శ్రీరామమఙ్గలశాసనమ్

శ్రీరామమఙ్గలశాసనమ్

మఙ్గలం కౌశలేన్ద్రాయ మహనీయగుణాబ్ధయే.
చక్రవర్తితనూజాయ సార్వభౌమాయ మఙ్గలమ్..

వేదవేదాన్తవేద్యాయ మేఘశ్యామలమూర్తయే.
పుంసాం మోహనరూపాయ పుణ్యశ్లోకాయ మఙ్గలమ్..

విశ్వామిత్రాన్తరఙ్గాయ మిథిలానగరీపతేః.
భాగ్యానాం పరిపాకాయ భవ్యరూపాయ మఙ్గలమ్..

పితృభక్తాయ సతతం భ్రాతృభిః సహ సీతయా.
నన్దితాఖిలలోకాయ రామభద్రాయ మఙ్గలమ్..

త్యక్తసాకేతవాసాయ చిత్రకూటవిహారిణే.
సేవ్యాయ సర్వయమినాం ధీరోదయాయ మఙ్గలమ్..

సౌమిత్రిణా చ జానక్యా చాపబాణసిధారిణే.
సంసేవ్యాయ సదా భక్త్యా స్వామినే మమ మఙ్గలమ్..

దణ్డకారాయవాసాయ ఖరదూషణశత్రవే.
గృధ్రరాజాయ భక్తాయ ముక్తిదాయాస్తు మఙ్గలమ్..

సాదరం శబరీదత్తఫలమూలాభిలాషిణే.
సౌలభ్యపరిపూర్ణాయ సత్త్వోద్రిక్తాయ మఙ్గలమ్..

హనుమత్సమవేతాయ హరీశాభీష్టదాయినే.
బాలిప్రమథానాయాస్తు మహాధీరాయ మఙ్గలమ్..

శ్రీమతే రఘువీరాయ సేతూల్లఙ్ఘితసిన్ధవే.
జితరాక్షసరాజాయ రణధీరాయ మఙ్గలమ్..

విభీషణకృతే ప్రీత్యా లఙ్కాభీష్టప్రదాయినే.
సర్వలోకశరణ్యాయ శ్రీరాఘవాయ మఙ్గలమ్ ..

ఆసాద్య నగరీం దివ్యామభిషిక్తాయ సీతయా.
రాజాధిరాజరాజాయ రామభద్రాయ మఙ్గలమ్ ..

బ్రహ్మాదిదేవసేవ్యాయ బ్రహ్మణ్యాయ మహాత్మనే.
జానకీప్రాణనాథాయ రఘునాథాయ మఙ్గలమ్..

శ్రీసౌమ్యజామాతృమునేః కృపయాస్మానుపేయుషే.
మహతే మమ నాథాయ రఘునాథాయ మఙ్గలమ్..

మఙ్గలాశాసనపరిర్మదాచార్యపురోగమైః.
సర్వైశ్చ పూర్వైరాచార్యః సత్కృతాయాస్తు మఙ్గలమ్.
రమ్యజామాతృమునినా మఙ్గలాశాసనం కృతమ్.
త్రైలోక్యాధిపతిః శ్రీమాన్ కరోతు మఙ్గలం సదా..

.. ఇతి శ్రీవరవరమునిస్వామికృత శ్రీరామమఙ్గలాశాసనం సమ్పూర్ణమ్ ..