સ્કન્દપુરાણાન્તર્ગતમ્ શ્રીસૂર્યસહસ્રનામસ્તોત્રમ્

સ્કન્દપુરાણાન્તર્ગતમ્
શુક્લામ્બરધરં વિષ્ણું શશિવર્ણં ચતુર્ભુજમ્ .
પ્રસન્નવદનં ધ્યાયેત્ સર્વવિઘ્નોપશાન્તયે ..

શ્રીસૂર્યવર્ચા ઋષિઃ . શ્રીમદાદિત્યનારાયણો દેવતા બ્રહ્મવર્ચસ્વિતા
મૂલમિતિ બીજમ્ . સર્વપાપવિનાશક ઇતિ શક્તિઃ . અગ્નિશ્ચ જાતવેદાશ્ચેતિ
પરમો મન્ત્રઃ . હૃદ્રોગહારીતિ કીલકમ્ . નિષઙ્ગી કવચીત્યસ્ત્રમ્ .
ભક્તરક્ષણતત્પર ઇતિ કવચમ્ . શ્રીમદાદિત્યપ્રસાદસિદ્ધ્યર્થે

વિભિન્ન ન્યાસાઃ -

મન્ત્રો યન્ત્રં તથા ક્ષેત્રમિતિ તર્જનીભ્યાં સ્વાહા .
ગાયત્રીવલ્લભઃ પ્રાશુરિતિ મધ્યમાભ્યાં વૌષટ્ .
છન્દોમયઃ શાસ્ત્રમય ઇત્યનામિકાભ્યાં હુમ્ .
સુબ્રહ્મણ્યશ્ચ સૂરીન્દ્ર ઇતિ કનિષ્ઠિકાભ્યાં વષટ્ .
સુરભૂસુરદત્તાર્ઘ્યશુદ્ધામ્બુગ્રહણેરત ઇતિ
કરતલકરપૃષ્ઠાભ્યાં ફટ્ .
હૃદયાદિન્યાસં ચ એવં કુર્યાત્ ..

સૂર્યદેવધ્યાનમ્
આદિત્યસ્ત્વાદિદેવોઽયં ભાસ્કરો ભવનાશનઃ .
વિશ્વમૂર્તિર્વિશ્વનેતા ચિન્મૂર્તિશ્ચિન્તિતાર્થદઃ ..

ઇતિ ત્રિવારં પઠેત્ તત્સ્સહસ્રનામપારાયણં કૃત્વા,
ઉત્તરન્યાસં કૃત્વા આદિત્યાયાર્પયેત્ ..

મણ્ડલસ્ય ચ વિસ્તારં નમસ્કારવિધિં તતઃ .
પૂજાક્રમવિશેષેણ શ્રુત્વા પુનરભાષત .
સર્યવર્ચા ઉવાચ -
ભગવન્ સર્વતત્ત્વજ્ઞ સર્વકર્મપ્રવર્તક .
નામ્નાં સહસ્રં દિવ્યાનાં શ્રોતુમિચ્છામ્યહં રવેઃ ..

બૃહસ્પતિરુવાચ -
સૂર્યવર્ચઃ શૃણુ પરં સૂર્યસ્ય ચ મહાત્મનઃ .
ઉત્તમં નામસાહસ્રં યત્તમસ્તે નિકૃન્તતિ ..

બૃહસ્પતિસ્સભગવાનિત્યુક્તસૂર્યવર્ચસમ્ .
ધ્યાત્વા નારાયણં દેવં ભાનુમણ્ડલમધ્યગમ્ ..

ૐ આદિત્યશ્ચાદિદેવોઽયં ભાસ્કરો ભવનાશનઃ .
વિશ્વમૂર્તિર્વિશ્વનેતા ચિન્મૂર્તિશ્ચિન્તિતાર્થદઃ .. ૧..

સદ્યોજાતો વામદેવસ્સર્વપાપવિનાશકઃ .
વેદ્યો વૈદ્યસ્સદાયોગી વિશ્વકર્મા વિભાવસુઃ .. ૨..

વિરિઞ્ચિર્વિશ્રુતાત્મા ચ વિશ્વસર્ગપ્રવર્તકઃ .
વિદ્યાત્મા વિષયજ્ઞશ્ચ વિશ્વાત્મા વિશ્વપાપહા .. ૩..

વિદુષામીશ્વરો વિદ્વાન્વિશ્વનેતા વિશેષવિત્ .
વીરહા વિષયશ્શૂન્યો વાલખિલ્યાદિવન્દિતઃ .. ૪..

વામનો વરદઃ પ્રાંશુર્વાસુદેવસ્સનાતનઃ .
વાલખિલ્યપુરોગશ્ચ વારિદો વસુમાન્વસુઃ .. ૫..

વરેણ્યો વાસુદેવશ્ચ વસુરેતા વસુપ્રદઃ .
વાયુર્વાચસ્પતિર્વિશ્વં વિષ્ણુર્વિશ્વામરેશ્વરઃ .. ૬..

ઓઙ્કારશ્ચ વષટ્કારઃ સોમગ્રહપુરોગમઃ .
ગ્રહનક્ષત્રમાલી ચ શિંશુમારશરીરવાન્ .. ૭..

શરણ્યશ્શઙ્કરશ્શમ્ભુઃ કાલાત્મા કાન્તિવર્ધનઃ ..

કામદેવઃ કામહર્તા વિરાડ્વીરાસનસ્થિતઃ .. ૮..

વિસ્તારભૂમા ભૂતેશો વિશ્વગુપ્તનુરીશ્વરઃ .
મન્દેહરિપુરિન્દુશ્ચ બિન્દુસ્સુન્દરવિગ્રહઃ .. ૯..

