.. ஶ்ரீஸரஸ்வதீ ஸூக்தம்..
ஶ்ரீஸரஸ்வதீ ஸூக்தம்
இ॒யம॑த₃தா₃த்₃ரப₄॒ஸம்ரு॑ண॒ச்யுதம்॒ தி₃வோ॑தா₃ஸம் வத்₄ர்ய॒ஶ்வாய॑ தா₃॒ஶுஷே॑ .
யா ஶஶ்வ॑ந்தமாச॒கா₂தா₃॑வ॒ஸம் ப॒ணிம் தா தே॑ தா₃॒த்ராணி॑ தவி॒ஷா ஸ॑ரஸ்வதி .. 1..
இ॒யம் ஶுஷ்மே॑பி₄ர்பி₃ஸ॒கா₂ இ॑வாருஜ॒த்ஸாநு॑ கி₃ரீ॒ணாம் த॑வி॒ஷேபி₄॑ரூ॒ர்மிபி₄॑꞉ .
பா॒ரா॒வ॒த॒க்₄நீமவ॑ஸே ஸுவ்ரு॒க்திபி₄॒꞉ ஸர॑ஸ்வதீ॒மா வி॑வாஸேம தீ₄॒திபி₄॑꞉ .. 2 ..
ஸர॑ஸ்வதி தே₃வ॒நிதோ₃॒ நி ப₃॑ர்ஹய ப்ர॒ஜாம் விஶ்வ॑ஸ்ய॒ ப்₃ருஸ॑யஸ்ய மா॒யிந॑꞉ .
உ॒த க்ஷி॒திப்₄யோ॒(அ)வநீ॑ரவிந்தோ₃ வி॒ஷமே॑ப்₄யோ அஸ்ரவோ வாஜிநீவதி .. 3 ..
ப்ர ணோ॑ தே₃॒வீ ஸர॑ஸ்வதீ॒ வாஜே॑பி₄ர்வா॒ஜிநீ॑வதீ . தீ₄॒நாம॑வி॒த்ர்ய॑வது .. 4 ..
யஸ்த்வா॑ தே₃வி ஸரஸ்வத்யுபப்₃ரூ॒தே த₄நே॑ ஹி॒தே . இந்த்₃ரம்॒ ந வ்ரு॑த்ர॒தூர்யே॑ .. 5 ..
த்வம் தே₃॑வி ஸரஸ்வ॒த்யவா॒ வாஜே॑ஷு வாஜிநி . ரதா₃॑ பூ॒ஷேவ॑ ந꞉ ஸ॒நிம் .. 6 ..
உ॒த ஸ்யா ந॒꞉ ஸர॑ஸ்வதீ கோ₄॒ரா ஹிர॑ண்யவர்தநி꞉ . வ்ரு॒த்ர॒க்₄நீ வ॑ஷ்டி ஸுஷ்டு॒திம் .. 7 ..
யஸ்யா॑ அந॒ந்தோ அஹ்ரு॑தஸ்த்வே॒ஷஶ்ச॑ரி॒ஷ்ணுர॑ர்ண॒வ꞉ . அம॒ஶ்சர॑தி॒ ரோரு॑வத் .. 8 ..
ஸா நோ॒ விஶ்வா॒ அதி॒ த்₃விஷ॒꞉ ஸ்வஸ்ரூ॑ர॒ந்யா ரு॒தாவ॑ரீ . அத॒ந்நஹே॑வ॒ ஸூர்ய॑꞉ .. 9 ..
உ॒த ந॑꞉ ப்ரி॒யா ப்ரி॒யாஸு॑ ஸ॒ப்தஸ்வ॑ஸா॒ ஸுஜு॑ஷ்டா . ஸர॑ஸ்வதீ॒ ஸ்தோம்யா॑ பூ₄த் .. 10 ..
ஆ॒ப॒ப்ருஷீ॒ பார்தி₂॑வாந்யு॒ரு ரஜோ॑ அ॒ந்தரி॑க்ஷம் . ஸர॑ஸ்வதீ நி॒த₃ஸ்பா॑து .. 11 ..
த்ரி॒ஷ॒த₄ஸ்தா₂॑ ஸ॒ப்ததா₄॑து॒꞉ பஞ்ச॑ ஜா॒தா வ॒ர்த₄ய॑ந்தீ . வாஜே॑வாஜே॒ ஹவ்யா॑ பூ₄த் .. 12 ..
