ಸ್ಕನ್ದಪುರಾಣಾನ್ತರ್ಗತಮ್ ಶ್ರೀಸೂರ್ಯಸಹಸ್ರನಾಮಸ್ತೋತ್ರಮ್

ಸ್ಕನ್ದಪುರಾಣಾನ್ತರ್ಗತಮ್
ಶುಕ್ಲಾಮ್ಬರಧರಂ ವಿಷ್ಣುಂ ಶಶಿವರ್ಣಂ ಚತುರ್ಭುಜಮ್ .
ಪ್ರಸನ್ನವದನಂ ಧ್ಯಾಯೇತ್ ಸರ್ವವಿಘ್ನೋಪಶಾನ್ತಯೇ ..

ಶ್ರೀಸೂರ್ಯವರ್ಚಾ ಋಷಿಃ . ಶ್ರೀಮದಾದಿತ್ಯನಾರಾಯಣೋ ದೇವತಾ ಬ್ರಹ್ಮವರ್ಚಸ್ವಿತಾ
ಮೂಲಮಿತಿ ಬೀಜಮ್ . ಸರ್ವಪಾಪವಿನಾಶಕ ಇತಿ ಶಕ್ತಿಃ . ಅಗ್ನಿಶ್ಚ ಜಾತವೇದಾಶ್ಚೇತಿ
ಪರಮೋ ಮನ್ತ್ರಃ . ಹೃದ್ರೋಗಹಾರೀತಿ ಕೀಲಕಮ್ . ನಿಷಙ್ಗೀ ಕವಚೀತ್ಯಸ್ತ್ರಮ್ .
ಭಕ್ತರಕ್ಷಣತತ್ಪರ ಇತಿ ಕವಚಮ್ . ಶ್ರೀಮದಾದಿತ್ಯಪ್ರಸಾದಸಿದ್ಧ್ಯರ್ಥೇ

ವಿಭಿನ್ನ ನ್ಯಾಸಾಃ -

ಮನ್ತ್ರೋ ಯನ್ತ್ರಂ ತಥಾ ಕ್ಷೇತ್ರಮಿತಿ ತರ್ಜನೀಭ್ಯಾಂ ಸ್ವಾಹಾ .
ಗಾಯತ್ರೀವಲ್ಲಭಃ ಪ್ರಾಶುರಿತಿ ಮಧ್ಯಮಾಭ್ಯಾಂ ವೌಷಟ್ .
ಛನ್ದೋಮಯಃ ಶಾಸ್ತ್ರಮಯ ಇತ್ಯನಾಮಿಕಾಭ್ಯಾಂ ಹುಮ್ .
ಸುಬ್ರಹ್ಮಣ್ಯಶ್ಚ ಸೂರೀನ್ದ್ರ ಇತಿ ಕನಿಷ್ಠಿಕಾಭ್ಯಾಂ ವಷಟ್ .
ಸುರಭೂಸುರದತ್ತಾರ್ಘ್ಯಶುದ್ಧಾಮ್ಬುಗ್ರಹಣೇರತ ಇತಿ
ಕರತಲಕರಪೃಷ್ಠಾಭ್ಯಾಂ ಫಟ್ .
ಹೃದಯಾದಿನ್ಯಾಸಂ ಚ ಏವಂ ಕುರ್ಯಾತ್ ..

ಸೂರ್ಯದೇವಧ್ಯಾನಮ್
ಆದಿತ್ಯಸ್ತ್ವಾದಿದೇವೋಽಯಂ ಭಾಸ್ಕರೋ ಭವನಾಶನಃ .
ವಿಶ್ವಮೂರ್ತಿರ್ವಿಶ್ವನೇತಾ ಚಿನ್ಮೂರ್ತಿಶ್ಚಿನ್ತಿತಾರ್ಥದಃ ..

ಇತಿ ತ್ರಿವಾರಂ ಪಠೇತ್ ತತ್ಸ್ಸಹಸ್ರನಾಮಪಾರಾಯಣಂ ಕೃತ್ವಾ,
ಉತ್ತರನ್ಯಾಸಂ ಕೃತ್ವಾ ಆದಿತ್ಯಾಯಾರ್ಪಯೇತ್ ..

ಮಣ್ಡಲಸ್ಯ ಚ ವಿಸ್ತಾರಂ ನಮಸ್ಕಾರವಿಧಿಂ ತತಃ .
ಪೂಜಾಕ್ರಮವಿಶೇಷೇಣ ಶ್ರುತ್ವಾ ಪುನರಭಾಷತ .
ಸರ್ಯವರ್ಚಾ ಉವಾಚ -
ಭಗವನ್ ಸರ್ವತತ್ತ್ವಜ್ಞ ಸರ್ವಕರ್ಮಪ್ರವರ್ತಕ .
ನಾಮ್ನಾಂ ಸಹಸ್ರಂ ದಿವ್ಯಾನಾಂ ಶ್ರೋತುಮಿಚ್ಛಾಮ್ಯಹಂ ರವೇಃ ..

ಬೃಹಸ್ಪತಿರುವಾಚ -
ಸೂರ್ಯವರ್ಚಃ ಶೃಣು ಪರಂ ಸೂರ್ಯಸ್ಯ ಚ ಮಹಾತ್ಮನಃ .
ಉತ್ತಮಂ ನಾಮಸಾಹಸ್ರಂ ಯತ್ತಮಸ್ತೇ ನಿಕೃನ್ತತಿ ..

ಬೃಹಸ್ಪತಿಸ್ಸಭಗವಾನಿತ್ಯುಕ್ತಸೂರ್ಯವರ್ಚಸಮ್ .
ಧ್ಯಾತ್ವಾ ನಾರಾಯಣಂ ದೇವಂ ಭಾನುಮಣ್ಡಲಮಧ್ಯಗಮ್ ..

ಓಂ ಆದಿತ್ಯಶ್ಚಾದಿದೇವೋಽಯಂ ಭಾಸ್ಕರೋ ಭವನಾಶನಃ .
ವಿಶ್ವಮೂರ್ತಿರ್ವಿಶ್ವನೇತಾ ಚಿನ್ಮೂರ್ತಿಶ್ಚಿನ್ತಿತಾರ್ಥದಃ .. ೧..

ಸದ್ಯೋಜಾತೋ ವಾಮದೇವಸ್ಸರ್ವಪಾಪವಿನಾಶಕಃ .
ವೇದ್ಯೋ ವೈದ್ಯಸ್ಸದಾಯೋಗೀ ವಿಶ್ವಕರ್ಮಾ ವಿಭಾವಸುಃ .. ೨..

ವಿರಿಞ್ಚಿರ್ವಿಶ್ರುತಾತ್ಮಾ ಚ ವಿಶ್ವಸರ್ಗಪ್ರವರ್ತಕಃ .
ವಿದ್ಯಾತ್ಮಾ ವಿಷಯಜ್ಞಶ್ಚ ವಿಶ್ವಾತ್ಮಾ ವಿಶ್ವಪಾಪಹಾ .. ೩..

ವಿದುಷಾಮೀಶ್ವರೋ ವಿದ್ವಾನ್ವಿಶ್ವನೇತಾ ವಿಶೇಷವಿತ್ .
ವೀರಹಾ ವಿಷಯಶ್ಶೂನ್ಯೋ ವಾಲಖಿಲ್ಯಾದಿವನ್ದಿತಃ .. ೪..

ವಾಮನೋ ವರದಃ ಪ್ರಾಂಶುರ್ವಾಸುದೇವಸ್ಸನಾತನಃ .
ವಾಲಖಿಲ್ಯಪುರೋಗಶ್ಚ ವಾರಿದೋ ವಸುಮಾನ್ವಸುಃ .. ೫..

ವರೇಣ್ಯೋ ವಾಸುದೇವಶ್ಚ ವಸುರೇತಾ ವಸುಪ್ರದಃ .
ವಾಯುರ್ವಾಚಸ್ಪತಿರ್ವಿಶ್ವಂ ವಿಷ್ಣುರ್ವಿಶ್ವಾಮರೇಶ್ವರಃ .. ೬..

ಓಙ್ಕಾರಶ್ಚ ವಷಟ್ಕಾರಃ ಸೋಮಗ್ರಹಪುರೋಗಮಃ .
ಗ್ರಹನಕ್ಷತ್ರಮಾಲೀ ಚ ಶಿಂಶುಮಾರಶರೀರವಾನ್ .. ೭..

ಶರಣ್ಯಶ್ಶಙ್ಕರಶ್ಶಮ್ಭುಃ ಕಾಲಾತ್ಮಾ ಕಾನ್ತಿವರ್ಧನಃ ..

ಕಾಮದೇವಃ ಕಾಮಹರ್ತಾ ವಿರಾಡ್ವೀರಾಸನಸ್ಥಿತಃ .. ೮..

ವಿಸ್ತಾರಭೂಮಾ ಭೂತೇಶೋ ವಿಶ್ವಗುಪ್ತನುರೀಶ್ವರಃ .
ಮನ್ದೇಹರಿಪುರಿನ್ದುಶ್ಚ ಬಿನ್ದುಸ್ಸುನ್ದರವಿಗ್ರಹಃ .. ೯..

