శ్రీదుర్గసప్తశతీదేవీమాహాత్మ్యమ్

ఓం నమశ్చణ్డికాయై
మార్కణ్డేయ ఉవాచ
ఓం యద్గుహ్యం పరమం లోకే సర్వరక్షాకరం నృణామ్ .
యన్న కస్యచిదాఖ్యాతం తన్మే బ్రూహి పితామహ .. 1..

బ్రహ్మోవాచ
అస్తి గుహ్యతమం విప్ర సర్వభూతోపకారకమ్ .
దేవ్యాస్తు కవచం పుణ్యం తచ్ఛృణుష్వ మహామునే .. 2..

ప్రథమం శైలపుత్రీ చ ద్వితీయం బ్రహ్మచారిణీ .
తృతీయం చన్ద్రఘణ్టేతి కూష్మాణ్డేతి చతుర్థకమ్ .. 3..

పఞ్చమం స్కన్దమాతేతి షష్ఠం కాత్యాయనీతి చ .
సప్తమం కాలరాత్రీతి మహాగౌరీతి చాష్టమమ్ .. 4..

నవమం సిద్ధిదాత్రీ చ నవదుర్గాః ప్రకీర్తితాః .
ఉక్తాన్యేతాని నామాని బ్రహ్మణైవ మహాత్మనా .. 5..

అగ్నినా దహ్యమానస్తు శత్రుమధ్యే గతో రణే .
విషమే దుర్గమే చైవ భయాత్తార్మ శరణం గతాః .. 6..

న తేషాం జాయతే కించిదశుభం రణసంకటే .
నాపదం తస్య పశ్యామి శోకదుఃఖభయం న హి .. 7..

యైస్తు భక్త్యా స్మృతా నూనం తేషాం వృద్ధిః ప్రజాయతే .
యే త్వాం స్మరన్తి దేవేశి రక్షసే తాన్న సంశయః .. 8..

ప్రేతసంస్థా తు చాముణ్డా వారాహీ మహిషాసనా .
ఐన్ద్రీ గజసమారూఢా వైష్ణవీ గరుడాసనా .. 9..

మాహేశ్వరీ వృషారూఢా కౌమారీ శిఖివాహనా .
లక్ష్మీః పద్మాసనా దేవీ పద్మహస్తా హరి ప్రియా .. 10..

శ్వేతరూపధరా దేవీ ఈశ్వరీ వృషవాహనా .
బ్రాహ్మీ హంససమారూఢా సర్వాభరణభూషితా .. 11..

ఇత్యేతా మాతరః సర్వాః సర్వయోగ సమన్వితాః .
నానాభరణశోభాఢ్యా నానారత్నో పశోభితాః .. 12..

దృశ్యన్తే రథమారూఢా దేవ్యః క్రోధసమాకులాః .
శఙ్ఖం చక్రం గదాం శక్తిం హలం చ ముసలాయుధమ్ .. 13..

ఖేటకం తోమరం చైవ పరశుం పాశమేవ చ .
కున్తాయుధం త్రిశూలం చ శాఙ్గర్మాయుధముత్తమమ్ .. 14..

దైత్యానాం దేహనాశాయ భక్తానామభయాయ చ .
ధారయన్త్యాయుధానీత్థం దేవానాం చ హితాయ వై .. 15..

నమస్తేఽస్తు మహారౌద్రే మహాఘోరపరాక్రమే .
మహాబలే మహోత్సాహే మహాభయవినాశిని .. 16..

త్రాహి మాం దేవి దుష్ప్రేక్ష్యే శత్రూణాం భయవద్ధిర్ని .
ప్రాచ్యాం రక్షతు మామైన్ద్రీ ఆగ్నేయ్యామగ్నిదేవతా .. 17..

దక్షిణేఽవతు వారాహీ నైఋర్త్యాం ఖడ్గధారిణీ .
ప్రతీచ్యాం వారుణీ రక్షేద్ వాయవ్యాం మృగవాహినీ .. 18..

ఉదీచ్యాం పాతు కౌమారీ ఐశాన్యాం శూలధారిణీ .
ఊధ్వర్మ బ్రహ్మాణి మే రక్షేదధస్తాద్ వైష్ణవీ తథా .. 19..

ఏవం దశ దిశో రక్షేచ్చాముణ్డా శవవాహనా .
జయా మే చాగ్రతః పాతు విజయా పాతు పృష్ఠతః .. 20..

అజితా వామ పాశ్వేర్ తు దక్షిణే చాపరాజితా .
శిఖాముద్యోతినీ రక్షేదుమా మూధ్నిర్ వ్యవస్థితా .. 21..

మాలాధరీ లలాటే చ భ్రువౌ రక్షేద్ యశస్వినీ .
త్రినేత్రా చ భ్రువోర్మధ్యే యమఘణ్టా చ నాసికే .. 22..

శఙ్ఖినీ చక్షుషోర్మధ్యే శ్రోత్రయోద్వార్రవాసినీ .
కపోలౌ కాలికా రక్షేత్కర్ణమూలే తు శాఙ్కరీ .. 23..

నాసికాయాం సుగన్ధా చ ఉత్తరోష్ఠే చ చర్చికా .
అధరే చామృతకలా జిహ్వాయాం చ సరస్వతీ .. 24..

దన్తాన్ రక్షతు కౌమరీ కణ్ఠదేశే తు చణ్డికా .
ఘణ్టికాం చిత్రఘణ్టా చ మహామాయా చ తాలుకే .. 25..

కామాక్షీ చిబుకం రక్షేద్ వాచం మే సర్వమఙ్గలా .
గ్రీవాయాం భద్రకాలీ చ పృష్ఠవంశే ధనుర్ధరీ .. 26..

నీలగ్రీవా బహిఃకణ్ఠే నలికాం నలకూబరీ .
స్కన్ధయోః ఖఙ్గినీ రక్షేద్ బాహూ మే వజ్రధారిణీ .. 27..

హస్తయోర్దణ్డినీ రక్షేదమ్బికా చాఙ్గులీషు చ .
నఖాఞ్ఛూలేశ్వరీ రక్షేత్కుక్షౌరక్షేత్కులేశ్వరీ .. 28..

స్తనౌరక్షేన్మహాదేవీ మనఃశోకవినాశినీ .
హృదయే లలితా దేవీ ఉదరే శూలధారిణీ .. 29..

నాభౌ చ కామినీ రక్షేద్ గుహ్యం గుహ్యేశ్వరీ తథా .
పూతనా కామికా మేఢ్రం గుదే మహిషవాహినీ .. 30..

కట్యాం భగవతీ రక్షేజ్జానునీ విన్ధ్యవాసినీ .
జఙ్ఘే మహాబలా రక్షేత్సర్వకామప్రదాయినీ .. 31..

గుల్ఫయోర్నారసింహీ చ పాదపృష్ఠే తు తైజసీ .
పాదాఙ్గులీషు శ్రీ రక్షేత్పాదాధస్తలవాసినీ .. 32..

నఖాన్ దంష్ట్రాకరాలీ చ కేశాంశ్చైవోధ్వర్కేశినీ .
రోమకూపేషు కౌబేరీ త్వచం వాగీశ్వరీ తథా .. 33..

రక్తమజ్జావసామాంసాన్యస్థిమేదాంసి పార్వతీ .
అన్త్రాణి కాలరాత్రిశ్చ పిత్తం చ ముకుటేశ్వరీ .. 34..

పద్మావతీ పద్మకోశే కఫే చూడామణిస్తథా .
జ్వాలాముఖీ నఖజ్వాలామభేద్యా సర్వసన్ధిషు .. 35..

శుక్రం బ్రహ్మాణి మే రక్షేచ్ఛాయాం ఛత్రేశ్వరీ తథా .
అహంకారం మనో బుద్ధిం రక్షేన్మే ధర్మధారిణీ .. 36..

ప్రాణాపానౌ తథా వ్యానముదానం చ సమానకమ్ .
వజ్రహస్తా చ మే రక్షేత్ప్రాణం కల్యాణశోభనా .. 37..

రసే రూపే చ గన్ధే చ శబ్దే స్పర్శే చ యోగినీ .
సత్త్వం రజస్తమశ్చైవ రక్షేన్నారాయణీ సదా .. 38..

ఆయూ రక్షతు వారాహీ ధర్మం రక్షతు వైష్ణవీ .
యశః కీర్తిం చ లక్ష్మీం చ ధనం విద్యాం చ చక్రిణీ .. 39..

గోత్రమిన్ద్రాణి మే రక్షేత్పశూన్మే రక్ష చణ్డికే .
పుత్రాన్ రక్షేన్మహాలక్ష్మీర్భార్యాం రక్షతు భైరవీ .. 40..

పన్థానం సుపథా రక్షేన్మార్గం క్షేమకరీ తథా .
రాజద్వారే మహాలక్ష్మీర్విజయా సర్వతః స్థితా .. 41..

రక్షాహీనం తు యత్స్థానం వర్జితం కవచేన తు .
తత్సర్వం రక్ష మే దేవి జయన్తీ పాపనాశినీ .. 42..

పదమేకం న గచ్ఛేత్తు యదీచ్ఛేచ్ఛుభమాత్మనః .
కవచేనా వృతో నిత్యం యత్ర యత్రైవ గచ్ఛతి .. 43..

తత్ర తత్రార్థలాభశ్చ విజయః సార్వకామికః .
యం యం చిన్తయతే కామం తం తం ప్రాప్నోతి నిశ్చితమ్ .
పరమైశ్వర్యమతులం ప్రాప్స్యతే భూతలే పుమాన్ .. 44..

నిర్భయో జాయతే మత్యర్మ:: సంగ్రామేష్వపరాజితః .
త్రైలోక్యే తు భవేత్పూజ్యః కవచేనావృతః పుమాన్ .. 45..

ఇదం తు దేవ్యాః కవచం దేవానామపి దుర్లభమ్ .
యః పఠేత్ప్రయతో నిత్యం త్రిసన్ధ్యం శ్రద్ధయాన్వితః .. 46..

దైవీ కలా భవేత్తస్య త్రైలోక్యేష్వపరాజితః .
జీవేద్ వర్షశతం సాగ్రమపమృత్యువివర్జితః .. 47..

నశ్యన్తి వ్యాధయః సర్వే లూతావిస్ఫోటకాదయః .
స్థావరం జఙ్గమం చైవ కృత్రిమం చాపి యద్విషమ్ .. 48..

అభిచారాణి సర్వాణి మన్త్రయన్త్రాణి భూతలే .
భూచరాః ఖేచరాశ్చైవజలజాశ్చోపదేశికాః .. 49..

సహజా కులజా మాలా డాకినీ శాకినీ తథా .
అన్తరిక్షచరా ఘోరా డాకిన్యశ్చ మహాబలాః .. 50..

గ్రహభూతపిశాచాశ్చ యక్షగన్ధర్వరాక్షసాః .
బ్రహ్మరాక్షసవేతాలాః కుష్మాణ్డా భైరవాదయః .. 51..

నశ్యన్తి దర్శనాత్తస్య కవచే హృది సంస్థితే .
మానోన్నతిర్భవేద్ రాజ్ఞస్తేజోవృద్ధికరం పరమ్ .. 52..

యశసా వద్ధర్తే సోఽపి కీర్తి మణ్డితభూతలే .
జపేత్సప్తశతీం చణ్డీం కృత్వా తు కవచం పురా .. 53..

యావద్భూమణ్డలం ధత్తే సశైలవనకాననమ్ .
తావత్తిష్ఠతి మేదిన్యాం సన్తతిః పుత్ర పౌత్రికీ .. 54..

దేహాన్తే పరమం స్థానం యత్సురైరపి దుర్లభమ్ .
ప్రాప్నోతి పురుషో నిత్యం మహామాయా ప్రసాదతః .. 55..

లభతే పరమం రూపం శివేన సహ మోదతే .. ఓం .. 56..

ఓం నమశ్వణ్డికాయై
మార్కణ్డేయ ఉవాచ
ఓం జయ త్వం దేవి చాముణ్డే జయ భూతాపహారిణి .
జయ సర్వగతే దేవి కాలరాత్రి నమోఽస్తు తే .. 1..

జయన్తీ మఙ్గలా కాలీ భద్రకాలీ కపాలినీ .
దుర్గా శివా క్షమా ధాత్రీ స్వాహా స్వధా నమోఽస్తు తే .. 2..

రూపం దేహి జయం దేహి యశో దేహి ద్విషో జహి .. 3..

రూపం దేహి జయం దేహి యశో దేహి ద్విషో జహి .. 4..

ధూమ్రనేత్రవధే దేవి ధర్మకామార్థదాయిని .
రూపం దేహి జయం దేహి యశో దేహి ద్విషో జహి .. 5..

రక్తబీజవధే దేవి చణ్డముణ్డవినాశిని .
రూపం దేహి జయం దేహి యశో దేహి ద్విషో జహి .. 6..

రూపం దేహి జయం దేహి యశో దేహి ద్విషో జహి .. 7..

వన్దితాఙ్ఘ్రియుగే దేవి సర్వసౌభాగ్యదాయిని .
రూపం దేహి జయం దేహి యశో దేహి ద్విషో జహి .. 8..

అచిన్త్యరూపచరితే సర్వశత్రువినాశిని .
రూపం దేహి జయం దేహి యశో దేహి ద్విషో జహి .. 9..

నతేభ్యః సర్వదా భక్త్యా చాపర్ణే దురితాపహే .
రూపం దేహి జయం దేహి యశో దేహి ద్విషో జహి .. 10..

స్తువద్భ్యో భక్తిపూర్వం త్వాం చణ్డికే వ్యాధినాశిని .
రూపం దేహి జయం దేహి యశో దేహి ద్విషో జహి .. 11..

చణ్డికే సతతం యుద్ధే జయన్తి పాపనాశిని .
రూపం దేహి జయం దేహి యశో దేహి ద్విషో జహి .. 12..

దేహి సౌభాగ్యమారోగ్యం దేహి దేవి పరం సుఖమ్ .
రూపం దేహి జయం దేహి యశో దేహి ద్విషో జహి .. 13..

విధేహి దేవి కల్యాణం విధేహి విపులాం శ్రియమ్ .
రూపం దేహి జయం దేహి యశో దేహి ద్విషో జహి .. 14..

విధేహి ద్విషతాం నాశం విధేహి బలముచ్చకైః .
రూపం దేహి జయం దేహి యశో దేహి ద్విషో జహి .. 15..

సురాసురశిరోరత్ననిఘృష్టచరణేఽమ్బికే .
రూపం దేహి జయం దేహి యశో దేహి ద్విషో జహి .. 16..

విద్యావన్తం యశస్వన్తం లక్ష్మీవన్తఞ్చ మాం కురు .
రూపం దేహి జయం దేహి యశో దేహి ద్విషో జహి .. 17..

దేవి ప్రచణ్డదోర్దణ్డదైత్యదర్పనిషూదిని .
రూపం దేహి జయం దేహి యశో దేహి ద్విషో జహి .. 18..

ప్రచణ్డదైత్యదర్పఘ్నే చణ్డికే ప్రణతాయ మే .
రూపం దేహి జయం దేహి యశో దేహి ద్విషో జహి .. 19..

