ಶ್ರೀರಾಮ
ಶ್ರೀ ರಾಮರಕ್ಷಾ ಸ್ತೋತ್ರಮ್
श्री रामरक्षा स्तोत्रम्
ಶ್ರೀ ರಾಮ ರಕ್ಷಾ ಸ್ತೋತ್ರಮ್
(Shri Ram Raksha Stotram)
ಶ್ರೀ ರಾಮರಕ್ಷಾ ಸ್ತೋತ್ರಮ್
ವಿನಿಯೋಗ:
ಅಸ್ಯ ಶ್ರೀರಾಮರಕ್ಷಾಸ್ತ್ರೋತಮನ್ತ್ರಸ್ಯ ಬುಧಕೌಶಿಕ ಋಷಿಃ . ಶ್ರೀ ಸೀತಾರಾಮಚಂದ್ರೋ ದೇವತಾ . ಅನುಷ್ಟುಪ ಛಂದಃ. ಸೀತಾ ಶಕ್ತಿಃ . ಶ್ರೀಮಾನ ಹನುಮಾನ ಕೀಲಕಮ . ಶ್ರೀ ಸೀತಾರಾಮಚಂದ್ರಪ್ರೀತ್ಯರ್ಥೇ ರಾಮರಕ್ಷಾಸ್ತ್ರೋತಜಪೇ ವಿನಿಯೋಗಃ .
ಅಥ ಧ್ಯಾನಮ್:
ಧ್ಯಾಯೇದಾಜಾನುಬಾಹುಂ ಧೃತಶರಧನುಷಂ ಬದ್ಧಪದಮಾಸನಸ್ಥಂ,
ಪೀತಂ ವಾಸೋ ವಸಾನಂ ನವಕಮಲ ದಲ ಸ್ಪರ್ಧಿನೇತ್ರಮ್ ಪ್ರಸನ್ನಮ್ .
ವಾಮಾಂಕಾರೂಢ಼ ಸೀತಾ ಮುಖಕಮಲಮಿಲಲ್ಲೋಚನಮ್ನೀರದಾಭಮ್
ನಾನಾಲಂಕಾರದೀಪ್ತಂ ದಧತಮುರುಜಟಾಮಣ್ಡಲಮ್ ರಾಮಚಂದ್ರಮ್ ..
ರಾಮ ರಕ್ಷಾ ಸ್ತೋತ್ರಮ್:
ಚರಿತಂ ರಘುನಾಥಸ್ಯ ಶತಕೋಟಿ ಪ್ರವಿಸ್ತರಮ್ .
ಏಕೈಕಮಕ್ಷರಂ ಪುಂಸಾಂ ಮಹಾಪಾತಕನಾಶನಮ್.. ೧ ..
ಧ್ಯಾತ್ವಾ ನೀಲೋತ್ಪಲಶ್ಯಾಮಂ ರಾಮಂ ರಾಜೀವಲೋಚನಮ್ .
ಜಾನಕೀಲಕ್ಷ್ಮಣೋಪೇತಂ ಜಟಾಮುಕುಟಮಣ್ಡಿತಂ.. ೨ ..
ಸಾಸಿತೂಣಧನುರ್ಬಾಣಪಾಣಿಂ ನಕ್ತಂಚರಾನ್ತಕಮ್ .
ಸ್ವಲೀಲಯಾ ಜಗತ್ತ್ರಾತುಮಾವಿರ್ಭೂತಮಜಂ ವಿಭುಮ್.. ೩ ..
ರಾಮರಕ್ಷಾಂ ಪಠೇತ ಪ್ರಾಜ್ಞಃ ಪಾಪಘ್ನೀಂ ಸರ್ವಕಾಮದಾಮ್ .
ಶಿರೋ ಮೇ ರಾಘವಃ ಪಾತು ಭಾಲಂ ದಶರಥಾತ್ಮಜಃ.. ೪ ..
ಕೌಸಲ್ಯೇಯೋ ದೃಶೋ ಪಾತು ವಿಶ್ವಾಮಿತ್ರಪ್ರಿಯಃ ಶ್ರುತಿ .
ಘ್ರಾಣಂ ಪಾತು ಮಖತ್ರಾತಾ ಮುಖಂ ಸೌಮಿತ್ರಿವತ್ಸಲಃ.. ೫ ..
ಜಿಹ್ವಾಂ ವಿದ್ಯಾನಿಧಿಃ ಪಾತು ಕಣ್ಠಂ ಭರತವನ್ದಿತಃ .
ಸ್ಕನ್ಧೌ ದಿವ್ಯಾಯುಧಃ ಪಾತು ಭುಜೌ ಭಗ್ನೇಶಕಾರ್ಮುಕಃ.. ೬ ..
