.. ஶ்ரீவேங்கடேஶ மங்க₃லாஷ்டகம் ..

ஶ்ரீக்ஷோண்யௌ ரமணீயுக₃ம் ஸுரமணீபுத்ரோ(அ)பி வாணீபதி꞉
பௌத்ரஶ்சந்த்₃ரஶிரோமணி꞉ ப₂ணிபதி꞉ ஶய்யா ஸுரா꞉ ஸேவகா꞉ .
தார்க்ஷ்யோ யஸ்ய ரதோ₂ மஹஶ்ச ப₄வநம் ப்₃ரஹ்மாண்ட₃மாத்₃ய꞉ புமாந்
ஶ்ரீமத்₃வேங்கடபூ₄த₄ரேந்த்₃ரரமண꞉ குர்யாத்₃த₄ரிர்மங்க₃லம் .. 1..

யத்தேஜோ ரவிகோடிகோடிகிரணாந் தி₄க்க்ருத்ய ஜேஜீயதே
யஸ்ய ஶ்ரீவத₃நாம்பு₃ஜஸ்ய ஸுஷமா ராகேந்து₃கோடீரபி .
ஸௌந்த₃ர்யம் ச மநோப₄வாநபி ப₃ஹூந் காந்திஶ்ச காத₃ம்பி₃நீம்
ஶ்ரீமத்₃வேங்கடபூ₄த₄ரேந்த்₃ரரமண꞉ குர்யாத்₃த₄ரிர்மங்க₃லம் .. 2..

நாநாரத்ந கிரீடகுண்ட₃லமுகை₂ர்பூ₄ஷாக₃ணைர்பூ₄ஷித꞉
ஶ்ரீமத்கௌஸ்துப₄ரத்ந ப₄வ்யஹ்ருத₃ய꞉ ஶ்ரீவத்ஸஸல்லாஞ்ச₂ந꞉ .
வித்₃யுத்₃வர்ணஸுவர்ணவஸ்த்ரருசிரோ ய꞉ ஶங்க₂சக்ராதி₃பி₄꞉
ஶ்ரீமத்₃வேங்கடபூ₄த₄ரேந்த்₃ரரமண꞉ குர்யாத்₃த₄ரிர்மங்க₃லம் .. 3..

யத்பா₂லே ம்ருக₃நாபி₄சாருதிலகோ நேத்ரே(அ)ப்₃ஜபத்ராயதே
கஸ்தூரீக₄நஸாரகேஸரமிலச்ச்₂ரீக₃ந்த₄ஸாரோ த்₃ரவை꞉ .
க₃ந்தை₄ர்லிப்ததநு꞉ ஸுக₃ந்த₄ஸுமநோமாலாத₄ரோ ய꞉ ப்ரபு₄꞉
ஶ்ரீமத்₃வேங்கடபூ₄த₄ரேந்த்₃ரரமண꞉ குர்யாத்₃த₄ரிர்மங்க₃லம் .. 4..

ஏதத்₃தி₃வ்யபத₃ம் மமாஸ்தி பு₄வி தத்ஸம்பஶ்யதேத்யாத₃ரா-
த்₃ப₄க்தேப்₄ய꞉ ஸ்வகரேண த₃ர்ஶயதி யத்₃த்₃ருஷ்ட்யா(அ)திஸௌக்₂யம் க₃த꞉ .
ஏதத்₃ப₄க்திமதோ மஹாநபி ப₄வாம்போ₄தி₄ர்நதீ₃தி ஸ்ப்ருஶந்
ஶ்ரீமத்₃வேங்கடபூ₄த₄ரேந்த்₃ரரமண꞉ குர்யாத்₃த₄ரிர்மங்க₃லம் .. 5..

ய꞉ ஸ்வாமீ ஸரஸஸ்தடே விஹரதோ ஶ்ரீஸ்வாமிந்நாம்ந꞉ ஸதா₃
ஸௌவர்ணாலயமந்தி₃ரோ விதி₄முகை₂ர்ப₃ர்ஹிர்முகை₂꞉ ஸேவித꞉ .
ய꞉ ஶத்ரூந் ஹநயந் நிஜாநவதி ச ஶ்ரீபூ₄வராஹாத்மக꞉
ஶ்ரீமத்₃வேங்கடபூ₄த₄ரேந்த்₃ரரமண꞉ குர்யாத்₃த₄ரிர்மங்க₃லம் .. 6..

யோ ப்₃ரஹ்மாதி₃ஸுராந் முநீம்ஶ்ச மநுஜாந் ப்₃ரஹ்மோத்ஸவாயாக₃தாந்
த்₃ருஷ்ட்வா ஹ்ருஷ்டமநா ப₃பூ₄வ ப₃ஹுஶஸ்தைரர்சித꞉ ஸம்ஸ்துத꞉ .
தேப்₄யோ ய꞉ ப்ரத₃தா₃த்₃வராந் ப₃ஹுவிதா₄ந் லக்ஷ்மீநிவாஸோ விபு₄꞉
ஶ்ரீமத்₃வேங்கடபூ₄த₄ரேந்த்₃ரரமண꞉ குர்யாத்₃த₄ரிர்மங்க₃லம் .. 7..

யோ தே₃வோ பு₄வி வர்ததே கலியுகே₃ வைகுண்ட₂லோகஸ்தி₂தோ
ப₄க்தாநாம் பரிபாலநாய ஸததம் காருண்யவாராம் நிதி₄꞉ .
ஶ்ரீஶேஷாக்₂யமஹீத்₄ரமஸ்தகமணிர்ப₄க்தைகசிந்தாமணி
ஶ்ரீமத்₃வேங்கடபூ₄த₄ரேந்த்₃ரரமண꞉ குர்யாத்₃த₄ரிர்மங்க₃லம் .. 8..

ஶேஷாத்₃ரிப்ரபு₄மங்க₃லாஷ்டகமித₃ம் துஷ்டேந யஸ்யேஶிது꞉
ப்ரீத்யர்த₂ம் ரசிதம் ரமேஶசரணத்₃வந்த்₃வைகநிஷ்டாவதா .
வைவாஹ்யாதி₃ஶுப₄க்ரியாஸு படி₂தம் யை꞉ ஸாது₄ தேஷாமபி
ஶ்ரீமத்₃வேங்கடபூ₄த₄ரேந்த்₃ரரமண꞉ குர்யாத்₃த₄ரிர்மங்க₃லம் .. 9..