.. அத₂ நவமோ(அ)த்₄யாய꞉ ..

ௐ ஶ்ரீ பரமாத்மநே நம꞉

ஶ்ரீப₄க₃வாநுவாச
இத₃ம் து தே கு₃ஹ்யதமம் ப்ரவக்ஷ்யாம்யநஸூயவே.
ஜ்ஞாநம் விஜ்ஞாநஸஹிதம் யஜ்ஜ்ஞாத்வா மோக்ஷ்யஸே(அ)ஶுபா₄த்..1..

ராஜவித்₃யா ராஜகு₃ஹ்யம் பவித்ரமித₃முத்தமம்.
ப்ரத்யக்ஷாவக₃மம் த₄ர்ம்யம் ஸுஸுக₂ம் கர்துமவ்யயம்..2..

அஶ்ரத்₃த₃தா₄நா꞉ புருஷா த₄ர்மஸ்யாஸ்ய பரந்தப.
அப்ராப்ய மாம் நிவர்தந்தே ம்ருத்யுஸம்ஸாரவர்த்மநி..3..

மயா ததமித₃ம் ஸர்வம் ஜக₃த₃வ்யக்தமூர்திநா.
மத்ஸ்தா₂நி ஸர்வபூ₄தாநி ந சாஹம் தேஷ்வவஸ்தி₂த꞉..4..

ந ச மத்ஸ்தா₂நி பூ₄தாநி பஶ்ய மே யோக₃மைஶ்வரம்.
பூ₄தப்₄ருந்ந ச பூ₄தஸ்தோ₂ மமாத்மா பூ₄தபா₄வந꞉..5..

யதா₂காஶஸ்தி₂தோ நித்யம் வாயு꞉ ஸர்வத்ரகோ₃ மஹாந்.
ததா₂ ஸர்வாணி பூ₄தாநி மத்ஸ்தா₂நீத்யுபதா₄ரய..6..

ஸர்வபூ₄தாநி கௌந்தேய ப்ரக்ருதிம் யாந்தி மாமிகாம்.
கல்பக்ஷயே புநஸ்தாநி கல்பாதௌ₃ விஸ்ருஜாம்யஹம்..7..

ப்ரக்ருதிம் ஸ்வாமவஷ்டப்₄ய விஸ்ருஜாமி புந꞉ புந꞉.
பூ₄தக்₃ராமமிமம் க்ருத்ஸ்நமவஶம் ப்ரக்ருதேர்வஶாத்..8..

ந ச மாம் தாநி கர்மாணி நிப₃த்₄நந்தி த₄நஞ்ஜய.
உதா₃ஸீநவதா₃ஸீநமஸக்தம் தேஷு கர்மஸு..9..

மயா(அ)த்₄யக்ஷேண ப்ரக்ருதி꞉ ஸூயதே ஸசராசரம்.
ஹேதுநா(அ)நேந கௌந்தேய ஜக₃த்₃விபரிவர்ததே..10..

அவஜாநந்தி மாம் மூடா₄ மாநுஷீம் தநுமாஶ்ரிதம்.
பரம் பா₄வமஜாநந்தோ மம பூ₄தமஹேஶ்வரம்..11..

மோகா₄ஶா மோக₄கர்மாணோ மோக₄ஜ்ஞாநா விசேதஸ꞉.
ராக்ஷஸீமாஸுரீம் சைவ ப்ரக்ருதிம் மோஹிநீம் ஶ்ரிதா꞉..12..

மஹாத்மாநஸ்து மாம் பார்த₂ தை₃வீம் ப்ரக்ருதிமாஶ்ரிதா꞉.
ப₄ஜந்த்யநந்யமநஸோ ஜ்ஞாத்வா பூ₄தாதி₃மவ்யயம்..13..

ஸததம் கீர்தயந்தோ மாம் யதந்தஶ்ச த்₃ருட₄வ்ரதா꞉.
நமஸ்யந்தஶ்ச மாம் ப₄க்த்யா நித்யயுக்தா உபாஸதே..14..

ஜ்ஞாநயஜ்ஞேந சாப்யந்யே யஜந்தோ மாமுபாஸதே.
ஏகத்வேந ப்ருத₂க்த்வேந ப₃ஹுதா₄ விஶ்வதோமுக₂ம்..15..

அஹம் க்ரதுரஹம் யஜ்ஞ꞉ ஸ்வதா₄(அ)ஹமஹமௌஷத₄ம்.
மந்த்ரோ(அ)ஹமஹமேவாஜ்யமஹமக்₃நிரஹம் ஹுதம்..16..

பிதா(அ)ஹமஸ்ய ஜக₃தோ மாதா தா₄தா பிதாமஹ꞉.
வேத்₃யம் பவித்ரமோங்கார ருக்ஸாம யஜுரேவ ச..17..

க₃திர்ப₄ர்தா ப்ரபு₄꞉ ஸாக்ஷீ நிவாஸ꞉ ஶரணம் ஸுஹ்ருத்.
ப்ரப₄வ꞉ ப்ரலய꞉ ஸ்தா₂நம் நிதா₄நம் பீ₃ஜமவ்யயம்..18..

