શ્રીરામ
શ્રી રામરક્ષા સ્તોત્રમ્
श्री रामरक्षा स्तोत्रम्
શ્રી રામ રક્ષા સ્તોત્રમ્
(Shri Ram Raksha Stotram)
શ્રી રામરક્ષા સ્તોત્રમ્
વિનિયોગ:
અસ્ય શ્રીરામરક્ષાસ્ત્રોતમન્ત્રસ્ય બુધકૌશિક ઋષિઃ . શ્રી સીતારામચંદ્રો દેવતા . અનુષ્ટુપ છંદઃ. સીતા શક્તિઃ . શ્રીમાન હનુમાન કીલકમ . શ્રી સીતારામચંદ્રપ્રીત્યર્થે રામરક્ષાસ્ત્રોતજપે વિનિયોગઃ .
અથ ધ્યાનમ્:
ધ્યાયેદાજાનુબાહું ધૃતશરધનુષં બદ્ધપદમાસનસ્થં,
પીતં વાસો વસાનં નવકમલ દલ સ્પર્ધિનેત્રમ્ પ્રસન્નમ્ .
વામાંકારૂઢ઼ સીતા મુખકમલમિલલ્લોચનમ્નીરદાભમ્
નાનાલંકારદીપ્તં દધતમુરુજટામણ્ડલમ્ રામચંદ્રમ્ ..
રામ રક્ષા સ્તોત્રમ્:
ચરિતં રઘુનાથસ્ય શતકોટિ પ્રવિસ્તરમ્ .
એકૈકમક્ષરં પુંસાં મહાપાતકનાશનમ્.. ૧ ..
ધ્યાત્વા નીલોત્પલશ્યામં રામં રાજીવલોચનમ્ .
જાનકીલક્ષ્મણોપેતં જટામુકુટમણ્ડિતં.. ૨ ..
સાસિતૂણધનુર્બાણપાણિં નક્તંચરાન્તકમ્ .
સ્વલીલયા જગત્ત્રાતુમાવિર્ભૂતમજં વિભુમ્.. ૩ ..
રામરક્ષાં પઠેત પ્રાજ્ઞઃ પાપઘ્નીં સર્વકામદામ્ .
શિરો મે રાઘવઃ પાતુ ભાલં દશરથાત્મજઃ.. ૪ ..
કૌસલ્યેયો દૃશો પાતુ વિશ્વામિત્રપ્રિયઃ શ્રુતિ .
ઘ્રાણં પાતુ મખત્રાતા મુખં સૌમિત્રિવત્સલઃ.. ૫ ..
જિહ્વાં વિદ્યાનિધિઃ પાતુ કણ્ઠં ભરતવન્દિતઃ .
સ્કન્ધૌ દિવ્યાયુધઃ પાતુ ભુજૌ ભગ્નેશકાર્મુકઃ.. ૬ ..
કરૌ સીતાપતિઃ પાતુ હૃદયં જામદગ્ન્યજિત .
મધ્યં પાતુ ખરધ્વંસી નાભિં જામ્બવદાશ્રયઃ.. ૭ ..
સુગ્રીવેશઃ કટી પાતુ સક્થિની હનુમત્પ્રભુઃ .
ઉરુ રઘૂત્તમઃ પાતુ રક્ષઃકુલવિનાશકૃતાઃ.. ૮ ..
જાનુની સેતુકૃત પાતુ જંઘે દશમુખાંતકઃ .
પાદૌ વિભીષણશ્રીદઃ પાતુ રામઅખિલં વપુઃ.. ૯ ..
એતાં રામબલોપેતાં રક્ષાં યઃ સુકૃતિ પઠેત .
સ ચિરાયુઃ સુખી પુત્રી વિજયી વિનયી ભવેત્.. ૧૦ ..
પાતાલભૂતલ વ્યોમ ચારિણશ્છદ્મચારિણઃ .
ન દ્રષ્ટુમપિ શક્તાસ્તે રક્ષિતં રામનામભિઃ.. ૧૧ ..
રામેતિ રામભદ્રેતિ રામચંદ્રેતિ વા સ્મરન .
નરૌ ન લિપ્યતે પાપૈર્ભુક્તિં મુક્તિં ચ વિન્દતિ.. ૧૨ ..
જગજ્જૈત્રૈકમન્ત્રેણ રામનામ્નાભિરક્ષિતમ્ .
યઃ કણ્ઠે ધારયેત્તસ્ય કરસ્થાઃ સર્વસિદ્ધયઃ.. ૧૩ ..
વજ્રપઞ્જરનામેદં યો રામકવચં સ્મરેત .
અવ્યાહતાજ્ઞાઃ સર્વત્ર લભતે જયમંગલમ્.. ૧૪ ..
આદિષ્ટવાન્ યથા સ્વપ્ને રામરક્ષામિમાં હરઃ .
તથા લિખિતવાન્ પ્રાતઃ પ્રબુદ્ધો બુધકૌશિકઃ.. ૧૫ ..
આરામઃ કલ્પવૃક્ષાણાં વિરામઃ સકલાપદામ્ .
અભિરામસ્ત્રિલોકાનાં રામઃ શ્રીમાન સ નઃ પ્રભુઃ.. ૧૬ ..
તરુણૌ રૂપસમ્પન્નૌ સુકુમારૌ મહાબલૌ .
પુણ્ડરીકવિશાલાક્ષૌ ચીરકૃષ્ણાજિનામ્બરૌ.. ૧૭ ..
ફલમૂલાશિનૌ દાન્તૌ તાપસૌ બ્રહ્મચારિણૌ .