સામગાનપ્રિયસ્સાધુસ્સત્યસન્ધસ્સદાશિવઃ .
સમાત્માસન્ધિરવ્યક્તં સામ્બસ્સારસવર્ધનઃ .. ૧૦..

સૂદસ્સૂક્ષ્મસ્સૂક્ષ્મકાયસ્સૂક્ષ્મદૃક્સુદૃગવ્યયઃ .
રથાઙ્ગહેતિરમ્ભોજવર્ધનઃ સર્વસમ્મતઃ .. ૧૧..

વજ્રભૃદ્વત્સલો વાગ્મી વાગીશો વાયુવાહનઃ .
ધર્માત્માઽધર્મશત્રુશ્ચ કર્મસાક્ષી પરન્તપઃ .. ૧૨..

પઞ્ચાનનઃ પઞ્ચમૂર્તિઃ પઞ્ચાઙ્ગી પાપભઞ્જનઃ .
પરાશરઃ પુણ્યમૂર્તિઃ પુરુહૂતાનુજઃ પરઃ .. ૧૩..

સનાત્સર્વં સહસ્સર્વસ્સર્વગસ્સર્વપોષકઃ .
સપ્તાશ્વસ્સપ્તરજ્જુશ્ચ સપ્તૈધાસ્સપ્તસારથિઃ .. ૧૪..

સપ્તપ્રિયસ્સપ્તદોગ્ધા મુઞ્જિકેશો મુરાન્તકઃ .
શુકશ્શુદ્ધશ્શુભાચારસ્સર્વબીજમનાયકઃ .. ૧૫..

કર્તા વિકર્તા ગહનો કારણં કરણં મહત્ .
અકુણ્ઠવિક્રમશ્શૌરિર્વૈકુણ્ઠો ભગવાન્ભવઃ .. ૧૬..

ભાનુર્હંસસ્સહસ્રાંશુસ્તપનસ્સવિતા પિતા .
જાતુકર્ણો જયી જ્યાયાન્ મીનાઙ્ગી સિંહપાલકઃ .. ૧૭..

એકોચ્ચસ્સપ્તનીચશ્ચ ષટ્પતિર્માનવલ્લભઃ .
ઋતુસ્સુદર્શનઃ કાલઃ કુઞ્જરાનનપૂજિતઃ .. ૧૮..

દ્વિજોઽદ્વિજશ્શુચિર્ધીરઃ શ્રીમાન્ મૂર્તિત્રયાત્મકઃ .
શિવઙ્કરઃ શ્રીભૂતેશસ્સિન્ધુરુચ્ચૈશ્શ્રવા હરિઃ .. ૧૯..

પ્રદ્મપ્રબોધકઃ પદ્મી પદ્મગર્ભઃ પ્રભાકરઃ .
અહ્નામ્પ્રભુર્દિનમણિદૈતેયકુલમૃત્યુકૃત્ .. ૨૦..

કલા કાષ્ઠા મુહૂર્તાત્મા દિનરાત્રિશરીરવાન્ .
પદ્માપતિઃ પરંધામ પરમાત્મા પરાયણમ્ .. ૨૧..

નિદાનં નિત્યમદ્વૈતં કેવલં મુક્તિકારણમ્ .
સર્વભૂતશરીરસ્થં ચૈતન્યં બ્રહ્મનિર્ગુણમ્ .. ૨૨..

એકો નૈકઃ કૃતિશ્શાન્તિર્મતિર્બુદ્ધિધૃતિસ્સ્મૃતિઃ .
મન્ત્રો યન્ત્રં તથાક્ષેત્રં ક્ષેત્રજ્ઞોઽક્ષરસંજ્ઞિકઃ .. ૨૩..

ઇન્દ્રિયાણામધિષ્ઠાતા તત્ત્વં તત્પુરુષાગ્રણીઃ .
અમાયી માયિનામગ્ર્યો લોકસ્વામી સ્વરાડ્ગુરુઃ .. ૨૪..

પ્રાણદઃ પ્રણવઃ પ્રાણો પ્રાપ્તિસાધનમમ્બરમ્ .
જગન્મિત્રં પવિત્રં ચ દેવાનામપિદૈવતમ્ .. ૨૫..

સિન્ધુનિદ્રાદ્ધિરણ્યાઙ્ગો સૈંહિકેયવિશોધિતઃ .
વિષુવચ્ચાયનં કાન્તિશ્ચન્દ્રોત્પત્ત્યયનં ગ્રહઃ .. ૨૬..

દિગીશો દેવવૃન્દેશો નક્ષત્રેશો ધનેશ્વરઃ .
સૂર્યવર્ચાસ્સૂરિરાદ્યસ્સૂર્યાપતિરુમાધવઃ .. ૨૭..

વિભાકરો દ્વાદશાત્મા કપિલઃ કપિશિક્ષકઃ .
કપિતાતઃ કપિઃ પિઙ્ગઃ પઙ્ગુકાલપિતા હરઃ .. ૨૮..

વિવિક્તસ્સાગરસ્સેતુસ્તામ્રસ્તામ્રરથો રથી .
મેરુપ્રભસ્સુમેરુશ્ચ બુધનુન્નરથો ભવઃ .. ૨૯..

સહસ્રપ્રગ્રહો ધન્વી મેધાવી શ્રુતિસાગરઃ .
ભિષક્પિતા ભિષક્સારો ભૈષજં ભવરોગહૃત્ .. ૩૦..

જન્માદિશ્શાસ્ત્રયોનિશ્ચ વિજ્ઞાનં જ્ઞાનમેવ ચ .
જ્ઞાતા જ્ઞેયં સ્ફુટસ્ફૂર્તિરનીશો નાહવિર્નૃપઃ .. ૩૧..

