॥ শ্রীসরস্বতী সূক্তম্॥
শ্রীসরস্বতী সূক্তম্
ই॒যম॑দদাদ্রভ॒সমৃ॑ণ॒চ্যুতং॒ দিভ়ো॑দাসং ভ়ধ্র্য॒শ্বায॑ দা॒শুষে॑ ।
যা শশ্ব॑ন্তমাচ॒খাদা॑ভ়॒সং প॒ণিং তা তে॑ দা॒ত্রাণি॑ তভ়ি॒ষা স॑রস্বতি ॥ ১॥
ই॒যং শুষ্মে॑ভির্বিস॒খা ই॑ভ়ারুজ॒ৎসানু॑ গিরী॒ণাং ত॑ভ়ি॒ষেভি॑রূ॒র্মিভিঃ॑ ।
পা॒রা॒ভ়॒ত॒ঘ্নীমভ়॑সে সুভ়ৃ॒ক্তিভিঃ॒ সর॑স্বতী॒মা ভ়ি॑ভ়াসেম ধী॒তিভিঃ॑ ॥ ২ ॥
সর॑স্বতি দেভ়॒নিদো॒ নি ব॑র্হয প্র॒জাং ভ়িশ্ব॑স্য॒ বৃস॑যস্য মা॒যিনঃ॑ ।
উ॒ত ক্ষি॒তিভ্যো॒ঽভ়নী॑রভ়িন্দো ভ়ি॒ষমে॑ভ্যো অস্রভ়ো ভ়াজিনীভ়তি ॥ ৩ ॥
প্র ণো॑ দে॒ভ়ী সর॑স্বতী॒ ভ়াজে॑ভির্ভ়া॒জিনী॑ভ়তী । ধী॒নাম॑ভ়ি॒ত্র্য॑ভ়তু ॥ ৪ ॥
যস্ত্বা॑ দেভ়ি সরস্বত্যুপব্রূ॒তে ধনে॑ হি॒তে । ইন্দ্রং॒ ন ভ়ৃ॑ত্র॒তূর্যে॑ ॥ ৫ ॥
ত্বং দে॑ভ়ি সরস্ব॒ত্যভ়া॒ ভ়াজে॑ষু ভ়াজিনি । রদা॑ পূ॒ষেভ়॑ নঃ স॒নিম্ ॥ ৬ ॥
উ॒ত স্যা নঃ॒ সর॑স্বতী ঘো॒রা হির॑ণ্যভ়র্তনিঃ । ভ়ৃ॒ত্র॒ঘ্নী ভ়॑ষ্টি সুষ্টু॒তিম্ ॥ ৭ ॥
যস্যা॑ অন॒ন্তো অহ্রু॑তস্ত্বে॒ষশ্চ॑রি॒ষ্ণুর॑র্ণ॒ভ়ঃ । অম॒শ্চর॑তি॒ রোরু॑ভ়ৎ ॥ ৮ ॥
সা নো॒ ভ়িশ্বা॒ অতি॒ দ্বিষঃ॒ স্বসৄ॑র॒ন্যা ঋ॒তাভ়॑রী । অত॒ন্নহে॑ভ়॒ সূর্যঃ॑ ॥ ৯ ॥
উ॒ত নঃ॑ প্রি॒যা প্রি॒যাসু॑ স॒প্তস্ব॑সা॒ সুজু॑ষ্টা । সর॑স্বতী॒ স্তোম্যা॑ ভূৎ ॥ ১০ ॥
আ॒প॒প্রুষী॒ পার্থি॑ভ়ান্যু॒রু রজো॑ অ॒ন্তরি॑ক্ষম্ । সর॑স্বতী নি॒দস্পা॑তু ॥ ১১ ॥
ত্রি॒ষ॒ধস্থা॑ স॒প্তধা॑তুঃ॒ পঞ্চ॑ জা॒তা ভ়॒র্ধয॑ন্তী । ভ়াজে॑ভ়াজে॒ হভ়্যা॑ ভূৎ ॥ ১২ ॥
প্র যা ম॑হি॒ম্না ম॒হিনা॑সু॒ চেকি॑তে দ্যু॒ম্নেভি॑র॒ন্যা অ॒পসা॑ম॒পস্ত॑মা ।
রথ॑ ইভ় বৃহ॒তী ভ়ি॒ভ্ভ়নে॑ কৃ॒তোপ॒স্তুত্যা॑ চিকি॒তুষা॒ সর॑স্বতী ॥ ১৩ ॥
সর॑স্বত্য॒ভি নো॑ নেষি॒ ভ়স্যো॒ মাপ॑ স্ফরীঃ॒ পয॑সা॒ মা ন॒ আ ধ॑ক্ ।
জু॒ষস্ব॑ নঃ স॒খ্যা ভ়ে॒শ্যা॑ চ॒ মা ত্বৎক্ষেত্রা॒ণ্যর॑ণানি গন্ম ॥ ১৪ ॥
প্র ক্ষোদ॑সা॒ ধায॑সা সস্র এ॒ষা সর॑স্বতী ধ॒রুণ॒মায॑সী॒ পূঃ ।