ಸಾಮಗಾನಪ್ರಿಯಸ್ಸಾಧುಸ್ಸತ್ಯಸನ್ಧಸ್ಸದಾಶಿವಃ .
ಸಮಾತ್ಮಾಸನ್ಧಿರವ್ಯಕ್ತಂ ಸಾಮ್ಬಸ್ಸಾರಸವರ್ಧನಃ .. ೧೦..

ಸೂದಸ್ಸೂಕ್ಷ್ಮಸ್ಸೂಕ್ಷ್ಮಕಾಯಸ್ಸೂಕ್ಷ್ಮದೃಕ್ಸುದೃಗವ್ಯಯಃ .
ರಥಾಙ್ಗಹೇತಿರಮ್ಭೋಜವರ್ಧನಃ ಸರ್ವಸಮ್ಮತಃ .. ೧೧..

ವಜ್ರಭೃದ್ವತ್ಸಲೋ ವಾಗ್ಮೀ ವಾಗೀಶೋ ವಾಯುವಾಹನಃ .
ಧರ್ಮಾತ್ಮಾಽಧರ್ಮಶತ್ರುಶ್ಚ ಕರ್ಮಸಾಕ್ಷೀ ಪರನ್ತಪಃ .. ೧೨..

ಪಞ್ಚಾನನಃ ಪಞ್ಚಮೂರ್ತಿಃ ಪಞ್ಚಾಙ್ಗೀ ಪಾಪಭಞ್ಜನಃ .
ಪರಾಶರಃ ಪುಣ್ಯಮೂರ್ತಿಃ ಪುರುಹೂತಾನುಜಃ ಪರಃ .. ೧೩..

ಸನಾತ್ಸರ್ವಂ ಸಹಸ್ಸರ್ವಸ್ಸರ್ವಗಸ್ಸರ್ವಪೋಷಕಃ .
ಸಪ್ತಾಶ್ವಸ್ಸಪ್ತರಜ್ಜುಶ್ಚ ಸಪ್ತೈಧಾಸ್ಸಪ್ತಸಾರಥಿಃ .. ೧೪..

ಸಪ್ತಪ್ರಿಯಸ್ಸಪ್ತದೋಗ್ಧಾ ಮುಞ್ಜಿಕೇಶೋ ಮುರಾನ್ತಕಃ .
ಶುಕಶ್ಶುದ್ಧಶ್ಶುಭಾಚಾರಸ್ಸರ್ವಬೀಜಮನಾಯಕಃ .. ೧೫..

ಕರ್ತಾ ವಿಕರ್ತಾ ಗಹನೋ ಕಾರಣಂ ಕರಣಂ ಮಹತ್ .
ಅಕುಣ್ಠವಿಕ್ರಮಶ್ಶೌರಿರ್ವೈಕುಣ್ಠೋ ಭಗವಾನ್ಭವಃ .. ೧೬..

ಭಾನುರ್ಹಂಸಸ್ಸಹಸ್ರಾಂಶುಸ್ತಪನಸ್ಸವಿತಾ ಪಿತಾ .
ಜಾತುಕರ್ಣೋ ಜಯೀ ಜ್ಯಾಯಾನ್ ಮೀನಾಙ್ಗೀ ಸಿಂಹಪಾಲಕಃ .. ೧೭..

ಏಕೋಚ್ಚಸ್ಸಪ್ತನೀಚಶ್ಚ ಷಟ್ಪತಿರ್ಮಾನವಲ್ಲಭಃ .
ಋತುಸ್ಸುದರ್ಶನಃ ಕಾಲಃ ಕುಞ್ಜರಾನನಪೂಜಿತಃ .. ೧೮..

ದ್ವಿಜೋಽದ್ವಿಜಶ್ಶುಚಿರ್ಧೀರಃ ಶ್ರೀಮಾನ್ ಮೂರ್ತಿತ್ರಯಾತ್ಮಕಃ .
ಶಿವಙ್ಕರಃ ಶ್ರೀಭೂತೇಶಸ್ಸಿನ್ಧುರುಚ್ಚೈಶ್ಶ್ರವಾ ಹರಿಃ .. ೧೯..

ಪ್ರದ್ಮಪ್ರಬೋಧಕಃ ಪದ್ಮೀ ಪದ್ಮಗರ್ಭಃ ಪ್ರಭಾಕರಃ .
ಅಹ್ನಾಮ್ಪ್ರಭುರ್ದಿನಮಣಿದೈತೇಯಕುಲಮೃತ್ಯುಕೃತ್ .. ೨೦..

ಕಲಾ ಕಾಷ್ಠಾ ಮುಹೂರ್ತಾತ್ಮಾ ದಿನರಾತ್ರಿಶರೀರವಾನ್ .
ಪದ್ಮಾಪತಿಃ ಪರಂಧಾಮ ಪರಮಾತ್ಮಾ ಪರಾಯಣಮ್ .. ೨೧..

ನಿದಾನಂ ನಿತ್ಯಮದ್ವೈತಂ ಕೇವಲಂ ಮುಕ್ತಿಕಾರಣಮ್ .
ಸರ್ವಭೂತಶರೀರಸ್ಥಂ ಚೈತನ್ಯಂ ಬ್ರಹ್ಮನಿರ್ಗುಣಮ್ .. ೨೨..

ಏಕೋ ನೈಕಃ ಕೃತಿಶ್ಶಾನ್ತಿರ್ಮತಿರ್ಬುದ್ಧಿಧೃತಿಸ್ಸ್ಮೃತಿಃ .
ಮನ್ತ್ರೋ ಯನ್ತ್ರಂ ತಥಾಕ್ಷೇತ್ರಂ ಕ್ಷೇತ್ರಜ್ಞೋಽಕ್ಷರಸಂಜ್ಞಿಕಃ .. ೨೩..

ಇನ್ದ್ರಿಯಾಣಾಮಧಿಷ್ಠಾತಾ ತತ್ತ್ವಂ ತತ್ಪುರುಷಾಗ್ರಣೀಃ .
ಅಮಾಯೀ ಮಾಯಿನಾಮಗ್ರ್ಯೋ ಲೋಕಸ್ವಾಮೀ ಸ್ವರಾಡ್ಗುರುಃ .. ೨೪..

ಪ್ರಾಣದಃ ಪ್ರಣವಃ ಪ್ರಾಣೋ ಪ್ರಾಪ್ತಿಸಾಧನಮಮ್ಬರಮ್ .
ಜಗನ್ಮಿತ್ರಂ ಪವಿತ್ರಂ ಚ ದೇವಾನಾಮಪಿದೈವತಮ್ .. ೨೫..

ಸಿನ್ಧುನಿದ್ರಾದ್ಧಿರಣ್ಯಾಙ್ಗೋ ಸೈಂಹಿಕೇಯವಿಶೋಧಿತಃ .
ವಿಷುವಚ್ಚಾಯನಂ ಕಾನ್ತಿಶ್ಚನ್ದ್ರೋತ್ಪತ್ತ್ಯಯನಂ ಗ್ರಹಃ .. ೨೬..

ದಿಗೀಶೋ ದೇವವೃನ್ದೇಶೋ ನಕ್ಷತ್ರೇಶೋ ಧನೇಶ್ವರಃ .
ಸೂರ್ಯವರ್ಚಾಸ್ಸೂರಿರಾದ್ಯಸ್ಸೂರ್ಯಾಪತಿರುಮಾಧವಃ .. ೨೭..

ವಿಭಾಕರೋ ದ್ವಾದಶಾತ್ಮಾ ಕಪಿಲಃ ಕಪಿಶಿಕ್ಷಕಃ .
ಕಪಿತಾತಃ ಕಪಿಃ ಪಿಙ್ಗಃ ಪಙ್ಗುಕಾಲಪಿತಾ ಹರಃ .. ೨೮..

ವಿವಿಕ್ತಸ್ಸಾಗರಸ್ಸೇತುಸ್ತಾಮ್ರಸ್ತಾಮ್ರರಥೋ ರಥೀ .
ಮೇರುಪ್ರಭಸ್ಸುಮೇರುಶ್ಚ ಬುಧನುನ್ನರಥೋ ಭವಃ .. ೨೯..

ಸಹಸ್ರಪ್ರಗ್ರಹೋ ಧನ್ವೀ ಮೇಧಾವೀ ಶ್ರುತಿಸಾಗರಃ .
ಭಿಷಕ್ಪಿತಾ ಭಿಷಕ್ಸಾರೋ ಭೈಷಜಂ ಭವರೋಗಹೃತ್ .. ೩೦..

ಜನ್ಮಾದಿಶ್ಶಾಸ್ತ್ರಯೋನಿಶ್ಚ ವಿಜ್ಞಾನಂ ಜ್ಞಾನಮೇವ ಚ .
ಜ್ಞಾತಾ ಜ್ಞೇಯಂ ಸ್ಫುಟಸ್ಫೂರ್ತಿರನೀಶೋ ನಾಹವಿರ್ನೃಪಃ .. ೩೧..

