స్కన్దపురాణాన్తర్గతమ్ శ్రీసూర్యసహస్రనామస్తోత్రమ్

స్కన్దపురాణాన్తర్గతమ్
శుక్లామ్బరధరం విష్ణుం శశివర్ణం చతుర్భుజమ్ .
ప్రసన్నవదనం ధ్యాయేత్ సర్వవిఘ్నోపశాన్తయే ..

శ్రీసూర్యవర్చా ఋషిః . శ్రీమదాదిత్యనారాయణో దేవతా బ్రహ్మవర్చస్వితా
మూలమితి బీజమ్ . సర్వపాపవినాశక ఇతి శక్తిః . అగ్నిశ్చ జాతవేదాశ్చేతి
పరమో మన్త్రః . హృద్రోగహారీతి కీలకమ్ . నిషఙ్గీ కవచీత్యస్త్రమ్ .
భక్తరక్షణతత్పర ఇతి కవచమ్ . శ్రీమదాదిత్యప్రసాదసిద్ధ్యర్థే

విభిన్న న్యాసాః -

మన్త్రో యన్త్రం తథా క్షేత్రమితి తర్జనీభ్యాం స్వాహా .
గాయత్రీవల్లభః ప్రాశురితి మధ్యమాభ్యాం వౌషట్ .
ఛన్దోమయః శాస్త్రమయ ఇత్యనామికాభ్యాం హుమ్ .
సుబ్రహ్మణ్యశ్చ సూరీన్ద్ర ఇతి కనిష్ఠికాభ్యాం వషట్ .
సురభూసురదత్తార్ఘ్యశుద్ధామ్బుగ్రహణేరత ఇతి
కరతలకరపృష్ఠాభ్యాం ఫట్ .
హృదయాదిన్యాసం చ ఏవం కుర్యాత్ ..

సూర్యదేవధ్యానమ్
ఆదిత్యస్త్వాదిదేవోఽయం భాస్కరో భవనాశనః .
విశ్వమూర్తిర్విశ్వనేతా చిన్మూర్తిశ్చిన్తితార్థదః ..

ఇతి త్రివారం పఠేత్ తత్స్సహస్రనామపారాయణం కృత్వా,
ఉత్తరన్యాసం కృత్వా ఆదిత్యాయార్పయేత్ ..

మణ్డలస్య చ విస్తారం నమస్కారవిధిం తతః .
పూజాక్రమవిశేషేణ శ్రుత్వా పునరభాషత .
సర్యవర్చా ఉవాచ -
భగవన్ సర్వతత్త్వజ్ఞ సర్వకర్మప్రవర్తక .
నామ్నాం సహస్రం దివ్యానాం శ్రోతుమిచ్ఛామ్యహం రవేః ..

బృహస్పతిరువాచ -
సూర్యవర్చః శృణు పరం సూర్యస్య చ మహాత్మనః .
ఉత్తమం నామసాహస్రం యత్తమస్తే నికృన్తతి ..

బృహస్పతిస్సభగవానిత్యుక్తసూర్యవర్చసమ్ .
ధ్యాత్వా నారాయణం దేవం భానుమణ్డలమధ్యగమ్ ..

ఓం ఆదిత్యశ్చాదిదేవోఽయం భాస్కరో భవనాశనః .
విశ్వమూర్తిర్విశ్వనేతా చిన్మూర్తిశ్చిన్తితార్థదః .. 1..

సద్యోజాతో వామదేవస్సర్వపాపవినాశకః .
వేద్యో వైద్యస్సదాయోగీ విశ్వకర్మా విభావసుః .. 2..

విరిఞ్చిర్విశ్రుతాత్మా చ విశ్వసర్గప్రవర్తకః .
విద్యాత్మా విషయజ్ఞశ్చ విశ్వాత్మా విశ్వపాపహా .. 3..

విదుషామీశ్వరో విద్వాన్విశ్వనేతా విశేషవిత్ .
వీరహా విషయశ్శూన్యో వాలఖిల్యాదివన్దితః .. 4..

వామనో వరదః ప్రాంశుర్వాసుదేవస్సనాతనః .
వాలఖిల్యపురోగశ్చ వారిదో వసుమాన్వసుః .. 5..

వరేణ్యో వాసుదేవశ్చ వసురేతా వసుప్రదః .
వాయుర్వాచస్పతిర్విశ్వం విష్ణుర్విశ్వామరేశ్వరః .. 6..

ఓఙ్కారశ్చ వషట్కారః సోమగ్రహపురోగమః .
గ్రహనక్షత్రమాలీ చ శింశుమారశరీరవాన్ .. 7..

శరణ్యశ్శఙ్కరశ్శమ్భుః కాలాత్మా కాన్తివర్ధనః ..

కామదేవః కామహర్తా విరాడ్వీరాసనస్థితః .. 8..