చతుర్భుజే చతుర్వక్త్రసంసుతే పరమేశ్వరి .
రూపం దేహి జయం దేహి యశో దేహి ద్విషో జహి .. 20..

కృష్ణేన సంస్తుతే దేవి శశ్వద్భక్త్యా సదామ్బికే .
రూపం దేహి జయం దేహి యశో దేహి ద్విషో జహి .. 21..

హిమాచలసుతానాథసంస్తుతే పరమేశ్వరి .
రూపం దేహి జయం దేహి యశో దేహి ద్విషో జహి .. 22..

ఇన్ద్రాణీపతిసద్భావపూజితే పరమేశ్వరి .
రూపం దేహి జయం దేహి యశో దేహి ద్విషో జహి .. 23..

దేవి భక్తజనోద్దామదత్తానన్దోదయేఽమ్బికే .
రూపం దేహి జయం దేహి యశో దేహి ద్విషో జహి .. 24..

భార్యాం మనోరమాం దేహి మనోవృత్తానుసారిణీమ్ .
రూపం దేహి జయం దేహి యశో దేహి ద్విషో జహి .. 25..

తారిణి దుర్గసంసారసాగరస్యాచలోద్భవే .
రూపం దేహి జయం దేహి యశో దేహి ద్విషో జహి .. 26..

ఇదం స్తోత్రం పఠిత్వా తు మహాస్తోత్రం పఠేన్నరః .
సప్తశతీం సమారాధ్య వరమాప్నోతి దుర్లభమ్ .. 27..

.. కీలకస్తోత్రమ్ ..

ఓం నమశ్చణ్డికాయై
మార్కణ్డేయ ఉవాచ
ఓం విశుద్ధజ్ఞానదేహాయ త్రివేదీదివ్యచక్షుషే .
శ్రేయఃప్రాప్తినిమిత్తాయ నమః సోమార్ధధారిణే .. 1 ..

సర్వమేతద్విజానీయాన్మన్త్రాణామపి కీలకమ్ .
సోఽపి క్షేమమవాప్నోతి సతతం జప్యతత్పరః .. 2..

సిద్ధ్యన్త్యుచ్చాటనాదీని కర్మాణి సకలాన్యపి .
ఏతేన స్తువతాం దేవీం స్తోత్రవృన్దేన భక్తితః .. 3..

న మన్త్రో నౌషధం తస్య న కిఞ్చిదపి విద్యతే .
వినా జప్యేన సిద్ధ్యేత్తు సర్వముచ్చాటనాదికమ్ .. 4..

సమగ్రాణ్యపి సేత్స్యన్తి లోకశఙ్కామిమాం హరః .
కృత్వా నిమన్త్రయామాస సర్వమేవమిదం శుభమ్ .. 5..

స్తోత్రం వై చణ్డికాయాస్తు తచ్చ గుహ్యం చకార సః .
సమాప్నోతి స పుణ్యేన తాం యథావన్నిమన్త్రణామ్ .. 6..

సోఽపి క్షేమమవాప్నోతి సర్వమేవ న సంశయః .
కృష్ణాయాం వా చతుర్దశ్యామష్టమ్యాం వా సమాహితః .. 7..

దదాతి ప్రతిగృహ్ణాతి నాన్యథైషా ప్రసీదతి .
ఇత్థం రూపేణ కీలేన మహాదేవేన కీలితమ్ .. 8..

యో నిష్కీలాం విధాయైనాం చణ్డీం జపతి నిత్యశః .
స సిద్ధః స గణః సోఽథ గన్ధర్వో జాయతే ధ్రువమ్ .. 9..

న చైవాపాటవం తస్య భయం క్వాపి న జాయతే .
నాపమృత్యువశం యాతి మృతే చ మోక్షమాప్నుయాత్ .. 10..

జ్ఞాత్వా ప్రారభ్య కుర్వీత హ్యకుర్వాణో వినశ్యతి .
తతో జ్ఞాత్వైవ సమ్పూర్ణమిదం ప్రారభ్యతే బుధైః .. 11..

సౌభాగ్యాది చ యత్కిఞ్చిద్ దృశ్యతే లలనాజనే .
తత్సర్వం తత్ప్రసాదేన తేన జప్యమిదమ్ శుభమ్ .. 12..

శనైస్తు జప్యమానేఽస్మిన్ స్తోత్రే సమ్పత్తిరుచ్చకైః .
భవత్యేవ సమగ్రాపి తతః ప్రారభ్యమేవ తత్ .. 13..

ఐశ్వర్యం తత్ప్రసాదేన సౌభాగ్యారోగ్యమేవ చ .
శత్రుహానిః పరో మోక్షః స్తూయతే సా న కిం జనైః .. 14..

చణ్డికాం హృదయేనాపి యః స్మరేత్ సతతం నరః .
హృద్యం కామమవాప్నోతి హృది దేవీ సదా వసేత్ .. 15..

అగ్రతోఽముం మహాదేవకృతం కీలకవారణమ్ .
నిష్కీలఞ్చ తథా కృత్వా పఠితవ్యం సమాహితైః .. 16..

ప్రథమచరిత్రమ్
మహాకాలీధ్యానమ్
ఓం ఖడ్గం చక్రగదేషుచాపపరిధాన్ శూలం భుశుణ్డీం శిరః
శఙ్ఖం సన్దధతీం కరైస్త్రినయనాం సర్వాఙ్గభూషావృతామ్ .
యాం హన్తుం మధుకైటభౌ జలజభూస్తుష్టావ సుప్తే హరౌ
నీలాశ్మద్యుతిమాస్యపాదదశకాం సేవే మహాకాలికామ్ ..

ఓం నమశ్చణ్డికాయై
ఓం ఐం మార్కణ్డేయ ఉవాచ .. 1..

సావర్ణిః సూర్యతనయో యో మనుః కథ్యతేఽష్టమః .
నిశామయ తదుత్పత్తిం విస్తరాద్గదతో మమ .. 2..

మహామాయానుభావేన యథా మన్వన్తరాధిపః .
స బభూవ మహాభాగః సావర్ణిస్తనయో రవేః .. 3..

స్వారోచిషేఽన్తరే పూర్వం చైత్రవంశసముద్భవః .
సురథో నామ రాజాభూత్సమస్తే క్షితిమణ్డలే .. 4..

తస్య పాలయతః సమ్యక్ ప్రజాః పుత్రానివౌరంసాన్ .
బభూవుః శత్రవో భూపాః కోలావిధ్వంసినస్తదా .. 5..

తస్య తైరభవద్ధ్యుద్ధమతిప్రబలదణ్డినః .
న్యూనైరపి స తైర్యుద్ధే కోలావిధ్వంసిభిర్జితః .. 6..

తతః స్వపురమాయాతో నిజదేశాధిపోఽభవత్ .
ఆక్రాన్తః స మహాభాగస్తైస్తదా ప్రబలారిభిః .. 7..

అమాత్యైర్బలిభిర్దుష్టైర్దుర్బలస్య దురాత్మభిః .
కోశో బలం చాపహృతం తత్రాపి స్వపురే తతః .. 8..

తతో మృగయావ్యాజేన హృతస్వామ్యః స భూపతిః .
ఏకాకీ హయమారుహ్య జగామ గహనం వనమ్ .. 9..

స తత్రాశ్రమమద్రాక్షీద్ద్విజవర్యస్య మేధసః .
ప్రశాన్తః శ్వాపదాకీర్ణం మునిశిష్యోపశోభితమ్ .. 10..

తస్థౌ కఞ్చిత్స కాలం చ మునినా తేన సత్కృతః .
ఇతశ్చేతశ్చ విచరంస్తస్మిన్ మునివరాశ్రమే .. 11..

సోఽచిన్తయత్తదా తత్ర మమత్వాకృష్టమానసః .. 12..

మత్పూర్వైః పాలితం పూర్వం మయా హీనం పురం హి తత్ .
మద్ధృత్తైస్తైరసద్వృత్తైర్ధర్మతః .. 13..

న జానే స ప్రధానో మే శూరో హస్తీ సదామదః .
మమ వైరివశం యాతః కాన్ భోగానుపలప్స్యతే .. 14..

యే మమానుగతా నిత్యం ప్రసాదధనభోజనైః .
అనువృత్తిం ధ్రువం తేఽద్య కుర్వన్త్యన్యమహీభృతామ్ .. 15..

అసమ్యగ్వ్యయశీలైస్తైః కుర్వద్భిః సతతం వ్యయమ్ .
సఞ్చితః సోఽతిదుఃఖేన క్షయం కోశో గమిష్యతి .. 16..

ఏతచ్చాన్యచ్చ సతతం చిన్తయామాస పార్థివః .
తత్ర విప్రాశ్రమాభ్యాశో వైశ్యమేకం దదర్శ సః .. 17..

స పృష్టస్తేన కస్త్వం భో హేతుశ్చాగమనేఽత్ర కః .
సశోక ఇవ కస్మాత్త్వం దుర్మనా ఇవ లక్ష్యసే .. 18..

ఇత్యాకర్ణ్య వచస్తస్య భూపతేః ప్రణయోదితమ్ .
ప్రత్యువాచ స తం వైశ్యః ప్రశ్రయావనతో నృపమ్ .. 19..

వైశ్య ఉవాచ .. 20..

సమాధిర్నామ వైశ్యోఽహముత్పన్నో ధనినాం కులే .
పుత్రదారైర్నిరస్తశ్చ ధనలోభాదసాధుభిః .. 21..

విహీనశ్చ ధనైర్దారైః పుత్రైరాదాయ మే ధనమ్ .
వనమభ్యాగతో దుఃఖీ నిరస్తశ్చాప్తబన్ధుభిః .. 22..

సోఽహం న వేద్మి పుత్రాణాం కుశలాకుశలాత్మికామ్ .
ప్రవృత్తిం స్వజనానాం చ దారాణాం చాత్ర సంస్థితః .. 23..

కిం ను తేషాం గృహే క్షేమమక్షేమం కిం ను సామ్ప్రతమ్ .. 24..

కథం తే కిం ను సద్వృత్తా దుర్వృతాః కిం ను మే సుతాః .. 25..

రాజోవాచ .. 26..

యైర్నిరస్తో భవాఀల్లుబ్ధైః పుత్రదారాదిభిర్ధనైః .. 27..

తేషు కిం భవతః స్నేహమనుబధ్నాతి మానసమ్ .. 28..

వైశ్య ఉవాచ .. 29..

ఏవమేతద్యథా ప్రాహ భవానస్మద్గతం వచః .
కిం కరోమే న బధ్నాతి మమ నిష్ఠురతాం మనః .. 30..

యైః సన్త్యజ్య పితృస్నేహం ధనలుభ్ధైర్నిరాకృతః .
పతిః స్వజనహార్దం చ హాదిర్తేష్వేవ మే మనః .. 31..

కిమేతన్నాభిజానామి జానన్నపి మహామతే .
యత్ప్రేమప్రవణం చిత్తం విగుణేష్వపి బన్ధుషు .. 32..

తేషాం కృతే మే నిఃశ్వాసో దౌర్మనస్యం చ జాయతే .. 33..

కరోమి కిం యన్న మనస్తేష్వప్రీతిషు నిష్ఠురమ్ .. 34..

మార్కణ్డేయ ఉవాచ .. 35..

తతస్తౌ సహితౌ విప్ర తం మునిం సముపస్థితౌ .. 36..

సమాధిర్నామ వైశ్యోఽసౌ స చ పార్థివసత్తమః .. 37..

కృత్వా తు తౌ యథాన్యాయం యథార్హం తేన సంవిదమ్ .
ఉపవిష్టౌ కథాః కాశ్చిచ్చక్రతుర్వైశ్యపార్థివౌ .. 38..

రాజోవాచ .. 39..

భగవంస్త్వామహం ప్రష్టుమిచ్ఛామ్యేకం వదస్వ తత్ .. 40..

దుఃఖాయ యన్మే మనసః స్వచిత్తాయత్తతాం వినా .. 41..

మమత్వం గతరాజ్యస్య రాజ్యాఙ్గేష్వఖిలేష్వపి .
జానతోఽపి యథాజ్ఞస్య కిమేతన్మునిసత్తమ .. 42..

అయం చ నికృతః పుత్రైర్దారైర్భృత్యైస్తథోజ్ఝితః .
స్వజనేన చ సన్త్యక్తస్తేషు హార్దీ తథాప్యతి .. 43..

ఏవమేష తథాహం చ ద్వావప్యత్యన్తదుఃఖితౌ .
దృష్టదోషేఽపి విషయే మమత్వాకృష్టమానసౌ .. 44..

తత్కేనైతన్మహాభాగ యన్మోహో జ్ఞానినోరపి .
మమాస్య చ భవత్యేషా వివేకాన్ధస్య మూఢతా .. 45..

ఋషిరువాచ .. 46..

జ్ఞానమస్తి సమస్తస్య జన్తోర్విషయగోచరే .
విషయాశ్చ మహాభాగ యాన్తి చైవం పృథక్పృథక్ .. 47..

దివాన్ధాః ప్రాణినః కేచిద్రాత్రావన్ధాస్తథాపరే .
కేచిద్దివా తథా రాత్రౌ ప్రాణినస్తుల్యద్దష్టయః .. 48..

జ్ఞానినో మనుజాః సత్యం కిన్తు తే న హి కేవలమ్ .
యతో హి జ్ఞానినః సర్వే పశుపక్షిమృగాదయః .. 49..

జ్ఞానం చ తన్మనుష్యాణాం యత్తేషాం మృగపక్షిణామ్ .
మనుష్యాణాం చ యత్తేషాం తుల్యమన్యత్తథోభయోః .. 50..

జ్ఞానేఽపి సతి పశ్యైతాన్ పతగాఞ్ఛావచఞ్చుషు .
కణమోక్షాదృతాన్ మోహాత్పీడయమానానపి క్షుధా .. 51..

మానుషా మనుజవ్యాఘ్ర సాభిలాషాః సుతాన్ ప్రతి .
లోభాత్ ప్రత్యుపకారాయ నన్వేతాన్ కిం న పశ్యసి .. 52..

తథాపి మమతావర్తే మోహగర్తే నిపాతితాః .
మహామాయాప్రభావేణ సంసారస్థితికారిణా .. 53..

తన్నాత్ర విస్మయః కార్యో యోగనిద్రా జగత్పతేః .
మహామాయా హరేశ్చైషా తయా సమ్మోహ్యతే జగత్ .. 54..

జ్ఞానినామపి చేతంసి దేవీ భగవతీ హి సా .
బలాదాకృష్య మోహాయ మహామాయా ప్రయచ్ఛతి .. 55..

తయా విసృజ్యతే విశ్వం జగదేతచ్చరాచరమ్ .
సైషా ప్రసన్నా వరదా నృణాం భవతి ముక్తయే .. 56..

సా విద్యా పరమా ముక్తేర్హేతుభూతా సనాతనీ .. 57..

సంసారబన్ధహేతుశ్చ సైవ సర్వేశ్వరేశ్వరీ .. 58..

రాజోవాచ .. 59..