ಅವಿಚ್ಛಿನ್ನಾನ್ವಯಶ್ಶಾಸ್ತಾ ರಾಮೋ ರಾಜೀವಲೋಚನಃ .
ಗಾಯತ್ರೀವಲ್ಲಭಃ ಪ್ರಾಂಶುರ್ಗೇಯೋ ಗಾತಾ ಗುಣಾರ್ಣವಃ .. ೩೨..

ಸತ್ಯಮೇಧಾಸ್ಸಮಾಮ್ನಾಯಸ್ಸನ್ಧಾತಾ ಕಶ್ಯಪಾತ್ಮಜಃ .
ಸರ್ವಧರ್ಮಮಯಸ್ಸಾಕ್ಷೀ ಚಿತ್ಕೂಟನಿಲಯೋಽನಲಃ .. ೩೩..

ಚಿರನ್ತನಶ್ಚಿದಾತ್ಮಾ ಚ ವೈಶಾಖಶಿಖಿವಾಹನಃ .
ಅಶ್ವತ್ಥಃ ಕುಶನಾಭಶ್ಚ ಸಾಮ್ರಾಜ್ಯಂ ಜಗದೀಶ್ವರಃ .. ೩೪..

ದೀಪ್ತಮೂರ್ತಿಮಹಾಮೂರ್ತಿಸ್ಸುತಪಾಃ ಋತುಭುಕ್ಪಶುಃ .
ಯಜ್ವಾ ಜಾಜ್ಜ್ವಲ್ಯದೇಹಶ್ಚ ಶತ್ರುಮಣ್ಡಲಖಣ್ಡನಃ .. ೩೫..

ಶರಾರುಧ್ವಂಸಕಶ್ಶಾಸ್ತಾ ಶಾಸ್ತ್ರಯೋನಿರ್ನಿರಞ್ಜನಃ .
ಅನಿನ್ದ್ಯೋ ನಿನ್ದ್ಯವಿಧ್ವಂಸೀ ವಿಶ್ವಾಮಿತ್ರವರಪ್ರದಃ .. ೩೬..

ವಿಧ್ಯರ್ಥಬೋಧಕೋ ಭಾನುರ್ವಿನ್ಧ್ಯವೀಥೀ ಪ್ಲವಙ್ಗಮಃ .
ತತ್ಪದಾರ್ಥೋಽಹಂಪದಾರ್ಥಸ್ತತ್ತ್ವಮಸ್ಯರ್ಥಬೋಧಕಃ .. ೩೭..

ತ ಏತೇ ತ್ವಮಹಂ ದೇವಯಕ್ಷರಕ್ಷೋಭಯಙ್ಕರಃ .
ಮೃತ್ಯುಞ್ಜಯಃ ಪಾಕಭೇದೀ ಸುಷುಮ್ನಾತಾಲಶೋಭಿತಃ .. ೩೮..

ಸಹಸ್ರಾರಾಮ್ಬುಜಾರೂಢೋ ಕರ್ಣಿಕಾಮಧ್ಯಮಣ್ಡಪಃ .
ಗುಹಾಶಯಶ್ಶಿವಸ್ಸ್ಥಾಣುರ್ಗೋಪ್ತಾ ಗುಣಪತಿರ್ಗಿರಿಃ .. ೩೯..

ಗೋಮೂರ್ತಿಸ್ಸರ್ವದೇವಾತ್ಮಾ ಸರ್ವಸನ್ಧ್ಯಾಪ್ರವರ್ತಕಃ .
ಜ್ಯೋತಿಷ್ಮಾನಿನ್ದ್ರಶರ್ಮಾ ಚ ಚಿದಾನನ್ದೋ ದಿಗಮ್ಬರಃ .. ೪೦..

ಕಿರೀಟೀ ಕವಚೀ ಖಡ್ಗೀ ಶಙ್ಖೀ ಶಾರ್ಙ್ಗೀ ಚ ಪದ್ಮಕಃ .
ವೇತ್ರೀ ಶೂಲೀ ನಿಷಙ್ಗೀ ಚ ತಾಪನಸ್ತಪತಾಂ ವರಃ .. ೪೧..

ಶಙ್ಕರಶ್ಚಾರುಸರ್ವಾಙ್ಗಸ್ಸರ್ವಬನ್ಧವಿಮೋಚಕಃ .
ಮಹಾತ್ಮಾ ಚಾರುಸರ್ವಾಙ್ಗಸ್ಸರ್ವಭೂಷಣಭೂಷಿತಃ .. ೪೨..

ಭಕ್ತೇಪ್ಸಿತಾರ್ಥಸನ್ಧಾನಕಲ್ಪವೃಕ್ಷಃ ಕಕುತ್ಪತಿಃ .
ಬನ್ಧೂಕಕುಸುಮಪ್ರಖ್ಯಸ್ಸರ್ವಶಸ್ತ್ರಭೃತಾಂ ವರಃ .. ೪೩..

ಬ್ರಹ್ಮಣ್ಯೋ ಬ್ರಾಹ್ಮಣೋ ಬ್ರಾಹ್ಮೀ ರಾಜರ್ಷಿರಮಿತಪ್ರಭಃ .
ಸನಾತನವರಸ್ಸೋಮಸ್ಸರ್ವತತ್ತ್ವಾವಲಮ್ಬನಃ .. ೪೪..

ಮಹಾಪಾತಾಲಸಮ್ಮಾನ್ಯೋ ಮಾನಿನಾಮಗ್ರಣೀರ್ಮಹಾನ್ .
ಸಿದ್ಧಾರ್ಥಕೃತ್ಸಿದ್ಧಗುಹ್ಯಃ ಸಿದ್ಧಾನಾಮುತ್ತಮಾಗತಿಃ .. ೪೫..

ಲೋಕನಾಥೋ ವಿಭಾನಾಥೋ ಮಾಠರೋ ಮಧುವಲ್ಲಭಃ .
ತೀಕ್ಷ್ಣಾಂಶುಸ್ತೀರ್ಥಗರ್ಭಶ್ಚ ಶ್ವೇತಲೋಹಿತವಾಹನಃ .. ೪೬..

ಕರ್ಮ ಕರ್ಮವಿದಾಂ ನೇತಾ ಸದಾವರಣಮಣ್ಡಲಃ .
ಸಹಸ್ರಗುರನನ್ತಾತ್ಮಾ ವಿಶಿಷ್ಟಶ್ಶಿಷ್ಟಪೋಷಕಃ .. ೪೭..

ದಿವ್ಯಮೂರ್ತಿರ್ದೇವಸಿಂಹೋ ದಿವಿಷತ್ಪ್ರವರೋ ದಮಃ .
ವಿಶಾಲಾಕ್ಷಶ್ಶ್ರೀಮೂರ್ತಿರ್ವಿಶ್ವಭ್ಭರವಿಭಾವಸುಃ .. ೪೮..

ಮೂರ್ಧನ್ವದಿಷ್ಟದಾಯೀ ಚ ಕೃತಿಚಿನ್ತಾನಿವರ್ತಕಃ .
ಗನ್ಧರ್ವಗಣಗೋಪ್ತಾ ಚ ವಸ್ವಾದಿಗಣವನ್ದಿತಃ .. ೪೯..

ಗ್ರಹಪೋ ಗ್ರಹನೇತಾ ಚ ಗ್ರನ್ಧಿಬನ್ಧವಿಭಞ್ಜನಃ .
ಗ್ರಸಿಷ್ಣುರ್ಗ್ರಹಗೋಪ್ತಾ ಚ ಗ್ರಾಹೀ ಗ್ರಾಹ್ಯಶರೀರಭಾಃ .. ೫೦..

ತಪಸ್ವೀ ತಾಪಸಶ್ಶೋಚ್ಯೋ ತರಣಿರ್ದ್ಯುಮಣಿರ್ಮಣಿಃ .
ಚಿನ್ತಾಮಣಿರ್ದಿನಮಣಿರ್ಜ್ಯೋತಿರ್ಮಣಿರಜೇಶ್ವರಃ .. ೫೧..

ಛನ್ದೋಮಯಶ್ಶಾಸ್ತ್ರಮಯಸ್ಸರ್ವಕಾನ್ತಿಖನಿರ್ಮನುಃ .
ಅನೂರುಸಾರಥಿಃ ಪೀಲೋ ಪೈಪ್ಪಲೋ ತ್ರಿವಿಲೋಚನಃ .. ೫೨..

ತ್ರಿಶಿಖೀ ಬ್ರಾಹ್ಮಣಮಯೋ ಜ್ಯೋತಿಸ್ಸಿದ್ಧಾನ್ತಬೋಧನಃ .
ತ್ರಿನಾಮಾ ತ್ರಿಶರೀರಶ್ಚ ತ್ರಿಕಾಣ್ಡಶ್ಚಣ್ಡದೀಧಿತಿಃ .. ೫೩..