విస్తారభూమా భూతేశో విశ్వగుప్తనురీశ్వరః .
మన్దేహరిపురిన్దుశ్చ బిన్దుస్సున్దరవిగ్రహః .. 9..

సామగానప్రియస్సాధుస్సత్యసన్ధస్సదాశివః .
సమాత్మాసన్ధిరవ్యక్తం సామ్బస్సారసవర్ధనః .. 10..

సూదస్సూక్ష్మస్సూక్ష్మకాయస్సూక్ష్మదృక్సుదృగవ్యయః .
రథాఙ్గహేతిరమ్భోజవర్ధనః సర్వసమ్మతః .. 11..

వజ్రభృద్వత్సలో వాగ్మీ వాగీశో వాయువాహనః .
ధర్మాత్మాఽధర్మశత్రుశ్చ కర్మసాక్షీ పరన్తపః .. 12..

పఞ్చాననః పఞ్చమూర్తిః పఞ్చాఙ్గీ పాపభఞ్జనః .
పరాశరః పుణ్యమూర్తిః పురుహూతానుజః పరః .. 13..

సనాత్సర్వం సహస్సర్వస్సర్వగస్సర్వపోషకః .
సప్తాశ్వస్సప్తరజ్జుశ్చ సప్తైధాస్సప్తసారథిః .. 14..

సప్తప్రియస్సప్తదోగ్ధా ముఞ్జికేశో మురాన్తకః .
శుకశ్శుద్ధశ్శుభాచారస్సర్వబీజమనాయకః .. 15..

కర్తా వికర్తా గహనో కారణం కరణం మహత్ .
అకుణ్ఠవిక్రమశ్శౌరిర్వైకుణ్ఠో భగవాన్భవః .. 16..

భానుర్హంసస్సహస్రాంశుస్తపనస్సవితా పితా .
జాతుకర్ణో జయీ జ్యాయాన్ మీనాఙ్గీ సింహపాలకః .. 17..

ఏకోచ్చస్సప్తనీచశ్చ షట్పతిర్మానవల్లభః .
ఋతుస్సుదర్శనః కాలః కుఞ్జరాననపూజితః .. 18..

ద్విజోఽద్విజశ్శుచిర్ధీరః శ్రీమాన్ మూర్తిత్రయాత్మకః .
శివఙ్కరః శ్రీభూతేశస్సిన్ధురుచ్చైశ్శ్రవా హరిః .. 19..

ప్రద్మప్రబోధకః పద్మీ పద్మగర్భః ప్రభాకరః .
అహ్నామ్ప్రభుర్దినమణిదైతేయకులమృత్యుకృత్ .. 20..

కలా కాష్ఠా ముహూర్తాత్మా దినరాత్రిశరీరవాన్ .
పద్మాపతిః పరంధామ పరమాత్మా పరాయణమ్ .. 21..

నిదానం నిత్యమద్వైతం కేవలం ముక్తికారణమ్ .
సర్వభూతశరీరస్థం చైతన్యం బ్రహ్మనిర్గుణమ్ .. 22..

ఏకో నైకః కృతిశ్శాన్తిర్మతిర్బుద్ధిధృతిస్స్మృతిః .
మన్త్రో యన్త్రం తథాక్షేత్రం క్షేత్రజ్ఞోఽక్షరసంజ్ఞికః .. 23..

ఇన్ద్రియాణామధిష్ఠాతా తత్త్వం తత్పురుషాగ్రణీః .
అమాయీ మాయినామగ్ర్యో లోకస్వామీ స్వరాడ్గురుః .. 24..

ప్రాణదః ప్రణవః ప్రాణో ప్రాప్తిసాధనమమ్బరమ్ .
జగన్మిత్రం పవిత్రం చ దేవానామపిదైవతమ్ .. 25..

సిన్ధునిద్రాద్ధిరణ్యాఙ్గో సైంహికేయవిశోధితః .
విషువచ్చాయనం కాన్తిశ్చన్ద్రోత్పత్త్యయనం గ్రహః .. 26..

దిగీశో దేవవృన్దేశో నక్షత్రేశో ధనేశ్వరః .
సూర్యవర్చాస్సూరిరాద్యస్సూర్యాపతిరుమాధవః .. 27..

విభాకరో ద్వాదశాత్మా కపిలః కపిశిక్షకః .
కపితాతః కపిః పిఙ్గః పఙ్గుకాలపితా హరః .. 28..

వివిక్తస్సాగరస్సేతుస్తామ్రస్తామ్రరథో రథీ .
మేరుప్రభస్సుమేరుశ్చ బుధనున్నరథో భవః .. 29..

సహస్రప్రగ్రహో ధన్వీ మేధావీ శ్రుతిసాగరః .
భిషక్పితా భిషక్సారో భైషజం భవరోగహృత్ .. 30..

జన్మాదిశ్శాస్త్రయోనిశ్చ విజ్ఞానం జ్ఞానమేవ చ .
జ్ఞాతా జ్ఞేయం స్ఫుటస్ఫూర్తిరనీశో నాహవిర్నృపః .. 31..