భగవన్ కా హి సా దేవీ మహామాయేతి యాం భవాన్ .
బ్రవీతి కథముత్పన్నా సా కర్మాస్యాశ్చ కిం ద్విజ .. 60..

యత్ప్రభావా చ సా దేవీ యత్స్వరూపా యదుద్భవా .. 61..

తత్సర్వం శ్రోతుమిచ్ఛామి త్వత్తో బ్రహ్మవిదాం వర .. 62..

ఋషిరువాచ .. 63..

నిత్యైవ సా జగన్మూర్తిస్తయా సర్వమిదం తతమ్ .. 64..

తథాపి తత్సముత్పత్తిర్బహుధా శ్రూయతాం మమ .. 65..

దేవానాం కార్యసిద్ధ్యర్థమావిర్భవతి సా యదా .
ఉత్పన్నేతి తదా లోకే సా నిత్యాప్యభిధీయతే .. 66..

యోగనిద్రాం యదా విష్ణుర్జగత్యేకార్ణవీకృతే .
ఆస్తీర్య శేషమభజత్ కల్పాన్తే భగవాన్ ప్రభుః .. 67..

తదా ద్వావసురౌ ఘోరౌ విఖ్యాతౌ మధుకైటభౌ .
విష్ణుకర్ణమలోద్భూతౌ హన్తుం బ్రహ్మాణముద్యతౌ .. 68..

స నాభికమలే విష్ణోః స్థితో బ్రహ్మా ప్రజాపతిః .
దృష్ట్వా తావసురౌ చోగ్రౌ ప్రసుప్తం చ జనార్దనమ్ .. 69..

తుష్టావ యోగనిద్రాం తామేకాగ్రహృదయః స్థితః .
విబోధనార్థాయ హరేర్హరినేత్రకృతాలయామ్ .. 70..

విశ్వేశ్వరీం జగద్ధాత్రీం స్థితిసంహారకారిణీమ్ .
నిద్రాం భగవతీం విష్ణోరతులాం తేజసః ప్రభుః .. 71..

బ్రహ్మోవాచ .. 72..

త్వం స్వాహా త్వం స్వధా త్వం హి వషట్కారః స్వరాత్మికా .
సుధా త్వమక్షరే నిత్యే త్రిధామాత్రాత్మికా స్థితాః .. 73..

అర్ధమాత్రా స్థితా నిత్యా యానుచ్చార్యావిశేషతః .
త్వమేవ సా త్వం సావిత్రీ త్వం దేవజననీ పరా .. 74..

త్వయైతద్ధార్యతే విశ్వం త్వయైతత్ సృజ్యతే జగత్ .
త్వయైతత్ పాల్యతే దేవి త్వమత్స్యన్తే చ సర్వదా .. 75..

విసృష్టౌ సృష్టిరూపా త్వం స్థితిరూపా చ పాలనే .
తథా సంహృతిరూపాన్తే జగతోఽస్య జగన్మయే .. 76..

మహావిద్యా మహామాయా మహామేధా మహాస్మృతిః .
మహామోహా చ భవతీ మహాదేవీ మహాసురీ .. 77..

ప్రకృతిస్త్వం చ సర్వస్య గుణత్రయవిభావినీ .
కాలరాత్రిర్మహారాత్రిర్మోహరాత్రిశ్చ దారుణా .. 78..

త్వం శ్రీస్త్వమీశ్వరీ త్వం హీస్త్వం బుద్ధిర్బోధలక్షణా .
లజ్జా పుష్టిస్తథా తుష్టిస్త్వం శాన్తిః క్షాన్తిరేవ చ .. 79..

ఖడ్గినీ శూలినీ ఘోర గదినీ చక్రిణీ తథా .
శఙ్ఖినీ చాపినీ బాణభుశుణ్డీపరిఘయుధా .. 80..

సౌమ్యా సౌమ్యతరాశేషసౌమ్యేభ్యస్త్వతిసున్దరీ .
పరాపరాణాం పరమా త్వమేవ పరమేశ్వరీ .. 81..

యచ్చ కిఞ్చిత్క్వచిద్వస్తు సదసద్వాఖిలాత్మికే .
తస్య సర్వస్య యా శక్త్తిః సా త్వం కిం స్తూయసే మయా .. 82..

యయా త్వయా జగత్స్రష్టా జగత్పాతాత్తి యో జగత్ .
సోఽపి నిద్రావశం నీతః కస్త్వాం స్తోతుమిహేశ్వరః .. 83..

విష్ణుః శరీరగ్రహణమహమీశాన ఏవ చ .
కారితాస్తే యతోఽతస్త్వాం కః స్తోతుం శక్త్తిమాన్ భవేత్ .. 84..

సా త్వమిత్థం ప్రభావైః స్వైరుదారైర్దేవి సంస్తుతా .
మోహయైతౌ దురాధర్షావసురౌ మధుకైటభౌ .. 85..

ప్రబోధం చ జగత్స్వామీ నీయతామచ్యుతో లఘు .. 86..

బోధశ్చ క్రియతామస్య హన్తుమేతౌ మహాసురౌ .. 87..

ఋషిరువాచ .. 88..

ఏవం స్తుతా తదా దేవీ తామసీ తత్ర వేధసా .
విష్ణోః ప్రబోధనార్థాయ నిహన్తుం మధుకైటభౌ .. 89..

నేత్రాస్యనాసికాబాహుహృదయేభ్యస్తథోరసః .
నిర్గమ్య దర్శనే తస్థౌ బ్రహ్మణోఽవ్యక్తజన్మనః .. 90..

ఉత్తస్థౌ చ జగన్నాథస్తయా ముక్తో జనార్దనః .
ఏకార్ణవేఽహిశయనాత్తతః స దదృశే చ తౌ .. 91..

మధుకైటభౌ దురాత్మానావతివీర్యపరాక్రమౌ .
క్రోధరక్తేక్షణావత్తుం బ్రహ్మాణం జనితోద్యమౌ .. 92..

సముత్థాయ తతస్తాభ్యాం యుయుధే భగవాన్ హరిః .
పఞ్చవర్షసహస్రాణి బాహుప్రహరణో విభుః .. 93..

తావప్యతిబలోన్మత్తౌ మహామాయావిమోహితౌ .. 94..

ఉక్తవన్తౌ వరోఽస్మత్తో వ్రియతామితి కేశవమ్ .. 95..

శ్రీభగవానువాచ .. 96..

భవేతామద్య మే తుష్టౌ మమ వధ్యావుభావపి .. 97..

కిమన్యేన వరేణాత్ర ఏతావద్ధి వృతం మమ .. 98..

ఋషిరువాచ .. 99..

వఞ్చితాభ్యామితి తదా సర్వమాపోమయం జగత్ .
విలోక్య తాభ్యాం గదితో భగవాన్ కమలేక్షణః .. 100..

ఆవాం జహి న యత్రోర్వీ సలిలేన పరిప్లుతా .. 101..

ఋషిరువాచ .. 102..

తథేత్యుక్త్వా భగవతా శఙ్ఖచక్రగదాభృతా .
కృత్వా చక్రేణ వై ఛిన్నే జఘనే శిరసీ తయోః .. 103..

ఏవమేషా సముత్పన్నా బ్రహ్మణా సంస్తుతా స్వయమ్ .
ప్రభావమస్యా దేవ్యాస్తు భూయః శ్రృణు వదామి తే .. 104.. ..

ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే మధుకైటభవధో నామ ప్రథమోఽధ్యాయః

మహాలక్ష్మీధ్యానమ్
ఓం అక్షస్రక్పరశుం గదేషుకులిశం పద్మం ధనుః కుణ్డికాం
దణ్డం శక్తిమసిం చ చర్మ జలజం ఘణ్టాం సురాభాజనమ్ .
శూలం పాశసుదర్శనే చ దధతీం హస్తైః ప్రవాలప్రభాం
సేవే సైరిభమర్దినీమిహ మహాలక్ష్మీం సరోజస్థితామ్ ..

ఓం ఋషిరువాచ .. 1..

దేవాసురమభూద్యుద్ధం పూర్ణమబ్దశతం పురా .
మహిషేఽసురాణామధిపే దేవానాం చ పురన్దరే .. 2..

తత్రాసురైర్మహావీర్యైర్దేవసైన్యం పరాజితమ్ .
జిత్వా చ సకలాన్ దేవానిన్ద్రోఽభూన్మహిషాసురః .. 3..

తతః పరాజితా దేవాః పద్మయోనిం ప్రజాపతిమ్ .
పురస్కృత్య గతాస్తత్ర యత్రేశగరుడధ్వజౌ .. 4..

యథావృత్తం తయోస్తద్వన్మహిషాసురచేష్టితమ్ .
త్రిదశాః కథయామాసుర్దేవాభిభవవిస్తరమ్ .. 5..

సూర్యేన్ద్రాగ్న్యనిలేన్దూనాం యమస్య వరుణస్య చ .
అన్యేషాం చాధికారాన్స స్వయమేవాధితిష్ఠతి .. 6..

స్వర్గాన్నిరాకృతాః సర్వే తేన దేవగణా భువి .
విచరన్తి యథా మర్త్యా మహిషేణ దురాత్మనా .. 7..

ఏతద్వః కథితం సర్వమమరారివిచేష్టితమ్ .
శరణం వః ప్రపన్నాః స్మో వధస్తస్య విచిన్త్యతామ్ .. 8..

ఇత్థం నిశమ్య దేవానాం వచాంసి మధుసూదనః .
చకార కోపం శమ్భుశ్చ భ్రుకుటీకుటిలాననౌ .. 9..

తతోఽతికోపపూర్ణస్య చక్రిణో వదనాత్తతః .
నిశ్చక్రామ మహత్తేజో బ్రహ్మణః శఙ్కరస్య చ .. 10..

అన్యేషాం చైవ దేవానాం శక్రాదీనాం శరీరతః .
నిర్గతం సుమహత్తేజస్తచ్చైక్యం సమగచ్ఛత .. 11..

అతీవ తేజసః కూటం జ్వలన్తమివ పర్వతమ్ .
దదృశుస్తే సురాస్తత్ర జ్వాలావ్యాప్తదిగన్తరమ్ .. 12..

అతులం తత్ర తత్తేజః సర్వదేవశరీరజమ్ .
ఏకస్థం తదభూన్నారీ వ్యాప్తలోకత్రయం త్విషా .. 13..

యదభూచ్ఛామ్భవం తేజస్తేనాజాయత తన్ముఖమ్ .
యామ్యేన చాభవన్ కేశా బాహవో విష్ణుతేజసా .. 14..

సౌమ్యేన స్తనయోర్యుగ్మం మధ్యం చైన్ద్రేణ చాభవత్ .
వారుణేన చ జఙ్ఘోరూ నితమ్బస్తేజసా భువః .. 15..

బ్రహ్మణస్తేజసా పాదౌ తదఙ్గుల్యోఽర్కతేజసా .
వసూనాం చ కరాఙ్గుల్యః కౌబేరేణ చ నాసికా .. 16..

తస్యాస్తు దన్తాః సమ్భూతాః ప్రాజాపత్యేన తేజసా .
నయనత్రితయం జజ్ఞే తథా పావకతేజసా .. 17..

భ్రువౌ చ సన్ధ్యయోస్తేజః శ్రవణావనిలస్య చ .
అన్యేషాం చైవ దేవానాం సమ్భవస్తేజసాం శివా .. 18..

తతః సమస్తదేవానాం తేజోరాశిసముద్భవామ్ .
తాం విలోక్య ముదం ప్రాపురమరా మహిషార్దితాః .. 19..

శూలం శూలాద్వినిష్కృష్య దదౌ తస్యై పినాకధృక్ .
చక్రం చ దత్తవాన్ కృష్ణః సముత్పాట్య స్వచక్రతః .. 20..

శఙ్ఖం చ వరుణః శక్తిం దదౌ తస్యై హుతాశనః .
మారుతో దత్తవాంశ్చాపం బాణపూర్ణే తతేషుధీ .. 21..

వజ్రమిన్ద్రః సముత్పాట్య కులిశాదమరాధిపః .
దదౌ తస్యై సహస్రాక్షో ఘణ్టామైరావతాద్గజాత్ .. 22..

కాలదణ్డాద్యమో దణ్డం పాశం చామ్బుపతిర్దదౌ .
ప్రజాపతిశ్చాక్షమాలాం దదౌ బ్రహ్మా కమణ్డలుమ్ .. 23..

సమస్తరోమకూపేషు నిజరశ్మీన్ దివాకరః .
కాలశ్చ దత్తవాన్ ఖడ్గం తస్యాశ్చర్మ చ నిర్మలమ్ .. 24..

క్షీరోదశ్చామలం హారమజరే చ తథామ్బరే .
చూడామణిం తథా దివ్యం కుణ్డలే కటకాని చ .. 25..

అర్ధచన్ద్రం తథా శుభ్రం కేయూరాన్ సర్వబాహుషు .
నూపురౌ విమలౌ తద్వద్ గ్రైవేయకమనుత్తమమ్ .. 26..

అఙ్గులీయకరత్నాని సమస్తాస్వఙ్గులీషు చ .
విశ్వకర్మా దదౌ తస్యై పరశుం చాతినిర్మలమ్ .. 27..

అస్త్రాణ్యనేకరూపాణి తథాఽభేద్యం చ దంశనమ్ .
అమ్లానపఙ్కజాం మాలాం శిరస్యురసి చాపరామ్ .. 28..

అదదజ్జలధిస్తస్యై పఙ్కజం చాతిశోభనమ్ .
హిమవాన్ వాహనం సింహం రత్నాని వివిధాని చ .. 29..

దదావశూన్యం సురయా పానపాత్రం ధనాధిపః .
శేషశ్చ సర్వనాగేశో మహామణివిభూషితమ్ .. 30..

నాగహారం దదౌ తస్యై ధత్తే యః పృథివీమిమామ్ .
అన్యైరపి సురైర్దేవీ భూషణైరాయుధైస్తథా .. 31..

సమ్మానితా ననాదోచ్చైః సాట్టహాసం ముహుర్ముహుః .
తస్యా నాదేన ఘోరేణ కృత్స్నమాపూరితం నభః .. 32..

అమాయతాతిమహతా ప్రతిశబ్దో మహానభూత్ .
చుక్షుభుః సకలా లోకాః సముద్రాశ్చ చకమ్పిరే .. 33..

చచాల వసుధా చేలుః సకలాశ్చ మహీధరాః .
జయేతి దేవాశ్చ ముదా తామూచుః సింహవాహినీమ్ .. 34..

తుష్టువుర్మునయశ్చైనాం భక్తినమ్రాత్మమూర్తయః .
దృష్ట్వా సమస్తం సంక్షుబ్ధం త్రైలోక్యమమరారయః .. 35..

సన్నద్ధాఖిలసైన్యాస్తే సముత్తస్థురుదాయుధాః .
ఆః కిమేతదితి క్రోధాదాభాష్య మహిషాసురః .. 36..

అభ్యధావత తం శబ్దమశేషైరసురైర్వృతః .
స దదర్శ తతో దేవీం వ్యాప్తలోకత్రయాం త్విషా .. 37..

