સનાતન દેવ
શ્રીસુદર્શનસ્તોત્રમ્
श्रीसुदर्शनस्तोत्रम्
.. શ્રીસુદર્શનસ્તોત્રમ્ ..
સુદર્શન મહાજ્વાલ પ્રસીદ જગદઃ પતે .
તેજોરાશે પ્રસીદ ત્વં કોટિસૂર્યમિતપ્રભ .. ૧..
અજ્ઞાનતિમિરધ્વંસિન્ પ્રસીદ પરમાદ્ભુત .
સુદર્શન નમસ્તેઽસ્તુ દેવાનાં ત્વં સુદર્શન .. ૨..
અસુરાણાં સુદુર્દર્શ પિશાચાનાં ભયઙ્કર .
ભઞ્જકાય નમસ્તેઽસ્તુ સર્વેષામપિ તેજસામ્ .. ૩..
શાન્તાનામપિ શાન્તાય ઘોરાય ચ દુરાત્મનામ્ .
ચક્રાય ચક્રરૂપાય પરચક્રાય માયિને .. ૪..
હતયે હેતિરૂપાય હેતીનાં પતયે નમઃ .
કાલાય કાલરૂપાય કાલચક્રાય તે નમઃ .. ૫..
ઉગ્રાય ચોગ્રરૂપાય ક્રુદ્ધોલ્કાય નમો નમઃ .
સહસ્રારાય શૂરાય સહસ્રાક્ષાય તે નમઃ .. ૬..
સહસ્રાક્ષાદિ પૂજ્યાય સહસ્રારશિરસે નમઃ .
જ્યોતિર્મણ્ડલરૂપાય જગત્ત્રિતય ધારિણે .. ૭..
ત્રિનેત્રાય ત્રયી ધામ્ને નમસ્તેઽસ્તુ ત્રિરૂપિણે .
ત્વં યજ્ઞસ્ત્વં વષટ્કારઃ ત્વં બ્રહ્મા ત્વં પ્રજાપતિઃ .. ૮..
ત્વમેવ વહ્નિસ્તવં સૂર્યઃ ત્વં વાયુસ્ત્વં વિશામ્પતિઃ .
આદિમધ્યાન્ત શૂન્યાય નાભિચક્રાય તે નમઃ .. ૯..
જ્ઞાનવિજ્ઞાનરૂપાય ધ્યાન ધ્યેયસ્વરૂપિણે .
ચિદાનન્દસ્વરૂપાય પ્રકૃતેઃ પૃથગાત્મને .. ૧૦..
ચરાચરાણાં ભૂતાનાં સૃષ્ટિસ્થિત્યન્તકારિણે .
સર્વેષામપિ ભૂતાનાં ત્વમેવ પરમાગતિઃ .. ૧૧..
ત્વયૈવ સર્વં સર્વેશ ભાસતે સકલં જગત્ .
ત્વદીયેન પ્રસાદેન ભાસ્કરોઽસ્મિ સુદર્શન .. ૧૨..
ત્વત્તેજસાં પ્રભાવેન મમતેજો હતં પ્રભો .
ભૂયસ્સંહર તેજસ્ત્વં અવિષહ્યં સુરાસુરૈઃ .. ૧૩..
ત્વત્પ્રસાદાદહં ભૂયઃ ભવિષ્યામિ પ્રભાન્વિતઃ .
ક્ષમસ્વ તે નમસ્તેઽસ્તુ અપરાધં કૃતં મયા .
ભક્તવત્સલ સર્વેશ પ્રણમામિ પુનઃ પુનઃ .. ૧૪..
ઇતિ સ્તુતો ભાનુમતા સુદર્શનઃ હતપ્રભેણાદ્ભુત ધામ વૈભવઃ .
શશામ ધામ્નાતિશયેન ધામ્નાં સહસ્રભાનૌ કૃપયા પ્રસન્નઃ .. ૧૫..
.. ઇતિ શ્રીકુમ્ભકોણમાહાત્મ્યે શ્રીસૂર્યકૃત શ્રીસુદર્શનસ્તોત્રમ્ સમ્પૂર્ણમ્ ..