అవిచ్ఛిన్నాన్వయశ్శాస్తా రామో రాజీవలోచనః .
గాయత్రీవల్లభః ప్రాంశుర్గేయో గాతా గుణార్ణవః .. 32..

సత్యమేధాస్సమామ్నాయస్సన్ధాతా కశ్యపాత్మజః .
సర్వధర్మమయస్సాక్షీ చిత్కూటనిలయోఽనలః .. 33..

చిరన్తనశ్చిదాత్మా చ వైశాఖశిఖివాహనః .
అశ్వత్థః కుశనాభశ్చ సామ్రాజ్యం జగదీశ్వరః .. 34..

దీప్తమూర్తిమహామూర్తిస్సుతపాః ఋతుభుక్పశుః .
యజ్వా జాజ్జ్వల్యదేహశ్చ శత్రుమణ్డలఖణ్డనః .. 35..

శరారుధ్వంసకశ్శాస్తా శాస్త్రయోనిర్నిరఞ్జనః .
అనిన్ద్యో నిన్ద్యవిధ్వంసీ విశ్వామిత్రవరప్రదః .. 36..

విధ్యర్థబోధకో భానుర్విన్ధ్యవీథీ ప్లవఙ్గమః .
తత్పదార్థోఽహంపదార్థస్తత్త్వమస్యర్థబోధకః .. 37..

త ఏతే త్వమహం దేవయక్షరక్షోభయఙ్కరః .
మృత్యుఞ్జయః పాకభేదీ సుషుమ్నాతాలశోభితః .. 38..

సహస్రారామ్బుజారూఢో కర్ణికామధ్యమణ్డపః .
గుహాశయశ్శివస్స్థాణుర్గోప్తా గుణపతిర్గిరిః .. 39..

గోమూర్తిస్సర్వదేవాత్మా సర్వసన్ధ్యాప్రవర్తకః .
జ్యోతిష్మానిన్ద్రశర్మా చ చిదానన్దో దిగమ్బరః .. 40..

కిరీటీ కవచీ ఖడ్గీ శఙ్ఖీ శార్ఙ్గీ చ పద్మకః .
వేత్రీ శూలీ నిషఙ్గీ చ తాపనస్తపతాం వరః .. 41..

శఙ్కరశ్చారుసర్వాఙ్గస్సర్వబన్ధవిమోచకః .
మహాత్మా చారుసర్వాఙ్గస్సర్వభూషణభూషితః .. 42..

భక్తేప్సితార్థసన్ధానకల్పవృక్షః కకుత్పతిః .
బన్ధూకకుసుమప్రఖ్యస్సర్వశస్త్రభృతాం వరః .. 43..

బ్రహ్మణ్యో బ్రాహ్మణో బ్రాహ్మీ రాజర్షిరమితప్రభః .
సనాతనవరస్సోమస్సర్వతత్త్వావలమ్బనః .. 44..

మహాపాతాలసమ్మాన్యో మానినామగ్రణీర్మహాన్ .
సిద్ధార్థకృత్సిద్ధగుహ్యః సిద్ధానాముత్తమాగతిః .. 45..

లోకనాథో విభానాథో మాఠరో మధువల్లభః .
తీక్ష్ణాంశుస్తీర్థగర్భశ్చ శ్వేతలోహితవాహనః .. 46..

కర్మ కర్మవిదాం నేతా సదావరణమణ్డలః .
సహస్రగురనన్తాత్మా విశిష్టశ్శిష్టపోషకః .. 47..

దివ్యమూర్తిర్దేవసింహో దివిషత్ప్రవరో దమః .
విశాలాక్షశ్శ్రీమూర్తిర్విశ్వభ్భరవిభావసుః .. 48..

మూర్ధన్వదిష్టదాయీ చ కృతిచిన్తానివర్తకః .
గన్ధర్వగణగోప్తా చ వస్వాదిగణవన్దితః .. 49..

గ్రహపో గ్రహనేతా చ గ్రన్ధిబన్ధవిభఞ్జనః .
గ్రసిష్ణుర్గ్రహగోప్తా చ గ్రాహీ గ్రాహ్యశరీరభాః .. 50..

తపస్వీ తాపసశ్శోచ్యో తరణిర్ద్యుమణిర్మణిః .
చిన్తామణిర్దినమణిర్జ్యోతిర్మణిరజేశ్వరః .. 51..

ఛన్దోమయశ్శాస్త్రమయస్సర్వకాన్తిఖనిర్మనుః .
అనూరుసారథిః పీలో పైప్పలో త్రివిలోచనః .. 52..

త్రిశిఖీ బ్రాహ్మణమయో జ్యోతిస్సిద్ధాన్తబోధనః .
త్రినామా త్రిశరీరశ్చ త్రికాణ్డశ్చణ్డదీధితిః .. 53..