పాదాక్రాన్త్యా నతభువం కిరీటోల్లిఖితామ్బరామ్
క్షోభితాశేషపాతాలాం ధనుర్జ్యానిఃస్వనేన తామ్ .. 38..

దిశో భుజసహస్రేణ సమన్తాద్వ్యాప్య సంస్థితామ్ .
తతః ప్రవవృతే యుద్ధం తయా దేవ్యా సురద్విషామ్ .. 39..

శస్త్రాస్త్రైర్బహుధా ముక్తైరాదీపితదిగన్తరమ్ .
మహిషాసురసేనానీశ్చిక్షురాఖ్యో మహాసురః .. 40..

యుయుధే చామరశ్చాన్యైశ్చతురఙ్గబలాన్వితః .
రథానామయుతైః షడ్భిరుదగ్రాఖ్యో మహాసురః .. 41..

అయుధ్యతాయుతానాం చ సహస్రేణ మహాహనుః .
పఞ్చాశద్భిశ్చ నియుతైరసిలోమా మహాసురః .. 42..

అయుతానాం శతైః షడ్భిర్బాష్కలో యుయుధే రణే .
గజవాజిసహస్రౌఘైరనేకైః పరివారితః .. 43..

వృతో రథానాం కోట్యా చ యుద్ధే తస్మిన్నయుధ్యత .
బిడాలాఖ్యోఽయుతానాం చ పఞ్చాశద్భిరథాయుతైః .. 44..

యుయుధే సంయుగే తత్ర రథానాం పరివారితః .
అన్యే చ తత్రాయుతశో రథనాగహయైర్వృతాః .. 45..

యుయుధుః సంయుగే దేవ్యా సహ తత్ర మహాసురాః .
కోటికోటిసహస్రైస్తు రథానాం దన్తినాం తథా .. 46..

హయానాం చ వృతో యుద్ధే తత్రాభూన్మహిషాసురః .
తోమరైర్భిన్దిపాలైశ్చ శక్తిభిర్ముసలైస్తథా .. 47..

యుయుధుః సంయుగే దేవ్యా ఖడ్గైః పరశుపట్టిశైః .
కేచిచ్చ చిక్షిపుః శక్తీః కేచిత్ పాశాంస్తథాపరే .. 48..

దేవీం ఖడ్గప్రహారైస్తు తే తాం హన్తుం ప్రచక్రముః .
సాపి దేవీ తతస్తాని శస్త్రాణ్యస్త్రాణి చణ్డికా .. 49..

లీలయైవ ప్రచిచ్ఛేద నిజశస్త్రాస్త్రవర్షిణీ .
అనాయస్తాననా దేవీ స్తూయమానా సురర్షిభిః .. 50..

ముమోచాసురదేహేషు శస్త్రాణ్యస్త్రాణి చేశ్వరీ .
సోఽపి క్రుద్ధో ధుతసటో దేవ్యా వాహనకేసరీ .. 51..

చచారాసురసైన్యేషు వనేష్వివ హుతాశనః .
నిఃశ్వాసాన్ ముముచే యాంశ్చ యుధ్యమానా రణేఽమ్బికా .. 52..

త ఏవ సద్యస్సమ్భూతా గణాః శతసహస్రశః .
యుయుధుస్తే పరశుభిర్భిన్దిపాలాసిపట్టిశైః .. 53..

నాశయన్తోఽసురగణాన్ దేవీశక్త్యుపబృంహితాః .
అవాదయన్త పటహాన్ గణాః శఙ్ఖాంస్తథాపరే .. 54..

మృదఙ్గాశ్చ తథైవాన్యే తస్మిన్యుద్ధమహోత్సవే .
తతో దేవీ త్రిశూలేన గదయా శక్తివృష్టిభిః .. 55..

ఖడ్గాదిభిశ్చ శతశో నిజఘాన మహాసురాన్ .
పాతయామాస చైవాన్యాన్ ఘణ్టాస్వనవిమోహితాన్ .. 56..

అసురాన్ భువి పాశేన బద్ధ్వా చాన్యానకర్షయత్ .
కేచిద్ ద్విధాకృతాస్తీక్ష్ణైః ఖడ్గపాతైస్తథాపరే .. 57..

విపోథితా నిపాతేన గదయా భువి శేరతే .
వేముశ్చ కేచిద్రుధిరం ముసలేన భృశం హతాః .. 58..

కేచిన్నిపతితా భూమౌ భిన్నాః శూలేన వక్షసి .
నిరన్తరాః శరౌఘేణ కృతాః కేచిద్రణాజిరే .. 59..

శల్యానుకారిణః ప్రాణాన్ముముచుస్త్రిదశార్దనాః .
కేషాఞ్చిద్బాహవశ్ఛిన్నాశ్ఛిన్నగ్రీవాస్తథాపరే .. 60..

శిరాంసి పేతురన్యేషామన్యే మధ్యే విదారితాః .
విచ్ఛిన్నజఙ్ఘాస్త్వపరే పేతురుర్వ్యాం మహాసురాః .. 61..

ఏకబాహ్వక్షిచరణాః కేచిద్దేవ్యా ద్విధాకృతాః .
ఛిన్నేఽపి చాన్యే శిరసి పతితాః పునరుత్థితాః .. 62..

కబన్ధా యుయుధుర్దేవ్యా గృహీతపరమాయుధాః .
ననృతుశ్చాపరే తత్ర యుద్ధే తూర్యలయాశ్రితాః .. 63..

కబన్ధాశ్ఛిన్నశిరసః ఖడ్గశక్త్యృష్టిపాణయః .
తిష్ఠ తిష్ఠేతి భాషన్తో దేవీమన్యే మహాసురాః ..64..

పాతితై రథనాగాశ్వైరసురైశ్చ వసున్ధరా .
అగమ్యా సాభవత్తత్ర యత్రాభూత్ స మహారణః .. 65..

శోణితౌఘా మహానద్యస్సద్యస్తత్ర విసుస్రువుః .
మధ్యే చాసురసైన్యస్య వారణాసురవాజినామ్ .. 66..

క్షణేన తన్మహాసైన్యమసురాణాం తథామ్బికా .
నిన్యే క్షయం యథా వహ్నిస్తృణదారుమహాచయమ్ .. 67..

స చ సింహో మహానాదముత్సృజన్ ధుతకేసరః .
శరీరేభ్యోఽమరారీణామసూనివ విచిన్వతి .. 68..

దేవ్యా గణైశ్చ తైస్తత్ర కృతం యుద్ధం తథాసురైః .
యథైషాం తుష్టువుర్దేవాః పుష్పవృష్టిముచో దివి .. 69.. ..

ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే మహిషాసురసైన్యవధో నామ ద్వితీయోఽధ్యాయః ..2..

ఋషిరువాచ .. 1..

నిహన్యమానం తత్సైన్యమవలోక్య మహాసురః .
సేనానీశ్చక్షురః కోపాద్యయౌ యోద్ధుమథామ్బికామ్ .. 2..

స దేవీం శరవర్షేణ వవర్ష సమరేఽసురః .
యథా మేరుగిరేః శ్రృఙ్గం తోయవర్షేణ తోయదః .. 3..

తస్య ఛిత్వా తతో దేవీ లీలయైవ శరోత్కరాన్ .
జఘాన తురగాన్బాణైర్యన్తారం చైవ వాజినామ్ .. 4..

చిఛేద చ ధనుః సద్యో ధ్వజం చాతిసముచ్ఛృతమ్ .
వివ్యాధ చైవ గాత్రేషు ఛిన్నధన్వానమాశుగైః .. 5..

స ఛిన్నధన్వా విరథో హతాశ్వో హతసారథిః .
అభ్యధావత తం దేవీం ఖడ్గచర్మధరోఽసురః .. 6..

సింహమాహత్య ఖడ్గేన తీక్ష్ణధారేణ మూర్ధని .
ఆజఘాన భుజే సవ్యే దేవీమప్యతివేగవాన్ .. 7..

తస్యాః ఖడ్గో భుజం ప్రాప్య పఫాల నృపనన్దన .
తతో జగ్రాహ శూలం స కోపాదరుణలోచనః .. 8..

చిక్షేప చ తతస్తత్తు భద్రకాల్యాం మహాసురః .
జాజ్వల్యమానం తేజోభీ రవిబిమ్బమివామ్బరాత్ .. 9..

దృష్ట్వా తదాపతచ్ఛూలం దేవీ శూలమముఞ్చత .
తచ్ఛూలం శతధా తేన నీతం స చ మహాసురః .. 10..

హతే తస్మిన్మహావీర్యే మహిషస్య చమూపతౌ .
ఆజగామ గజారూఢశ్చామరస్త్రిదశార్దనః .. 11..

సోఽపి శక్తిం ముమోచాథ దేవ్యాస్తామమ్బికా ద్రుతమ్ .
హుఙ్కారాభిహతాం భూమౌ పాతయామాస నిష్ప్రభామ్ .. 12..

భగ్నాం శక్తిం నిపతితాం దృష్ట్వా క్రోధసమన్వితః .
చిక్షేప చామరః శూలం బాణైస్తదపి సాచ్ఛినత్ .. 13..

తతః సింహః సముత్పత్య గజకుమ్భాన్తరస్థితః .
బాహుయుద్ధేన యుయుధే తేనోచ్చైస్త్రిదశారిణా .. 14..

యుధ్యమానౌ తతస్తౌ తు తస్మాన్నాగాన్మహీం గతౌ .
యుయుధాతేఽతిసంరబ్ధౌ ప్రహరైరతిదారుణైః .. 15..

తతో వేగాత్ ఖముత్పత్య నిపత్య చ మృగారిణా .
కరప్రహారేణ శిరశ్చామరస్య పృథక్ కృతమ్ .. 16..

ఉదగ్రశ్చ రణే దేవ్యా శిలావృక్షాదిభిర్హతః .
దన్తముష్టితలైశ్చైవ కరాలశ్చ నిపాతితః .. 17..

దేవీ క్రుద్ధా గదాపాతైశ్చూర్ణయామాస చోద్ధతమ్ .
బాష్కలం భిన్దిపాలేన బాణైస్తామ్రం తథాన్ధకమ్ .. 18..

ఉగ్రాస్యముగ్రవీర్యం చ తథైవ చ మహాహనుమ్ .
త్రినేత్రా చ త్రిశూలేన జఘాన పరమేశ్వరీ .. 19..

బిడాలస్యాసినా కాయాత్ పాతయామాస వై శిరః .
దుర్ధరం దుర్ముఖం చోభౌ శరైర్నిన్యే యమక్షయమ్ .. 20..

ఏవం సంక్షీయమాణే తు స్వసైన్యే మహిషాసురః .
మాహిషేణ స్వరూపేణ త్రాసయామాస తాన్ గణాన్ .. 21..

కాంశ్చిత్తుణ్డాప్రహారేణ ఖురక్షేపైస్తథాపరాన్ .
లాఙ్గూలతాడితాంశ్చాన్యాన్ శ్రృఙ్గాభ్యాం చ విదారితాన్ .. 22..

వేగేన కాంశ్చిదపరాన్నాదేన భ్రమణేన చ .
నిఃశ్వాసపవనేనాన్యాన్పాతయామాస భూతలే .. 23..

నిపాత్య ప్రమథానీకమభ్యధావత సోఽసురః .
సింహం హన్తుం మహాదేవ్యాః కోపం చక్రే తతోఽమ్బికా .. 24..

సోఽపి కోపాన్మహావీర్యః ఖురక్షుణ్ణమహీతలః .
శ్రృఙ్గాభ్యాం పర్వతానుచ్చాంశ్చిక్షేప చ ననాద చ .. 25..

వేగభ్రమణవిక్షుణ్ణా మహీ తస్య విశీర్యత .
లాఙ్గూలేనాహతశ్చాబ్ధిః ప్లావయామాస సర్వతః .. 26..

ధుతశ్రృఙ్గవిభిన్నాశ్చ ఖణ్డం ఖణ్డం యయుర్ఘనాః .
శ్వాసానిలాస్తాః శతశో నిపేతుర్నభసోఽచలాః .. 27..

ఇతి క్రోధసమాధ్మాతమాపతన్తం మహాసురమ్ .
దృష్ట్వా సా చణ్డికా కోపం తద్వధాయ తదాకరోత్ .. 28..

సా క్షిప్త్వా తస్య వై పాశం తం బబన్ధ మహాసురమ్ .
తత్యాజ మాహిషం రూపం సోఽపి బద్ధో మహామృధే .. 29..

తతః సింహోఽభవత్సద్యో యావత్తస్యామ్బికా శిరః .
ఛినత్తి తావత్ పురుషః ఖడ్గపాణిరద్దశ్యత .. 30..

తత ఏవాశు పురుషం దేవీ చిచ్ఛేద సాయకైః .
తం ఖడ్గచర్మణా సార్ధం తతః సోఽభూన్మహాగజః .. 31..

కరేణ చ మహాసింహం తం చకర్ష జగర్జ చ .
కర్షతస్తు కరం దేవీ ఖడ్గేన నిరకృన్తత .. 32..

తతో మహాసురో భూయో మాహిషం వపురాస్థితః .
తథైవ క్షోభయామాస త్రైలోక్యం సచరాచరమ్ .. 33..

తతః క్రుద్ధా జగన్మాతా చణ్డికా పానముత్తమమ్ .
పపౌ పునః పునశ్చైవ జహాసారుణలోచనా .. 34..

ననర్ద చాసురః సోఽపి బలవీర్యమదోద్ధతః .
విషాణాభ్యాం చ చిక్షేప చణ్డికాం ప్రతి భూధరాన్ .. 35..

సా చ తాన్ప్రహితాంస్తేన చూర్ణయన్తీ శరోత్కరైః .
ఉవాచ తం మదోద్ధూతముఖరాగాకులాక్షరమ్ .. 36..

దేవ్యువాచ .. 37..

గర్జ గర్జ క్షణం మూఢ మధు యావత్పిబామ్యహమ్ .
మయా త్వయి హతేఽత్రైవ గర్జిష్యన్త్యాశు దేవతాః .. 38..

ఋషిరువాచ .. 39..

ఏవముక్త్వా సముత్పత్య సారూఢా తం మహాసురమ్ .
పాదేనాక్రమ్య కణ్ఠే చ శూలేనైనమతాడయత్.. 40..

తతః సోఽపి పదాక్రాన్తస్తయా నిజముఖాత్తతః .
అర్ధనిష్క్రాన్త ఏవాసీద్దేవ్యా వీర్యేణ సంవృతః .. 41..

అర్ధనిష్క్రాన్త ఏవాసౌ యుధ్యమానో మహాసురః .
తయా మహాసినా దేవ్యా శిరశ్ఛిత్త్వా నిపాతితః .. 42..

తతో హాహాకృతం సర్వం దైత్యసైన్యం ననాశ తత్ .
ప్రహర్షం చ పరం జగ్ముః సకలా దేవతాగణాః .. 43..

తుష్టువుస్తాం సురా దేవీం సహదివ్యైర్మహర్షిభిః .
జగుర్గన్ధర్వపతయో ననృతుశ్చాప్సరోగణాః .. 44.. ..

ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే మహిషాసురవధో నామ తృతీయోఽధ్యాయః .. 3 ..

ఋషిరువాచ .. 1..

శక్రాదయః సురగణా నిహతేఽతివీర్యే
తస్మిన్దురాత్మని సురారిబలే చ దేవ్యా .
తాం తుష్టువుః ప్రణతినమ్రశిరోధరాంసా
వాగ్భిః ప్రహర్షపులకోద్గమచారుదేహాః .. 2..

దేవ్యా యయా తతమిదం జగదాత్మశక్త్యా
నిఃశేషదేవగణశక్త్తిసమూహమూత్యార్ .
తామమ్బికామఖిలదేవమహర్షిపూజ్యాం
భక్త్యా నతాః స్మ విదధాతు శుభాని సా నః .. 3..

యస్యాః ప్రభావమతులం భగవాననన్తో-
బ్రహ్మా హరశ్చ న హి వక్తుమలం బలం చ .
సా చణ్డికాఖిలజగత్పరిపాలనాయ
నాశాయ చాశుభభయస్య మతిం కరోతు .. 4..

యా శ్రీః స్వయం సుకృతినాం భవనేష్వలక్ష్మీః
పాపాత్మనాం కృతధియాం హృదయేషు బుద్ధిః .
శ్రద్ధా సతాం కులజనప్రభవస్య లజ్జా
తాం త్వాం నతాః స్మ పరిపాలయ దేవి విశ్వమ్ .. 5..

కిం వర్ణయామ తవ రూపమచిన్త్యమేతత్
కిఞ్చాతివీర్యమసురక్షయకారి భూరి .
కిం చాహవేషు చరితాని తవాతి యాని
సర్వేషు దేవ్యసురదేవగణాదికేషు .. 6..

హేతుః సమస్తజగతాం త్రిగుణాపి దోషై-
ర్న జ్ఞాయసే హరిహరాదిభిరప్యపారా .
సర్వాశ్రయాఖిలమిదం జగదంశభూత-
మవ్యాకృతా హి పరమా ప్రకృతిస్త్వమాద్యా .. 7..

యస్యాః సమస్తసురతా సముదీరణేన
తృప్తిం ప్రయాతి సకలేషు మఖేషు దేవి .
స్వాహాసి వై పితృగణస్య చ తృప్తిహేతు-
రుచ్చార్యసే త్వమత ఏవ జనైః స్వధా చ .. 8..

యా ముక్త్తిహేతురవిచిన్త్యమహావ్రతా త్వ-
మభ్యస్యసే సునియతేన్ద్రియతత్త్వసారైః .
మోక్షార్థిభిర్మునిభిరస్తసమస్తదోషై-
ర్విద్యాసి సా భగవతీ పరమా హి దేవి .. 9..

శబ్దాత్మికా సువిమలగ్యర్జుషాం నిధాన-
ముద్గీథరమ్యపదపాఠవతాం చ సామ్నామ్ .
దేవీ త్రయీ భగవతీ భవభావనాయ
వార్తా చ సర్వజగతాం పరమాతిర్హన్త్రీ .. 10..

మేధాసి దేవి విదితాఖిలశాస్త్రసారా
దుర్గాసి దుర్గభవసాగరనౌరసఙ్గా .
శ్రీః కైటభారిహృదయైకకృతాధివాసా
గౌరీ త్వమేవ శశిమౌలికృతప్రతిష్ఠా .. 11..

ఈషత్సహాసమమలం పరిపూర్ణచన్ద్ర-
బిమ్బానుకారి కనకోత్తమకాన్తికాన్తమ్ .
అత్యద్భుతం ప్రహృతమాత్తరుషా తథాపి
వక్త్రం విలోక్య సహసా మహిషాసురేణ .. 12..

దృష్ట్వా తు దేవి కుపితం భ్రుకుటీకరాల-
ముద్యచ్ఛశాఙ్కసదృశచ్ఛవి యన్న సద్యః .
ప్రాణాన్ ముమోచ మహిషస్తదతీవ చిత్రం
కైర్జీవ్యతే హి కుపితాన్తకదర్శనేన .. 13..

దేవి ప్రసీద పరమా భవతీ భవాయ
సద్యో వినాశయసి కోపవతీ కులాని .
విజ్ఞాతమేతదధునైవ యదస్తమేత-
న్నీతం బలం సువిపులం మహిషాసురస్య .. 14..

తే సమ్మతా జనపదేషు ధనాని తేషాం
తేషాం యశాంసి న చ సీదతి ధర్మవర్గః .
ధన్యాస్త ఏవ నిభృతాత్మజభృత్యదారా
యేషాం సదాభ్యుదయదా భవతీ ప్రసన్నా .. 15..

ధమ్యార్ణి దేవి సకలాని సదైవ కర్మా-
ణ్యత్యాదృతః ప్రతిదినం సుకృతీ కరోతి .
స్వర్గం ప్రయాతి చ తతో భవతీ ప్రసాదా-
ల్లోకత్రయేఽపి ఫలదా నను దేవి తేన .. 16..

దుర్గే స్మృతా హరసి భీతిమశేషజన్తోః
స్వస్థైః స్మృతా మతిమతీవ శుభాం దదాసి .
దారిద్ర్యదుఃఖభయహారిణి కా త్వదన్యా
సర్వోపకారకరణాయ సదాద్రర్చిత్తా .. 17..

ఏభిర్హతైర్జగదుపైతి సుఖం తథైతే
కుర్వన్తు నామ నరకాయ చిరాయ పాపమ్ .
సంగ్రామమృత్యుమధిగమ్య దివం ప్రయాన్తు
మత్వేతి నూనమహితాన్వినిహంసి దేవి .. 18..

దృష్ట్వైవ కిం న భవతీ ప్రకరోతి భస్మ
సర్వాసురానరిషు యత్ప్రహిణోషి శస్త్రమ్ .
లోకాన్ప్రయాన్తు రిపవోఽపి హి శస్త్రపూతా
ఇత్థం మతిర్భవతి తేష్వపి తేఽతిసాధ్వీ .. 19..

ఖడ్గప్రభానికరవిస్ఫురణైస్తథోగ్రైః
శూలాగ్రకాన్తినివహేన దృశోఽసురాణామ్ .
యన్నాగతా విలయమంశుమదిన్దుఖణ్డ-
యోగ్యాననం తవ విలోకయతాం తదేతత్ .. 20..

దుర్వృత్తవృత్తశమనం తవ దేవి శీలం
రూపం తథైతదవిచిన్త్యమతుల్యమన్యైః .
వీర్యం చ హన్త్రు హృతదేవపరాక్రమాణాం
వైరిష్వపి ప్రకటితైవ దయా త్వయేత్థమ్ .. 21..

కేనోపమా భవతు తేఽస్య పరాక్రమస్య
రూపం చ శత్రుభయకార్యతిహారి కుత్ర .
చిత్తే కృపా సమరనిష్ఠురతా చ దృష్టా
త్వయ్యేవ దేవి వరదే భువనత్రయేఽపి .. 22..

త్రైలోక్యమేతదఖిలం రిపునాశనేన
త్రాతం త్వయా సమరమూర్ధని తేఽపి హత్వా .
నీతా దివం రిపుగణా భయమప్యపాస్తమ-
స్మాకమున్మదసురారిభవం నమస్తే .. 23..

శూలేన పాహి నో దేవి పాహి ఖడ్గేన చామ్బికే .
ఘణ్టాస్వనేన నః పాహి చాపజ్యానిస్స్వనేన చ .. 24..

ప్రాచ్యాం రక్ష ప్రతీచ్యాం చ చణ్డికే రక్ష దక్షిణే .
భ్రామణేనాత్మశూలస్య ఉత్తరస్యాం తథేశ్వరి .. 25..

సౌమ్యాని యాని రూపాణి త్రైలోక్యే విచరన్తి తే .
యాని చాత్యన్తఘోరాణి తై రక్షాస్మాంస్తథా భువమ్ .. 26..

ఖడ్గశూలగదాదీని యాని చాస్త్రాని తేఽమ్బికే .
కరపల్లవసఙ్గీని తైరస్మాన్రక్ష సర్వతః .. 27..

ఋషిరువాచ .. 28..

ఏవం స్తుతా సురైర్దివ్యైః కుసుమైర్నన్దనోద్భవైః .
అర్చితా జగతాం ధాత్రీ తథా గన్ధానులేపనైః .. 29..

భక్త్యా సమస్తైస్త్రిదశైర్దివ్యైర్ధూపైః సుధూపితా .
ప్రాహ ప్రసాదసుముఖీ సమస్తాన్ ప్రణతాన్ సురాన్ .. 30..

దేవ్యువాచ .. 31..

వ్రియతాం త్రిదశాః సర్వే యదస్మత్తోఽభివాఞ్ఛితమ్ .. 32..

దేవా ఉచుః .. 33..

భగవత్యా కృతం సర్వం న కిఞ్చిదవశిష్యతే .. 34..

యదయం నిహతః శత్రురస్మాకం మహిషాసురః .
యది చాపి వరో దేయస్త్వయాఽస్మాకం మహేశ్వరి .. 35..

సంస్మృతా సంస్మృతా త్వం నో హింసేథాః పరమాపదః .
యశ్చ మత్యర్ః స్తవైరేభిస్త్వాం స్తోష్యత్యమలాననే .. 36..

తస్య విత్తద్ధిర్విభవైర్ధనదారాదిసమ్పదామ్ .
వృద్ధయేఽస్మత్ప్రసన్నా త్వం భవేథాః సర్వదామ్బికే .. 37..

ఋషిరువాచ .. 38..

ఇతి ప్రసాదితా దేవైర్జగతోఽర్థే తథాత్మనః .
తథేత్యుక్త్వా భద్రకాలీ బభూవాన్తర్హితా నృప .. 39..

ఇత్యేతత్కథితం భూప సమ్భూతా సా యథా పురా .
దేవీ దేవశరీరేభ్యో జగత్త్రయహితైషిణీ .. 40..

పునశ్చ గౌరీదేహా సా సముద్భూతా యథాభవత్ .
వధాయ దుష్టదైత్యానాం తథా శుమ్భనిశుమ్భయోః .. 41..

రక్షణాయ చ లోకానాం దేవానాముపకారిణీ .
తచ్ఛృణుష్వ మయాఖ్యాతం యథావత్కథయామి తే .. 42.. ..

ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే శక్రాదిస్తుతిర్నామ చతుర్థోఽధ్యాయః .. 4 ..

అథ ఉత్తమచరితమ్
🌸 అథ ధ్యానమ్ 🌸
ఘణ్టాశూలహలాని శఙ్ఖముసలే చక్రం ధనుః
సాయకం హస్తాబ్జైర్దధతీం ఘనాన్తవిలసచ్ఛీతాంశుతుల్యప్రభామ్ .
గౌరీదేహసముద్భవాం త్రిజగతామాధారభూతాం మహా-
పూర్వామత్రసరస్వతీమనుభజే శుమ్భాదిదైత్యార్దినీమ్ ..

ఓం ఋషిరువాచ .. 1..

పురా శుమ్భనిశుమ్భాభ్యామసురాభ్యాం శచీపతేః .
త్రైలోక్యం యజ్ఞభాగాశ్చ హృతా మదబలాశ్రయాత్ .. 2..

తావేవ సూర్యతాం తద్వదధికారం తథైన్దవమ్ .
కౌబేరమథ యామ్యం చ చక్రాతే వరుణస్య చ .. 3..

తావేవ పవనర్ద్ధిం చ చక్రతుర్వహ్నికర్మ చ .
తతో దేవా వినిర్ధూతా భ్రష్టరాజ్యాః పరాజితాః .. 4..

హృతాధికారాస్త్రిదశాస్తాభ్యాం సర్వే నిరాకృతాః .
మహాసురాభ్యాం తాం దేవీం సంస్మరన్త్యపరాజితామ్ .. 5..

తయాస్మాకం వరో దత్తో యథాపత్సు స్మృతాఖిలాః .
భవతాం నాశయిష్యామి తత్క్షణాత్పరమాపదః .. 6..

ఇతి కృత్వా మతిం దేవా హిమవన్తం నగేశ్వరమ్ .
జగ్ముస్తత్ర తతో దేవీం విష్ణుమాయాం ప్రతుష్టువుః .. 7..

దేవా ఊచుః .. 8..

నమః ప్రకృత్యై భద్రాయై నియతాః ప్రణతాః స్మ తామ్ .. 9..

1. రౌద్రాయై నమో నిత్యాయై గౌర్యై ధాత్ర్యై నమో నమః .
2. జ్యోత్స్నాయై చేన్దురూపిణ్యై సుఖాయై సతతం నమః .
3. కల్యాణ్యై ప్రణతా వృద్ధ్యై సిద్ధ్యై కుర్మో నమో నమః .
4. నైఋత్యై భూభృతాం లక్ష్మై శర్వాణ్యై తే నమో నమః .

దుర్గాయై దుర్గపారాయై సారాయై సర్వకారిణ్యై .

1. ఖ్యాత్యై తథైవ కృష్ణాయై ధూమ్రాయై సతతం నమః .
2. అతిసౌమ్యాతిరౌద్రాయై నతాస్తస్యై నమో నమః .
3. నమో జగత్ప్రతిష్టాయై దేవ్యై కృత్యై నమో నమః .

యా దేవీ సర్వభూతేషు విష్ణుమాయేతి శబ్దితా .
నమస్తస్యై నమస్తస్యై నమస్తస్యై నమో నమః .. 14-16..

యా దేవీ సర్వభూతేషు చేతనేత్యభిధీయతే .
నమస్తస్యై నమస్తస్యై నమస్తస్యై నమో నమః .. 17-19..

యా దేవీ సర్వభూతేషు బుద్ధిరూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 20-22..

యా దేవీ సర్వభూతేషు నిద్రారూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 23-25..

యా దేవీ సర్వభూతేషు క్షుధారూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 26-28..

యా దేవీ సర్వభూతేషు ఛాయారూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 29-31..

యా దేవీ సర్వభూతేషు శక్తిరూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 32-34..

యా దేవీ సర్వభూతేషు తృష్ణారూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 35-37..

యా దేవీ సర్వభూతేషు క్షాన్తిరూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 38-40..

యా దేవీ సర్వభూతేషు జాతిరూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 41-43..

యా దేవీ సర్వభూతేషు లజ్జారూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 44-46..

యా దేవీ సర్వభూతేషు శాన్తిరూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 47-49..

యా దేవీ సర్వభూతేషు శ్రద్ధారూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 50-52..

యా దేవీ సర్వభూతేషు కాన్తిరూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 53-55..

యా దేవీ సర్వభూతేషు లక్ష్మీరూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 56-58..

యా దేవీ సర్వభూతేషు వృత్తిరూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 59-61..

యా దేవీ సర్వభూతేషు స్మృతిరూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 62-64..

యా దేవీ సర్వభూతేషు దయారూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 65-67..

యా దేవీ సర్వభూతేషు తుష్టిరూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 68-70..

యా దేవీ సర్వభూతేషు మాతృరూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 71-73..

