ಶ್ರೀರಾಮಮಙ್ಗಲಶಾಸನಮ್

ಶ್ರೀರಾಮಮಙ್ಗಲಶಾಸನಮ್

ಮಙ್ಗಲಂ ಕೌಶಲೇನ್ದ್ರಾಯ ಮಹನೀಯಗುಣಾಬ್ಧಯೇ.
ಚಕ್ರವರ್ತಿತನೂಜಾಯ ಸಾರ್ವಭೌಮಾಯ ಮಙ್ಗಲಮ್..

ವೇದವೇದಾನ್ತವೇದ್ಯಾಯ ಮೇಘಶ್ಯಾಮಲಮೂರ್ತಯೇ.
ಪುಂಸಾಂ ಮೋಹನರೂಪಾಯ ಪುಣ್ಯಶ್ಲೋಕಾಯ ಮಙ್ಗಲಮ್..

ವಿಶ್ವಾಮಿತ್ರಾನ್ತರಙ್ಗಾಯ ಮಿಥಿಲಾನಗರೀಪತೇಃ.
ಭಾಗ್ಯಾನಾಂ ಪರಿಪಾಕಾಯ ಭವ್ಯರೂಪಾಯ ಮಙ್ಗಲಮ್..

ಪಿತೃಭಕ್ತಾಯ ಸತತಂ ಭ್ರಾತೃಭಿಃ ಸಹ ಸೀತಯಾ.
ನನ್ದಿತಾಖಿಲಲೋಕಾಯ ರಾಮಭದ್ರಾಯ ಮಙ್ಗಲಮ್..

ತ್ಯಕ್ತಸಾಕೇತವಾಸಾಯ ಚಿತ್ರಕೂಟವಿಹಾರಿಣೇ.
ಸೇವ್ಯಾಯ ಸರ್ವಯಮಿನಾಂ ಧೀರೋದಯಾಯ ಮಙ್ಗಲಮ್..

ಸೌಮಿತ್ರಿಣಾ ಚ ಜಾನಕ್ಯಾ ಚಾಪಬಾಣಸಿಧಾರಿಣೇ.
ಸಂಸೇವ್ಯಾಯ ಸದಾ ಭಕ್ತ್ಯಾ ಸ್ವಾಮಿನೇ ಮಮ ಮಙ್ಗಲಮ್..

ದಣ್ಡಕಾರಾಯವಾಸಾಯ ಖರದೂಷಣಶತ್ರವೇ.
ಗೃಧ್ರರಾಜಾಯ ಭಕ್ತಾಯ ಮುಕ್ತಿದಾಯಾಸ್ತು ಮಙ್ಗಲಮ್..

ಸಾದರಂ ಶಬರೀದತ್ತಫಲಮೂಲಾಭಿಲಾಷಿಣೇ.
ಸೌಲಭ್ಯಪರಿಪೂರ್ಣಾಯ ಸತ್ತ್ವೋದ್ರಿಕ್ತಾಯ ಮಙ್ಗಲಮ್..

ಹನುಮತ್ಸಮವೇತಾಯ ಹರೀಶಾಭೀಷ್ಟದಾಯಿನೇ.
ಬಾಲಿಪ್ರಮಥಾನಾಯಾಸ್ತು ಮಹಾಧೀರಾಯ ಮಙ್ಗಲಮ್..

ಶ್ರೀಮತೇ ರಘುವೀರಾಯ ಸೇತೂಲ್ಲಙ್ಘಿತಸಿನ್ಧವೇ.
ಜಿತರಾಕ್ಷಸರಾಜಾಯ ರಣಧೀರಾಯ ಮಙ್ಗಲಮ್..

ವಿಭೀಷಣಕೃತೇ ಪ್ರೀತ್ಯಾ ಲಙ್ಕಾಭೀಷ್ಟಪ್ರದಾಯಿನೇ.
ಸರ್ವಲೋಕಶರಣ್ಯಾಯ ಶ್ರೀರಾಘವಾಯ ಮಙ್ಗಲಮ್ ..

ಆಸಾದ್ಯ ನಗರೀಂ ದಿವ್ಯಾಮಭಿಷಿಕ್ತಾಯ ಸೀತಯಾ.
ರಾಜಾಧಿರಾಜರಾಜಾಯ ರಾಮಭದ್ರಾಯ ಮಙ್ಗಲಮ್ ..

ಬ್ರಹ್ಮಾದಿದೇವಸೇವ್ಯಾಯ ಬ್ರಹ್ಮಣ್ಯಾಯ ಮಹಾತ್ಮನೇ.
ಜಾನಕೀಪ್ರಾಣನಾಥಾಯ ರಘುನಾಥಾಯ ಮಙ್ಗಲಮ್..

ಶ್ರೀಸೌಮ್ಯಜಾಮಾತೃಮುನೇಃ ಕೃಪಯಾಸ್ಮಾನುಪೇಯುಷೇ.
ಮಹತೇ ಮಮ ನಾಥಾಯ ರಘುನಾಥಾಯ ಮಙ್ಗಲಮ್..

ಮಙ್ಗಲಾಶಾಸನಪರಿರ್ಮದಾಚಾರ್ಯಪುರೋಗಮೈಃ.
ಸರ್ವೈಶ್ಚ ಪೂರ್ವೈರಾಚಾರ್ಯಃ ಸತ್ಕೃತಾಯಾಸ್ತು ಮಙ್ಗಲಮ್.
ರಮ್ಯಜಾಮಾತೃಮುನಿನಾ ಮಙ್ಗಲಾಶಾಸನಂ ಕೃತಮ್.
ತ್ರೈಲೋಕ್ಯಾಧಿಪತಿಃ ಶ್ರೀಮಾನ್ ಕರೋತು ಮಙ್ಗಲಂ ಸದಾ..

.. ಇತಿ ಶ್ರೀವರವರಮುನಿಸ್ವಾಮಿಕೃತ ಶ್ರೀರಾಮಮಙ್ಗಲಾಶಾಸನಂ ಸಮ್ಪೂರ್ಣಮ್ ..