ముక్తిద్వారం మునివరో మహోరస్కో మహామనాః .
అన్నపాత్రప్రదాతా చ విష్ణుచిన్తాపరః పుమాన్ .. 54..

ఆపదామపహర్తా చ రోగకాణ్డదవానలః .
నివృత్తాత్మా సమావృత్తో చక్షురిన్ద్రియదేవతా .. 55..

తపోమయస్తప్తతనుః పూషా పూషాదివన్దితః .
సర్వజన్తుశరణ్యశ్చ బహ్వృచో బహుదాయకః .. 56..

కృష్ణాత్మా కమనీయశ్చ సర్వవేదవిభాగకృత్ .
కర్ణో వికర్ణః కాన్తశ్చ బహుభోజీ బహుప్రియః .. 57..

దక్షిణో దక్షిణామూర్తిర్దయావాన్ దమ్భవర్జితః .
సద్భూతిః కోశగః కోశీ సర్వసిద్ధిపరాయణః .. 58..

శివదేహశ్శివాత్మా చ శివదేహశ్శివప్రదః .
వారాణసీవాసపరో హంసతీర్థప్రవర్తకః .. 59..

సూర్యలిఙ్గప్రతిష్ఠాతా సోమకాన్తివివర్ధనః .
సుగ్రహస్సుఖదస్సూక్ష్మస్ఖరసస్వారిత ఏవచ .. 60..

సఙ్ఖ్యావాన్సర్వసంసారీ సూరిః పరపురఞ్జయః .
కృతాగమః కృతవిధిః కృతశాస్త్రః కృతాహ్నికః .. 61..

రాజా రాజద్వితీయశ్చ గ్రహరాజః ప్రమాణవిత్ .
బాడవో బాడవామూలం హవ్యం కవ్యం పితృప్రియః .. 62..

సమాధివేత్తా సారార్థస్సారదృక్శారదాప్రియః .
రక్తపుష్పార్చనీయశ్చ రక్తగన్ధాక్షతప్రియః .. 63..

పరార్థ్యార్థ్యః పూర్ణకాన్తిః కృతతత్త్వార్థనిర్ణయః .
నిఖిలప్రాణనిలయో నిత్యమేరుప్రదక్షిణః .. 64..

పూర్ణః పూర్ణయితా పూజ్యః పరమాన్నకృతాదరః .
పరహింసాదిరహితో గురుమూర్తిర్గతిప్రదః .. 65..

గోపాలో లోకపాలశ్చ సర్వస్సర్వస్వమచ్యుతః .
మరుదీశో మరుచ్చక్షుర్మిత్రో హృత్తాపనాశకః .. 66..

హృద్రోగహారీ కౌమారీ హరిమాదివినాశకః .
ఉత్తరాం దివమారూఢో హారిద్రః కోకనాయకః .. 67..

హ్రీం బీజమధ్యనిలయో నవనాథవివర్ధనః .
యోగినీవన్ద్యచరణో బలిగ్రహణతత్పరః .. 68..

నిత్యకల్యాణనిలయో కల్యాణాచలసేవకః .
కల్యాణదానః కల్పాత్మాఽత్యుగ్రో రిపుభయఙ్కరః .. 69..

భూతికృద్భూతిభృద్భూతిర్భూతభావనపూర్వజః .
త్రియుగశ్చ త్రిపృష్ఠశ్చ త్రిపాన్మూర్తిత్రయాత్మకః .. 70..

సర్వవిఘ్నవినాశీ చ సర్వబన్ధవిమోచకః .
త్రిశిరాస్త్రిప్రలమ్బశ్చ త్రిదంష్ట్రస్త్రిచతుర్గతిః .. 71..

కుజమిత్రం పితృపతిః పితృకారక ఏవ చ .
శుభాఙ్గో లోకసారఙ్గస్సారఙ్గోఽరుణసారథిః .. 72..

పుణ్యశ్లోకః పుణ్యదాయీ పుణ్యకారీ పురాతనః .
విజయో విష్ణురాజశ్చ విష్ణురాతో భవాదిహృత్ .. 73..

వదాన్యశ్చ విరాడ్రూపీ విద్యానాథో విధిర్విధుః .
ప్రశస్తగుణసిన్ధుశ్చ బన్ధుర్వేదాన్తవేదినామ్ .. 74..

తత్త్వార్థమాతా తామ్రాశ్వస్తరుణస్తడిదుజ్జ్వలః .
తీర్ణదుఃఖస్తీవ్రవేగో చన్దనద్యుతిరాత్మవాన్ .. 75..

అర్కపర్ణస్నానతోషీ వీతిహోత్రాదిదైవతః .
ఏకాక్షశ్చైకచక్రశ్చ స్వతేజోభాస్స్వయమ్ప్రభః .. 76..

పరాగతిః పిణ్డజానామణ్డజానాం భయావహః .
క్రూరవ్రతః క్రూరకల్పో తామసః పరవీరహా .. 77..