ಕರೌ ಸೀತಾಪತಿಃ ಪಾತು ಹೃದಯಂ ಜಾಮದಗ್ನ್ಯಜಿತ .
ಮಧ್ಯಂ ಪಾತು ಖರಧ್ವಂಸೀ ನಾಭಿಂ ಜಾಮ್ಬವದಾಶ್ರಯಃ.. ೭ ..
ಸುಗ್ರೀವೇಶಃ ಕಟೀ ಪಾತು ಸಕ್ಥಿನೀ ಹನುಮತ್ಪ್ರಭುಃ .
ಉರು ರಘೂತ್ತಮಃ ಪಾತು ರಕ್ಷಃಕುಲವಿನಾಶಕೃತಾಃ.. ೮ ..
ಜಾನುನೀ ಸೇತುಕೃತ ಪಾತು ಜಂಘೇ ದಶಮುಖಾಂತಕಃ .
ಪಾದೌ ವಿಭೀಷಣಶ್ರೀದಃ ಪಾತು ರಾಮಅಖಿಲಂ ವಪುಃ.. ೯ ..
ಏತಾಂ ರಾಮಬಲೋಪೇತಾಂ ರಕ್ಷಾಂ ಯಃ ಸುಕೃತಿ ಪಠೇತ .
ಸ ಚಿರಾಯುಃ ಸುಖೀ ಪುತ್ರೀ ವಿಜಯೀ ವಿನಯೀ ಭವೇತ್.. ೧೦ ..
ಪಾತಾಲಭೂತಲ ವ್ಯೋಮ ಚಾರಿಣಶ್ಛದ್ಮಚಾರಿಣಃ .
ನ ದ್ರಷ್ಟುಮಪಿ ಶಕ್ತಾಸ್ತೇ ರಕ್ಷಿತಂ ರಾಮನಾಮಭಿಃ.. ೧೧ ..
ರಾಮೇತಿ ರಾಮಭದ್ರೇತಿ ರಾಮಚಂದ್ರೇತಿ ವಾ ಸ್ಮರನ .
ನರೌ ನ ಲಿಪ್ಯತೇ ಪಾಪೈರ್ಭುಕ್ತಿಂ ಮುಕ್ತಿಂ ಚ ವಿನ್ದತಿ.. ೧೨ ..
ಜಗಜ್ಜೈತ್ರೈಕಮನ್ತ್ರೇಣ ರಾಮನಾಮ್ನಾಭಿರಕ್ಷಿತಮ್ .
ಯಃ ಕಣ್ಠೇ ಧಾರಯೇತ್ತಸ್ಯ ಕರಸ್ಥಾಃ ಸರ್ವಸಿದ್ಧಯಃ.. ೧೩ ..
ವಜ್ರಪಞ್ಜರನಾಮೇದಂ ಯೋ ರಾಮಕವಚಂ ಸ್ಮರೇತ .
ಅವ್ಯಾಹತಾಜ್ಞಾಃ ಸರ್ವತ್ರ ಲಭತೇ ಜಯಮಂಗಲಮ್.. ೧೪ ..
ಆದಿಷ್ಟವಾನ್ ಯಥಾ ಸ್ವಪ್ನೇ ರಾಮರಕ್ಷಾಮಿಮಾಂ ಹರಃ .
ತಥಾ ಲಿಖಿತವಾನ್ ಪ್ರಾತಃ ಪ್ರಬುದ್ಧೋ ಬುಧಕೌಶಿಕಃ.. ೧೫ ..
ಆರಾಮಃ ಕಲ್ಪವೃಕ್ಷಾಣಾಂ ವಿರಾಮಃ ಸಕಲಾಪದಾಮ್ .
ಅಭಿರಾಮಸ್ತ್ರಿಲೋಕಾನಾಂ ರಾಮಃ ಶ್ರೀಮಾನ ಸ ನಃ ಪ್ರಭುಃ.. ೧೬ ..
ತರುಣೌ ರೂಪಸಮ್ಪನ್ನೌ ಸುಕುಮಾರೌ ಮಹಾಬಲೌ .
ಪುಣ್ಡರೀಕವಿಶಾಲಾಕ್ಷೌ ಚೀರಕೃಷ್ಣಾಜಿನಾಮ್ಬರೌ.. ೧೭ ..
ಫಲಮೂಲಾಶಿನೌ ದಾನ್ತೌ ತಾಪಸೌ ಬ್ರಹ್ಮಚಾರಿಣೌ .
ಪುತ್ರೌ ದಶರಥಸ್ಯೈತೌ ಭ್ರಾತರೌ ರಾಮಲಕ್ಷ್ಮಣೌ.. ೧೮ ..
