॥ শ্রীভ়েঙ্কটেশ মঙ্গলাষ্টকম্ ॥
শ্রীক্ষোণ্যৌ রমণীযুগং সুরমণীপুত্রোঽপি ভ়াণীপতিঃ
পৌত্রশ্চন্দ্রশিরোমণিঃ ফণিপতিঃ শয্যা সুরাঃ সেভ়কাঃ ।
তার্ক্ষ্যো যস্য রথো মহশ্চ ভভ়নং ব্রহ্মাণ্ডমাদ্যঃ পুমান্
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ১॥
যত্তেজো রভ়িকোটিকোটিকিরণান্ ধিক্কৃত্য জেজীযতে
যস্য শ্রীভ়দনাম্বুজস্য সুষমা রাকেন্দুকোটীরপি ।
সৌন্দর্যং চ মনোভভ়ানপি বহূন্ কান্তিশ্চ কাদম্বিনীং
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ২॥
নানারত্ন কিরীটকুণ্ডলমুখৈর্ভূষাগণৈর্ভূষিতঃ
শ্রীমৎকৌস্তুভরত্ন ভভ়্যহৃদযঃ শ্রীভ়ৎসসল্লাঞ্ছনঃ ।
ভ়িদ্যুদ্বর্ণসুভ়র্ণভ়স্ত্ররুচিরো যঃ শঙ্খচক্রাদিভিঃ
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৩॥
যৎফালে মৃগনাভিচারুতিলকো নেত্রেঽব্জপত্রাযতে
কস্তূরীঘনসারকেসরমিলচ্ছ্রীগন্ধসারো দ্রভ়ৈঃ ।
গন্ধৈর্লিপ্ততনুঃ সুগন্ধসুমনোমালাধরো যঃ প্রভুঃ
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৪॥
এতদ্দিভ়্যপদং মমাস্তি ভুভ়ি তৎসম্পশ্যতেত্যাদরা-
দ্ভক্তেভ্যঃ স্বকরেণ দর্শযতি যদ্দৃষ্ট্যাঽতিসৌখ্যং গতঃ ।
এতদ্ভক্তিমতো মহানপি ভভ়াম্ভোধির্নদীতি স্পৃশন্
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৫॥
যঃ স্বামী সরসস্তটে ভ়িহরতো শ্রীস্বামিন্নাম্নঃ সদা
সৌভ়র্ণালযমন্দিরো ভ়িধিমুখৈর্বর্হির্মুখৈঃ সেভ়িতঃ ।
যঃ শত্রূন্ হনযন্ নিজানভ়তি চ শ্রীভূভ়রাহাত্মকঃ
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৬॥
যো ব্রহ্মাদিসুরান্ মুনীংশ্চ মনুজান্ ব্রহ্মোৎসভ়াযাগতান্
দৃষ্ট্বা হৃষ্টমনা বভূভ় বহুশস্তৈরর্চিতঃ সংস্তুতঃ ।
তেভ্যো যঃ প্রদদাদ্বরান্ বহুভ়িধান্ লক্ষ্মীনিভ়াসো ভ়িভুঃ
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৭॥
যো দেভ়ো ভুভ়ি ভ়র্ততে কলিযুগে ভ়ৈকুণ্ঠলোকস্থিতো
ভক্তানাং পরিপালনায সততং কারুণ্যভ়ারাং নিধিঃ ।
শ্রীশেষাখ্যমহীধ্রমস্তকমণির্ভক্তৈকচিন্তামণি
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৮॥
শেষাদ্রিপ্রভুমঙ্গলাষ্টকমিদং তুষ্টেন যস্যেশিতুঃ
প্রীত্যর্থং রচিতং রমেশচরণদ্বন্দ্বৈকনিষ্টাভ়তা ।
ভ়ৈভ়াহ্যাদিশুভক্রিযাসু পঠিতং যৈঃ সাধু তেষামপি
শ্রীমদ্বেঙ্কটভূধরেন্দ্ররমণঃ কুর্যাদ্ধরির্মঙ্গলম্ ॥ ৯॥