షట్పల్లవవిధానజ్ఞష్షట్పల్లవవరప్రదః .
శ్రుతిపాదపసఞ్చారీ కోకిలః కమలాశ్రయః .. 78..

కుష్ఠవ్యాధివినాశీ చ దుష్టపీడానిబర్హణః .
ధృతపద్మద్వయో యోద్ధా తేజోమణ్డలమధ్యగః .. 79..

సర్వాధివ్యాధిశమనో సర్వతాపాలితాపనః .
సర్వసాక్షీ సదుదయః స్వాష్టాక్షర్యధిదేవతా .. 80..

స్ఫోటాదిదోషహారీ చ గుల్మదుఃఖప్రభఞ్జనః .
యోజనార్బుదసఞ్చారీ సాలోక్యాదిప్రదః పితా .. 81..

ఖేటః కృపీటదాయీ చ నగ్నో నలినవల్లభః .
కున్తీప్రసన్నః కౌబేరః శ్రీవక్షాః శ్రీనికేతనః .. 82..

అరుణోఽరుణకేతుశ్చ యుద్ధప్రేతగతిప్రదః .
సంజ్ఞామనోనుకూలశ్చ మహేన్ద్రకృతపూజనః .. 83..

గరుడాగ్రజసూతశ్చ సస్యాలిసుహృదూర్మికృత్ .
గోధూమధాన్యనాథశ్చ వర్తులాకారమణ్డలః .. 84..

రుద్రప్రత్యధిదేవశ్చ హస్తనక్షత్రనాయకః .
గుఞ్జాపుఞ్జప్రతీకాశః పవిత్రీకృతవృత్రహా .. 85..

కాలిన్దీజనకశ్చైవ గోబ్రాహ్మణహితే రతః .
ఇన్ద్రో వృద్ధశ్రవాః పూషా విశ్వవేదాః ప్రజాపతిః .. 86..

అగ్నిర్వాయుశ్చ సూర్యశ్చ వాయ్వశ్వో రశ్మిపాలకః .
మరీచ్యాత్మా భువనసూరద్రోహీ పుత్రదాయకః .. 87..

మహానామ్నీవ్రతహితో మహామానోపరాక్షసః .
ఆదిత్యోఽదితిదేవశ్చ దితిదేవో దివస్పతిః .. 88..

వ్యోమసన్దృగ్విమానస్థో సుమృడీకస్సరోవిభుః ..

స్మృతిప్రత్యక్షమైతిహ్యమనుమానం విధాయకః .. 89..

సతైస్సర్వైస్సమావిష్టోఽణుర్మహానధివత్సరః .
పటరో విక్లిధః పిఙ్గః ప్రదర్శీ చోపదర్శకః .. 90..

నానాముఖశ్చైవ శీర్షో ఋతులక్షణలక్షితః .
శుక్లాత్మా దక్షిణః పక్షః కృష్ణాత్మా వామపక్షకః .. 91..

అహోద్యౌర్విషురూపీ చ విశ్వావనవిశేషవిత్ .
అపశుశ్చాపశుఘ్నశ్చ నపశుః పశుపాలకః .. 92..

సంవత్సరప్రియతమః ప్రత్యక్షజ్ఞేయమణ్డలః .
షడుద్యమస్సప్తయాత్రో వినాదీ చాభిధావకః .. 93..

షష్టివల్గస్సార్ష్టికశ్చ ప్రైషకృత్ప్రథమస్స్మృతః .
అఘోరాక్షస్సదోనాదీ వాక్ప్రయోజక ఏవ చ .. 94..

సంవత్సరీణః కర్మఫలపద్మాపీత ఇవోజ్జ్వలః .
కనకోజ్జ్వలవాసాశ్చ అహతామ్బర ఏవ చ .. 95..

కపర్దీ విశిఖశ్చైవ వాతవాన్మరుతాం ముఖమ్ .
క్షపణో యోత్స్యమానశ్చ హేమచక్షురకోపనః .. 96..

అపధ్వస్తశ్చ సన్నద్ధస్సహదృగ్జీవనప్రదః .
న దేవో న మనుష్యశ్చ నాగ్నిర్నేన్ద్రో న మారుతః .. 97..

నోపమో రుద్రధన్వా చ కర్మబ్రహ్మప్రపఞ్చకః .
ఋతుభిస్సన్నుతస్స్వామీ సర్వకామధుగవ్యయః .. 98..

ఆరోగ్యస్థానభా భ్రాజః పటరస్థానభా అపి .
సప్తసూర్యార్పితశ్చైవ కశ్యపో మేర్వమోచకః .. 99..

వాత్స్యాయనః పఞ్చకర్ణో సప్తహోతా చ ఋక్పతిః .
తస్థివాఞ్జగదాత్మా చ వైశమ్పాయన ఏవ చ .. 100..