ಶರಣ್ಯೌ ಸರ್ವಸತ್ವಾನಾಂ ಶ್ರೇಷ್ಠೌ ಸರ್ವಧನುಷ್ಮತಾಮ್ .
ರಕ್ಷಃಕುಲನಿಹನ್ತಾರೌ ತ್ರಾಯೇತಾಂ ನೋ ರಘೂತ್ತಮೌ.. ೧೯ ..
ಆತ್ತಸಜ್ಜಧನುಷಾವಿಷುಸ್ಪೃಶಾ ವಕ್ಷ ಯಾಶುಗನಿಷಙ್ಗಸಙ್ಗಿನೌ .
ರಕ್ಷಣಾಯ ಮಮ ರಾಮಲಕ್ಷ್ಮಣಾವಗ್ರತಃ ಪಥಿ ಸದೈವ ಗಚ್ಛತಾಮ.. ೨೦ ..
ಸನ್ನದ್ಧಃ ಕವಚೀ ಖಡ್ಗೀ ಚಾಪಬಾಣಧರೋ ಯುವಾ .
ಗಚ್ಛನ್ ಮನೋರಥಾನ ನಶ್ಚ ರಾಮಃ ಪಾತು ಸಲಕ್ಷ್ಮಣಃ.. ೨೧ ..
ರಾಮೋ ದಾಶರಥೀ ಶೂರೋ ಲಕ್ಷ್ಮಣಾನುಚರೋ ಬಲೀ .
ಕಾಕುತ್ಸ್ಥಃ ಪುರುಷಃ ಪೂರ್ಣಃ ಕೌಸಲ್ಯೇಯೋ ರಘೂತ್ತಮಃ.. ೨೨ ..
ವೇದಾನ್ತವೇದ್ಯೋ ಯಜ್ಞೇಶಃ ಪುರಾಣಪುರುಷೋತ್ತಮಃ .
ಜಾನಕೀವಲ್ಲಭಃ ಶ್ರೀಮಾನಪ್ರಮೇಯಪರಾಕ್ರಮಃ.. ೨೩ ..
ಇತ್ಯೇತಾನಿ ಜಪನ ನಿತ್ಯಂ ಮದ್ಭಕ್ತಃ ಶ್ರದ್ಧಯಾನ್ವಿತಃ .
ಅಶ್ವಮೇಧಾಧಿಕಂ ಪುಣ್ಯಂ ಸಮ್ಪ್ರಾಪ್ನೋತಿ ನ ಸಂಶಯಃ.. ೨೪ ..
ರಾಮಂ ದುರ್ವಾದಲಶ್ಯಾಮಂ ಪದ್ಮಾಕ್ಷಂ ಪೀತವಾಸಸಮ .
ಸ್ತುವನ್ತಿ ನಾಮಭಿರ್ದಿವ್ಯೈರ್ನ ತೇ ಸಂಸಾರಿಣೋ ನರಃ.. ೨೫ ..
ರಾಮಂ ಲಕ್ಷ್ಮಣಪೂರ್ವಜಂ ರಘುವರಂ ಸೀತಾಪತಿಂ ಸುನ್ದರಂ,
ಕಾಕುತ್ಸ್ಥಂ ಕರುಣಾರ್ಣವಂ ಗುಣನಿಧಿಂ ವಿಪ್ರಪ್ರಿಯಂ ಧಾರ್ಮಿಕಮ .
ರಾಜೇನ್ದ್ರಂ ಸತ್ಯಸಂಧಂ ದಶರಥತನಯಂ ಶ್ಯಾಮಲಂ ಶಾಂತಮೂರ್ತಿಂ,
ವನ್ದೇ ಲೋಕಾಭಿರಾಮಂ ರಘುಕುಲತಿಲಕಂ ರಾಘವಂ ರಾವಣಾರಿಮ.. ೨೬ ..
ರಾಮಾಯ ರಾಮಭದ್ರಾಯ ರಾಮಚಂದ್ರಾಯ ವೇಧಸೇ .
ರಘುನಾಥಾಯ ನಾಥಾಯ ಸೀತಾಯಾಃ ಪತಯೇ ನಮಃ.. ೨೭ ..
ಶ್ರೀರಾಮ ರಾಮ ರಘುನನ್ದನರಾಮ ರಾಮ,
ಶ್ರೀರಾಮ ರಾಮ ಭರತಾಗ್ರಜ ರಾಮ ರಾಮ .
ಶ್ರೀರಾಮ ರಾಮ ರಣಕರ್ಕಶ ರಾಮ ರಾಮ,
ಶ್ರೀರಾಮ ರಾಮ ಶರಣಂ ಭವ ರಾಮ ರಾಮ.. ೨೮ ..