ಮುಕ್ತಿದ್ವಾರಂ ಮುನಿವರೋ ಮಹೋರಸ್ಕೋ ಮಹಾಮನಾಃ .
ಅನ್ನಪಾತ್ರಪ್ರದಾತಾ ಚ ವಿಷ್ಣುಚಿನ್ತಾಪರಃ ಪುಮಾನ್ .. ೫೪..

ಆಪದಾಮಪಹರ್ತಾ ಚ ರೋಗಕಾಣ್ಡದವಾನಲಃ .
ನಿವೃತ್ತಾತ್ಮಾ ಸಮಾವೃತ್ತೋ ಚಕ್ಷುರಿನ್ದ್ರಿಯದೇವತಾ .. ೫೫..

ತಪೋಮಯಸ್ತಪ್ತತನುಃ ಪೂಷಾ ಪೂಷಾದಿವನ್ದಿತಃ .
ಸರ್ವಜನ್ತುಶರಣ್ಯಶ್ಚ ಬಹ್ವೃಚೋ ಬಹುದಾಯಕಃ .. ೫೬..

ಕೃಷ್ಣಾತ್ಮಾ ಕಮನೀಯಶ್ಚ ಸರ್ವವೇದವಿಭಾಗಕೃತ್ .
ಕರ್ಣೋ ವಿಕರ್ಣಃ ಕಾನ್ತಶ್ಚ ಬಹುಭೋಜೀ ಬಹುಪ್ರಿಯಃ .. ೫೭..

ದಕ್ಷಿಣೋ ದಕ್ಷಿಣಾಮೂರ್ತಿರ್ದಯಾವಾನ್ ದಮ್ಭವರ್ಜಿತಃ .
ಸದ್ಭೂತಿಃ ಕೋಶಗಃ ಕೋಶೀ ಸರ್ವಸಿದ್ಧಿಪರಾಯಣಃ .. ೫೮..

ಶಿವದೇಹಶ್ಶಿವಾತ್ಮಾ ಚ ಶಿವದೇಹಶ್ಶಿವಪ್ರದಃ .
ವಾರಾಣಸೀವಾಸಪರೋ ಹಂಸತೀರ್ಥಪ್ರವರ್ತಕಃ .. ೫೯..

ಸೂರ್ಯಲಿಙ್ಗಪ್ರತಿಷ್ಠಾತಾ ಸೋಮಕಾನ್ತಿವಿವರ್ಧನಃ .
ಸುಗ್ರಹಸ್ಸುಖದಸ್ಸೂಕ್ಷ್ಮಸ್ಖರಸಸ್ವಾರಿತ ಏವಚ .. ೬೦..

ಸಙ್ಖ್ಯಾವಾನ್ಸರ್ವಸಂಸಾರೀ ಸೂರಿಃ ಪರಪುರಞ್ಜಯಃ .
ಕೃತಾಗಮಃ ಕೃತವಿಧಿಃ ಕೃತಶಾಸ್ತ್ರಃ ಕೃತಾಹ್ನಿಕಃ .. ೬೧..

ರಾಜಾ ರಾಜದ್ವಿತೀಯಶ್ಚ ಗ್ರಹರಾಜಃ ಪ್ರಮಾಣವಿತ್ .
ಬಾಡವೋ ಬಾಡವಾಮೂಲಂ ಹವ್ಯಂ ಕವ್ಯಂ ಪಿತೃಪ್ರಿಯಃ .. ೬೨..

ಸಮಾಧಿವೇತ್ತಾ ಸಾರಾರ್ಥಸ್ಸಾರದೃಕ್ಶಾರದಾಪ್ರಿಯಃ .
ರಕ್ತಪುಷ್ಪಾರ್ಚನೀಯಶ್ಚ ರಕ್ತಗನ್ಧಾಕ್ಷತಪ್ರಿಯಃ .. ೬೩..

ಪರಾರ್ಥ್ಯಾರ್ಥ್ಯಃ ಪೂರ್ಣಕಾನ್ತಿಃ ಕೃತತತ್ತ್ವಾರ್ಥನಿರ್ಣಯಃ .
ನಿಖಿಲಪ್ರಾಣನಿಲಯೋ ನಿತ್ಯಮೇರುಪ್ರದಕ್ಷಿಣಃ .. ೬೪..

ಪೂರ್ಣಃ ಪೂರ್ಣಯಿತಾ ಪೂಜ್ಯಃ ಪರಮಾನ್ನಕೃತಾದರಃ .
ಪರಹಿಂಸಾದಿರಹಿತೋ ಗುರುಮೂರ್ತಿರ್ಗತಿಪ್ರದಃ .. ೬೫..

ಗೋಪಾಲೋ ಲೋಕಪಾಲಶ್ಚ ಸರ್ವಸ್ಸರ್ವಸ್ವಮಚ್ಯುತಃ .
ಮರುದೀಶೋ ಮರುಚ್ಚಕ್ಷುರ್ಮಿತ್ರೋ ಹೃತ್ತಾಪನಾಶಕಃ .. ೬೬..

ಹೃದ್ರೋಗಹಾರೀ ಕೌಮಾರೀ ಹರಿಮಾದಿವಿನಾಶಕಃ .
ಉತ್ತರಾಂ ದಿವಮಾರೂಢೋ ಹಾರಿದ್ರಃ ಕೋಕನಾಯಕಃ .. ೬೭..

ಹ್ರೀಂ ಬೀಜಮಧ್ಯನಿಲಯೋ ನವನಾಥವಿವರ್ಧನಃ .
ಯೋಗಿನೀವನ್ದ್ಯಚರಣೋ ಬಲಿಗ್ರಹಣತತ್ಪರಃ .. ೬೮..

ನಿತ್ಯಕಲ್ಯಾಣನಿಲಯೋ ಕಲ್ಯಾಣಾಚಲಸೇವಕಃ .
ಕಲ್ಯಾಣದಾನಃ ಕಲ್ಪಾತ್ಮಾಽತ್ಯುಗ್ರೋ ರಿಪುಭಯಙ್ಕರಃ .. ೬೯..

ಭೂತಿಕೃದ್ಭೂತಿಭೃದ್ಭೂತಿರ್ಭೂತಭಾವನಪೂರ್ವಜಃ .
ತ್ರಿಯುಗಶ್ಚ ತ್ರಿಪೃಷ್ಠಶ್ಚ ತ್ರಿಪಾನ್ಮೂರ್ತಿತ್ರಯಾತ್ಮಕಃ .. ೭೦..

ಸರ್ವವಿಘ್ನವಿನಾಶೀ ಚ ಸರ್ವಬನ್ಧವಿಮೋಚಕಃ .
ತ್ರಿಶಿರಾಸ್ತ್ರಿಪ್ರಲಮ್ಬಶ್ಚ ತ್ರಿದಂಷ್ಟ್ರಸ್ತ್ರಿಚತುರ್ಗತಿಃ .. ೭೧..

ಕುಜಮಿತ್ರಂ ಪಿತೃಪತಿಃ ಪಿತೃಕಾರಕ ಏವ ಚ .
ಶುಭಾಙ್ಗೋ ಲೋಕಸಾರಙ್ಗಸ್ಸಾರಙ್ಗೋಽರುಣಸಾರಥಿಃ .. ೭೨..

ಪುಣ್ಯಶ್ಲೋಕಃ ಪುಣ್ಯದಾಯೀ ಪುಣ್ಯಕಾರೀ ಪುರಾತನಃ .
ವಿಜಯೋ ವಿಷ್ಣುರಾಜಶ್ಚ ವಿಷ್ಣುರಾತೋ ಭವಾದಿಹೃತ್ .. ೭೩..

ವದಾನ್ಯಶ್ಚ ವಿರಾಡ್ರೂಪೀ ವಿದ್ಯಾನಾಥೋ ವಿಧಿರ್ವಿಧುಃ .
ಪ್ರಶಸ್ತಗುಣಸಿನ್ಧುಶ್ಚ ಬನ್ಧುರ್ವೇದಾನ್ತವೇದಿನಾಮ್ .. ೭೪..

ತತ್ತ್ವಾರ್ಥಮಾತಾ ತಾಮ್ರಾಶ್ವಸ್ತರುಣಸ್ತಡಿದುಜ್ಜ್ವಲಃ .
ತೀರ್ಣದುಃಖಸ್ತೀವ್ರವೇಗೋ ಚನ್ದನದ್ಯುತಿರಾತ್ಮವಾನ್ .. ೭೫..

ಅರ್ಕಪರ್ಣಸ್ನಾನತೋಷೀ ವೀತಿಹೋತ್ರಾದಿದೈವತಃ .
ಏಕಾಕ್ಷಶ್ಚೈಕಚಕ್ರಶ್ಚ ಸ್ವತೇಜೋಭಾಸ್ಸ್ವಯಮ್ಪ್ರಭಃ .. ೭೬..

ಪರಾಗತಿಃ ಪಿಣ್ಡಜಾನಾಮಣ್ಡಜಾನಾಂ ಭಯಾವಹಃ .
ಕ್ರೂರವ್ರತಃ ಕ್ರೂರಕಲ್ಪೋ ತಾಮಸಃ ಪರವೀರಹಾ .. ೭೭..

