.. Gopeegeetam ..

Gopya oochuh' 
Jayati te'dhikam' janmanaa vrajah'
Shrayata indiraa shashvadatra hi .
Dayita dri'shyataam' dikshu taavakaa-
Stvayi dhri'taasavastvaam' vichinvate .. 1..

Sharadudaashaye saadhujaatasa-
Tsarasijodarashreemushaa dri'shaa .
Suratanaatha te'shulkadaasikaa
Varada nighnato neha kim' vadhah' .. 2..

Vishajalaapyayaadvyaalaraakshasaa-
Dvarshamaarutaadvaidyutaanalaat .
Vri'shamayaatmajaadvishvatobhayaa-
Dri'shabha te vayam' rakshitaa muhuh' .. 3..

Na khalu gopikaanandano bhavaa-
Nakhiladehinaamantaraatmadri'k .
Vikhanasaarthito vishvaguptaye
Sakha udeyivaansaatvataam' kule .. 4..

Virachitaabhayam' vri'shnidhurya te
Charanameeyushaam' sam'sri'terbhayaat .
Karasaroruham' kaanta kaamadam'
Shirasi dhehi nah' shreekaragraham .. 5..

Vrajajanaartihanveera yoshitaam'
Nijajanasmayadhvam'sanasmita .
Bhaja sakhe bhavatkinkareeh' sma no
Jalaruhaananam' chaaru darshaya .. 6..

Pranatadehinaam' paapakarshanam'
Tri'nacharaanugam' shreeniketanam .
Phaniphanaarpitam' te padaambujam'
Kri'nu kucheshu nah' kri'ndhi hri'chchhayam .. 7..

Madhurayaa giraa valguvaakyayaa
Budhamanojnyayaa pushkarekshana .
Vidhikareerimaa veera muhyati-
Radharaseedhunaa''pyaayayasva nah' .. 8..

Tava kathaamri'tam' taptajeevanam'
Kavibhireed'itam' kalmashaapaham .
Shravanamangalam' shreemadaatatam'
Bhuvi gri'nanti te bhooridaa janaah' .. 9..

Prahasitam' priya premaveekshanam'
Viharanam' cha te dhyaanamangalam .
Rahasi sam'vido yaa hri'dispri'shah'
Kuhaka no manah' kshobhayanti hi .. 10..

Chalasi yadvrajaachchaarayanpashoon
Nalinasundaram' naatha te padam .
Shilatri'naankuraih' seedateeti nah'
Kalilataam' manah' kaanta gachchhati .. 11..

Dinaparikshaye neelakuntalai-
Rvanaruhaananam' bibhradaavri'tam .
Ghanarajasvalam' darshayanmuhu-
Rmanasi nah' smaram' veera yachchhasi .. 12..

Pranatakaamadam' padmajaarchitam'
Dharanimand'anam' dhyeyamaapadi .
Charanapankajam' shantamam' cha te
Ramana nah' staneshvarpayaadhihan .. 13..

Suratavardhanam' shokanaashanam'
Svaritavenunaa susht'hu chumbitam .
Itararaagavismaaranam' nri'naam'
Vitara veera naste'dharaamri'tam .. 14..

At'ati yadbhavaanahni kaananam'
Trut'iryugaayate tvaamapashyataam .
Kut'ilakuntalam' shreemukham' cha te
Jad'a udeekshataam' pakshmakri'ddri'shaam .. 15..

Patisutaanvayabhraatri'baandhavaa-
Nativilanghya te'ntyachyutaagataah' .
Gatividastavodgeetamohitaah'
Kitava yoshitah' kastyajennishi .. 16..

Rahasi sam'vidam' hri'chchhayodayam'
Prahasitaananam' premaveekshanam .
Bri'hadurah' shriyo veekshya dhaama te
Muhuratispri'haa muhyate manah' .. 17..

Vrajavanaukasaam' vyaktiranga te
Vri'jinahantryalam' vishvamangalam .
Tyaja manaak cha nastvatspri'haatmanaam'
Svajanahri'drujaam' yannishoodanam .. 18..

Yatte sujaatacharanaamburuham' staneshu
Bheetaah' shanaih' priya dadheemahi karkasheshu .
Tenaat'aveemat'asi tadvyathate na kim'svit
Koorpaadibhirbhramati dheerbhavadaayushaam' nah' .. 19..

Iti shreemadbhaagavatamahaapuraane paaramaham'syaam' sam'hitaayaam' dashamaskandhe poorvaardhe raasakreed'aayaam' gopeegeetam' naamaikatrim'sho'dhyaayah'