ಶ್ರೀರಾಮ ಚನ್ದ್ರಚರಣೌ ಮನಸಾ ಸ್ಮರಾಮಿ,
ಶ್ರೀರಾಮ ಚಂದ್ರಚರಣೌ ವಚಸಾ ಗೃಣಾಮಿ .
ಶ್ರೀರಾಮ ಚನ್ದ್ರಚರಣೌ ಶಿರಸಾ ನಮಾಮಿ,
ಶ್ರೀರಾಮ ಚನ್ದ್ರಚರಣೌ ಶರಣಂ ಪ್ರಪದ್ಯೇ.. ೨೯ ..
ಮಾತಾ ರಾಮೋ ಮತ್ಪಿತಾ ರಾಮಚಂನ್ದ್ರ: .
ಸ್ವಾಮೀ ರಾಮೋ ಮತ್ಸಖಾ ರಾಮಚಂದ್ರ: .
ಸರ್ವಸ್ವಂ ಮೇ ರಾಮಚನ್ದ್ರೋ ದಯಾಲು .
ನಾನ್ಯಂ ಜಾನೇ ನೈವ ಜಾನೇ ನ ಜಾನೇ .. ೩೦ ..
ದಕ್ಷಿಣೇ ಲಕ್ಷ್ಮಣೋ ಯಸ್ಯ ವಾಮೇ ಚ ಜನಕಾತ್ಮಜ .
ಪುರತೋ ಮಾರುತಿರ್ಯಸ್ಯ ತಂ ವನ್ದೇ ರಘುನನ್ದನಮ್.. ೩೧ ..
ಲೋಕಾಭಿರಾಮಂ ರಣರಂಗಧೀರಂ ರಾಜೀವನೇತ್ರಂ ರಘುವಂಶನಾಥಂ .
ಕಾರುಣ್ಯರೂಪಂ ಕರುಣಾಕರಂ ತಂ ಶ್ರೀರಾಮಚನ್ದ್ರಂ ಶರಣಂ ಪ್ರಪದ್ಯೇ.. ೩೨ ..
ಮನೋಜವಂ ಮಾರುತತುಲ್ಯವೇಗಂ ಜಿತೇನ್ದ್ರಿಯಂ ಬುದ್ಧಿಮತಾಂ ವರಿಷ್ಠಮ .
ವಾತಾತ್ಮಜಂ ವಾನರಯೂಥಮುಖ್ಯಂ ಶ್ರೀರಾಮ ದೂತಂ ಶರಣಂ ಪ್ರಪದ್ಯೇ.. ೩೩ ..
ಕೂಜನ್ತಂ ರಾಮರಾಮೇತಿ ಮಧುರಂ ಮಧುರಾಕ್ಷರಮ .
ಆರುಹ್ಯ ಕವಿತಾಶಾಖಾಂ ವನ್ದೇ ವಾಲ್ಮೀಕಿಕೋಕಿಲಮ.. ೩೪ ..
ಆಪದಾಮಪಹರ್ತಾರಂ ದಾತಾರಂ ಸರ್ವಸಮ್ಪದಾಮ್ .
ಲೋಕಾಭಿರಾಮಂ ಶ್ರೀರಾಮಂ ಭೂಯೋ ಭೂಯೋ ನಮಾಮ್ಯಹಮ್.. ೩೫ ..
ಭರ್ಜನಂ ಭವಬೀಜಾನಾಮರ್ಜನಂ ಸುಖಸಮ್ಪದಾಮ್ .
ತರ್ಜನಂ ಯಮದೂತಾನಾಂ ರಾಮರಾಮೇತಿ ಗರ್ಜನಮ್.. ೩೬ ..
ರಾಮೋ ರಾಜಮಣಿಃ ಸದಾ ವಿಜಯತೇ, ರಾಮಂ ರಮೇಶಂ ಭಜೇ
ರಾಮೇಣಾಭಿಹತಾ, ನಿಶಾಚರಚಮೂ ರಾಮಾಯ ತಸ್ಮೈ ನಮಃ
ರಾಮಾನ್ನಾಸ್ತಿ ಪರಾಯಣಂ ಪರತರಂ, ರಾಮಸ್ಯ ದಾಸೋಸ್ಮ್ಯಹಂ
ರಾಮೇ ಚಿತ್ತಲಯಃ, ಸದಾ ಭವತು ಮೇ ಭೋ ರಾಮ ಮಾಮುದ್ಧರಾಃ.. ೩೭ ..
ರಾಮ ರಾಮೇತಿ ರಾಮೇತಿ ರಮೇ ರಾಮೇ ಮನೋರಮೇ .
ಸಹಸ್ತ್ರನಾಮ ತತ್ತುಲ್ಯಂ ರಾಮನಾಮ ವರಾನನೇ.. ೩೮ ..