ಷಟ್ಪಲ್ಲವವಿಧಾನಜ್ಞಷ್ಷಟ್ಪಲ್ಲವವರಪ್ರದಃ .
ಶ್ರುತಿಪಾದಪಸಞ್ಚಾರೀ ಕೋಕಿಲಃ ಕಮಲಾಶ್ರಯಃ .. ೭೮..

ಕುಷ್ಠವ್ಯಾಧಿವಿನಾಶೀ ಚ ದುಷ್ಟಪೀಡಾನಿಬರ್ಹಣಃ .
ಧೃತಪದ್ಮದ್ವಯೋ ಯೋದ್ಧಾ ತೇಜೋಮಣ್ಡಲಮಧ್ಯಗಃ .. ೭೯..

ಸರ್ವಾಧಿವ್ಯಾಧಿಶಮನೋ ಸರ್ವತಾಪಾಲಿತಾಪನಃ .
ಸರ್ವಸಾಕ್ಷೀ ಸದುದಯಃ ಸ್ವಾಷ್ಟಾಕ್ಷರ್ಯಧಿದೇವತಾ .. ೮೦..

ಸ್ಫೋಟಾದಿದೋಷಹಾರೀ ಚ ಗುಲ್ಮದುಃಖಪ್ರಭಞ್ಜನಃ .
ಯೋಜನಾರ್ಬುದಸಞ್ಚಾರೀ ಸಾಲೋಕ್ಯಾದಿಪ್ರದಃ ಪಿತಾ .. ೮೧..

ಖೇಟಃ ಕೃಪೀಟದಾಯೀ ಚ ನಗ್ನೋ ನಲಿನವಲ್ಲಭಃ .
ಕುನ್ತೀಪ್ರಸನ್ನಃ ಕೌಬೇರಃ ಶ್ರೀವಕ್ಷಾಃ ಶ್ರೀನಿಕೇತನಃ .. ೮೨..

ಅರುಣೋಽರುಣಕೇತುಶ್ಚ ಯುದ್ಧಪ್ರೇತಗತಿಪ್ರದಃ .
ಸಂಜ್ಞಾಮನೋನುಕೂಲಶ್ಚ ಮಹೇನ್ದ್ರಕೃತಪೂಜನಃ .. ೮೩..

ಗರುಡಾಗ್ರಜಸೂತಶ್ಚ ಸಸ್ಯಾಲಿಸುಹೃದೂರ್ಮಿಕೃತ್ .
ಗೋಧೂಮಧಾನ್ಯನಾಥಶ್ಚ ವರ್ತುಲಾಕಾರಮಣ್ಡಲಃ .. ೮೪..

ರುದ್ರಪ್ರತ್ಯಧಿದೇವಶ್ಚ ಹಸ್ತನಕ್ಷತ್ರನಾಯಕಃ .
ಗುಞ್ಜಾಪುಞ್ಜಪ್ರತೀಕಾಶಃ ಪವಿತ್ರೀಕೃತವೃತ್ರಹಾ .. ೮೫..

ಕಾಲಿನ್ದೀಜನಕಶ್ಚೈವ ಗೋಬ್ರಾಹ್ಮಣಹಿತೇ ರತಃ .
ಇನ್ದ್ರೋ ವೃದ್ಧಶ್ರವಾಃ ಪೂಷಾ ವಿಶ್ವವೇದಾಃ ಪ್ರಜಾಪತಿಃ .. ೮೬..

ಅಗ್ನಿರ್ವಾಯುಶ್ಚ ಸೂರ್ಯಶ್ಚ ವಾಯ್ವಶ್ವೋ ರಶ್ಮಿಪಾಲಕಃ .
ಮರೀಚ್ಯಾತ್ಮಾ ಭುವನಸೂರದ್ರೋಹೀ ಪುತ್ರದಾಯಕಃ .. ೮೭..

ಮಹಾನಾಮ್ನೀವ್ರತಹಿತೋ ಮಹಾಮಾನೋಪರಾಕ್ಷಸಃ .
ಆದಿತ್ಯೋಽದಿತಿದೇವಶ್ಚ ದಿತಿದೇವೋ ದಿವಸ್ಪತಿಃ .. ೮೮..

ವ್ಯೋಮಸನ್ದೃಗ್ವಿಮಾನಸ್ಥೋ ಸುಮೃಡೀಕಸ್ಸರೋವಿಭುಃ ..

ಸ್ಮೃತಿಪ್ರತ್ಯಕ್ಷಮೈತಿಹ್ಯಮನುಮಾನಂ ವಿಧಾಯಕಃ .. ೮೯..

ಸತೈಸ್ಸರ್ವೈಸ್ಸಮಾವಿಷ್ಟೋಽಣುರ್ಮಹಾನಧಿವತ್ಸರಃ .
ಪಟರೋ ವಿಕ್ಲಿಧಃ ಪಿಙ್ಗಃ ಪ್ರದರ್ಶೀ ಚೋಪದರ್ಶಕಃ .. ೯೦..

ನಾನಾಮುಖಶ್ಚೈವ ಶೀರ್ಷೋ ಋತುಲಕ್ಷಣಲಕ್ಷಿತಃ .
ಶುಕ್ಲಾತ್ಮಾ ದಕ್ಷಿಣಃ ಪಕ್ಷಃ ಕೃಷ್ಣಾತ್ಮಾ ವಾಮಪಕ್ಷಕಃ .. ೯೧..

ಅಹೋದ್ಯೌರ್ವಿಷುರೂಪೀ ಚ ವಿಶ್ವಾವನವಿಶೇಷವಿತ್ .
ಅಪಶುಶ್ಚಾಪಶುಘ್ನಶ್ಚ ನಪಶುಃ ಪಶುಪಾಲಕಃ .. ೯೨..

ಸಂವತ್ಸರಪ್ರಿಯತಮಃ ಪ್ರತ್ಯಕ್ಷಜ್ಞೇಯಮಣ್ಡಲಃ .
ಷಡುದ್ಯಮಸ್ಸಪ್ತಯಾತ್ರೋ ವಿನಾದೀ ಚಾಭಿಧಾವಕಃ .. ೯೩..

ಷಷ್ಟಿವಲ್ಗಸ್ಸಾರ್ಷ್ಟಿಕಶ್ಚ ಪ್ರೈಷಕೃತ್ಪ್ರಥಮಸ್ಸ್ಮೃತಃ .
ಅಘೋರಾಕ್ಷಸ್ಸದೋನಾದೀ ವಾಕ್ಪ್ರಯೋಜಕ ಏವ ಚ .. ೯೪..

ಸಂವತ್ಸರೀಣಃ ಕರ್ಮಫಲಪದ್ಮಾಪೀತ ಇವೋಜ್ಜ್ವಲಃ .
ಕನಕೋಜ್ಜ್ವಲವಾಸಾಶ್ಚ ಅಹತಾಮ್ಬರ ಏವ ಚ .. ೯೫..

ಕಪರ್ದೀ ವಿಶಿಖಶ್ಚೈವ ವಾತವಾನ್ಮರುತಾಂ ಮುಖಮ್ .
ಕ್ಷಪಣೋ ಯೋತ್ಸ್ಯಮಾನಶ್ಚ ಹೇಮಚಕ್ಷುರಕೋಪನಃ .. ೯೬..

ಅಪಧ್ವಸ್ತಶ್ಚ ಸನ್ನದ್ಧಸ್ಸಹದೃಗ್ಜೀವನಪ್ರದಃ .
ನ ದೇವೋ ನ ಮನುಷ್ಯಶ್ಚ ನಾಗ್ನಿರ್ನೇನ್ದ್ರೋ ನ ಮಾರುತಃ .. ೯೭..

ನೋಪಮೋ ರುದ್ರಧನ್ವಾ ಚ ಕರ್ಮಬ್ರಹ್ಮಪ್ರಪಞ್ಚಕಃ .
ಋತುಭಿಸ್ಸನ್ನುತಸ್ಸ್ವಾಮೀ ಸರ್ವಕಾಮಧುಗವ್ಯಯಃ .. ೯೮..

ಆರೋಗ್ಯಸ್ಥಾನಭಾ ಭ್ರಾಜಃ ಪಟರಸ್ಥಾನಭಾ ಅಪಿ .
ಸಪ್ತಸೂರ್ಯಾರ್ಪಿತಶ್ಚೈವ ಕಶ್ಯಪೋ ಮೇರ್ವಮೋಚಕಃ .. ೯೯..

ವಾತ್ಸ್ಯಾಯನಃ ಪಞ್ಚಕರ್ಣೋ ಸಪ್ತಹೋತಾ ಚ ಋಕ್ಪತಿಃ .
ತಸ್ಥಿವಾಞ್ಜಗದಾತ್ಮಾ ಚ ವೈಶಮ್ಪಾಯನ ಏವ ಚ .. ೧೦೦..