প্র॒বাব॑ধানা র॒থ্যে॑ভ় যাতি॒ ভ়িশ্বা॑ অ॒পো ম॑হি॒না সিন্ধু॑র॒ন্যাঃ ॥ ১৫ ॥
একা॑চেত॒ৎসর॑স্বতী ন॒দীনাং॒ শুচি॑র্য॒তী গি॒রিভ্য॒ আ স॑মু॒দ্রাৎ ।
রা॒যশ্চেত॑ন্তী॒ ভুভ়॑নস্য॒ ভূরে॑র্ঘৃ॒তং পযো॑ দুদুহে॒ নাহু॑ষায ॥ ১৬ ॥
স ভ়া॑ভ়ৃধে॒ নর্যো॒ যোষ॑ণাসু॒ ভ়ৃষা॒ শিশু॑র্ভ়ৃষ॒ভো য॒জ্ঞিযা॑সু ।
স ভ়া॒জিনং॑ ম॒ঘভ়॑দ্ভ্যো দধাতি॒ ভ়ি সা॒তযে॑ ত॒ন্বং॑ মামৃজীত ॥ ১৭ ॥
উ॒ত স্যা নঃ॒ সর॑স্বতী জুষা॒ণোপ॑ শ্রভ়ৎসু॒ভগা॑ য॒জ্ণে অ॒স্মিন্ ।
মি॒তজ্ঞু॑ভির্নম॒স্যৈ॑রিযা॒না রা॒যা যু॒জা চি॒দুত্ত॑রা॒ সখি॑ভ্যঃ ॥ ১৮ ॥
ই॒মা জুহ্বা॑না যু॒ষ্মদা নমো॑ভিঃ॒ প্রতি॒ স্তোমং॑ সরস্বতি জুষস্ব ।
তভ়॒ শর্ম॑ন্প্রি॒যত॑মে॒ দধা॑না॒ উপ॑ স্থেযাম শর॒ণং ন ভ়ৃ॒ক্ষম্ ॥ ১৯ ॥
অ॒যমু॑ তে সরস্বতি॒ ভ়সি॑ষ্ঠো॒ দ্বারা॑ভ়ৃ॒তস্য॑ সুভগে॒ ভ়্যা॑ভ়ঃ ।
ভ়র্ধ॑ শুভ্রে স্তুভ়॒তে রা॑সি॒ ভ়াজা॑ন্যূ॒যং পা॑ত স্ব॒স্তিভিঃ॒ সদা॑ নঃ ॥ ২০ ॥
বৃ॒হদু॑ গাযিষে॒ ভ়চো॑ঽসু॒র্যা॑ ন॒দীনা॑ম্ ।
সর॑স্বতী॒মিন্ম॑হযা সুভ়ৃ॒ক্তিভিঃ॒ স্তোমৈ॑র্ভ়সিষ্ঠ॒ রোদ॑সী ॥ ২১ ॥
উ॒ভে যত্তে॑ মহি॒না শু॑ভ্রে॒ অন্ধ॑সী অধিক্ষি॒যন্তি॑ পূ॒রভ়ঃ॑ ।
সা নো॑ বোধ্যভ়ি॒ত্রী ম॒রুৎস॑খা॒ চোদ॒ রাধো॑ ম॒ঘোনা॑ম্ ॥ ২২ ॥
ভ॒দ্রমিদ্ভ॒দ্রা কৃ॑ণভ়॒ৎসর॑স্ব॒ত্যক॑ভ়ারী চেততি ভ়া॒জিনী॑ভ়তী ।
গৃ॒ণা॒না জ॑মদগ্নি॒ভ়ৎস্তু॑ভ়া॒না চ॑ ভ়সিষ্ঠ॒ভ়ৎ ॥ ২৩ ॥
জ॒নী॒যন্তো॒ ন্বগ্র॑ভ়ঃ পুত্রী॒যন্তঃ॑ সু॒দান॑ভ়ঃ । সর॑স্বন্তং হভ়ামহে ॥ ২৪ ॥
যে তে॑ সরস্ব ঊ॒র্মযো॒ মধু॑মন্তো ঘৃত॒শ্চুতঃ॑ । তেভি॑র্নোঽভ়ি॒তা ভ॑ভ় ॥ ২৫ ॥
পী॒পি॒ভ়াংসং॒ সর॑স্বতঃ॒ স্তনং॒ যো ভ়ি॒শ্বদ॑র্শতঃ । ভ॒ক্ষী॒মহি॑ প্র॒জামিষ॑ম্ ॥ ২৬ ॥
অম্বি॑তমে॒ নদী॑তমে॒ দেভ়ি॑তমে॒ সর॑স্বতি ।
অ॒প্র॒শ॒স্তা ই॑ভ় স্মসি॒ প্রশ॑স্তিমম্ব নস্কৃধি ॥ ২৭ ॥
ত্বে ভ়িশ্বা॑ সরস্বতি শ্রি॒তাযূং॑ষি দে॒ভ়্যাম্ ।
শু॒নহো॑ত্রেষু মৎস্ব প্র॒জাং দে॑ভ়ি দিদিড্ঢি নঃ ॥ ২৮ ॥