અવિચ્છિન્નાન્વયશ્શાસ્તા રામો રાજીવલોચનઃ .
ગાયત્રીવલ્લભઃ પ્રાંશુર્ગેયો ગાતા ગુણાર્ણવઃ .. ૩૨..

સત્યમેધાસ્સમામ્નાયસ્સન્ધાતા કશ્યપાત્મજઃ .
સર્વધર્મમયસ્સાક્ષી ચિત્કૂટનિલયોઽનલઃ .. ૩૩..

ચિરન્તનશ્ચિદાત્મા ચ વૈશાખશિખિવાહનઃ .
અશ્વત્થઃ કુશનાભશ્ચ સામ્રાજ્યં જગદીશ્વરઃ .. ૩૪..

દીપ્તમૂર્તિમહામૂર્તિસ્સુતપાઃ ઋતુભુક્પશુઃ .
યજ્વા જાજ્જ્વલ્યદેહશ્ચ શત્રુમણ્ડલખણ્ડનઃ .. ૩૫..

શરારુધ્વંસકશ્શાસ્તા શાસ્ત્રયોનિર્નિરઞ્જનઃ .
અનિન્દ્યો નિન્દ્યવિધ્વંસી વિશ્વામિત્રવરપ્રદઃ .. ૩૬..

વિધ્યર્થબોધકો ભાનુર્વિન્ધ્યવીથી પ્લવઙ્ગમઃ .
તત્પદાર્થોઽહંપદાર્થસ્તત્ત્વમસ્યર્થબોધકઃ .. ૩૭..

ત એતે ત્વમહં દેવયક્ષરક્ષોભયઙ્કરઃ .
મૃત્યુઞ્જયઃ પાકભેદી સુષુમ્નાતાલશોભિતઃ .. ૩૮..

સહસ્રારામ્બુજારૂઢો કર્ણિકામધ્યમણ્ડપઃ .
ગુહાશયશ્શિવસ્સ્થાણુર્ગોપ્તા ગુણપતિર્ગિરિઃ .. ૩૯..

ગોમૂર્તિસ્સર્વદેવાત્મા સર્વસન્ધ્યાપ્રવર્તકઃ .
જ્યોતિષ્માનિન્દ્રશર્મા ચ ચિદાનન્દો દિગમ્બરઃ .. ૪૦..

કિરીટી કવચી ખડ્ગી શઙ્ખી શાર્ઙ્ગી ચ પદ્મકઃ .
વેત્રી શૂલી નિષઙ્ગી ચ તાપનસ્તપતાં વરઃ .. ૪૧..

શઙ્કરશ્ચારુસર્વાઙ્ગસ્સર્વબન્ધવિમોચકઃ .
મહાત્મા ચારુસર્વાઙ્ગસ્સર્વભૂષણભૂષિતઃ .. ૪૨..

ભક્તેપ્સિતાર્થસન્ધાનકલ્પવૃક્ષઃ કકુત્પતિઃ .
બન્ધૂકકુસુમપ્રખ્યસ્સર્વશસ્ત્રભૃતાં વરઃ .. ૪૩..

બ્રહ્મણ્યો બ્રાહ્મણો બ્રાહ્મી રાજર્ષિરમિતપ્રભઃ .
સનાતનવરસ્સોમસ્સર્વતત્ત્વાવલમ્બનઃ .. ૪૪..

મહાપાતાલસમ્માન્યો માનિનામગ્રણીર્મહાન્ .
સિદ્ધાર્થકૃત્સિદ્ધગુહ્યઃ સિદ્ધાનામુત્તમાગતિઃ .. ૪૫..

લોકનાથો વિભાનાથો માઠરો મધુવલ્લભઃ .
તીક્ષ્ણાંશુસ્તીર્થગર્ભશ્ચ શ્વેતલોહિતવાહનઃ .. ૪૬..

કર્મ કર્મવિદાં નેતા સદાવરણમણ્ડલઃ .
સહસ્રગુરનન્તાત્મા વિશિષ્ટશ્શિષ્ટપોષકઃ .. ૪૭..

દિવ્યમૂર્તિર્દેવસિંહો દિવિષત્પ્રવરો દમઃ .
વિશાલાક્ષશ્શ્રીમૂર્તિર્વિશ્વભ્ભરવિભાવસુઃ .. ૪૮..

મૂર્ધન્વદિષ્ટદાયી ચ કૃતિચિન્તાનિવર્તકઃ .
ગન્ધર્વગણગોપ્તા ચ વસ્વાદિગણવન્દિતઃ .. ૪૯..

ગ્રહપો ગ્રહનેતા ચ ગ્રન્ધિબન્ધવિભઞ્જનઃ .
ગ્રસિષ્ણુર્ગ્રહગોપ્તા ચ ગ્રાહી ગ્રાહ્યશરીરભાઃ .. ૫૦..

તપસ્વી તાપસશ્શોચ્યો તરણિર્દ્યુમણિર્મણિઃ .
ચિન્તામણિર્દિનમણિર્જ્યોતિર્મણિરજેશ્વરઃ .. ૫૧..

છન્દોમયશ્શાસ્ત્રમયસ્સર્વકાન્તિખનિર્મનુઃ .
અનૂરુસારથિઃ પીલો પૈપ્પલો ત્રિવિલોચનઃ .. ૫૨..

ત્રિશિખી બ્રાહ્મણમયો જ્યોતિસ્સિદ્ધાન્તબોધનઃ .
ત્રિનામા ત્રિશરીરશ્ચ ત્રિકાણ્ડશ્ચણ્ડદીધિતિઃ .. ૫૩..

મુક્તિદ્વારં મુનિવરો મહોરસ્કો મહામનાઃ .
અન્નપાત્રપ્રદાતા ચ વિષ્ણુચિન્તાપરઃ પુમાન્ .. ૫૪..