ಅನಮ್ಭಾ ಅಮ್ಭಸಾಂ ಮೂಲಮಗ್ನಿವಾಯುಪರಾಯಣಮ್ .
ಕಶ್ಯಪಸ್ಯಾತಿಥಿಶ್ಚೈವ ಸಿದ್ಧಾಗಮನ ಏವ ಚ .. ೧೦೧..

ನಮ ಉಕ್ತಿಪ್ರಿಯಃ ಪುಣ್ಯೋ ಅಜಿರಾಪ್ರಭುರೇವ ಚ .
ನರ್ಯಾಪಾಃ ಪಙ್ಕ್ತಿರಾಧಾಶ್ಚ ವಿಸರ್ಪೀ ನೀಲಲೋಹಿತಃ .. ೧೦೨..

ನೀಲಾರ್ಚಿಃ ಪೀತಕಾರ್ಚಿಶ್ಚ ವಾಯುರೇಕಾದಶಾತ್ಮಕಃ .
ವಾಸುಕಿವೈದ್ಯುತಶ್ಚೈವ ರಜತಃ ಪರುಷಾದಿಕಃ .. ೧೦೩..

ನಾಸತ್ಯಜನಕಶ್ಚೈವ ಶಾಮ್ಬರಶ್ಚಾಪಪೂರುಷಃ .
ಸುಬ್ರಹ್ಮಣ್ಯಶ್ಚ ಸೂರೀನ್ದ್ರೋ ಗೌತಮಃ ಕೌಶಿಕೀಪತಿಃ .. ೧೦೪..

ಅಗ್ನಿಶ್ಚ ಜಾತವೇದಾಶ್ಚ ಸಹೋಜಾ ಅಜಿರಾಪ್ರಭುಃ .
ಕಃ ಕಿಂ ಕಂ ತತ್ಸತ್ಯಮನ್ನಮಮೃತೋ ಜೀವ ಏವ ಚ .. ೧೦೫..

ವ್ಯಯಜನ್ಮಾನುಜನ್ಮೋಽಗ್ರಸ್ಸಪ್ತಸಪ್ತಕದೃಷ್ಟಿಭಾಕ್ .
ಭಾನುರ್ವಿಧುಶ್ಚ ಭೌಮಶ್ಚ ಚನ್ದ್ರಸೂನುಶ್ಚ ಗೀಷ್ಪತಿಃ .. ೧೦೬..

ಉಶನಾ ಸೂರ್ಯಸೂನುಶ್ಚ ತಮಃ ಕೇತುಸ್ತಥಾದ್ರಿಭೃತ್ .
ಅರ್ಧಪ್ರಹಾರೋ ಗುಲಿಕೋ ಯಮಕಣ್ಟಕ ಏವ ಚ .. ೧೦೭..

ಕಾರಕೋ ಮಾರಕಶ್ಚಾಪಿ ಪೋಷಕಸ್ತೋಷಕಸ್ತಥಾ .
ಪಶ್ಚಾಲ್ಲತ್ತಃ ಪುರೋಲತ್ತಃ ಪಾರ್ಶ್ವಲತ್ತಸ್ತಥೈವ ಚ .. ೧೦೮..

ಆಕಾಶಗ್ರಹಸಂಸೇವ್ಯೋ ಧೂಮಕೇತುವಿಜೃಮ್ಭಣಃ .
ಭೂಕಮ್ಪನಾದಿಹೇತುಶ್ಚ ರಕ್ತವೃಷ್ಟಿವಿಧಾಯಕಃ .. ೧೦೯..

ಗರ್ಜನ್ ಪರ್ಜನ್ಯರೂಪೀ ಚ ದುರ್ಜಯೋ ದುರತಿಕ್ರಮಃ .
ನಿರ್ಜರಾರಾಧ್ಯಚರಣೋ ಜರಾಮರಣವರ್ಜಿತಃ .. ೧೧೦..

ವಿಯದ್ಗಮನಜಙ್ಘಾಲೋ ವೀತಿಹೋತ್ರಸಮಪ್ರಭಃ .
ವಿರಿಞ್ಚಿಗರ್ಭಸಮ್ಭೂತೋ ವಿಷವ್ಯಾಲವಿನಾಶಕೃತ್ .. ೧೧೧..

ಶ್ರೀಪುಷ್ಟಿಕೀರ್ತಿಸನ್ದಾಯೀ ನಮತಾಂ ನಮನಪ್ರಿಯಃ .
ವೇದಾಧ್ಯಯನಸಮ್ಪನ್ನೋ ವೇದಾನ್ತೇಷು ಚ ನಿಷ್ಠಿತಃ .. ೧೧೨..

ಶಬ್ದಶಾಸ್ತ್ರಪ್ರಣೇತಾ ಚ ಶಬ್ದಬ್ರಹ್ಮಮಯಃ ಪರಃ .
ಅರ್ಥಬ್ರಹ್ಮಮಯೋಽರ್ಥಾರ್ಥೀ ಸ್ವಾರ್ಥಿನಾಮರ್ಥದಾಯಕಃ .. ೧೧೩..

ಜಪಯಜ್ಞಸ್ತಪೋಯಜ್ಞೋ ದಾನಯಜ್ಞಸ್ತಥೈವ ಚ .
ಸ್ವಾಧ್ಯಾಯಯಜ್ಞೋ ಧರ್ಮಜ್ಞೋ ನೀತಿಜ್ಞೋ ವಿಜ್ಞ ಏವ ಚ .. ೧೧೪..

ಗುಹಾಶಾಯೀ ಗುಹಾಭೇದೀ ಸಾಕ್ಷಾನ್ಮನ್ಮಥಮನ್ಮಥಃ .
ಮಞ್ಜುದೇಹೋ ಮಞ್ಜುಕಾನ್ತಿರ್ಮಹಿಮಾತಿಶಯೋಜ್ಜ್ವಲಃ .. ೧೧೫..

ಮಿತ್ರವಿನ್ದಾವನ್ದ್ಯಪಾದೋ ಮುನಿವೃನ್ದಾವನೇ ಹಿತಃ .
ಬ್ರಹ್ಮಚಾರೀ ಸುಮೇಧಾಶ್ಚ ಊರ್ಧ್ವರೇತಾಸ್ತಪೋಮಯಃ .. ೧೧೬..

ಐಙ್ಕಾರನಿಲಯೋ ವಾಗ್ಮೀ ವಾಗರ್ಥಪ್ರದ ಏವ ಚ .
ಹ್ರೀಙ್ಕಾರನಿಲಯೋ ಮಾಯೀ ಇನ್ದ್ರಜಾಲಾದಿತತ್ತ್ವವಿತ್ .. ೧೧೭..

ಶ್ರೀಙ್ಕಾರನಿಲಯಶ್ಶ್ರೀಮಾನ್ ಧನದೋ ಧನವರ್ಧನಃ .
ಶ್ರೀಚಕ್ರರಾಜನಿಲಯಃ ಶ್ರೀದೇವೀಕರ್ಣಭೂಷಣಮ್ .. ೧೧೮..

ಕ್ಲೀಙ್ಕಾರಮಧ್ಯನಿಲಯಃ ಕಾಮರಾಜವಶಙ್ಕರಃ .
ಸೌಶ್ಶಕ್ತಿಸಹಿತೋ ಜ್ಞಾನದಾನದಕ್ಷಃ ಪ್ರಕಾಶಕಃ .. ೧೧೯..

ಪರಮಾತ್ಮಾನ್ತರಾತ್ಮಾ ಚ ಜೀವಾತ್ಮಾ ಚ ನಿಯಾಮಕಃ .
ಹೃದಯಗ್ರನ್ಥಿಭೇತ್ತಾ ಚ ಸರ್ವಸಂಶಯನಾಶನಃ .. ೧೨೦..

ಬ್ರಹ್ಮವ್ಯಾಖ್ಯಾನನಿಪುಣೋ ಯಜ್ಞದೀಕ್ಷಾಧುರನ್ಧರಃ .
ದೌರ್ಭಾಗ್ಯತೂಲವಾತೂಲೋ ಜರಾಧ್ವಾನ್ತನಿವರ್ತಕಃ .. ೧೨೧..

ದ್ವೈತಮೋಹವಿನಾಶೀ ಚ ಭೇದವಾದಿವಿಭೇದನಃ .
ವೀರಭದ್ರಮತಧ್ವಂಸೀ ವೀರಾರಾಧ್ಯನಿಬರ್ಹಣಃ .. ೧೨೨..

ಕಾಪಾಲಿಮತಕೋಪೀ ಚ ಮೀಮಾಂಸಾನ್ಯಾಯತತ್ಪರಃ .
ಕಾರ್ತಾನ್ತಿಕವರಸ್ಸರ್ವಕಾರ್ತಾನ್ತಿಕಪರಾಯಣಃ .. ೧೨೩..

ಜಙ್ಗಮಾಜಙ್ಗಮಮಯೋ ಜಾನಕೀಪೂಜಿತಃ ಪುರಾ .
ಇಕ್ಷ್ವಾಕುವಂಶನಾಥಶ್ಚ ಇನ್ದಿರಾಸ್ಥಾನಸುನ್ದರಃ .. ೧೨೪..