ই॒মা ব্রহ্ম॑ সরস্বতি জু॒ষস্ব॑ ভ়াজিনীভ়তি ।
যা তে॒ মন্ম॑ গৃৎসম॒দা ঋ॑তাভ়রি প্রি॒যা দে॒ভ়েষু॒ জুহ্ব॑তি ॥ ২৯ ॥
পা॒ভ়॒কা নঃ॒ সর॑স্বতী॒ ভ়াজে॑ভির্ভ়া॒জিনী॑ভ়তী । য॒জ্ঞং ভ়॑ষ্টু ধি॒যাভ়॑সুঃ ॥ ৩০ ॥
চো॒দ॒যি॒ত্রী সূ॒নৃতা॑নাং॒ চেত॑ন্তী সুমতী॒নাম্ । য॒জ্ঞং দ॑ধে॒ সর॑স্বতী ॥ ৩১ ॥
ম॒হো অর্ণঃ॒ সর॑স্বতী॒ প্র চে॑তযতি কে॒তুনা॑ । ধিযো॒ ভ়িশ্বা॒ ভ়ি রা॑জতি ॥ ৩২ ॥
সর॑স্বতীং দেভ়॒যন্তো॑ হভ়ন্তে॒ সর॑স্বতীমধ্ব॒রে তা॒যমা॑নে ।
সর॑স্বতীং সু॒কৃতো॑ অহ্বযন্ত॒ সর॑স্বতী দা॒শুষে॒ ভ়ার্যং॑ দাৎ ॥ ৩৩ ॥
সর॑স্বতি॒ যা স॒রথং॑ য॒যাথ॑ স্ব॒ধাভি॑র্দেভ়ি পি॒তৃভি॒র্মদ॑ন্তী ।
আ॒সদ্যা॒স্মিন্ব॒র্হিষি॑ মাদযস্বানমী॒ভ়া ইষ॒ আ ধে॑হ্য॒স্মে ॥ ৩৪ ॥
সর॑স্বতীং॒ যাং পি॒তরো॒ হভ়॑ন্তে দক্ষি॒ণা য॒জ্ঞম॑ভি॒নক্ষ॑মাণাঃ ।
স॒হ॒স্রা॒র্ঘমি॒ল়ো অত্র॑ ভা॒গং রা॒যস্পোষং॒ যজ॑মানেষু ধেহি ॥ ৩৫ ॥
আ নো॑ দি॒ভ়ো বৃ॑হ॒তঃ পর্ভ়॑তা॒দা সর॑স্বতী যজ॒তা গ॑ন্তু য॒জ্ঞম্ ।
হভ়ং॑ দে॒ভ়ী জু॑জুষা॒ণা ঘৃ॒তাচী॑ শ॒গ্মাং নো॒ ভ়াচ॑মুশ॒তী শৃ॑ণোতু ॥ ৩৬ ॥
রা॒কাম॒হং সু॒হভ়াং॑ সুষ্টু॒তী হু॑ভ়ে শৃ॒ণোতু॑ নঃ সু॒ভগা॒ বোধ॑তু॒ ত্মনা॑ ।
সীভ়্য॒ত্বপঃ॑ সূ॒চ্যাচ্ছি॑দ্যমানযা॒ দদা॑তু ভ়ী॒রং শ॒তদা॑যমু॒ক্থ্য॑ম্ ॥ ৩৭ ॥
যাস্তে॑ রাকে সুম॒তযঃ॑ সু॒পেশ॑সো॒ যাভি॒র্দদা॑সি দা॒শুষে॒ ভ়সূ॑নি ।
তাভি॑র্নো অ॒দ্য সু॒মনা॑ উ॒পাগ॑হি সহস্রপো॒ষং সু॑ভগে॒ ররা॑ণা ॥ ৩৮ ॥
সিনী॑ভ়ালি॒ পৃথু॑ষ্টুকে॒ যা দে॒ভ়ানা॒মসি॒ স্বসা॑ ।
জু॒ষস্ব॑ হ॒ভ়্যমাহু॑তং প্র॒জাং দে॑ভ়ি দিদিড্ঢি নঃ ॥ ৩৯ ॥
যা সু॑বা॒হুঃ স্ব॑ঙ্গু॒রিঃ সু॒ষূমা॑ বহু॒সূভ়॑রী ।
তস্যৈ॑ ভ়ি॒শ্পত্ন্যৈ॑ হ॒ভ়িঃ সি॑নীভ়া॒ল্যৈ জু॑হোতন ॥ ৪০ ॥
যা গু॒ঙ্গূর্যা সি॑নীভ়া॒লী যা রা॒কা যা সর॑স্বতী ।
ই॒ন্দ্রা॒ণীম॑হ্ব ঊ॒তযে॑ ভ়রুণা॒নীং স্ব॒স্তযে॑ ॥ ৪১ ॥
॥ ওঁ শান্তিঃ শান্তিঃ শান্তিঃ ॥