શ્રીરામમઙ્ગલાશાસનમ્

મઙ્ગળં કોસલેન્દ્રાય મહનીયગુણાબ્ધયે.
ચક્રવર્તિતનૂજાય સાર્વભૌમાય મઙ્ગળમ્.. ૧ ..

વેદવેદાન્તવેદ્યાય મેઘશ્યામળમૂર્તયે.
પુંસાં મોહનરૂપાય પુણ્યશ્લોકાય મઙ્ગળમ્.. ૨ ..

વિશ્વામિત્રાન્તરઙ્ગાય મિથિલાનગરીપતેઃ.
ભાગ્યાનાં પરિપાકાય ભવ્યરૂપાય મઙ્ગળમ્.. ૩ ..

પિતૃભક્તાય સતતં ભ્રાતૃભિઃ સહ સીતયા.
નન્દિતાખિલલોકાય રામભદ્રાય મઙ્ગળમ્.. ૪ ..

ત્યક્તસાકેતવાસાય ચિત્રકૂટવિહારિણે.
સેવ્યાય સર્વયમિનાં ધીરોદારાય મઙ્ગળમ્.. ૫ ..

સૌમિત્રિણા ચ જાનક્યા ચાપબાણાસિધારિણે.
સંસેવ્યાય સદા ભક્ત્યા સ્વામિને મમ મઙ્ગળમ્.. ૬ ..

દણ્ડકારણ્યવાસાય ખણ્ડિતામર શત્રવે.
ગૃધ્રરાજાય ભક્તાય મુક્તિદાયાસ્તુ મઙ્ગળમ્..૭ ..

સાદરં શબરીદત્તફલમૂલાભિલાષિણે.
સૌલભ્યપરિપૂર્ણાય સત્ત્વોદ્રિક્તાય મઙ્ગળમ્..૮ ..

હનુમત્સમવેતાય હરીશાભીષ્ટદાયિને.
વાલિપ્રમથનાયાસ્તુ મહાધીરાય મઙ્ગળમ્..૯ ..

શ્રીમતે રઘુવીરાય સેતૂલ્લઙ્ક્તિસિન્ધવે.
જિતરાક્ષસરાજાય રણધીરાય મઙ્ગળમ્.. ૧૦ ..

આસાદ્ય નગરી દિવ્યામભિષિક્તાય સીતયા.
રાજાધિરાજરાજાય રામભદ્રાય મઙ્ગળમ્.. ૧૧ ..

મઙ્ગળાશાસનપરૈર્મદાચાર્ય પુરોગમૈઃ.
સર્વૈશ્ચ પૂર્વૈરાચાર્યૈઃ સત્કૃતાયાસ્તુ મઙ્ગળમ્.. ૧૨ ..