యా దేవీ సర్వభూతేషు భ్రాన్తిరూపేణ సంస్థితా .
నమస్తస్యై నమస్తస్యై నమస్తస్యై నమో నమః .. 74-76..

ఇన్ద్రియాణామధిష్ఠాత్రీ భూతానాఞ్చాఖిలేషు యా .

చితిరూపేణ యా కృత్స్నమేతద్వ్యాప్య స్థితా జగత్ .
నమస్తస్యై నమస్తస్యై నమస్తస్యై నమో నమః .. 78-80..

స్తుతా సురైః పూర్వమభీష్టసంశ్రయా-
త్తథా సురేన్ద్రేణ దినేషు సేవితా .
కరోతు సా నః శుభహేతురీశ్వరీ
శుభాని భద్రాణ్యభిహన్తు చాపదః .. 81..

యా సామ్ప్రతం చోద్ధతదైత్యతాపితై-
రస్మాభిరీశా చ సురైర్నమస్యతే .
యా చ స్మృతా తత్క్షణమేవ హన్తి నః
సర్వాపదో భక్త్తివినమ్రమూర్తిభిః .. 82..

ఋషిరువాచ .. 83..

ఏవం స్తవాదియుక్త్తానాం దేవానాం తత్ర పార్వతీ .
స్నాతుమభ్యాయయౌ తోయే జాహ్నవ్యా నృపనన్దన .. 84..

సాబ్రవీత్తాన్ సురాన్ సుభ్రూర్భవద్భిః స్తూయతేఽత్ర కా .
శరీరకోశతశ్చాస్యాః సముద్భూతాఽబ్రవీచ్ఛివా .. 85..

స్తోత్రం మమైతత్క్రియతే శుమ్భదైత్యనిరాకృతైః .
దేవైః సమేతైః సమరే నిశుమ్భేన పరాజితైః .. 86..

శరీరకోశాద్యత్తస్యాః పార్వత్యా నిఃసృతామ్బికా .
కౌశికీతి సమస్తేషు తతో లోకేషు గీయతే .. 87..

తస్యాం వినిర్గతాయాం తు కృష్ణాభూత్సాపి పార్వతీ .
కాలికేతి సమాఖ్యాతా హిమాచలకృతాశ్రయా .. 88..

తతోఽమ్బికాం పరం రూపం బిభ్రాణాం సుమనోహరమ్ .
దదర్శ చణ్డో ముణ్డశ్వ భృత్యౌ శుమ్భనిశుమ్భయోః .. 89..

తాభ్యాం శుమ్భాప చాఖ్యాతా సాతీవ సుమనోహరా .
కాప్యాస్తే స్త్రీ మహారాజ భాసయన్తీ హిమాచలమ్ .. 90..

నైవ తాదృక్ క్వచిద్రూపం దృష్టం కేనచిదుత్తమమ్ .
జ్ఞాయతాం కాప్యసౌ దేవీ గృహ్యతాం చాసురేశ్వర .. 91..

స్త్రీరత్నమతిచార్వఙ్గీ ద్యోతయన్తీ దిశాస్త్విషా
సా తు తిష్ఠతి దైత్యేన్ద్ర తాం భవాన్ ద్రష్టుమర్హతి .. 92..

యాని రత్నాని మణయో గజాశ్వాదీని వై ప్రభో .
త్రైలోక్యే తు సమస్తాని సామ్ప్రతం భాన్తి తే గృహే ..

ఐరావతః సమానీతో గజరత్నం పురన్దరాత్ .
పారిజాతతరుశ్చాయం తథైవోచ్చైఃశ్రవా హయః .. 94..

విమానం హంససంయుక్త్తమేతత్తిష్ఠతి తేఽఙ్గణే .
రత్నభూతమిహానీతం యదాసీద్వేధసోఽద్భుతమ్ .. 95

నిధిరేష మహాపద్మః సమానీతో ధనేశ్వరాత్ .
కిఞ్జల్కినీం దదౌ చాబ్ధిర్మాలామమ్లానపఙ్కజామ్ .. 96..

ఛత్రం తే వారూణం గేహే కాఞ్చనస్నావి తిష్ఠతి .
తథాఽయం స్యన్దనవరో యః పురాసీత్ప్రజాపతేః .. 97..

మృత్యోరుత్క్రాన్తిదా నామ శక్త్తిరీశ త్వయా హృతా .
పాశః సలిలరాజస్య భ్రాతుస్తవ పరిగ్రహే .. 98..

నిశుమ్భస్యాబ్ధిజాతాశ్చ సమస్తా రత్నజాతయః .
వహ్నిశ్చాపి దదౌ తుభ్యమగ్నిశౌచే చ వాససీ .. 99..

ఏవం దైత్యేన్ద్ర రత్నాని సమస్తాన్యాహృతాని తే .
స్త్రీరత్నమేషా కల్యాణీ త్వయా కస్మాన్న గృహ్యతే .. 100..

ఋషిరువాచ .. 101..

నిశమ్యేతి వచః శుమ్భః స తదా చణ్డముణ్డయోః .
ప్రేషయామాస సుగ్రీవం దూతం దేవ్యా మహాసురమ్ .. 102..

ఇతి చేతి చ వక్త్తవ్యా సా గత్వా వచనాన్మమ .
యథా చాభ్యేతి సమ్ప్రీత్యా తథా కార్యం త్వయా లఘు .. 103..

స తత్ర గత్వా యత్రాస్తే శైలోద్దేశోఽతిశోభనే .
సా దేవీ తం తతః ప్రాహ శ్లక్ష్ణం మధురయా గిరా .. 104..

దూత ఉవాచ .. 105

దేవి దైత్యేశ్వరః శుమ్భస్త్రైలోక్యే పరమేశ్వరః .
దూతోఽహం ప్రేషితస్తేన త్వత్సకాశమిహాగతః .. 106..

అవ్యాహతాజ్ఞః సర్వాసు యః సదా దేవయోనిషు .
నిర్జితాఖిలదైత్యారిః స యదాహ శృణుష్వ తత్ .. 107

మమ త్రైలోక్యమఖిలం మమ దేవా వశానుగాః .
యజ్ఞభాగానహం సర్వానుపాశ్నామి పృథక్ పృథక్ .. 108..

త్రైలోక్యే వరరత్నాని మమ వశ్యాన్యశోషతః .
తథైవ గజరత్నం చ హృతం దేవేన్ద్రవాహనమ్ .. 109..

క్షీరోదమథనోద్భూతమశ్వరత్నం మమామరైః .
ఉచ్చైఃశ్రవససంజ్ఞం తత్ప్రణిపత్య సమర్పితమ్ .. 110..

యాని చాన్యాని దేవేషు గన్ధర్వేషూరగేషు చ .
రత్నభూతాని భూతాని తాని మయ్యేవ శోభనే .. 111..

స్త్రీరత్నభూతాం త్వాం దేవి లోకే మన్యామహే వయమ్ .
సా త్వమస్మానుపాగచ్ఛ యతో రత్నభుజో వయమ్ .. 112..

మాం వా మమానుజం వాపి నిశుమ్భమురువిక్రమమ్ .
భజ త్వం చఞ్చలాపాఙ్గి రత్నభూతాసి వై యతః .. 113..

పరమైశ్వర్యమతులం ప్రాప్స్యసే మత్పరిగ్రహాత్ .
ఏతద్బుద్ధ్యా సమాలోచ్య మత్పరిగ్రహతాం వ్రజ .. 114..

ఋషిరువాచ .. 115..

ఇత్యుక్త్తా సా తదా దేవీ గమ్భీరాన్తఃస్మితా జగౌ .
దుర్గా భగవతీ భద్రా యయేదం ధార్యతే జగత్ .. 116..

దేవ్యువాచ .. 117..

సత్యముక్త్తం త్వయా నాత్ర మిథ్యా కిఞ్చిత్వయోదితమ్
త్రైలోక్యాధిపతిః శుమ్భో నిశుమ్భశ్చాపి తాదృశః .. 118..

కిం త్వత్ర యత్పరిజ్ఞాతం మిథ్యా తత్క్రియతే కథమ్ .
శ్రూయతామల్పవుద్ధిత్వాత్ప్రతిజ్ఞా యా కృతా పురా .. 119..

యో మాం జయతి సఙ్గ్రామే యో మే దర్పం వ్యపోహతి .
యో మే ప్రతిబలో లోకే స మే భర్తా భవిష్యతి .. 120..

తదాగచ్ఛతు శుమ్భోఽత్ర నిశుమ్భో వా మహాసురః .
మాం జిత్వా కిం చిరేణాత్ర పాణిం గృహ్ణాతు మే లఘు .. 121..

దూత ఉవాచ .. 122..

అవలిప్తాసి మైవం త్వం దేవి బ్రూహి మమాగ్రతః .
త్రైలోక్యే కః పుమాంస్తిష్ఠేదగ్రే శుమ్భనిశుమ్భయోః .. 123..

అన్యేషామపి దైత్యానాం సర్వే దేవా న వై యుధి .
తిష్ఠన్తి సమ్ముఖే దేవి కిం పునః స్త్రీ త్వమేకికా .. 124..

ఇన్ద్రాద్యాః సకలా దేవాస్తస్థుర్యేషాం న సంయుగే .
శుమ్భాదీనాం కథం తేషాం స్త్రీ ప్రయాస్యసి సమ్ముఖమ్ .. 125..

సా త్వం గచ్ఛ మయైవోక్త్తా పార్శ్వం శుమ్భనిశుమ్భయోః .
కేశాకర్షణనిర్ధూతగౌరవా మా గమిష్యసి .. 126..

దేవ్యువాచ .. 127..

ఏవమేతద్ బలీ శుమ్భో నిశుమ్భశ్చాతిర్వీర్యవాన్ .
కిం కరోమి ప్రతిజ్ఞా మే యదనాలోచితా పురా .. 128..

స త్వం గచ్ఛ మయోక్త్తం తే యదేతత్సర్వమాదృతః .
తదాచక్ష్వాసురేన్ద్రాయ స చ యుక్త్తం కరోతు యత్ .. 129..

ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే దేవ్యా దూతసంవాదో నామ పఞ్చమోఽధ్యాయః .. 5 ..

ఋషిరువాచ .. 1..

ఇత్యాకర్ణ్య వచో దేవ్యాః స దూతోఽమర్షపూరితః .
సమాచష్ట సమాగమ్య దైత్యరాజాయ విస్తరాత్ .. 2..

తస్య దూతస్య తద్వాక్యమాకర్ణ్యాసురరాట్ తతః .
సక్రోధః ప్రాహ దైత్యానామధిపం ధూమ్రలోచనమ్ .. 3..

హే ధూమ్రలోచనాశు త్వం స్వసైన్యపరివారతిః .
తామానయ బలాద్దుష్టాం కేశాకర్షణవిహ్వలామ్ .. 4..

తత్పరిత్రాణదః కశ్చిద్యది వోత్తిష్ఠతేఽపరః .
స హన్తవ్యోఽమరో వాపి యక్షో గన్ధర్వ ఏవ వా .. 5..

ఋషిరువాచ .. 6..

తేనాజ్ఞప్తస్తతః శీఘ్రం స దైత్యో ధూమ్రలోచనః .
వృతః షష్టయా సహస్రాణామసురాణాం దృతం యయౌ .. 7..

స దృష్ట్వా తాం తతో దేవీం తుహినాచలసంస్థితామ్ .
జగాదోచ్చైః ప్రయాహీతి మూలం శుమ్భనిశుమ్భయోః .. 8..

న చేత్ప్రీత్యాద్య భవతీ మద్భర్తారముపైష్యతి .
తతో బలాన్నయామ్యేష కేశాకర్షణవిహ్వలామ్ .. 9..

దేవ్యువాచ .. 10..

దైత్యేశ్వరేణ ప్రహితో బలవాన్బలసంవృతః .
బలాన్నయసి మామేవం తతః కిం తే కరోమ్యహమ్ .. 11..

ఋషిరువాచ .. 12..

ఇత్యుక్తః సోఽభ్యధావత్తామసురో ధూమ్రలోచనః .
హుఙ్కారేణైవ తం భస్మ సా చకారామ్బికా తతః .. 13..

అథ క్రుద్ధం మహాసైన్యమసురాణాం తథామ్బికామ్ .
వవర్ష సాయకైస్తీక్ష్ణైస్తథా శక్త్తిపరశ్వధైః .. 14..

తతో ధుతసటః కోపాత్కృత్వా నాదం సుభైరవమ్ .
పపాతాసురసేనాయాం సింహో దేవ్యాః స్వవాహనః .. 15..

కాంశ్చిత్కరప్రహారేణ దైత్యానాస్యేన చాపరాన్ .
ఆక్రాన్త్యా చాధరేణాన్యాన్ స జఘాన మహాసురాన్ .. 16..

కేషాఞ్చిత్పాటయామాస నఖైః కోష్ఠాని కేసరీ .
తథా తలప్రహారేణ శిరాంసి కృతవాన్పృథక్ .. 17..

విచ్ఛిన్నవాహుశిరసః కృతాస్తేన తథాపరే .
పాపౌ చ రుధిరం కోష్ఠాదన్యేషాం ధుతకేసరః .. 18..

క్షణేన తద్బలం సర్వం క్షయం నీతం మహాత్మనా .
తేన కేసరిణా దేవ్యా వాహనేనాతికోపినా .. 19..

శ్రుత్వా తమసురం దేవ్యా నిహతం ధూమ్రలోచనమ్ .
బలం చ క్షయితం కృత్స్నం దేవీకేసరిణా తతః .. 20..

చుకోప దైత్యాధిపతిః శుమ్భః ప్రస్ఫురితాధరః .
ఆజ్ఞాపయామాస చ తౌ చణ్డముణ్డౌ మహాసురౌ .. 21..

హే చణ్డ హే ముణ్డ బలైర్బహులైః పరివారితౌ .
తత్ర గఛతం గత్వా చ సా సమానీయతాం లఘు .. 22..

కేశేష్వాకృష్య బద్ధ్వా వా యది వః సంశయో యుధి .
తదాశేషాయుధైః సర్వైరసురైర్వినిహన్యతామ్ .. 23..

తస్యాం హతాయాం దుష్టాయాం సింహే చ వినిపాతితే .
శీగ్రమాగమ్యతాం బద్ధ్వా గృహీత్వా తామథామ్బికామ్ .. 24..

ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే ధూమ్రలోచనవధో నామ షష్ఠోఽధ్యాయః

.. ఋషిరువాచ .. 1..

ఆజ్ఞప్తాస్తే తతో దైత్యాశ్చణ్డముణ్డపురోగమాః .
చతురఙ్గబలోపేతా యయురభ్యుద్యతాయుధాః .. 2..

దద్దృశుస్తే తతో దేవీమీషద్ధాసాం వ్యవస్థితామ్ .
సింహస్యోపరి శైలేన్ద్రశృఙ్గే మహతి కాఞ్చనే .. 3..

తే దృష్టా తాం సమాదాతుముద్యమఞ్చక్రురుద్యతాః .
ఆకృష్టచాపాసిధరాస్తథాన్యే తత్సమీపగాః .. 4..