પુત્રૌ દશરથસ્યૈતૌ ભ્રાતરૌ રામલક્ષ્મણૌ.. ૧૮ ..
શરણ્યૌ સર્વસત્વાનાં શ્રેષ્ઠૌ સર્વધનુષ્મતામ્ .
રક્ષઃકુલનિહન્તારૌ ત્રાયેતાં નો રઘૂત્તમૌ.. ૧૯ ..
આત્તસજ્જધનુષાવિષુસ્પૃશા વક્ષ યાશુગનિષઙ્ગસઙ્ગિનૌ .
રક્ષણાય મમ રામલક્ષ્મણાવગ્રતઃ પથિ સદૈવ ગચ્છતામ.. ૨૦ ..
સન્નદ્ધઃ કવચી ખડ્ગી ચાપબાણધરો યુવા .
ગચ્છન્ મનોરથાન નશ્ચ રામઃ પાતુ સલક્ષ્મણઃ.. ૨૧ ..
રામો દાશરથી શૂરો લક્ષ્મણાનુચરો બલી .
કાકુત્સ્થઃ પુરુષઃ પૂર્ણઃ કૌસલ્યેયો રઘૂત્તમઃ.. ૨૨ ..
વેદાન્તવેદ્યો યજ્ઞેશઃ પુરાણપુરુષોત્તમઃ .
જાનકીવલ્લભઃ શ્રીમાનપ્રમેયપરાક્રમઃ.. ૨૩ ..
ઇત્યેતાનિ જપન નિત્યં મદ્ભક્તઃ શ્રદ્ધયાન્વિતઃ .
અશ્વમેધાધિકં પુણ્યં સમ્પ્રાપ્નોતિ ન સંશયઃ.. ૨૪ ..
રામં દુર્વાદલશ્યામં પદ્માક્ષં પીતવાસસમ .
સ્તુવન્તિ નામભિર્દિવ્યૈર્ન તે સંસારિણો નરઃ.. ૨૫ ..
રામં લક્ષ્મણપૂર્વજં રઘુવરં સીતાપતિં સુન્દરં,
કાકુત્સ્થં કરુણાર્ણવં ગુણનિધિં વિપ્રપ્રિયં ધાર્મિકમ .
રાજેન્દ્રં સત્યસંધં દશરથતનયં શ્યામલં શાંતમૂર્તિં,
વન્દે લોકાભિરામં રઘુકુલતિલકં રાઘવં રાવણારિમ.. ૨૬ ..
રામાય રામભદ્રાય રામચંદ્રાય વેધસે .
રઘુનાથાય નાથાય સીતાયાઃ પતયે નમઃ.. ૨૭ ..
શ્રીરામ રામ રઘુનન્દનરામ રામ,
શ્રીરામ રામ ભરતાગ્રજ રામ રામ .
શ્રીરામ રામ રણકર્કશ રામ રામ,
શ્રીરામ રામ શરણં ભવ રામ રામ.. ૨૮ ..
શ્રીરામ ચન્દ્રચરણૌ મનસા સ્મરામિ,
શ્રીરામ ચંદ્રચરણૌ વચસા ગૃણામિ .
શ્રીરામ ચન્દ્રચરણૌ શિરસા નમામિ,
શ્રીરામ ચન્દ્રચરણૌ શરણં પ્રપદ્યે.. ૨૯ ..
માતા રામો મત્પિતા રામચંન્દ્ર: .
સ્વામી રામો મત્સખા રામચંદ્ર: .
સર્વસ્વં મે રામચન્દ્રો દયાલુ .
નાન્યં જાને નૈવ જાને ન જાને .. ૩૦ ..
દક્ષિણે લક્ષ્મણો યસ્ય વામે ચ જનકાત્મજ .
પુરતો મારુતિર્યસ્ય તં વન્દે રઘુનન્દનમ્.. ૩૧ ..
લોકાભિરામં રણરંગધીરં રાજીવનેત્રં રઘુવંશનાથં .
કારુણ્યરૂપં કરુણાકરં તં શ્રીરામચન્દ્રં શરણં પ્રપદ્યે.. ૩૨ ..
મનોજવં મારુતતુલ્યવેગં જિતેન્દ્રિયં બુદ્ધિમતાં વરિષ્ઠમ .
વાતાત્મજં વાનરયૂથમુખ્યં શ્રીરામ દૂતં શરણં પ્રપદ્યે.. ૩૩ ..
કૂજન્તં રામરામેતિ મધુરં મધુરાક્ષરમ .
આરુહ્ય કવિતાશાખાં વન્દે વાલ્મીકિકોકિલમ.. ૩૪ ..
આપદામપહર્તારં દાતારં સર્વસમ્પદામ્ .
લોકાભિરામં શ્રીરામં ભૂયો ભૂયો નમામ્યહમ્.. ૩૫ ..
ભર્જનં ભવબીજાનામર્જનં સુખસમ્પદામ્ .
તર્જનં યમદૂતાનાં રામરામેતિ ગર્જનમ્.. ૩૬ ..
રામો રાજમણિઃ સદા વિજયતે, રામં રમેશં ભજે
રામેણાભિહતા, નિશાચરચમૂ રામાય તસ્મૈ નમઃ
રામાન્નાસ્તિ પરાયણં પરતરં, રામસ્ય દાસોસ્મ્યહં
રામે ચિત્તલયઃ, સદા ભવતુ મે ભો રામ મામુદ્ધરાઃ.. ૩૭ ..
રામ રામેતિ રામેતિ રમે રામે મનોરમે .
સહસ્ત્રનામ તત્તુલ્યં રામનામ વરાનને.. ૩૮ ..