આપદામપહર્તા ચ રોગકાણ્ડદવાનલઃ .
નિવૃત્તાત્મા સમાવૃત્તો ચક્ષુરિન્દ્રિયદેવતા .. ૫૫..

તપોમયસ્તપ્તતનુઃ પૂષા પૂષાદિવન્દિતઃ .
સર્વજન્તુશરણ્યશ્ચ બહ્વૃચો બહુદાયકઃ .. ૫૬..

કૃષ્ણાત્મા કમનીયશ્ચ સર્વવેદવિભાગકૃત્ .
કર્ણો વિકર્ણઃ કાન્તશ્ચ બહુભોજી બહુપ્રિયઃ .. ૫૭..

દક્ષિણો દક્ષિણામૂર્તિર્દયાવાન્ દમ્ભવર્જિતઃ .
સદ્ભૂતિઃ કોશગઃ કોશી સર્વસિદ્ધિપરાયણઃ .. ૫૮..

શિવદેહશ્શિવાત્મા ચ શિવદેહશ્શિવપ્રદઃ .
વારાણસીવાસપરો હંસતીર્થપ્રવર્તકઃ .. ૫૯..

સૂર્યલિઙ્ગપ્રતિષ્ઠાતા સોમકાન્તિવિવર્ધનઃ .
સુગ્રહસ્સુખદસ્સૂક્ષ્મસ્ખરસસ્વારિત એવચ .. ૬૦..

સઙ્ખ્યાવાન્સર્વસંસારી સૂરિઃ પરપુરઞ્જયઃ .
કૃતાગમઃ કૃતવિધિઃ કૃતશાસ્ત્રઃ કૃતાહ્નિકઃ .. ૬૧..

રાજા રાજદ્વિતીયશ્ચ ગ્રહરાજઃ પ્રમાણવિત્ .
બાડવો બાડવામૂલં હવ્યં કવ્યં પિતૃપ્રિયઃ .. ૬૨..

સમાધિવેત્તા સારાર્થસ્સારદૃક્શારદાપ્રિયઃ .
રક્તપુષ્પાર્ચનીયશ્ચ રક્તગન્ધાક્ષતપ્રિયઃ .. ૬૩..

પરાર્થ્યાર્થ્યઃ પૂર્ણકાન્તિઃ કૃતતત્ત્વાર્થનિર્ણયઃ .
નિખિલપ્રાણનિલયો નિત્યમેરુપ્રદક્ષિણઃ .. ૬૪..

પૂર્ણઃ પૂર્ણયિતા પૂજ્યઃ પરમાન્નકૃતાદરઃ .
પરહિંસાદિરહિતો ગુરુમૂર્તિર્ગતિપ્રદઃ .. ૬૫..

ગોપાલો લોકપાલશ્ચ સર્વસ્સર્વસ્વમચ્યુતઃ .
મરુદીશો મરુચ્ચક્ષુર્મિત્રો હૃત્તાપનાશકઃ .. ૬૬..

હૃદ્રોગહારી કૌમારી હરિમાદિવિનાશકઃ .
ઉત્તરાં દિવમારૂઢો હારિદ્રઃ કોકનાયકઃ .. ૬૭..

હ્રીં બીજમધ્યનિલયો નવનાથવિવર્ધનઃ .
યોગિનીવન્દ્યચરણો બલિગ્રહણતત્પરઃ .. ૬૮..

નિત્યકલ્યાણનિલયો કલ્યાણાચલસેવકઃ .
કલ્યાણદાનઃ કલ્પાત્માઽત્યુગ્રો રિપુભયઙ્કરઃ .. ૬૯..

ભૂતિકૃદ્ભૂતિભૃદ્ભૂતિર્ભૂતભાવનપૂર્વજઃ .
ત્રિયુગશ્ચ ત્રિપૃષ્ઠશ્ચ ત્રિપાન્મૂર્તિત્રયાત્મકઃ .. ૭૦..

સર્વવિઘ્નવિનાશી ચ સર્વબન્ધવિમોચકઃ .
ત્રિશિરાસ્ત્રિપ્રલમ્બશ્ચ ત્રિદંષ્ટ્રસ્ત્રિચતુર્ગતિઃ .. ૭૧..

કુજમિત્રં પિતૃપતિઃ પિતૃકારક એવ ચ .
શુભાઙ્ગો લોકસારઙ્ગસ્સારઙ્ગોઽરુણસારથિઃ .. ૭૨..

પુણ્યશ્લોકઃ પુણ્યદાયી પુણ્યકારી પુરાતનઃ .
વિજયો વિષ્ણુરાજશ્ચ વિષ્ણુરાતો ભવાદિહૃત્ .. ૭૩..

વદાન્યશ્ચ વિરાડ્રૂપી વિદ્યાનાથો વિધિર્વિધુઃ .
પ્રશસ્તગુણસિન્ધુશ્ચ બન્ધુર્વેદાન્તવેદિનામ્ .. ૭૪..

તત્ત્વાર્થમાતા તામ્રાશ્વસ્તરુણસ્તડિદુજ્જ્વલઃ .
તીર્ણદુઃખસ્તીવ્રવેગો ચન્દનદ્યુતિરાત્મવાન્ .. ૭૫..

અર્કપર્ણસ્નાનતોષી વીતિહોત્રાદિદૈવતઃ .
એકાક્ષશ્ચૈકચક્રશ્ચ સ્વતેજોભાસ્સ્વયમ્પ્રભઃ .. ૭૬..

પરાગતિઃ પિણ્ડજાનામણ્ડજાનાં ભયાવહઃ .
ક્રૂરવ્રતઃ ક્રૂરકલ્પો તામસઃ પરવીરહા .. ૭૭..

ષટ્પલ્લવવિધાનજ્ઞષ્ષટ્પલ્લવવરપ્રદઃ .
શ્રુતિપાદપસઞ્ચારી કોકિલઃ કમલાશ્રયઃ .. ૭૮..