తతః కోపం చకారోచ్చైరమ్బికా తానరీన్ప్రతి .
కోపేన చాస్యా వదనం మషీవర్ణమభూత్తదా .. 5..

భ్రుకుటీకుటిలాత్తస్యా లలాటఫలకాద్దృతమ్ .
కాలీ కరాలవదనా వినిష్క్రాన్తాసిపాశినీ .. 6..

విచిత్రఖట్వాఙ్గధరా నరమాలావిభూషణా .
ద్వీపిచర్మపరీధానా శుష్కమాంసాతిభైరవా .. 7..

అతివిస్తారవదనా జిహ్వాలలనభీషణా .
నిమగ్నారక్త్తనయనా నాదాపూరితదిఙ్ముఖా .. 8..

సా వేగేనాభిపతితా ఘాతయన్తీ మహాసురాన్ .
సైన్యే తత్ర సురారీణామభక్షయత తద్బలమ్ .. 9..

పార్ష్ణిగ్రాహాఙ్కుశగ్రాహియోధఘణ్టాసమన్వితాన్ .
సమాదాయైకహస్తేన ముఖే చిక్షేప వారణాన్ .. 10..

తథైవ యోధం తురగై రథం సారథినా సహ .
నిక్షిప్య వక్త్రే దశనైశ్చర్వయత్యతిభైరవమ్ .. 11..

ఏకం జగ్రాహ కేశేషు గ్రీవాయామథ చాపరమ్ .
పాదేనాక్రమ్య చైవాన్యమురసాన్యమపోథయత్ .. 12..

తైర్ముక్త్తాని చ శస్త్రాణి మహాస్త్రాణి తథాసురైః .
ముఖేన జగ్రాహ రుషా దశనైర్మథితాన్యపి .. 13..

బలినాం తద్బలం సర్వమసురాణాం దురాత్మనామ్ .
మమర్దాభక్షయచ్చాన్యానన్యాంశ్చాతాడయత్తథా .. 14..

అసినా నిహతాః కేచిత్కేచిత్ఖట్వాఙ్గతాడితాః .
జగ్ముర్వినాశమసురా దన్తాగ్రాభిహతాస్తథా .. 15..

క్షణేన తద్బలం సర్వమసురాణాం నిపాతితమ్ .
దృష్ట్వా చణ్డోఽభిదుద్రావ తాం కాలీమతిభీషణామ్ .. 16..

శరవర్షైర్మహాభీమైర్భీమాక్షీం తాం మహాసురః .
ఛాదయామాస చక్రైశ్చ ముణ్డః క్షిప్తైః సహస్రశః .. 17..

తాని చక్రాణ్యనేకాని విశమానాని తన్ముఖమ్ .
బభుర్యథాఽర్కబిమ్బాని సుబహూని ఘనోదరమ్ .. 18..

తతో జహాసాతిరుషా భీమం భైరవనాదినీ .
కాలీ కరాలవక్త్రాన్తర్దుర్దర్శదశనోజ్జ్వలా .. 19..

ఉత్థాయ చ మహాసింహం దేవీ చణ్డమధావత .
గృహీత్వా చాస్య కేశేషు శిరస్తేనాసినాచ్ఛినత్ .. 20..

అథ ముణ్డోఽభ్యధావత్తాం దృష్ట్వా చణ్డం నిపాతితమ్ .
తమప్యపాతయద్భూమౌ సా ఖడ్గాభిహతం రుషా .. 21..

హతశేషం తతః సైన్యం దృష్ట్వా చణ్డం నిపాతితమ్ .
ముణ్డం చ సుమహావీర్యం దిశో భేజే భయాతురమ్ .. 22 ..

శిరశ్చణ్డస్య కాలీ చ గృహీత్వా ముణ్డమేవ చ .
ప్రాహ ప్రచణ్డాట్టహాసమిశ్రమభ్యేత్య చణ్డికామ్ .. 23..

మయా తవాత్రోపహృతౌ చణ్డముణ్డౌ మహాపశూ .
యుద్ధయజ్ఞే స్వయం శుమ్భం నిశుమ్భం చ హనిష్యసి .. 24..

ఋషిరువాచ .. 25..

తావానీతౌ తతో దృష్ట్వా చణ్డముణ్డౌ మహాసురౌ .
ఉవాచ కాలీం కల్యాణీ లలితం చణ్డికా వచః .. 26..

యస్మాచ్చణ్డమ్ చ ముణ్డం చ గృహీత్వా త్వముపాగతా .
చాముణ్డేతి తతో లోకే ఖ్యాతా దేవీ భవిష్యసి .. 27..

ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే చణ్డముణ్డవధో నామ సప్తమోఽధ్యాయః

ఋషిరువాచ .. 1..

చణ్డే చ నిహతే దైత్యే ముణ్డే చ వినిపాతితే .
బహులేషు చ సైన్యేషు క్షయితేష్వసురేశ్వరః .. 2..

తతః కోపపరాధీనచేతాః శుమ్భః ప్రతాపవాన్ .
ఉద్యోగం సర్వసైన్యానాం దైత్యానామాదిదేశ హ .. 3..

అద్య సర్వబలైర్దైత్యాః షడశీతిరుదాయుధాః .
కమ్బూనాం చతురశీతిర్నిర్యాన్తు స్వబలైర్వృతాః .. 4..

కోటివీర్యాణి పఞ్చాశదసురాణాం కులాని వై .
శతం కులాని ధౌమ్రాణాం నిర్గచ్ఛన్తు మమాజ్ఞయా .. 5..

కాలకా దౌర్హృదా మౌర్యాః కాలికేయాస్తథాసురాః .
యుద్ధాయ సజ్జా నిర్యాన్తు ఆజ్ఞయా త్వరితా మమ .. 6..

ఇత్యాజ్ఞాప్యాసురపతిః శుమ్భో భైరవశాసనః .
నిర్జగామ మహాసైన్యసహస్రైర్బహుభిర్వృతః .. 7..

ఆయాన్తం చణ్డికా దృష్ట్వా తత్సైన్యమతిభీషణమ్ .
జ్యాస్వనైః పూరయామాస ధరణీగగనాన్తరమ్ .. 8..

తతః సింహో మహానాదమతీవ కృతవాన్నృప .
ఘణ్టాస్వనేన తాన్నాదానమ్బికా చోపబృంహయత్ .. 9..

ధనుర్జ్యాసింహఘణ్టానాం నాదాపూరితదిఙ్ముఖా .
నినాదైర్భీషణైః కాలీ జిగ్యే విస్తారితాననా .. 10..

తం నినాదముపశ్రుత్య దైత్యసైన్యైశ్చతుర్దిశమ్ .
దేవీ సింహస్తథా కాలీ సరోషైః పరివారితాః .. 11..

ఏతస్మిన్నన్తరే భూప వినాశాయ సురద్విషామ్ .
భవాయామరసింహానామతివీర్యబలాన్వితాః .. 12..

బ్రహ్మేశగుహవిష్ణూనాం తథేన్ద్రస్య చ శక్తయః .
శరీరేభ్యో వినిష్క్రమ్య తద్రూపైశ్చణ్డికాం యయుః .. 13..

యస్య దేవస్య తద్రూపం యథా భూషణవాహనమ్ .
తద్వదేవ హి తచ్ఛక్త్తిరసురాన్యోద్ధుమాయయౌ .. 14..

హంసయుక్తవిమానాగ్రే సాక్షసూత్రకమణ్డలుః .
ఆయాతా బ్రహ్మణః శక్తిర్బ్రహ్మాణీ సాభిధీయతే .. 15..

మాహేశ్వరీ వృషారూఢా త్రిశూలవరధారిణీ .
మహాహివలయా ప్రాప్తా చన్ద్రరేఖావిభూషణా .. 16..

కౌమారీ శక్తిహస్తా చ మయూరవరవాహనా .
యోద్ధుమభ్యాయయౌ దైత్యానమ్బికా గుహరూపిణీ .. 17..

తథైవ వైష్ణవీ శక్తిర్గరుడోపరి సంస్థితా .
శఙ్ఖచక్రగదాశార్ఙ్గఖడ్గహస్తాఽభ్యుపాయయౌ .. 18..

యజ్ఞవారాహమతులం రూపం యా బిభ్రతో హరేః .
శక్తిః సాప్యాయయౌ తత్ర వారాహీం బిభ్రతీ తనుమ్ .. 19..

నారసింహీ నృసింహస్య బిభ్రతీ సదృశం వపుః .
ప్రాప్తా తత్ర సటాక్షేపక్షిప్తనక్షత్రసంహతిః .. 20..

వజ్రహస్తా తథైవైన్ద్రీ గజరాజోపరి స్థితా .
ప్రాప్తా సహస్రనయనా యథా శక్రస్తథైవ సా .. 21..

తతః పరివృతస్తాభిరీశానో దేవశక్తిభిః .
హన్యన్తామసురాః శీఘ్రం మమ ప్రీత్యాహ చణ్డికామ్ .. 22..

తతో దేవీశరీరాత్తు వినిష్క్రాన్తాతిభీషణా .
చణ్డికా శక్తిరత్యుగ్రా శివాశతనినాదినీ .. 23..

సా జాహ ధూమ్రజటిలమీశానమపరాజితా .
దూతస్త్వం గచ్ఛ భగవన్పార్శ్వం శుమ్భనిశుమ్భయోః .. 24..

బ్రూహి శుమ్భం నిశుమ్భం చ దానవావతిగర్వితౌ .
యే చాన్యే దానవాస్తత్ర యుద్ధాయ సముపస్థితాః .. 25..

త్రైలోక్యమిన్ద్రో లభతాం దేవాః సన్తు హవిర్భుజః .
యూయం ప్రయాత పాతాలం యది జీవితుమిచ్ఛథ .. 26..

బలావలేపాదథ చేద్భవన్తో యుద్ధకాఙ్క్షిణః .
తదాగచ్ఛత తృప్యన్తు మచ్ఛివాః పిశితేన వః .. 27..

యతో నియుక్తో దౌత్యేన తయా దేవ్యా శివః స్వయమ్ .
శివదూతీతి లోకేఽస్మింస్తతః సా ఖ్యాతిమాగతా .. 28..

తేఽపి శ్రుత్వా వచో దేవ్యాః శర్వాఖ్యాతం మహాసురాః .
అమర్షాపూరితా జగ్ముర్యతః కాత్యాయనీ స్థితా .. 29..

తతః ప్రథమమేవాగ్రే శరశక్త్యృష్టివృష్టిభిః .
వవర్షురుద్ధతామర్షాస్తాం దేవీమమరారయః .. 30..

సా చ తాన్ ప్రహితాన్ బాణాఞ్ఛూలశక్తిపరశ్వధాన్ .
చిచ్ఛేద లీలయాధ్మాతధనుర్ముక్త్తైర్మహేషుభిః .. 31..

తస్యాగ్రతస్తథా కాలీ శూలపాతవిదారితాన్ .
ఖట్వాఙ్గపోథితాంశ్చారీన్కుర్వంతీ వ్యచరత్తదా .. 32..

కమణ్డలుజలాక్షేపహతవీర్యాన్ హతౌజసః .
బ్రహ్మాణీ చాకరోచ్ఛత్రూన్యేన యేన స్మ ధావతి .. 33..

మాహేశ్వరీ త్రిశూలేన తథా చక్రేణ వైష్ణవీ .
దైత్యాఞ్జఘాన కౌమారీ తథా శక్త్యాఽతికోపనా .. 34..

ఐన్ద్రీ కులిశపాతేన శతశో దైత్యదానవాః .
పేతుర్విదారితాః పృథ్వ్యాం రుధిరౌఘప్రవర్షిణః .. 35..

తుణ్డప్రహారవిధ్వస్తా దంష్ట్రాగ్రక్షతవక్షసః .
వారాహమూర్త్యా న్యపతంశ్చక్రేణ చ విదారితాః .. 36..

నఖైర్విదారితాంశ్చాన్యాన్ భక్షయన్తీ మహాసురాన్ .
నారసింహీ చచారాజౌ నాదాపూర్ణదిగమ్బరా .. 37..

చణ్డాట్టహాసైరసురాః శివదూత్యభిదూషితాః .
పేతుః పృథివ్యాం పతితాంస్తాంశ్చఖాదాథ సా తదా .. 38..

ఇతి మాత్రుగణం క్రుద్ధం మర్దయన్తం మహాసురాన్ .
దృష్ట్వాఽభ్యుపాయైర్వివిధైర్నేశుర్దేవారిసైనికాః .. 39..

పలాయనపరాన్దృష్ట్వా దైత్యాన్మాతృగణార్దితాన్ .
యోద్ధుమభ్యాయయౌ క్రుద్ధో రక్తబీజో మహాసురః .. 40..

రక్తబిన్దుర్యదా భూమౌ పతత్యస్య శరీరతః .
సముత్పతతి మేదిన్యాం తత్ప్రమాణస్తదాసురః .. 41..

యుయుధే స గదాపాణిరిన్ద్రశక్త్యా మహాసురః .
తతశ్చన్ద్రా స్వవజ్రేణ రక్తబీజమతాడయత్ .. 42..

కులిశేనాహతస్యాశు బహు సుస్రావ శోణితమ్ .
సముత్తస్థుస్తతో యోధాస్తద్రూపాస్తత్పరాక్రమాః .. 43..

యావన్తః పతితాస్తస్య శరీరాద్రక్తబిన్దవః .
తావన్తః పురుషా జాతాస్తద్వీర్యబలవిక్రమాః .. 44..

తే చాపి యుయుధుస్తత్ర పురుషా రక్తసమ్భవాః .
సమం మాత్రుభిరత్యుగ్రశస్త్రపాతాతిభీషణమ్ .. 45..

పునశ్చ వజ్రపాతేన క్షతమస్య శిరో యదా .
వవాహ రక్తం పురుషాస్తతో జాతాః సహస్రశః .. 46..

వైష్ణవీ సమరే చైనం చక్రేణాభిజఘాన హ .
గదయా తాడయామాస ఐన్ద్రీ తమసురేశ్వరమ్ .. 47..

వైష్ణవీచక్రభిన్నస్య రుధిరస్రావసమ్భవైః .
సహస్రశో జగద్వ్యాప్తం తత్ప్రమాణైర్మహాసురైః .. 48..

శక్త్యా జఘాన కౌమారీ వారాహీ చ తథాఽసినా .
మాహేశ్వరీ త్రిశూలేన రక్తబీజం మహాసురమ్ .. 49..

స చాపి గదయా దైత్యః సర్వా ఏవాహనత్ పృథక్ .
మాతౄః కోపసమావిష్టో రక్తబీజో మహాసురః .. 50..

తస్యాహతస్య బహుధా శక్తిశూలాదిభిర్భువి .
పపాత యో వై రక్తౌఘస్తేనాసఞ్ఛతశోఽసురాః .. 51..

తైశ్చాసురాస్రుక్సమ్భూతైరసురైః సకలం జగత్ .
వ్యాప్తమాసీత్తతో దేవా భయమాజగ్మురుత్తమమ్ .. 52..