ವಿದ್ಯಾವಿನಯವಿಜ್ಞಾನ ತ್ರಯೀತಾಣ್ಡವಮಣ್ಡಪಃ .
ರಾಮಚನ್ದ್ರಕುಲಾಮ್ಭೋಧಿಃ ಕಾಮಿನೀಕಾಮದಾಯಕಃ .. ೧೨೫..

ಸಙ್ಗೀತಶಾಸ್ತ್ರನಿಪುಣಃ ಸರ್ವವಿದ್ಯಾಪ್ರವರ್ತಕಃ .
ರಾಜಗ್ರಹೋಽಧಿಕಾರೀ ಚ ರಾಜರಾಜೇಶ್ವರೀಪ್ರಿಯಃ .. ೧೨೬..

ರಾಜ್ಯಂ ಭೌಜ್ಯಂ ಚ ಸಾಮ್ರಾಜ್ಯಂ ವೈರಾಜ್ಯಂ ರಾಜ್ಯಮೇವ ಚ .
ಗೌಃ ಪಞ್ಚಗವ್ಯಂ ಶುದ್ಧಾತ್ಮಾ ಚಾನ್ದ್ರಾಯಣಫಲಪ್ರದಃ .. ೧೨೭..

ಕೃಚ್ಛ್ರಾದಿಫಲದಾಯೀ ಚ ದಾರಿದ್ರ್ಯಭಯನಾಶನಃ .
ದುಃಖಾರ್ಣವೋತ್ತಾರಕಶ್ಚ ದುರಿತವಾತಖಣ್ಡನಃ .. ೧೨೮..

ಬ್ರಹ್ಮಹತ್ಯಾದಿವಿಧ್ವಂಸೀ ಭ್ರೂಣಹತ್ಯಾನಿಬರ್ಹಣಃ .
ಗುರುದ್ರೋಹಾದಿಶಮನೋ ಮಾತೃಗಾಮಿವಧೋದ್ಯತಃ .. ೧೨೯..

ಪಞ್ಚಾಸ್ತ್ರಶಸ್ತ್ರಮೇಘಾಲಿಝಞ್ಝಾವಾತೋ ಝಷಾದಿಕಃ .
ಚಿತ್ರಗುರ್ದಾನಶೌಣ್ಡಶ್ಚ ಸಿಂಹಸಂಹನನೋ ಯುವಾ .. ೧೩೦..

ವೈಧವ್ಯಬಾಧಾಶಮನೋ ವಿಧವಾನಾಂ ಗತಿಪ್ರದಃ .
ರಜೋದೋಷವಿನಾಶೀ ಚ ಕೃತಪಕ್ವಾನ್ನಗರ್ಹಣಃ .. ೧೩೧..

ಪಟ್ಟಾಭಿಷಿಕ್ತಭಕ್ತಾಲಿರ್ದುಷ್ಟಮತ್ತೇಭಕೇಸರೀ .
ಅನರ್ಗಲಗತಿಗೂಢೋ ಗೋಮತೀತೀರಪುಣ್ಯಕೃತ್ .. ೧೩೨..

ಜರಾಯುದೋಷಹಾರೀ ಚ ಪೂರ್ಣಾಯುರ್ಯೋಗಕಾರಕಃ .
ಭಕ್ತಾಬ್ಜಪೂರ್ಣಚನ್ದ್ರಶ್ಚ ಧರ್ಮಮಾರ್ಗಪ್ರವರ್ತಕಃ .. ೧೩೩..

ಸೌವರ್ಗಸುಖಹೇತುಶ್ಚ ನಿರಯಧ್ವಂಸದೀಕ್ಷಿತಃ .
ಭ್ರಮನ್ಮಣ್ಡಲಸಂಸ್ಥಾನೋ ಭ್ರಾನ್ತಿಪಿತ್ತಾದಿರೋಗಹೃತ್ .. ೧೩೪..

ಮೇಹಾದಿರೋಗಶಮನೋ ಪಾಣ್ಡುಕ್ಷಯವಿನಾಶನಃ .
ಪಾಪವೇತಾಲಮನ್ತ್ರಜ್ಞೋ ಪಾಪಕೃಜ್ಜನದುರ್ಲಭಃ .. ೧೩೫..

ಜ್ವರಾದಿದೋಷದೂರಶ್ಚ ವಿಜ್ವರೀಕೃತಭೂಸುರಃ .
ಮೋಕ್ಷನಿಶ್ರೇಣಿಕಾಸಾಕ್ಷೀ ದಾಕ್ಷಾಯಣ್ಯಾದಿಸೇವಕಃ .. ೧೩೬..

ಭಾವುಕೋ ಭದ್ರಕರುಣಮಶ್ವಿನೀಪುಷ್ಕರೋಜ್ಜ್ವಲಃ .
ಪ್ರಶಸ್ತವಾನ್ನಿಸ್ತುಲನ ಪ್ರಬನ್ಧಶತಕಲ್ಪನಃ .. ೧೩೭..

ಭೂನೇತಾ ಭೂಧರೋ ಭೋಗೀ ಭಾಗ್ಯದಾಯೀ ಭವಪ್ರಿಯಃ .
ಕರ್ಮನ್ದೀ ವಲಲಃ ಕ್ಲೀಬಃ ಪಶುಪಾಲೋಽಶ್ವಪಾಲಕಃ .. ೧೩೮..

ಶನಿಪೀಡಾವಿನಾಶೀ ಚ ಕೃತ್ಯಾದೋಷನಿಬರ್ಹಣಃ .
ಆಭಿಚಾರಿಕವಿಧ್ವಂಸೀ ಗದಾವನದವಾನಲಃ .. ೧೩೯..

ಜಪಪೂಜಾರ್ಚನರತೋ ನಾರಾಯಣಪದಂ ಪರಮ್ .
ಪಾಪಪಾಷಾಣದಲನಟಙ್ಕೀಕೃತಕರಾವಲಿಃ .. ೧೪೦..

ಮೋಕ್ಷಲಕ್ಷ್ಮೀಕವಾಟಶ್ಚ ಮಾತೃಕಾವರ್ಣಮಣ್ಡನಃ .
ಅಕಾರಾದಿಕ್ಷಕಾರಾನ್ತವರ್ಣಮಾಲಾವಿಭೂಷಣಃ .. ೧೪೧..

ಅನುಸ್ವಾರಾದಿಸಙ್ಖ್ಯಾತ್ಮಾ ಸ್ವರೋ ವ್ಯಞ್ಜನ ಏವ ಚ .
ಸರ್ವಾರ್ಥದಸ್ಸರ್ವಕರ್ಮಸರ್ವಕಾರ್ಯಪ್ರಕಾಶಕಃ .. ೧೪೨..

ಪಞ್ಚವಿಂಶತಿತತ್ತ್ವಸ್ಥಃ ಪಞ್ಚಬ್ರಹ್ಮಸಮುದ್ಭವಃ .
ಪಾರಮಾರ್ಥಿಕಸನ್ದಾಯೀ ಪಙ್ಗ್ವಾದಿಗತಿದಾಯಕಃ .. ೧೪೩..

ಸಫಲೀಕೃತಪೂಜಾರ್ಥೋ ವಿಫಲೀಕೃತದುಷ್ಕೃತಿಃ .
ಶ್ರುತಿಸ್ಮೃತಿಸಮಾಮ್ನಾತಸ್ಮಾರ್ತಕರ್ಮಪ್ರಕಾಶಕಃ .. ೧೪೪..

ಯಜ್ಞೋಪವೀತಧಾರೀ ಚ ಯಾಜ್ಞವಲ್ಕ್ಯಾದಿವನ್ದಿತಃ .
ಸುಷುಮ್ನಾಯೋಗಮಧ್ಯಸ್ಥೋ ಲಮ್ಬಿಕಾಯೋಗಸಾಧನಃ .. ೧೪೫..

ಸಾಲಮ್ಬನೋದ್ದೀಪನಾದಿಕ್ರಿಯಾಬೀಜಂ ಮಹಾಮನುಃ .
ಕಲ್ಪಾತಿಶಾಯಿಸಙ್ಕಲ್ಪೋ ವಿಕಲ್ಪವಿಧಿವರ್ಜಿತಃ .. ೧೪೬..

ಅನಲ್ಪಮೂರ್ತಿರಶ್ವಾತ್ಮಾ ಸ್ವಾತ್ಮಾನನ್ದವಿಧಾಯಕಃ .
ಆತ್ಮಾನಾತ್ಮವಿವೇಕಜ್ಞೋ ನಿರಾವರಣಬೋಧನಃ .. ೧೪೭..

ನಿದಾನಭೂತಸ್ತತ್ತ್ವಾನಾಂ ನಿತ್ಯಕಲ್ಯಾಣಸುನ್ದರಃ .
ಶಾನ್ತರಕ್ಷಣನಿರ್ನಿದ್ರಃ ಶ್ರುತಿಸ್ಮೃತಿಶುಭದ್ರುಮಃ .. ೧೪೮..