કુષ્ઠવ્યાધિવિનાશી ચ દુષ્ટપીડાનિબર્હણઃ .
ધૃતપદ્મદ્વયો યોદ્ધા તેજોમણ્ડલમધ્યગઃ .. ૭૯..

સર્વાધિવ્યાધિશમનો સર્વતાપાલિતાપનઃ .
સર્વસાક્ષી સદુદયઃ સ્વાષ્ટાક્ષર્યધિદેવતા .. ૮૦..

સ્ફોટાદિદોષહારી ચ ગુલ્મદુઃખપ્રભઞ્જનઃ .
યોજનાર્બુદસઞ્ચારી સાલોક્યાદિપ્રદઃ પિતા .. ૮૧..

ખેટઃ કૃપીટદાયી ચ નગ્નો નલિનવલ્લભઃ .
કુન્તીપ્રસન્નઃ કૌબેરઃ શ્રીવક્ષાઃ શ્રીનિકેતનઃ .. ૮૨..

અરુણોઽરુણકેતુશ્ચ યુદ્ધપ્રેતગતિપ્રદઃ .
સંજ્ઞામનોનુકૂલશ્ચ મહેન્દ્રકૃતપૂજનઃ .. ૮૩..

ગરુડાગ્રજસૂતશ્ચ સસ્યાલિસુહૃદૂર્મિકૃત્ .
ગોધૂમધાન્યનાથશ્ચ વર્તુલાકારમણ્ડલઃ .. ૮૪..

રુદ્રપ્રત્યધિદેવશ્ચ હસ્તનક્ષત્રનાયકઃ .
ગુઞ્જાપુઞ્જપ્રતીકાશઃ પવિત્રીકૃતવૃત્રહા .. ૮૫..

કાલિન્દીજનકશ્ચૈવ ગોબ્રાહ્મણહિતે રતઃ .
ઇન્દ્રો વૃદ્ધશ્રવાઃ પૂષા વિશ્વવેદાઃ પ્રજાપતિઃ .. ૮૬..

અગ્નિર્વાયુશ્ચ સૂર્યશ્ચ વાય્વશ્વો રશ્મિપાલકઃ .
મરીચ્યાત્મા ભુવનસૂરદ્રોહી પુત્રદાયકઃ .. ૮૭..

મહાનામ્નીવ્રતહિતો મહામાનોપરાક્ષસઃ .
આદિત્યોઽદિતિદેવશ્ચ દિતિદેવો દિવસ્પતિઃ .. ૮૮..

વ્યોમસન્દૃગ્વિમાનસ્થો સુમૃડીકસ્સરોવિભુઃ ..

સ્મૃતિપ્રત્યક્ષમૈતિહ્યમનુમાનં વિધાયકઃ .. ૮૯..

સતૈસ્સર્વૈસ્સમાવિષ્ટોઽણુર્મહાનધિવત્સરઃ .
પટરો વિક્લિધઃ પિઙ્ગઃ પ્રદર્શી ચોપદર્શકઃ .. ૯૦..

નાનામુખશ્ચૈવ શીર્ષો ઋતુલક્ષણલક્ષિતઃ .
શુક્લાત્મા દક્ષિણઃ પક્ષઃ કૃષ્ણાત્મા વામપક્ષકઃ .. ૯૧..

અહોદ્યૌર્વિષુરૂપી ચ વિશ્વાવનવિશેષવિત્ .
અપશુશ્ચાપશુઘ્નશ્ચ નપશુઃ પશુપાલકઃ .. ૯૨..

સંવત્સરપ્રિયતમઃ પ્રત્યક્ષજ્ઞેયમણ્ડલઃ .
ષડુદ્યમસ્સપ્તયાત્રો વિનાદી ચાભિધાવકઃ .. ૯૩..

ષષ્ટિવલ્ગસ્સાર્ષ્ટિકશ્ચ પ્રૈષકૃત્પ્રથમસ્સ્મૃતઃ .
અઘોરાક્ષસ્સદોનાદી વાક્પ્રયોજક એવ ચ .. ૯૪..

સંવત્સરીણઃ કર્મફલપદ્માપીત ઇવોજ્જ્વલઃ .
કનકોજ્જ્વલવાસાશ્ચ અહતામ્બર એવ ચ .. ૯૫..

કપર્દી વિશિખશ્ચૈવ વાતવાન્મરુતાં મુખમ્ .
ક્ષપણો યોત્સ્યમાનશ્ચ હેમચક્ષુરકોપનઃ .. ૯૬..

અપધ્વસ્તશ્ચ સન્નદ્ધસ્સહદૃગ્જીવનપ્રદઃ .
ન દેવો ન મનુષ્યશ્ચ નાગ્નિર્નેન્દ્રો ન મારુતઃ .. ૯૭..

નોપમો રુદ્રધન્વા ચ કર્મબ્રહ્મપ્રપઞ્ચકઃ .
ઋતુભિસ્સન્નુતસ્સ્વામી સર્વકામધુગવ્યયઃ .. ૯૮..

આરોગ્યસ્થાનભા ભ્રાજઃ પટરસ્થાનભા અપિ .
સપ્તસૂર્યાર્પિતશ્ચૈવ કશ્યપો મેર્વમોચકઃ .. ૯૯..

વાત્સ્યાયનઃ પઞ્ચકર્ણો સપ્તહોતા ચ ઋક્પતિઃ .
તસ્થિવાઞ્જગદાત્મા ચ વૈશમ્પાયન એવ ચ .. ૧૦૦..

અનમ્ભા અમ્ભસાં મૂલમગ્નિવાયુપરાયણમ્ .
કશ્યપસ્યાતિથિશ્ચૈવ સિદ્ધાગમન એવ ચ .. ૧૦૧..

