.. శ్రీలక్ష్మీనృసింహస్తోత్రమ్ ..

.. శ్రీలక్ష్మీనృసింహస్తోత్రమ్ ..

శ్రీమత్పయోనిధినికేతన చక్రపాణే
భో గీన్ద్రభోగమణిరఞ్జితపుణ్యమూర్తే .
యోగీశ శాశ్వత శరణ్య భవాబ్ధిపోత
లక్ష్మీనృసింహ మమ దేహి కరావలమ్బమ్ ..1..

బ్రహ్మేన్ద్రరూద్రమరుదర్కకిరీటకోటి
సంఘట్టితాంగఘ్రికమలామలకాన్తికాన్త .
లక్ష్మీలసత్కుచసరోరుహరాజహంస .
లక్ష్మీనృసింహ మమ దేహి కరావలమ్బమ్ . ..2..

సంసారఘోరగహనే చరతోమురారే
మారోగ్రభీకరమృగప్రవరార్దితస్య .
ఆర్తస్య మత్సరనిదాఘనిపీడితస్య .
లక్ష్మీనృసింహ మమ దేహి కరావలమ్బమ్ ..3..

సంసారకూపమతిఘోరమగాధమూలం
సమ్ప్రాప్య దుఃఖశతసర్పసమాకులస్య .
దీనస్య దేవ కృపణాపదమాగతస్య .
లక్ష్మీనృసింహ మమ దేహి కరావలమ్బమ్ ..4..

సంసారసాగరవిశాలకరాలకాల-
నక్రగ్రహగ్రసననిగ్రహవిగ్రహస్య .
వ్యగ్రస్య రాగరసనోర్మినిపీడితస్య .
లక్ష్మీనృసింహ మమ దేహి కరావలమ్బమ్ ..5..

సంసారవృక్షమఘబీజమనన్తకర్మ
శాఖాశతం కరణపత్రమనంగపుష్పమ్ .
ఆరుహ్య దుఃఖఫలితం పతతో దయాలో .
లక్ష్మీనృసింహ మమ దేహి కరావలమ్బమ్ ..6..

సంసారసర్పఘనవక్త్రభయోగ్రతీవ్ర
దంష్ట్రాకరాలవిషదగ్ధవినష్టమూర్తే: .
నాగారివాహన సుధాబ్ధినివాస శౌరే .
లక్ష్మీనృసింహ మమ దేహి కరావలమ్బమ్ ..7..

సంసారదావదహనాతురభీకరోరూ
జ్వాలావలీభిరతిదగ్ధతనూరుహస్య .
త్వత్పాదపద్మసరసీశరణాగతస్య .
లక్ష్మీనృసింహ మమ దేహి కరావలమ్బమ్ ..8..

సంసారజాలపతితస్య జగన్నివాస
సర్వేన్ద్రియార్తబడిశార్థఝషోపమస్య .
ప్రోత్ఖణ్డితప్రచురతాలుకమస్తకస్య .
లక్ష్మీనృసింహ మమ దేహి కరావలమ్బమ్ ..9..

సంసారభీకరకరీన్ద్రకరాభిఘాత
నిష్పిష్టమర్మవపుష: సకలార్తినాశ .
ప్రాణప్రయాణభవభీతిసమాకులస్య .
లక్ష్మీనృసింహ మమ దేహి కరావలమ్బమ్ ..10..

అన్ధస్య మే హ్రతవివేకమహాధన
స్యచోరై: ప్రభో బలిభిరీన్ద్రియనామధేయై: .
మోహాన్ధకూపకుహరే వినిపాతితస్య .
లక్ష్మీనృసింహ మమ దేహి కరావలమ్బమ్ ..12..

లక్ష్మీపతే కమలనాభ సురేశ విష్ణో
వైకుణ్ఠ కృష్ణ మధుసూదన పుష్కరాక్ష .
బ్రహ్మాణ్య కేశవ జనార్దన వాసుదేవ
దేవేశ దేహి కృపణస్య కరావలమ్బమ్ ..12..

యన్మాయయోర్జితవపు:ప్రచురప్రవాహ
మగ్నార్థమత్ర నివహోరుకరావలమ్బమ్ .
లక్ష్మీనృసింహచరణాబ్జమధువ్రతేన
స్తోత్రం కృతం సుఖకరం భువి శంకరేణ ..13..