃பி₄ர்ப்₄ரமதி தீ₄ர்ப₄வதா₃யுஷாம் ந꞉ .. 19..

இதி ஶ்ரீமத்₃பா₄க₃வதமஹாபுராணே பாரமஹம்ஸ்யாம் ஸம்ஹிதாயாம் த₃ஶமஸ்கந்தே₄ பூர்வார்தே₄ ராஸக்ரீடா₃யாம் கோ₃பீகீ₃தம் நாமைகத்ரிம்ஶோ(அ)த்₄யாய꞉