નમ ઉક્તિપ્રિયઃ પુણ્યો અજિરાપ્રભુરેવ ચ .
નર્યાપાઃ પઙ્ક્તિરાધાશ્ચ વિસર્પી નીલલોહિતઃ .. ૧૦૨..

નીલાર્ચિઃ પીતકાર્ચિશ્ચ વાયુરેકાદશાત્મકઃ .
વાસુકિવૈદ્યુતશ્ચૈવ રજતઃ પરુષાદિકઃ .. ૧૦૩..

નાસત્યજનકશ્ચૈવ શામ્બરશ્ચાપપૂરુષઃ .
સુબ્રહ્મણ્યશ્ચ સૂરીન્દ્રો ગૌતમઃ કૌશિકીપતિઃ .. ૧૦૪..

અગ્નિશ્ચ જાતવેદાશ્ચ સહોજા અજિરાપ્રભુઃ .
કઃ કિં કં તત્સત્યમન્નમમૃતો જીવ એવ ચ .. ૧૦૫..

વ્યયજન્માનુજન્મોઽગ્રસ્સપ્તસપ્તકદૃષ્ટિભાક્ .
ભાનુર્વિધુશ્ચ ભૌમશ્ચ ચન્દ્રસૂનુશ્ચ ગીષ્પતિઃ .. ૧૦૬..

ઉશના સૂર્યસૂનુશ્ચ તમઃ કેતુસ્તથાદ્રિભૃત્ .
અર્ધપ્રહારો ગુલિકો યમકણ્ટક એવ ચ .. ૧૦૭..

કારકો મારકશ્ચાપિ પોષકસ્તોષકસ્તથા .
પશ્ચાલ્લત્તઃ પુરોલત્તઃ પાર્શ્વલત્તસ્તથૈવ ચ .. ૧૦૮..

આકાશગ્રહસંસેવ્યો ધૂમકેતુવિજૃમ્ભણઃ .
ભૂકમ્પનાદિહેતુશ્ચ રક્તવૃષ્ટિવિધાયકઃ .. ૧૦૯..

ગર્જન્ પર્જન્યરૂપી ચ દુર્જયો દુરતિક્રમઃ .
નિર્જરારાધ્યચરણો જરામરણવર્જિતઃ .. ૧૧૦..

વિયદ્ગમનજઙ્ઘાલો વીતિહોત્રસમપ્રભઃ .
વિરિઞ્ચિગર્ભસમ્ભૂતો વિષવ્યાલવિનાશકૃત્ .. ૧૧૧..

શ્રીપુષ્ટિકીર્તિસન્દાયી નમતાં નમનપ્રિયઃ .
વેદાધ્યયનસમ્પન્નો વેદાન્તેષુ ચ નિષ્ઠિતઃ .. ૧૧૨..

શબ્દશાસ્ત્રપ્રણેતા ચ શબ્દબ્રહ્મમયઃ પરઃ .
અર્થબ્રહ્મમયોઽર્થાર્થી સ્વાર્થિનામર્થદાયકઃ .. ૧૧૩..

જપયજ્ઞસ્તપોયજ્ઞો દાનયજ્ઞસ્તથૈવ ચ .
સ્વાધ્યાયયજ્ઞો ધર્મજ્ઞો નીતિજ્ઞો વિજ્ઞ એવ ચ .. ૧૧૪..

ગુહાશાયી ગુહાભેદી સાક્ષાન્મન્મથમન્મથઃ .
મઞ્જુદેહો મઞ્જુકાન્તિર્મહિમાતિશયોજ્જ્વલઃ .. ૧૧૫..

મિત્રવિન્દાવન્દ્યપાદો મુનિવૃન્દાવને હિતઃ .
બ્રહ્મચારી સુમેધાશ્ચ ઊર્ધ્વરેતાસ્તપોમયઃ .. ૧૧૬..

ઐઙ્કારનિલયો વાગ્મી વાગર્થપ્રદ એવ ચ .
હ્રીઙ્કારનિલયો માયી ઇન્દ્રજાલાદિતત્ત્વવિત્ .. ૧૧૭..

શ્રીઙ્કારનિલયશ્શ્રીમાન્ ધનદો ધનવર્ધનઃ .
શ્રીચક્રરાજનિલયઃ શ્રીદેવીકર્ણભૂષણમ્ .. ૧૧૮..

ક્લીઙ્કારમધ્યનિલયઃ કામરાજવશઙ્કરઃ .
સૌશ્શક્તિસહિતો જ્ઞાનદાનદક્ષઃ પ્રકાશકઃ .. ૧૧૯..

પરમાત્માન્તરાત્મા ચ જીવાત્મા ચ નિયામકઃ .
હૃદયગ્રન્થિભેત્તા ચ સર્વસંશયનાશનઃ .. ૧૨૦..

બ્રહ્મવ્યાખ્યાનનિપુણો યજ્ઞદીક્ષાધુરન્ધરઃ .
દૌર્ભાગ્યતૂલવાતૂલો જરાધ્વાન્તનિવર્તકઃ .. ૧૨૧..

દ્વૈતમોહવિનાશી ચ ભેદવાદિવિભેદનઃ .
વીરભદ્રમતધ્વંસી વીરારાધ્યનિબર્હણઃ .. ૧૨૨..

કાપાલિમતકોપી ચ મીમાંસાન્યાયતત્પરઃ .
કાર્તાન્તિકવરસ્સર્વકાર્તાન્તિકપરાયણઃ .. ૧૨૩..

જઙ્ગમાજઙ્ગમમયો જાનકીપૂજિતઃ પુરા .
ઇક્ષ્વાકુવંશનાથશ્ચ ઇન્દિરાસ્થાનસુન્દરઃ .. ૧૨૪..