ப்ர யா ம॑ஹி॒ம்நா ம॒ஹிநா॑ஸு॒ சேகி॑தே த்₃யு॒ம்நேபி₄॑ர॒ந்யா அ॒பஸா॑ம॒பஸ்த॑மா .
ரத₂॑ இவ ப்₃ருஹ॒தீ வி॒ப்₄வநே॑ க்ரு॒தோப॒ஸ்துத்யா॑ சிகி॒துஷா॒ ஸர॑ஸ்வதீ .. 13 ..
ஸர॑ஸ்வத்ய॒பி₄ நோ॑ நேஷி॒ வஸ்யோ॒ மாப॑ ஸ்ப₂ரீ॒꞉ பய॑ஸா॒ மா ந॒ ஆ த₄॑க் .
ஜு॒ஷஸ்வ॑ ந꞉ ஸ॒க்₂யா வே॒ஶ்யா॑ ச॒ மா த்வத்க்ஷேத்ரா॒ண்யர॑ணாநி க₃ந்ம .. 14 ..
ப்ர க்ஷோத₃॑ஸா॒ தா₄ய॑ஸா ஸஸ்ர ஏ॒ஷா ஸர॑ஸ்வதீ த₄॒ருண॒மாய॑ஸீ॒ பூ꞉ .
ப்ர॒பா₃ப₃॑தா₄நா ர॒த்₂யே॑வ யாதி॒ விஶ்வா॑ அ॒போ ம॑ஹி॒நா ஸிந்து₄॑ர॒ந்யா꞉ .. 15 ..
ஏகா॑சேத॒த்ஸர॑ஸ்வதீ ந॒தீ₃நாம்॒ ஶுசி॑ர்ய॒தீ கி₃॒ரிப்₄ய॒ ஆ ஸ॑மு॒த்₃ராத் .
ரா॒யஶ்சேத॑ந்தீ॒ பு₄வ॑நஸ்ய॒ பூ₄ரே॑ர்க்₄ரு॒தம் பயோ॑ து₃து₃ஹே॒ நாஹு॑ஷாய .. 16 ..
ஸ வா॑வ்ருதே₄॒ நர்யோ॒ யோஷ॑ணாஸு॒ வ்ருஷா॒ ஶிஶு॑ர்வ்ருஷ॒போ₄ ய॒ஜ்ஞியா॑ஸு .
ஸ வா॒ஜிநம்॑ ம॒க₄வ॑த்₃ப்₄யோ த₃தா₄தி॒ வி ஸா॒தயே॑ த॒ந்வம்॑ மாம்ருஜீத .. 17 ..
உ॒த ஸ்யா ந॒꞉ ஸர॑ஸ்வதீ ஜுஷா॒ணோப॑ ஶ்ரவத்ஸு॒ப₄கா₃॑ ய॒ஜ்ணே அ॒ஸ்மிந் .
மி॒தஜ்ஞு॑பி₄ர்நம॒ஸ்யை॑ரியா॒நா ரா॒யா யு॒ஜா சி॒து₃த்த॑ரா॒ ஸகி₂॑ப்₄ய꞉ .. 18 ..
இ॒மா ஜுஹ்வா॑நா யு॒ஷ்மதா₃ நமோ॑பி₄॒꞉ ப்ரதி॒ ஸ்தோமம்॑ ஸரஸ்வதி ஜுஷஸ்வ .
தவ॒ ஶர்ம॑ந்ப்ரி॒யத॑மே॒ த₃தா₄॑நா॒ உப॑ ஸ்தே₂யாம ஶர॒ணம் ந வ்ரு॒க்ஷம் .. 19 ..
அ॒யமு॑ தே ஸரஸ்வதி॒ வஸி॑ஷ்டோ₂॒ த்₃வாரா॑வ்ரு॒தஸ்ய॑ ஸுப₄கே₃॒ வ்யா॑வ꞉ .
வர்த₄॑ ஶுப்₄ரே ஸ்துவ॒தே ரா॑ஸி॒ வாஜா॑ந்யூ॒யம் பா॑த ஸ்வ॒ஸ்திபி₄॒꞉ ஸதா₃॑ ந꞉ .. 20 ..