అనమ్భా అమ్భసాం మూలమగ్నివాయుపరాయణమ్ .
కశ్యపస్యాతిథిశ్చైవ సిద్ధాగమన ఏవ చ .. 101..

నమ ఉక్తిప్రియః పుణ్యో అజిరాప్రభురేవ చ .
నర్యాపాః పఙ్క్తిరాధాశ్చ విసర్పీ నీలలోహితః .. 102..

నీలార్చిః పీతకార్చిశ్చ వాయురేకాదశాత్మకః .
వాసుకివైద్యుతశ్చైవ రజతః పరుషాదికః .. 103..

నాసత్యజనకశ్చైవ శామ్బరశ్చాపపూరుషః .
సుబ్రహ్మణ్యశ్చ సూరీన్ద్రో గౌతమః కౌశికీపతిః .. 104..

అగ్నిశ్చ జాతవేదాశ్చ సహోజా అజిరాప్రభుః .
కః కిం కం తత్సత్యమన్నమమృతో జీవ ఏవ చ .. 105..

వ్యయజన్మానుజన్మోఽగ్రస్సప్తసప్తకదృష్టిభాక్ .
భానుర్విధుశ్చ భౌమశ్చ చన్ద్రసూనుశ్చ గీష్పతిః .. 106..

ఉశనా సూర్యసూనుశ్చ తమః కేతుస్తథాద్రిభృత్ .
అర్ధప్రహారో గులికో యమకణ్టక ఏవ చ .. 107..

కారకో మారకశ్చాపి పోషకస్తోషకస్తథా .
పశ్చాల్లత్తః పురోలత్తః పార్శ్వలత్తస్తథైవ చ .. 108..

ఆకాశగ్రహసంసేవ్యో ధూమకేతువిజృమ్భణః .
భూకమ్పనాదిహేతుశ్చ రక్తవృష్టివిధాయకః .. 109..

గర్జన్ పర్జన్యరూపీ చ దుర్జయో దురతిక్రమః .
నిర్జరారాధ్యచరణో జరామరణవర్జితః .. 110..

వియద్గమనజఙ్ఘాలో వీతిహోత్రసమప్రభః .
విరిఞ్చిగర్భసమ్భూతో విషవ్యాలవినాశకృత్ .. 111..

శ్రీపుష్టికీర్తిసన్దాయీ నమతాం నమనప్రియః .
వేదాధ్యయనసమ్పన్నో వేదాన్తేషు చ నిష్ఠితః .. 112..

శబ్దశాస్త్రప్రణేతా చ శబ్దబ్రహ్మమయః పరః .
అర్థబ్రహ్మమయోఽర్థార్థీ స్వార్థినామర్థదాయకః .. 113..

జపయజ్ఞస్తపోయజ్ఞో దానయజ్ఞస్తథైవ చ .
స్వాధ్యాయయజ్ఞో ధర్మజ్ఞో నీతిజ్ఞో విజ్ఞ ఏవ చ .. 114..

గుహాశాయీ గుహాభేదీ సాక్షాన్మన్మథమన్మథః .
మఞ్జుదేహో మఞ్జుకాన్తిర్మహిమాతిశయోజ్జ్వలః .. 115..

మిత్రవిన్దావన్ద్యపాదో మునివృన్దావనే హితః .
బ్రహ్మచారీ సుమేధాశ్చ ఊర్ధ్వరేతాస్తపోమయః .. 116..

ఐఙ్కారనిలయో వాగ్మీ వాగర్థప్రద ఏవ చ .
హ్రీఙ్కారనిలయో మాయీ ఇన్ద్రజాలాదితత్త్వవిత్ .. 117..

శ్రీఙ్కారనిలయశ్శ్రీమాన్ ధనదో ధనవర్ధనః .
శ్రీచక్రరాజనిలయః శ్రీదేవీకర్ణభూషణమ్ .. 118..

క్లీఙ్కారమధ్యనిలయః కామరాజవశఙ్కరః .
సౌశ్శక్తిసహితో జ్ఞానదానదక్షః ప్రకాశకః .. 119..

పరమాత్మాన్తరాత్మా చ జీవాత్మా చ నియామకః .
హృదయగ్రన్థిభేత్తా చ సర్వసంశయనాశనః .. 120..

బ్రహ్మవ్యాఖ్యాననిపుణో యజ్ఞదీక్షాధురన్ధరః .
దౌర్భాగ్యతూలవాతూలో జరాధ్వాన్తనివర్తకః .. 121..

ద్వైతమోహవినాశీ చ భేదవాదివిభేదనః .
వీరభద్రమతధ్వంసీ వీరారాధ్యనిబర్హణః .. 122..

కాపాలిమతకోపీ చ మీమాంసాన్యాయతత్పరః .
కార్తాన్తికవరస్సర్వకార్తాన్తికపరాయణః .. 123..