தபாம்யஹமஹம் வர்ஷம் நிக்₃ருண்ஹாம்யுத்ஸ்ருஜாமி ச.
அம்ருதம் சைவ ம்ருத்யுஶ்ச ஸத₃ஸச்சாஹமர்ஜுந..19..

த்ரைவித்₃யா மாம் ஸோமபா꞉ பூதபாபா꞉
யஜ்ஞைரிஷ்ட்வா ஸ்வர்க₃திம் ப்ரார்த₂யந்தே.
தே புண்யமாஸாத்₃ய ஸுரேந்த்₃ரலோகம்
அஶ்நந்தி தி₃வ்யாந் தி₃வி தே₃வபோ₄கா₃ந்..20..

தே தம் பு₄க்த்வா ஸ்வர்க₃லோகம் விஶாலம்
க்ஷீணே புண்யே மர்த்யலோகம் விஶந்தி.
ஏவம் த்ரயீத₄ர்மமநுப்ரபந்நா꞉
க₃தாக₃தம் காமகாமா லப₄ந்தே..21..

அநந்யாஶ்சிந்தயந்தோ மாம் யே ஜநா꞉ பர்யுபாஸதே.
தேஷாம் நித்யாபி₄யுக்தாநாம் யோக₃க்ஷேமம் வஹாம்யஹம்..22..

யே(அ)ப்யந்யதே₃வதாப₄க்தா யஜந்தே ஶ்ரத்₃த₄யாந்விதா꞉.
தே(அ)பி மாமேவ கௌந்தேய யஜந்த்யவிதி₄பூர்வகம்..23..

அஹம் ஹி ஸர்வயஜ்ஞாநாம் போ₄க்தா ச ப்ரபு₄ரேவ ச.
ந து மாமபி₄ஜாநந்தி தத்த்வேநாதஶ்ச்யவந்தி தே..24..

யாந்தி தே₃வவ்ரதா தே₃வாந் பித்ரூந் யாந்தி பித்ருவ்ரதா꞉.
பூ₄தாநி யாந்தி பூ₄தேஜ்யா யாந்தி மத்₃யாஜிநோ(அ)பி மாம்..25..

பத்ரம் புஷ்பம் ப₂லம் தோயம் யோ மே ப₄க்த்யா ப்ரயச்ச₂தி.
தத₃ஹம் ப₄க்த்யுபஹ்ருதமஶ்நாமி ப்ரயதாத்மந꞉..26..

யத் கரோஷி யத₃ஶ்நாஸி யஜ்ஜுஹோஷி த₃தா₃ஸி யத்.
யத் தபஸ்யஸி கௌந்தேய தத் குருஷ்வ மத₃ர்பணம்..27..

ஶுபா₄ஶுப₄ப₂லைரேவம் மோக்ஷ்யஸே கர்மப₃ந்த₄நை꞉.
ஸந்ந்யாஸயோக₃யுக்தாத்மா விமுக்தோ மாமுபைஷ்யஸி..28..

ஸமோ(அ)ஹம் ஸர்வபூ₄தேஷு ந மே த்₃வேஷ்யோ(அ)ஸ்தி ந ப்ரிய꞉.
யே ப₄ஜந்தி து மாம் ப₄க்த்யா மயி தே தேஷு சாப்யஹம்..29..

அபி சேத் ஸுது₃ராசாரோ ப₄ஜதே மாமநந்யபா₄க்.
ஸாது₄ரேவ ஸ மந்தவ்ய꞉ ஸம்யக்₃வ்யவஸிதோ ஹி ஸ꞉..30..

க்ஷிப்ரம் ப₄வதி த₄ர்மாத்மா ஶஶ்வச்சா₂ந்திம் நிக₃ச்ச₂தி.
கௌந்தேய ப்ரதிஜாநீஹி ந மே ப₄க்த꞉ ப்ரணஶ்யதி..31..

மாம் ஹி பார்த₂ வ்யபாஶ்ரித்ய யே(அ)பி ஸ்யு꞉ பாபயோநய꞉.
ஸ்த்ரியோ வைஶ்யாஸ்ததா₂ ஶூத்₃ராஸ்தே(அ)பி யாந்தி பராம் க₃திம்..32..

கிம் புநர்ப்₃ராஹ்மணா꞉ புண்யா ப₄க்தா ராஜர்ஷயஸ்ததா₂.
அநித்யமஸுக₂ம் லோகமிமம் ப்ராப்ய ப₄ஜஸ்வ மாம்..33..

மந்மநா ப₄வ மத்₃ப₄க்தோ மத்₃யாஜீ மாம் நமஸ்குரு.
மாமேவைஷ்யஸி யுக்த்வைவமாத்மாநம் மத்பராயண꞉..34..

.. ஓம் தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃ ராஜவித்₃யாராஜகு₃ஹ்யயோகோ₃ நாம நவமோ(அ)த்₄யாய꞉ ..