ப்₃ரு॒ஹது₃॑ கா₃யிஷே॒ வசோ॑(அ)ஸு॒ர்யா॑ ந॒தீ₃நா॑ம் .
ஸர॑ஸ்வதீ॒மிந்ம॑ஹயா ஸுவ்ரு॒க்திபி₄॒꞉ ஸ்தோமை॑ர்வஸிஷ்ட₂॒ ரோத₃॑ஸீ .. 21 ..
உ॒பே₄ யத்தே॑ மஹி॒நா ஶு॑ப்₄ரே॒ அந்த₄॑ஸீ அதி₄க்ஷி॒யந்தி॑ பூ॒ரவ॑꞉ .
ஸா நோ॑ போ₃த்₄யவி॒த்ரீ ம॒ருத்ஸ॑கா₂॒ சோத₃॒ ராதோ₄॑ ம॒கோ₄நா॑ம் .. 22 ..
ப₄॒த்₃ரமித்₃ப₄॒த்₃ரா க்ரு॑ணவ॒த்ஸர॑ஸ்வ॒த்யக॑வாரீ சேததி வா॒ஜிநீ॑வதீ .
க்₃ரு॒ணா॒நா ஜ॑மத₃க்₃நி॒வத்ஸ்து॑வா॒நா ச॑ வஸிஷ்ட₂॒வத் .. 23 ..
ஜ॒நீ॒யந்தோ॒ ந்வக்₃ர॑வ꞉ புத்ரீ॒யந்த॑꞉ ஸு॒தா₃ந॑வ꞉ . ஸர॑ஸ்வந்தம் ஹவாமஹே .. 24 ..
யே தே॑ ஸரஸ்வ ஊ॒ர்மயோ॒ மது₄॑மந்தோ க்₄ருத॒ஶ்சுத॑꞉ . தேபி₄॑ர்நோ(அ)வி॒தா ப₄॑வ .. 25 ..
பீ॒பி॒வாம்ஸம்॒ ஸர॑ஸ்வத॒꞉ ஸ்தநம்॒ யோ வி॒ஶ்வத₃॑ர்ஶத꞉ . ப₄॒க்ஷீ॒மஹி॑ ப்ர॒ஜாமிஷ॑ம் .. 26 ..
அம்பி₃॑தமே॒ நதீ₃॑தமே॒ தே₃வி॑தமே॒ ஸர॑ஸ்வதி .
அ॒ப்ர॒ஶ॒ஸ்தா இ॑வ ஸ்மஸி॒ ப்ரஶ॑ஸ்திமம்ப₃ நஸ்க்ருதி₄ .. 27 ..
த்வே விஶ்வா॑ ஸரஸ்வதி ஶ்ரி॒தாயூம்॑ஷி தே₃॒வ்யாம் .
ஶு॒நஹோ॑த்ரேஷு மத்ஸ்வ ப்ர॒ஜாம் தே₃॑வி தி₃தி₃ட்₃டி₄ ந꞉ .. 28 ..
இ॒மா ப்₃ரஹ்ம॑ ஸரஸ்வதி ஜு॒ஷஸ்வ॑ வாஜிநீவதி .
யா தே॒ மந்ம॑ க்₃ருத்ஸம॒தா₃ ரு॑தாவரி ப்ரி॒யா தே₃॒வேஷு॒ ஜுஹ்வ॑தி .. 29 ..
பா॒வ॒கா ந॒꞉ ஸர॑ஸ்வதீ॒ வாஜே॑பி₄ர்வா॒ஜிநீ॑வதீ . ய॒ஜ்ஞம் வ॑ஷ்டு தி₄॒யாவ॑ஸு꞉ .. 30 ..
சோ॒த₃॒யி॒த்ரீ ஸூ॒ந்ருதா॑நாம்॒ சேத॑ந்தீ ஸுமதீ॒நாம் . ய॒ஜ்ஞம் த₃॑தே₄॒ ஸர॑ஸ்வதீ .. 31 ..
ம॒ஹோ அர்ண॒꞉ ஸர॑ஸ்வதீ॒ ப்ர சே॑தயதி கே॒துநா॑ . தி₄யோ॒ விஶ்வா॒ வி ரா॑ஜதி .. 32 ..
ஸர॑ஸ்வதீம் தே₃வ॒யந்தோ॑ ஹவந்தே॒ ஸர॑ஸ்வதீமத்₄வ॒ரே தா॒யமா॑நே .