વિદ્યાવિનયવિજ્ઞાન ત્રયીતાણ્ડવમણ્ડપઃ .
રામચન્દ્રકુલામ્ભોધિઃ કામિનીકામદાયકઃ .. ૧૨૫..

સઙ્ગીતશાસ્ત્રનિપુણઃ સર્વવિદ્યાપ્રવર્તકઃ .
રાજગ્રહોઽધિકારી ચ રાજરાજેશ્વરીપ્રિયઃ .. ૧૨૬..

રાજ્યં ભૌજ્યં ચ સામ્રાજ્યં વૈરાજ્યં રાજ્યમેવ ચ .
ગૌઃ પઞ્ચગવ્યં શુદ્ધાત્મા ચાન્દ્રાયણફલપ્રદઃ .. ૧૨૭..

કૃચ્છ્રાદિફલદાયી ચ દારિદ્ર્યભયનાશનઃ .
દુઃખાર્ણવોત્તારકશ્ચ દુરિતવાતખણ્ડનઃ .. ૧૨૮..

બ્રહ્મહત્યાદિવિધ્વંસી ભ્રૂણહત્યાનિબર્હણઃ .
ગુરુદ્રોહાદિશમનો માતૃગામિવધોદ્યતઃ .. ૧૨૯..

પઞ્ચાસ્ત્રશસ્ત્રમેઘાલિઝઞ્ઝાવાતો ઝષાદિકઃ .
ચિત્રગુર્દાનશૌણ્ડશ્ચ સિંહસંહનનો યુવા .. ૧૩૦..

વૈધવ્યબાધાશમનો વિધવાનાં ગતિપ્રદઃ .
રજોદોષવિનાશી ચ કૃતપક્વાન્નગર્હણઃ .. ૧૩૧..

પટ્ટાભિષિક્તભક્તાલિર્દુષ્ટમત્તેભકેસરી .
અનર્ગલગતિગૂઢો ગોમતીતીરપુણ્યકૃત્ .. ૧૩૨..

જરાયુદોષહારી ચ પૂર્ણાયુર્યોગકારકઃ .
ભક્તાબ્જપૂર્ણચન્દ્રશ્ચ ધર્મમાર્ગપ્રવર્તકઃ .. ૧૩૩..

સૌવર્ગસુખહેતુશ્ચ નિરયધ્વંસદીક્ષિતઃ .
ભ્રમન્મણ્ડલસંસ્થાનો ભ્રાન્તિપિત્તાદિરોગહૃત્ .. ૧૩૪..

મેહાદિરોગશમનો પાણ્ડુક્ષયવિનાશનઃ .
પાપવેતાલમન્ત્રજ્ઞો પાપકૃજ્જનદુર્લભઃ .. ૧૩૫..

જ્વરાદિદોષદૂરશ્ચ વિજ્વરીકૃતભૂસુરઃ .
મોક્ષનિશ્રેણિકાસાક્ષી દાક્ષાયણ્યાદિસેવકઃ .. ૧૩૬..

ભાવુકો ભદ્રકરુણમશ્વિનીપુષ્કરોજ્જ્વલઃ .
પ્રશસ્તવાન્નિસ્તુલન પ્રબન્ધશતકલ્પનઃ .. ૧૩૭..

ભૂનેતા ભૂધરો ભોગી ભાગ્યદાયી ભવપ્રિયઃ .
કર્મન્દી વલલઃ ક્લીબઃ પશુપાલોઽશ્વપાલકઃ .. ૧૩૮..

શનિપીડાવિનાશી ચ કૃત્યાદોષનિબર્હણઃ .
આભિચારિકવિધ્વંસી ગદાવનદવાનલઃ .. ૧૩૯..

જપપૂજાર્ચનરતો નારાયણપદં પરમ્ .
પાપપાષાણદલનટઙ્કીકૃતકરાવલિઃ .. ૧૪૦..

મોક્ષલક્ષ્મીકવાટશ્ચ માતૃકાવર્ણમણ્ડનઃ .
અકારાદિક્ષકારાન્તવર્ણમાલાવિભૂષણઃ .. ૧૪૧..

અનુસ્વારાદિસઙ્ખ્યાત્મા સ્વરો વ્યઞ્જન એવ ચ .
સર્વાર્થદસ્સર્વકર્મસર્વકાર્યપ્રકાશકઃ .. ૧૪૨..

પઞ્ચવિંશતિતત્ત્વસ્થઃ પઞ્ચબ્રહ્મસમુદ્ભવઃ .
પારમાર્થિકસન્દાયી પઙ્ગ્વાદિગતિદાયકઃ .. ૧૪૩..

સફલીકૃતપૂજાર્થો વિફલીકૃતદુષ્કૃતિઃ .
શ્રુતિસ્મૃતિસમામ્નાતસ્માર્તકર્મપ્રકાશકઃ .. ૧૪૪..

યજ્ઞોપવીતધારી ચ યાજ્ઞવલ્ક્યાદિવન્દિતઃ .
સુષુમ્નાયોગમધ્યસ્થો લમ્બિકાયોગસાધનઃ .. ૧૪૫..

સાલમ્બનોદ્દીપનાદિક્રિયાબીજં મહામનુઃ .
કલ્પાતિશાયિસઙ્કલ્પો વિકલ્પવિધિવર્જિતઃ .. ૧૪૬..

અનલ્પમૂર્તિરશ્વાત્મા સ્વાત્માનન્દવિધાયકઃ .
આત્માનાત્મવિવેકજ્ઞો નિરાવરણબોધનઃ .. ૧૪૭..

નિદાનભૂતસ્તત્ત્વાનાં નિત્યકલ્યાણસુન્દરઃ .
શાન્તરક્ષણનિર્નિદ્રઃ શ્રુતિસ્મૃતિશુભદ્રુમઃ .. ૧૪૮..