ಆಲಾಪೀಕೃತವೇದಾಙ್ಗೋ ಮಾಲಾಲಙ್ಕೃತಕನ್ಧರಃ .
ರುದ್ರಾಕ್ಷಕಙ್ಕಣಲಸತ್ಕರೋ ರುದ್ರಜಪಪ್ರಿಯಃ .. ೧೪೯..

ಸದಾಶಿವಪರಬ್ರಹ್ಮಸ್ಥಾನಂ ಶ್ರೀಶಮ್ಭುವಿಗ್ರಹಃ .
ಮೂಲಾಧಾರಾಮ್ಬುಜಾರೂಢೋ ದಹರಾಕಾಶಮಧ್ಯಗಃ .. ೧೫೦..

ಸಹಸ್ರಾರಾಮ್ಬುಜಾರೂಢೋ ಜ್ಞಾನಡೋಲಾವಿಲಾಸವಾನ್ .
ವೇಲೋಲ್ಲಙ್ಘನಸಾಮರ್ಥ್ಯೋ ವೇತ್ತಾ ನಿರ್ವೃತಿದಾಯಕಃ .. ೧೫೧..

ಸುರಭೂಸುರದತ್ತಾರ್ಘ್ಯಶುದ್ಧಾಮ್ಬುಗ್ರಹಣೇ ರತಃ .
ಬ್ರಹ್ಮವರ್ಚಸ್ವಿತಾಮೂಲಂ ಬ್ರಹ್ಮಶ್ರೀಸೂರ್ಯವಿಗ್ರಹಃ .. ೧೫೨..

ಫಲಶ್ರುತಿಃ -
ಇತಿ ನಾಮಾನಿ ಗೌಣಾನಿ ಭಾಸ್ಕರಸ್ಯ ಮಹಾತ್ಮನಃ .
ಕಾನಿಚಿದ್ವರ್ಣಿತಾನ್ಯತ್ರ ದೇವಸ್ಯಾನನ್ತರೂಪಿಣಃ .. ೧೫೩..

ಸೂರ್ಯವರ್ಚಃ ಕೃತಾರ್ಥೋಽಸಿ ತ್ವಮದ್ಯ ನ ಹಿ ಸಂಶಯಃ .
ದಿವ್ಯಾನಾಮಪಿ ಯನ್ನಾಮ್ನಾಂ ಸಹಸ್ರಮನುಕೀರ್ತಿತಮ್ .. ೧೫೪..

ಏತಸ್ಯ ಶ್ರವಣಾದೇವ ಕೀರ್ತನಾಜ್ಜೀವಕೋಟಯಃ .
ತರನ್ತಿ ದುಸ್ತರಂ ಘೋರಂ ಸಂಸಾರಂ ನಾತ್ರ ಸಂಶಯಃ .. ೧೫೫..

ಯಶ್ಶೃಣೋತಿ ಸದಾ ನಾಮ್ನಾಂ ಸಹಸ್ರಂ ಭಾಸ್ಕರಸ್ಯ ಚ .
ವಿದ್ಯಾಕಾಮೋ ಲಭೇದ್ವಿದ್ಯಾಮರ್ಥಾರ್ಥೀ ಸಾರ್ಥಕೋ ಭವೇತ್ .. ೧೫೬..

ಅನಪತ್ಯೋ ಲಭೇತ್ಪುತ್ರಮರಾಜಾ ರಾಜ್ಯಮಾಪ್ನುಯಾತ್ .
ಗ್ರಹಪೀಡಾ ವಿನಶ್ಯನ್ತಿ ನಶ್ಯನ್ತಿ ಬ್ರಹ್ಮರಾಕ್ಷಸಾಃ .. ೧೫೭..

ಆರೋಗ್ಯಮಾಪ್ನುಯಾದ್ರೋಗೀ ಕಾಮೀ ಕಾಮಾನವಾಪ್ನುಯಾತ್ .
ಕಿಮತ್ರ ಬಹುನೋಕ್ತೇನ ಸರ್ವಸಿದ್ಧಿರ್ಭವಿಷ್ಯತಿ .. ೧೫೮..

ಧರ್ಮಾರ್ಥಕಾಮಮೋಕ್ಷಾಣಾಂ ಸಾಧನಂ ಸರ್ವಸಮ್ಮತಮ್ .
ಶ್ರುತಿಸ್ಮೃತಿಪುರಾಣಾದಿಸಾರಾರ್ಥಕೃತನಿರ್ಣಯಮ್ .. ೧೫೯..

ನಾಮ್ನಾಂ ಸಹಸ್ರಂ ಯೋ ಭಕಯಾ ಪಠೇನ್ನಿಯತಮಾನಸಃ .
ಸಿಧ್ಯನ್ತಿ ಸರ್ವಧರ್ಮಾರ್ಥಾಸ್ತಸ್ಯ ನೈವಾತ್ರ ಸಂಶಯಃ .. ೧೬೦..

ವಿಶ್ವಾವಸುರುವಾಚ -
ನಾರಾಯಣ ನಮಸ್ತೇಽಸ್ತು ಭಾನುಮಣ್ಡಲಮಧ್ಯಗ .
ಕರ್ಮಣಾಮಪಿ ಧರ್ಮಾಣಾಂ ಸಾಕ್ಷೀ ತ್ವಂ ಬ್ರಹ್ಮ ನಿರ್ಮಲಮ್ .. ೧೬೧..

ಅನನ್ತೋಽನನ್ತನಾಮಾ ಚ ಶ್ರೀಮಾನ್ ಲೋಕತ್ರಯೇಶ್ವರಃ .
ವಿಭೂತಿಃ ಕೇನ ವಾ ಜ್ಞೇಯಾ ಜ್ಯೋತಿಷಾಮಯನಸ್ಯ ಚ .. ೧೬೨..

ಗನ್ಧರ್ವಾ ಊಚುಃ -
ಸೂರ್ಯ ಆತ್ಮಾಽಸ್ಯ ಜಗತಸ್ತಸ್ಥುಷಶ್ಚ ತ್ವಮೇವ ಹಿ .
ತ್ವಾಮೃತೇ ನಹಿ ಪಶ್ಯಾಮೋ ಜನ್ತೂನಾಂ ಶರಣಂ ಕಲೌ .. ೧೬೩..

ವಾಲಖಿಲ್ಯಾ ಊಚುಃ -
ಯಃ ಕರ್ಮಸಾಕ್ಷೀ ವಿದುಷಾಂ ವರೇಣ್ಯಂ ಭರ್ಗಶ್ಚ ಸೂತೇ ಸವಿತಾ ಜಗಚ್ಚ .
ಯೋ ವೃಷ್ಟಿದಾಯೀ ತಪನಶ್ಚ ಪುಷ್ಟಿದಸ್ತಮೇವ ದೇವಂ ಗತಿಮಾಮನಾಮ .. ೧೬೪..

ವೈಖಾನಸಾ ಊಚುಃ -
ಕಲಾಶ್ಚೇನ್ದೋಃ ಕಲಾಸ್ಸರ್ವಾಃ ಕಲಾಭಿಶ್ಚ ಪ್ರಪಞ್ಚಿತಾಃ .
ತಮೇವ ಕಲಯಾಮೋಽದ್ಯ ಚಕ್ಷುಷೋ ರತಿದೈವತಮ್ .. ೧೬೫..

ವೈಷ್ಣವಾ ಊಚುಃ -
ನಾರಾಯಣಾಶ್ರಯೋ ಮರ್ತ್ಯೋ ನಾರಾಯಣಪರಾಯಣಃ .
ಸರ್ವತ್ರ ವಿಜಯೀ ಭೂಯಾತ್ಸ ಏವ ಸವಿತಾ ಸ್ವಯಮ್ .. ೧೬೬..

ರುದ್ರಗಣಾ ಊಚುಃ -
ಅಷ್ಟಮೂರ್ತೇರಿಯಂ ಮೂರ್ತಿರೇಕಾ ದೀಪ್ತಿಮಯೀ ಯತಃ .
ಏನಂ ಭಜಾಮ ಲೋಕೇಶಂ ಭಾನುಮಣ್ಡಲಮಧ್ಯಗಮ್ .. ೧೬೭..

ಶ್ರೀಸೂತ ಉವಾಚ -
ಬೃಹಸ್ಪತಿಸ್ಸುರಾಚಾರ್ಯಃ ಕೃಪಯಾ ಪರಯಾ ಮುದಾ .
ಸೂರ್ಯವರ್ಚಸಮಿತ್ಯುಕ್ತ್ವಾ ವಿರರಾಮೋಮಿತಿ ಸ್ವಯಮ್ .. ೧೬೮..

ವ್ಯಾಸಪ್ರಸಾದಾಚ್ಛ್ರುತವಾನಹಮೇತನ್ಮಹರ್ಷಯಃ! .
ಭವನ್ತಸ್ಸರ್ವಧರ್ಮಾರ್ಥಸಿದ್ಧ್ಯೈ ನಿತ್ಯಂ ಪಠನ್ತಿವದಮ್ .. ೧೬೯..