ஸர॑ஸ்வதீம் ஸு॒க்ருதோ॑ அஹ்வயந்த॒ ஸர॑ஸ்வதீ தா₃॒ஶுஷே॒ வார்யம்॑ தா₃த் .. 33 ..
ஸர॑ஸ்வதி॒ யா ஸ॒ரத₂ம்॑ ய॒யாத₂॑ ஸ்வ॒தா₄பி₄॑ர்தே₃வி பி॒த்ருபி₄॒ர்மத₃॑ந்தீ .
ஆ॒ஸத்₃யா॒ஸ்மிந்ப₃॒ர்ஹிஷி॑ மாத₃யஸ்வாநமீ॒வா இஷ॒ ஆ தே₄॑ஹ்ய॒ஸ்மே .. 34 ..
ஸர॑ஸ்வதீம்॒ யாம் பி॒தரோ॒ ஹவ॑ந்தே த₃க்ஷி॒ணா ய॒ஜ்ஞம॑பி₄॒நக்ஷ॑மாணா꞉ .
ஸ॒ஹ॒ஸ்ரா॒ர்க₄மி॒ளோ அத்ர॑ பா₄॒க₃ம் ரா॒யஸ்போஷம்॒ யஜ॑மாநேஷு தே₄ஹி .. 35 ..
ஆ நோ॑ தி₃॒வோ ப்₃ரு॑ஹ॒த꞉ பர்வ॑தா॒தா₃ ஸர॑ஸ்வதீ யஜ॒தா க₃॑ந்து ய॒ஜ்ஞம் .
ஹவம்॑ தே₃॒வீ ஜு॑ஜுஷா॒ணா க்₄ரு॒தாசீ॑ ஶ॒க்₃மாம் நோ॒ வாச॑முஶ॒தீ ஶ்ரு॑ணோது .. 36 ..
ரா॒காம॒ஹம் ஸு॒ஹவாம்॑ ஸுஷ்டு॒தீ ஹு॑வே ஶ்ரு॒ணோது॑ ந꞉ ஸு॒ப₄கா₃॒ போ₃த₄॑து॒ த்மநா॑ .
ஸீவ்ய॒த்வப॑꞉ ஸூ॒ச்யாச்சி₂॑த்₃யமாநயா॒ த₃தா₃॑து வீ॒ரம் ஶ॒ததா₃॑யமு॒க்த்₂ய॑ம் .. 37 ..
யாஸ்தே॑ ராகே ஸும॒தய॑꞉ ஸு॒பேஶ॑ஸோ॒ யாபி₄॒ர்த₃தா₃॑ஸி தா₃॒ஶுஷே॒ வஸூ॑நி .
தாபி₄॑ர்நோ அ॒த்₃ய ஸு॒மநா॑ உ॒பாக₃॑ஹி ஸஹஸ்ரபோ॒ஷம் ஸு॑ப₄கே₃॒ ரரா॑ணா .. 38 ..
ஸிநீ॑வாலி॒ ப்ருது₂॑ஷ்டுகே॒ யா தே₃॒வாநா॒மஸி॒ ஸ்வஸா॑ .
ஜு॒ஷஸ்வ॑ ஹ॒வ்யமாஹு॑தம் ப்ர॒ஜாம் தே₃॑வி தி₃தி₃ட்₃டி₄ ந꞉ .. 39 ..
யா ஸு॑பா₃॒ஹு꞉ ஸ்வ॑ங்கு₃॒ரி꞉ ஸு॒ஷூமா॑ ப₃ஹு॒ஸூவ॑ரீ .
தஸ்யை॑ வி॒ஶ்பத்ந்யை॑ ஹ॒வி꞉ ஸி॑நீவா॒ல்யை ஜு॑ஹோதந .. 40 ..
யா கு₃॒ங்கூ₃ர்யா ஸி॑நீவா॒லீ யா ரா॒கா யா ஸர॑ஸ்வதீ .
இ॒ந்த்₃ரா॒ணீம॑ஹ்வ ஊ॒தயே॑ வருணா॒நீம் ஸ்வ॒ஸ்தயே॑ .. 41 ..
.. ௐ ஶாந்தி꞉ ஶாந்தி꞉ ஶாந்தி꞉ ..