அத₂ ஸப்தஶ்லோகீ து₃ர்கா₃

அத₂ ஸப்தஶ்லோகீ து₃ர்கா₃
ஶிவ உவாச
தே₃வி த்வம் ப₄க்தஸுலபே₄ ஸர்வகார்யவிதா₄யிநீ .
கலௌ ஹி கார்யஸித்₃த்₄யர்த₂முபாயம் ப்₃ரூஹி யத்நத꞉ ..

தே₃வ்யுவாச
ஶ்ருணு தே₃வ ப்ரவக்ஷ்யாமி கலௌ ஸர்வேஷ்டஸாத₄நம் .
மயா தவைவ ஸ்நேஹேநாப்யம்பா₃ஸ்துதி꞉ ப்ரகாஶ்யதே ..

ஜ்ஞாநிநாமபி சேதாம்ஸி தே₃வீ ப₄க₃வதீ ஹி ஸா .
ப₃லாதா₃க்ருஷ்ய மோஹாய மஹாமாயா ப்ரயச்ச₂தி .. 1..

து₃ர்கே₃ ஸ்ம்ருதா ஹரஸி பீ₄திமஶேஷஜந்தோ꞉
ஸ்வஸ்தை₂꞉ ஸ்ம்ருதா மதிமதீவ ஶுபா₄ம் த₃தா₃ஸி .
தா₃ரித்₃ர்யது₃꞉க₂ப₄யஹாரிணி கா த்வத₃ந்யா
ஸர்வோபகாரகரணாய ஸதா₃(ஆ)ர்த்₃ரசித்தா .. 2..

ஸர்வமங்க₃லமாங்க₃ல்யே ஶிவே ஸர்வார்த₂ஸாதி₄கே .
ஶரண்யே த்ர்யம்ப₃கே கௌ₃ரி நாராயணி நமோ(அ)ஸ்து தே .. 3..

ஶரணாக₃ததீ₃நார்தபரித்ராணபராயணே .
ஸர்வஸ்யார்திஹரே தே₃வி நாராயணி நமோ(அ)ஸ்து தே .. 4..

ஸர்வஸ்வரூபே ஸர்வேஶே ஸர்வஶக்திஸமந்விதே .
ப₄யேப்₄யஸ்த்ராஹி நோ தே₃வி து₃ர்கே₃ தே₃வி நமோ(அ)ஸ்து தே .. 5..

ரோகா₃நஶேஷாநபஹம்ஸி துஷ்டா ருஷ்டா து காமாந் ஸகலாநபீ₄ஷ்டாந் .
த்வாமாஶ்ரிதாநாம் ந விபந்நராணாம் த்வாமாஶ்ரிதா ஹ்யாஶ்ரயதாம் ப்ரயாந்தி .. 6..

ஸர்வாபா₃தா₄ப்ரஶமநம் த்ரைலோக்யஸ்யாகி₂லேஶ்வரி .
ஏவமேவ த்வயா கார்யமஸ்மத்₃வைரி விநாஶநம் .. 7..