.. Atha navamo'dhyaayah' ..
Om shree paramaatmane namah'
Shreebhagavaanuvaacha
Idam' tu te guhyatamam' pravakshyaamyanasooyave.
Jnyaanam' vijnyaanasahitam' yajjnyaatvaa mokshyase'shubhaat..1..
Raajavidyaa raajaguhyam' pavitramidamuttamam.
Pratyakshaavagamam' dharmyam' susukham' kartumavyayam..2..
Ashraddadhaanaah' purushaa dharmasyaasya parantapa.
Apraapya maam' nivartante mri'tyusam'saaravartmani..3..
Mayaa tatamidam' sarvam' jagadavyaktamoortinaa.
Matsthaani sarvabhootaani na chaaham' teshvavasthitah'..4..
Na cha matsthaani bhootaani pashya me yogamaishvaram.
Bhootabhri'nna cha bhootastho mamaatmaa bhootabhaavanah'..5..
Yathaakaashasthito nityam' vaayuh' sarvatrago mahaan.
Tathaa sarvaani bhootaani matsthaaneetyupadhaaraya..6..
Sarvabhootaani kaunteya prakri'tim' yaanti maamikaam.
Kalpakshaye punastaani kalpaadau visri'jaamyaham..7..
Prakri'tim' svaamavasht'abhya visri'jaami punah' punah'.
Bhootagraamamimam' kri'tsnamavasham' prakri'tervashaat..8..
Na cha maam' taani karmaani nibadhnanti dhananjaya.
Udaaseenavadaaseenamasaktam' teshu karmasu..9..
Mayaa'dhyakshena prakri'tih' sooyate sacharaacharam.
Hetunaa'nena kaunteya jagadviparivartate..10..
Avajaananti maam' mood'haa maanusheem' tanumaashritam.
Param' bhaavamajaananto mama bhootamaheshvaram..11..
Moghaashaa moghakarmaano moghajnyaanaa vichetasah'.
Raakshaseemaasureem' chaiva prakri'tim' mohineem' shritaah'..12..
Mahaatmaanastu maam' paartha daiveem' prakri'timaashritaah'.
Bhajantyananyamanaso jnyaatvaa bhootaadimavyayam..13..
Satatam' keertayanto maam' yatantashcha dri'd'havrataah'.
Namasyantashcha maam' bhaktyaa nityayuktaa upaasate..14..
Jnyaanayajnyena chaapyanye yajanto maamupaasate.
Ekatvena pri'thaktvena bahudhaa vishvatomukham..15..
Aham' kraturaham' yajnyah' svadhaa'hamahamaushadham.
Mantro'hamahamevaajyamahamagniraham' hutam..16..
Pitaa'hamasya jagato maataa dhaataa pitaamahah'.
Vedyam' pavitramonkaara ri'ksaama yajureva cha..17..
Gatirbhartaa prabhuh' saakshee nivaasah' sharanam' suhri't.
Prabhavah' pralayah' sthaanam' nidhaanam' beejamavyayam..18..
Tapaamyahamaham' varsham' nigri'nhaamyutsri'jaami cha.
Amri'tam' chaiva mri'tyushcha sadasachchaahamarjuna..19..
Traividyaa maam' somapaah' pootapaapaah'
Yajnyairisht'vaa svargatim' praarthayante.
Te punyamaasaadya surendralokam
Ashnanti divyaan divi devabhogaan..20..
Te tam' bhuktvaa svargalokam' vishaalam
Ksheene punye martyalokam' vishanti.
Evam' trayeedharmamanuprapannaah'
Gataagatam' kaamakaamaa labhante..21..
Ananyaashchintayanto maam' ye janaah' paryupaasate.
Teshaam' nityaabhiyuktaanaam' yogakshemam' vahaamyaham..22..
Ye'pyanyadevataabhaktaa yajante shraddhayaanvitaah'.
Te'pi maameva kaunteya yajantyavidhipoorvakam..23..
Aham' hi sarvayajnyaanaam' bhoktaa cha prabhureva cha.
Na tu maamabhijaananti tattvenaatashchyavanti te..24..
Yaanti devavrataa devaan pitree'n yaanti pitri'vrataah'.
Bhootaani yaanti bhootejyaa yaanti madyaajino'pi maam..25..
Patram' pushpam' phalam' toyam' yo me bhaktyaa prayachchhati.
Tadaham' bhaktyupahri'tamashnaami prayataatmanah'..26..
Yat karoshi yadashnaasi yajjuhoshi dadaasi yat.
Yat tapasyasi kaunteya tat kurushva madarpanam..27..
Shubhaashubhaphalairevam' mokshyase karmabandhanaih'.
Sannyaasayogayuktaatmaa vimukto maamupaishyasi..28..
Samo'ham' sarvabhooteshu na me dveshyo'sti na priyah'.
Ye bhajanti tu maam' bhaktyaa mayi te teshu chaapyaham..29..
Api chet suduraachaaro bhajate maamananyabhaak.
Saadhureva sa mantavyah' samyagvyavasito hi sah'..30..
Kshipram' bhavati dharmaatmaa shashvachchhaantim' nigachchhati.
Kaunteya pratijaaneehi na me bhaktah' pranashyati..31..
Maam' hi paartha vyapaashritya ye'pi syuh' paapayonayah'.
Striyo vaishyaastathaa shoodraaste'pi yaanti paraam' gatim..32..
Kim' punarbraahmanaah' punyaa bhaktaa raajarshayastathaa.
Anityamasukham' lokamimam' praapya bhajasva maam..33..
Manmanaa bhava madbhakto madyaajee maam' namaskuru.
Maamevaishyasi yuktvaivamaatmaanam' matparaayanah'..34..
.. Om' tatsaditi shreemadbhagavadgeetaasoopanishatsu brahmavidyaayaam' yogashaastre shreekri'shnaarjunasam'vaade raajavidyaaraajaguhyayogo naama navamo'dhyaayah' ..