జఙ్గమాజఙ్గమమయో జానకీపూజితః పురా .
ఇక్ష్వాకువంశనాథశ్చ ఇన్దిరాస్థానసున్దరః .. 124..

విద్యావినయవిజ్ఞాన త్రయీతాణ్డవమణ్డపః .
రామచన్ద్రకులామ్భోధిః కామినీకామదాయకః .. 125..

సఙ్గీతశాస్త్రనిపుణః సర్వవిద్యాప్రవర్తకః .
రాజగ్రహోఽధికారీ చ రాజరాజేశ్వరీప్రియః .. 126..

రాజ్యం భౌజ్యం చ సామ్రాజ్యం వైరాజ్యం రాజ్యమేవ చ .
గౌః పఞ్చగవ్యం శుద్ధాత్మా చాన్ద్రాయణఫలప్రదః .. 127..

కృచ్ఛ్రాదిఫలదాయీ చ దారిద్ర్యభయనాశనః .
దుఃఖార్ణవోత్తారకశ్చ దురితవాతఖణ్డనః .. 128..

బ్రహ్మహత్యాదివిధ్వంసీ భ్రూణహత్యానిబర్హణః .
గురుద్రోహాదిశమనో మాతృగామివధోద్యతః .. 129..

పఞ్చాస్త్రశస్త్రమేఘాలిఝఞ్ఝావాతో ఝషాదికః .
చిత్రగుర్దానశౌణ్డశ్చ సింహసంహననో యువా .. 130..

వైధవ్యబాధాశమనో విధవానాం గతిప్రదః .
రజోదోషవినాశీ చ కృతపక్వాన్నగర్హణః .. 131..

పట్టాభిషిక్తభక్తాలిర్దుష్టమత్తేభకేసరీ .
అనర్గలగతిగూఢో గోమతీతీరపుణ్యకృత్ .. 132..

జరాయుదోషహారీ చ పూర్ణాయుర్యోగకారకః .
భక్తాబ్జపూర్ణచన్ద్రశ్చ ధర్మమార్గప్రవర్తకః .. 133..

సౌవర్గసుఖహేతుశ్చ నిరయధ్వంసదీక్షితః .
భ్రమన్మణ్డలసంస్థానో భ్రాన్తిపిత్తాదిరోగహృత్ .. 134..

మేహాదిరోగశమనో పాణ్డుక్షయవినాశనః .
పాపవేతాలమన్త్రజ్ఞో పాపకృజ్జనదుర్లభః .. 135..

జ్వరాదిదోషదూరశ్చ విజ్వరీకృతభూసురః .
మోక్షనిశ్రేణికాసాక్షీ దాక్షాయణ్యాదిసేవకః .. 136..

భావుకో భద్రకరుణమశ్వినీపుష్కరోజ్జ్వలః .
ప్రశస్తవాన్నిస్తులన ప్రబన్ధశతకల్పనః .. 137..

భూనేతా భూధరో భోగీ భాగ్యదాయీ భవప్రియః .
కర్మన్దీ వలలః క్లీబః పశుపాలోఽశ్వపాలకః .. 138..

శనిపీడావినాశీ చ కృత్యాదోషనిబర్హణః .
ఆభిచారికవిధ్వంసీ గదావనదవానలః .. 139..

జపపూజార్చనరతో నారాయణపదం పరమ్ .
పాపపాషాణదలనటఙ్కీకృతకరావలిః .. 140..

మోక్షలక్ష్మీకవాటశ్చ మాతృకావర్ణమణ్డనః .
అకారాదిక్షకారాన్తవర్ణమాలావిభూషణః .. 141..

అనుస్వారాదిసఙ్ఖ్యాత్మా స్వరో వ్యఞ్జన ఏవ చ .
సర్వార్థదస్సర్వకర్మసర్వకార్యప్రకాశకః .. 142..

పఞ్చవింశతితత్త్వస్థః పఞ్చబ్రహ్మసముద్భవః .
పారమార్థికసన్దాయీ పఙ్గ్వాదిగతిదాయకః .. 143..

సఫలీకృతపూజార్థో విఫలీకృతదుష్కృతిః .
శ్రుతిస్మృతిసమామ్నాతస్మార్తకర్మప్రకాశకః .. 144..

యజ్ఞోపవీతధారీ చ యాజ్ఞవల్క్యాదివన్దితః .
సుషుమ్నాయోగమధ్యస్థో లమ్బికాయోగసాధనః .. 145..

సాలమ్బనోద్దీపనాదిక్రియాబీజం మహామనుః .
కల్పాతిశాయిసఙ్కల్పో వికల్పవిధివర్జితః .. 146..

అనల్పమూర్తిరశ్వాత్మా స్వాత్మానన్దవిధాయకః .
ఆత్మానాత్మవివేకజ్ఞో నిరావరణబోధనః .. 147..