આલાપીકૃતવેદાઙ્ગો માલાલઙ્કૃતકન્ધરઃ .
રુદ્રાક્ષકઙ્કણલસત્કરો રુદ્રજપપ્રિયઃ .. ૧૪૯..

સદાશિવપરબ્રહ્મસ્થાનં શ્રીશમ્ભુવિગ્રહઃ .
મૂલાધારામ્બુજારૂઢો દહરાકાશમધ્યગઃ .. ૧૫૦..

સહસ્રારામ્બુજારૂઢો જ્ઞાનડોલાવિલાસવાન્ .
વેલોલ્લઙ્ઘનસામર્થ્યો વેત્તા નિર્વૃતિદાયકઃ .. ૧૫૧..

સુરભૂસુરદત્તાર્ઘ્યશુદ્ધામ્બુગ્રહણે રતઃ .
બ્રહ્મવર્ચસ્વિતામૂલં બ્રહ્મશ્રીસૂર્યવિગ્રહઃ .. ૧૫૨..

ફલશ્રુતિઃ -
ઇતિ નામાનિ ગૌણાનિ ભાસ્કરસ્ય મહાત્મનઃ .
કાનિચિદ્વર્ણિતાન્યત્ર દેવસ્યાનન્તરૂપિણઃ .. ૧૫૩..

સૂર્યવર્ચઃ કૃતાર્થોઽસિ ત્વમદ્ય ન હિ સંશયઃ .
દિવ્યાનામપિ યન્નામ્નાં સહસ્રમનુકીર્તિતમ્ .. ૧૫૪..

એતસ્ય શ્રવણાદેવ કીર્તનાજ્જીવકોટયઃ .
તરન્તિ દુસ્તરં ઘોરં સંસારં નાત્ર સંશયઃ .. ૧૫૫..

યશ્શૃણોતિ સદા નામ્નાં સહસ્રં ભાસ્કરસ્ય ચ .
વિદ્યાકામો લભેદ્વિદ્યામર્થાર્થી સાર્થકો ભવેત્ .. ૧૫૬..

અનપત્યો લભેત્પુત્રમરાજા રાજ્યમાપ્નુયાત્ .
ગ્રહપીડા વિનશ્યન્તિ નશ્યન્તિ બ્રહ્મરાક્ષસાઃ .. ૧૫૭..

આરોગ્યમાપ્નુયાદ્રોગી કામી કામાનવાપ્નુયાત્ .
કિમત્ર બહુનોક્તેન સર્વસિદ્ધિર્ભવિષ્યતિ .. ૧૫૮..

ધર્માર્થકામમોક્ષાણાં સાધનં સર્વસમ્મતમ્ .
શ્રુતિસ્મૃતિપુરાણાદિસારાર્થકૃતનિર્ણયમ્ .. ૧૫૯..

નામ્નાં સહસ્રં યો ભકયા પઠેન્નિયતમાનસઃ .
સિધ્યન્તિ સર્વધર્માર્થાસ્તસ્ય નૈવાત્ર સંશયઃ .. ૧૬૦..

વિશ્વાવસુરુવાચ -
નારાયણ નમસ્તેઽસ્તુ ભાનુમણ્ડલમધ્યગ .
કર્મણામપિ ધર્માણાં સાક્ષી ત્વં બ્રહ્મ નિર્મલમ્ .. ૧૬૧..

અનન્તોઽનન્તનામા ચ શ્રીમાન્ લોકત્રયેશ્વરઃ .
વિભૂતિઃ કેન વા જ્ઞેયા જ્યોતિષામયનસ્ય ચ .. ૧૬૨..

ગન્ધર્વા ઊચુઃ -
સૂર્ય આત્માઽસ્ય જગતસ્તસ્થુષશ્ચ ત્વમેવ હિ .
ત્વામૃતે નહિ પશ્યામો જન્તૂનાં શરણં કલૌ .. ૧૬૩..

વાલખિલ્યા ઊચુઃ -
યઃ કર્મસાક્ષી વિદુષાં વરેણ્યં ભર્ગશ્ચ સૂતે સવિતા જગચ્ચ .
યો વૃષ્ટિદાયી તપનશ્ચ પુષ્ટિદસ્તમેવ દેવં ગતિમામનામ .. ૧૬૪..

વૈખાનસા ઊચુઃ -
કલાશ્ચેન્દોઃ કલાસ્સર્વાઃ કલાભિશ્ચ પ્રપઞ્ચિતાઃ .
તમેવ કલયામોઽદ્ય ચક્ષુષો રતિદૈવતમ્ .. ૧૬૫..

વૈષ્ણવા ઊચુઃ -
નારાયણાશ્રયો મર્ત્યો નારાયણપરાયણઃ .
સર્વત્ર વિજયી ભૂયાત્સ એવ સવિતા સ્વયમ્ .. ૧૬૬..

રુદ્રગણા ઊચુઃ -
અષ્ટમૂર્તેરિયં મૂર્તિરેકા દીપ્તિમયી યતઃ .
એનં ભજામ લોકેશં ભાનુમણ્ડલમધ્યગમ્ .. ૧૬૭..

શ્રીસૂત ઉવાચ -
બૃહસ્પતિસ્સુરાચાર્યઃ કૃપયા પરયા મુદા .
સૂર્યવર્ચસમિત્યુક્ત્વા વિરરામોમિતિ સ્વયમ્ .. ૧૬૮..

વ્યાસપ્રસાદાચ્છ્રુતવાનહમેતન્મહર્ષયઃ! .
ભવન્તસ્સર્વધર્માર્થસિદ્ધ્યૈ નિત્યં પઠન્તિવદમ્ .. ૧૬૯..