અથ સપ્તશ્લોકી દુર્ગા

અથ સપ્તશ્લોકી દુર્ગા
શિવ ઉવાચ
દેવિ ત્વં ભક્તસુલભે સર્વકાર્યવિધાયિની .
કલૌ હિ કાર્યસિદ્ધ્યર્થમુપાયં બ્રૂહિ યત્નતઃ ..

દેવ્યુવાચ
શૃણુ દેવ પ્રવક્ષ્યામિ કલૌ સર્વેષ્ટસાધનમ્ .
મયા તવૈવ સ્નેહેનાપ્યમ્બાસ્તુતિઃ પ્રકાશ્યતે ..

જ્ઞાનિનામપિ ચેતાંસિ દેવી ભગવતી હિ સા .
બલાદાકૃષ્ય મોહાય મહામાયા પ્રયચ્છતિ .. ૧..

દુર્ગે સ્મૃતા હરસિ ભીતિમશેષજન્તોઃ
સ્વસ્થૈઃ સ્મૃતા મતિમતીવ શુભાં દદાસિ .
દારિદ્ર્યદુઃખભયહારિણિ કા ત્વદન્યા
સર્વોપકારકરણાય સદાઽઽર્દ્રચિત્તા .. ૨..

સર્વમઙ્ગલમાઙ્ગલ્યે શિવે સર્વાર્થસાધિકે .
શરણ્યે ત્ર્યમ્બકે ગૌરિ નારાયણિ નમોઽસ્તુ તે .. ૩..

શરણાગતદીનાર્તપરિત્રાણપરાયણે .
સર્વસ્યાર્તિહરે દેવિ નારાયણિ નમોઽસ્તુ તે .. ૪..

સર્વસ્વરૂપે સર્વેશે સર્વશક્તિસમન્વિતે .
ભયેભ્યસ્ત્રાહિ નો દેવિ દુર્ગે દેવિ નમોઽસ્તુ તે .. ૫..

રોગાનશેષાનપહંસિ તુષ્ટા રુષ્ટા તુ કામાન્ સકલાનભીષ્ટાન્ .
ત્વામાશ્રિતાનાં ન વિપન્નરાણાં ત્વામાશ્રિતા હ્યાશ્રયતાં પ્રયાન્તિ .. ૬..

સર્વાબાધાપ્રશમનં ત્રૈલોક્યસ્યાખિલેશ્વરિ .
એવમેવ ત્વયા કાર્યમસ્મદ્વૈરિ વિનાશનમ્ .. ૭..