నిదానభూతస్తత్త్వానాం నిత్యకల్యాణసున్దరః .
శాన్తరక్షణనిర్నిద్రః శ్రుతిస్మృతిశుభద్రుమః .. 148..

ఆలాపీకృతవేదాఙ్గో మాలాలఙ్కృతకన్ధరః .
రుద్రాక్షకఙ్కణలసత్కరో రుద్రజపప్రియః .. 149..

సదాశివపరబ్రహ్మస్థానం శ్రీశమ్భువిగ్రహః .
మూలాధారామ్బుజారూఢో దహరాకాశమధ్యగః .. 150..

సహస్రారామ్బుజారూఢో జ్ఞానడోలావిలాసవాన్ .
వేలోల్లఙ్ఘనసామర్థ్యో వేత్తా నిర్వృతిదాయకః .. 151..

సురభూసురదత్తార్ఘ్యశుద్ధామ్బుగ్రహణే రతః .
బ్రహ్మవర్చస్వితామూలం బ్రహ్మశ్రీసూర్యవిగ్రహః .. 152..

ఫలశ్రుతిః -
ఇతి నామాని గౌణాని భాస్కరస్య మహాత్మనః .
కానిచిద్వర్ణితాన్యత్ర దేవస్యానన్తరూపిణః .. 153..

సూర్యవర్చః కృతార్థోఽసి త్వమద్య న హి సంశయః .
దివ్యానామపి యన్నామ్నాం సహస్రమనుకీర్తితమ్ .. 154..

ఏతస్య శ్రవణాదేవ కీర్తనాజ్జీవకోటయః .
తరన్తి దుస్తరం ఘోరం సంసారం నాత్ర సంశయః .. 155..

యశ్శృణోతి సదా నామ్నాం సహస్రం భాస్కరస్య చ .
విద్యాకామో లభేద్విద్యామర్థార్థీ సార్థకో భవేత్ .. 156..

అనపత్యో లభేత్పుత్రమరాజా రాజ్యమాప్నుయాత్ .
గ్రహపీడా వినశ్యన్తి నశ్యన్తి బ్రహ్మరాక్షసాః .. 157..

ఆరోగ్యమాప్నుయాద్రోగీ కామీ కామానవాప్నుయాత్ .
కిమత్ర బహునోక్తేన సర్వసిద్ధిర్భవిష్యతి .. 158..

ధర్మార్థకామమోక్షాణాం సాధనం సర్వసమ్మతమ్ .
శ్రుతిస్మృతిపురాణాదిసారార్థకృతనిర్ణయమ్ .. 159..

నామ్నాం సహస్రం యో భకయా పఠేన్నియతమానసః .
సిధ్యన్తి సర్వధర్మార్థాస్తస్య నైవాత్ర సంశయః .. 160..

విశ్వావసురువాచ -
నారాయణ నమస్తేఽస్తు భానుమణ్డలమధ్యగ .
కర్మణామపి ధర్మాణాం సాక్షీ త్వం బ్రహ్మ నిర్మలమ్ .. 161..

అనన్తోఽనన్తనామా చ శ్రీమాన్ లోకత్రయేశ్వరః .
విభూతిః కేన వా జ్ఞేయా జ్యోతిషామయనస్య చ .. 162..

గన్ధర్వా ఊచుః -
సూర్య ఆత్మాఽస్య జగతస్తస్థుషశ్చ త్వమేవ హి .
త్వామృతే నహి పశ్యామో జన్తూనాం శరణం కలౌ .. 163..

వాలఖిల్యా ఊచుః -
యః కర్మసాక్షీ విదుషాం వరేణ్యం భర్గశ్చ సూతే సవితా జగచ్చ .
యో వృష్టిదాయీ తపనశ్చ పుష్టిదస్తమేవ దేవం గతిమామనామ .. 164..

వైఖానసా ఊచుః -
కలాశ్చేన్దోః కలాస్సర్వాః కలాభిశ్చ ప్రపఞ్చితాః .
తమేవ కలయామోఽద్య చక్షుషో రతిదైవతమ్ .. 165..

వైష్ణవా ఊచుః -
నారాయణాశ్రయో మర్త్యో నారాయణపరాయణః .
సర్వత్ర విజయీ భూయాత్స ఏవ సవితా స్వయమ్ .. 166..

రుద్రగణా ఊచుః -
అష్టమూర్తేరియం మూర్తిరేకా దీప్తిమయీ యతః .
ఏనం భజామ లోకేశం భానుమణ్డలమధ్యగమ్ .. 167..

శ్రీసూత ఉవాచ -
బృహస్పతిస్సురాచార్యః కృపయా పరయా ముదా .
సూర్యవర్చసమిత్యుక్త్వా విరరామోమితి స్వయమ్ .. 168..

వ్యాసప్రసాదాచ్ఛ్రుతవానహమేతన్మహర్షయః! .
భవన్తస్సర్వధర్మార్థసిద్ధ్యై నిత్యం పఠన్తివదమ్ .. 169..