తాన్ విషణ్ణాన్ సురాన్ దృష్ట్వా చణ్డికా ప్రాహసత్త్వరా .
ఉవాచ కాలీం చాముణ్డే విస్తీర్ణం వదనం కురు .. 53..

మచ్ఛస్త్రపాతసమ్భూతాన్ రక్తబిన్దూన్ మహాసురాన్ .
రక్తబిన్దోః ప్రతీచ్ఛ త్వం వక్త్రేణానేన వేగితా .. 54..

భక్షయన్తీ చర రణే తదుత్పన్నాన్మహాసురాన్ .
ఏవమేష క్షయం దైత్యః క్షీణరక్తో గమిష్యతి .. 55..

భక్ష్యమాణాస్త్వయా చోగ్రా న చోత్పత్స్యన్తి చాపరే .
ఇత్యుక్త్వా తాం తతో దేవీ శూలేనాభిజఘాన తమ్ .. 56..

ముఖేన కాలీ జగృహే రక్తబీజస్య శోణితమ్ .
తతోఽసావాజఘానాథ గదయా తత్ర చణ్డికామ్ .. 57..

న చాస్యా వేదనాం చక్రే గదాపాతోఽల్పికామపి .
తస్యాహతస్య దేహాత్తు బహు సుస్రావ శోణితమ్ .. 58..

యతస్తతస్తద్వక్రేణ చాముణ్డా సమ్ప్రతీచ్ఛతి .
ముఖే సముద్గతా యేఽస్యా రక్తపాతాన్మహాసురాః .. 59..

తాంశ్చఖాదాథ చాముణ్డా పపౌ తస్య చ శోణితమ్ .. 60..

దేవీ శూలేన వజ్రేణ బాణైరసిభిరృష్టిభిః .
జఘాన రక్తబీజం తం చాముణ్డాపీతశోణితమ్ .. 61..

స పపాత మహీప్రిష్ఠే శస్త్రసఙ్ఘసమాహతః .
నీరక్తశ్చ మహీపాల రక్తబీజో మహాసురః .. 62..

తతస్తే హర్షమతులమవాపుస్త్రిదశా నృప .
తేషాం మాత్రుగణో జాతో ననర్తాసృఙ్మదోద్ధతః .. 63..

ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే రక్తబీజవధో నామ అష్టమోఽధ్యాయః

రాజోవాచ .. 1..

విచిత్రమిదమార్ఖ్యాతం భగవన్ భవతా మమ .
దేవ్యాశ్చరితమాహాత్మ్యం రక్తబీజవధాశ్రితమ్ .. 2..

భూయశ్చేచ్ఛామ్యహం శ్రోతుం రక్తబీజే నిపాతితే .
చకార శుమ్భో యత్కర్మ నిశుమ్భశ్చాతికోపనః .. 3..

ఋషిరువాచ .. 4..

చకార కోపమతులం రక్తబీజే నిపాతితే .
శుమ్భాసురో నిశుమ్భశ్చ హతేష్వన్యేషు చాహవే .. 5..

హన్యమానం మహాసైన్యం విలోక్యామర్షముద్వహన్ .
అభ్యధావన్నిశుమ్భోఽథ మురవ్యయాసురసేనయా .. 6..

తస్యాగ్రతస్తథా పృష్ఠే పార్శ్వయోశ్చ మహాసురాః .
సన్దష్టౌష్ఠపుటాః క్రుద్ధా హన్తుం దేవీముపాయయుః .. 7..

ఆజగామ మహావీర్యః శుమ్భోఽపి స్వబలైర్వృతః .
నిహన్తుం చణ్డికాం కోపాత్కృత్వా యుద్ధం తు మాతృభిః .. 8..

తతో యుద్ధమతీవాసీద్దేవ్యా శుమ్భనిశుమ్భయోః .
శరవర్షమతీవోగ్రం మేఘయోరివ వర్షతోః .. 9..

చిచ్ఛేదాస్తాఞ్ఛరాంస్తాభ్యాం చణ్డికా స్వశరోత్కరైః .
తాడయామాస చాఙ్గేషు శస్త్రౌఘైరసురేశ్వరౌ .. 10..

నిశుమ్భో నిశితం ఖడ్గం చర్మ చాదాయ సుప్రభమ్ .
అతాడయన్మూర్ఘ్ని సింహం దేవ్యా వాహనముత్తమమ్ .. 11..

తాడితే వాహనే దేవీ క్షురప్రేణాసిముత్తమమ్ .
నిశుమ్భస్యాశు చిచ్ఛేద చర్మ చాప్యష్టచన్ద్రకమ్ .. 12..

ఛిన్నే చర్మణి ఖడ్గే చ శక్త్తిం చిక్షేప సోఽసురః .
తామప్యస్య ద్విధా చక్రే చక్రేణాభిముఖాగతామ్ .. 13..

కోపాధ్మాతో నిశుమ్భోఽథ శూలం జగ్రాహ దానవః .
ఆయాన్తం ముష్టిపాతేన దేవీ తచ్చాప్యచూర్ణయత్ .. 14..

ఆవిద్ధయాథ గదాం సోఽపి చిక్షేప చణ్డికాం ప్రతి .
సాపి దేవ్యా త్రిశూలేన భిన్నా భస్మత్వమాగతా .. 15..

తతః పరశుహస్తం తమాయాన్తం దైత్యపుఙ్గవమ్ .
ఆహస్య దేవీ బాణౌఘైరపాతయత భూతలే .. 16..

తస్మిన్నిపతితే భూమౌ నిశుమ్భే భీమవిక్రమే .
భ్రాతర్యతీవ సంక్రుద్ధః ప్రయయౌ హన్తుమమ్బికామ్ .. 17..

స రథస్థస్తథాత్యుచ్చైర్గృహీతపరమాయుధైః .
భుజైరష్టాభిరతులైర్వ్యాప్యాశేషం వభౌ నభః .. 18..

తమాయాన్తం సమాలోక్య దేవీ శఙ్ఖమవాదయత్ .
జ్యాశబ్దం చాపి ధనుషశ్చకారాతీవ దుఃసహమ్ .. 19..

పూరయామాస కకుభో నిజఘణ్టాస్వనేన చ .
సమస్తదైత్యసైన్యానాం తేజోవధవిధాయినా .. 20.
. తతః సింహో మహానాదైస్త్యాజితేభమహామదైః .
పూరయామాస గగనం గాం తథోపదిశో దశ .. 21..

తతః కాలీ సముత్పత్య గగనం క్షమామతాడయత్ .
కరాభ్యాం తన్నినాదేన ప్రాక్స్వనాస్తే తిరోహితాః .. 22..

అట్టాట్టహాసమశివం శివదూతీ చకార హ .
తైః శబ్దైరసురాస్త్రేసుః శుమ్భః కోపం పరం యయౌ .. 23..

దురాత్మంస్తిష్ఠ తిష్ఠేతి వ్యాజహారామ్బికా యదా .
తదా జయేత్యభిహితం దేవైరాకాశసంస్థితైః .. 24..

శుమ్భేనాగత్య యా శక్తిర్ముక్తా జ్వాలాతిభీషణా .
ఆయాన్తీ వహ్నికూటాభా సా నిరస్తా మహోల్కయా .. 25..

సింహనాదేన శుమ్భస్య వ్యాప్తం లోకత్రయాన్తరమ్ .
నిర్ఘాతనిఃస్వనో ఘోరో జితవానవనీపతే .. 26..

శుమ్భముక్తాఞ్ఛరాన్దేవీ శుమ్భస్తత్ప్రహితాఞ్ఛరాన్ .
చిచ్ఛేద స్వశరైరుగ్రైః శతశోఽథ సహస్రశః .. 27..

తతః సా చణ్డికా క్రుద్ధా శూలేనాభిజఘాన తమ్ .
స తదాభిహతో భూమౌ మూర్చ్ఛితో నిపపాత హ .. 28..

తతో నిశుమ్భః సమ్ప్రాప్య చేతనామాత్తకార్ముకః .
ఆజఘాన శరైర్దేవీం కాలీం కేసరిణం తథా .. 29..

పునశ్చ కృత్వా బాహూనామయుతం దనుజేశ్చరః .
చక్రాయుధేన దితిజశ్ఛాదయామాస చణ్డికామ్ .. 30..

తతో భగవతీ క్రుద్ధా దుర్గా దుర్గాతిర్నాశినీ .
చిచ్ఛేద తాని చక్రాణి స్వశరైః సాయకాంశ్చ తాన్ .. 31..

తతో నిశుమ్భో వేగేన గదామాదాయ చణ్డికామ్ .
అభ్యధావత వై హన్తుం దైత్యసేనాసమావృతః .. 32..

తస్యాపతత ఏవాశు గదాం చిచ్ఛేద చణ్డికా .
ఖడ్గేన శితధారేణ స చ శూలం సమాదదే .. 33..

శూలహస్తం సమాయాన్తం నిశుమ్భమమరార్దనమ్ .
హృది వివ్యాధ శూలేన వేగావిద్ధేన చణ్డికా .. 34..

భిన్నస్య తస్య శూలేన హృదయాన్నిఃసృతోఽపరః .
మహాబలో మహావీర్యస్తిష్ఠేతి పురుషో వదన్ .. 35..

తస్య నిష్క్రామతో దేవీ ప్రహస్య స్వనవత్తతః .
శిరశ్చిచ్ఛేద ఖడ్గేన తతోఽసావపతద్భువి .. 36..

తతః సింహశ్చఖాదోగ్రదంష్ట్రాక్షుణ్ణశిరోధరాన్ .
అసురాంస్తాంస్తథా కాలీ శివదూతీ తథాపరాన్ .. 37..

కౌమారీశక్తినిర్భిన్నాః కేచిన్నేశుర్మహాసురాః .
బ్రహ్మాణీమన్త్రపూతేన తోయేనాన్యే నిరాకృతాః .. 38..

మాహేశ్వరీత్రిశూలేన భిన్నాః పేతుస్తథాపరే .
వారాహీతుణ్డఘాతేన కేచిచ్చూర్ణాకృతా భువి .. 39..

ఖణ్డం ఖణ్డం చ చక్రేణ వైష్ణవ్యా దానవాః కృతాః .
వజ్రేణ చైన్ద్రీహస్తాగ్రవిముక్తేన తథాపరే .. 40..

కేచిద్వినేశురసురాః కేచిన్నష్టా మహాహవాత్ .
భక్షితాశ్చాపరే కాలీశివదూతీమృగాధిపైః .. 41..

ఇతి శ్రిమార్కణ్డేయపురాణే సావర్ణికే మన్వన్తరే దేవీమాహాత్మ్యే నిశుమ్భవధో నామ నవమోఽధ్యయః

ఋషిరువాచ .. 1..

నిశుమ్భం నిహతం దృష్ట్వా భ్రాతరం ప్రాణసమ్మితమ్ .
హన్యమానం బలం చైవ శుమ్భః క్రుద్ధోఽబ్రవీద్వచః .. 2..

బలావలేపదుష్టే త్వం మా దుర్గే గర్వమావహ .
అన్యాసాం బలమాశ్రిత్య యుద్ధ్యసే యాతిమానినీ .. 3..

దేవ్యువాచ .. 4..

ఏకైవాహం జగత్యత్ర ద్వితీయా కా మమాపరా .
పశ్యైతా దుష్ట మయ్యేవ విశన్త్యో మద్విభూతయః .. 5..

తతః సమస్తాస్తా దేవ్యో బ్రహ్మాణీప్రముఖా లయమ్ .
తస్యా దేవ్యాస్తనౌ జగ్మురేకైవాసీతదామ్బికా .. 6..

దేవ్యువాచ .. 7..

అహం విభూత్యా బహుభిరిహ రూపైర్యదాస్థితా .
తత్సంహృతం మయైకైవ తిష్ఠామ్యాజౌ స్థిరో భవ .. 8..

ఋషిరువాచ .. 9..

తతః ప్రవవృతే యుద్ధం దేవ్యాః శుమ్భస్య చోభయోః .
పశ్యతాం సర్వదేవానామసురాణాం చ దారుణామ్ .. 10..

శరవర్షైః శితైః శస్త్రైస్తథాస్త్రైశ్రైవ దారుణైః .
తయోర్యుద్ధమభూద్భూయః సర్వలోకభయఙ్కరమ్ .. 11..

దివ్యాన్యస్త్రాణి శతశో ముముచే యాన్యథామ్బికా .
బభఞ్చ తాని దైత్యేన్ద్రస్తత్ప్రతీఘాతకర్తృభిః .. 12..

ముక్తాని తేన చాస్త్రాణి దివ్యాని పరమేశ్వరీ .
బభఞ్చ లీలయైవోగ్రహుఙ్కారోచ్చారణాదిభిః .. 13..

తతః శరశతైర్దేవీమాచ్ఛాదయత సోఽసురః .
సాపి తత్కుపితా దేవీ ధనుశ్చిచ్ఛేద చేషుభిః .. 14..

ఛిన్నే ధనుషి దైత్యేన్ద్రస్తథా శక్తిమథాదదే .
చిచ్ఛేద దేవీ చక్రేణ తామప్యస్య కరే స్థితామ్ .. 15..

తతః ఖడ్గముపాదాయ శతచన్ద్రం చ భానుమత్ .
అభ్యదావతదా దేవీం దైత్యనామధిపేశ్వరః .. 16..

తస్యాపతత ఏవాశు ఖడ్గం చిచ్ఛేద చణ్డికా .
ధనుర్ముక్తైః శితైర్బాణైశ్చర్మ చార్కకరామలమ్ .. 17..

హతాశ్వః ( ? ) స తదా దైత్యశ్ఛిన్నధన్వా విసారథిః .
జగ్రాహ ముద్గరం ఘోరమమ్బికానిధనోద్యతః .. 18..

చిచ్ఛేదాపతతస్తస్య ముద్గరం నిశితైః శరైః .
తథాపి సోఽభ్యధావతాం ముష్టిముద్యమ్య వేగవాన్ .. 19..

స ముష్టిం పాతయామాస హృదయే దైత్యపుఙ్గవః .
దేవ్యాస్తం చాపి సా దేవీ తలేనోరస్యతాడయత్ .. 20..

తలప్రహారాభిహతో నిపపాత మహీతలే .
స దైత్యరాజః సహసా పునరేవ తథోత్థితః .. 21..

ఉత్పత్య చ ప్రగృహ్యోచ్చైర్దేవీం గగనమాస్థితః .
తత్రాపి సా నిరాధారా యుయుధే తేన చణ్డికా .. 22..

నియుద్ధం ఖే తదా దైత్యశ్చణ్డికా చ పరస్పరమ్ .
చక్రతుః ప్రథమం సిద్ధమునివిస్మయకారకమ్ .. 23..

తతో నియుద్ధం సుచిరం కృత్వా తేనామ్బికా సహ .
ఉత్పాఠ్య భ్రామయామాస చిక్షేప ధరణీతలే .. 24..

స క్షిప్తో ధరణీం ప్రాప్య ముష్టిముద్యమ్య వేగతః .
అభ్యధావత దుష్టాత్మా చణ్డికానిధనేచ్ఛయా .. 25..

తమాయాన్తం తతో దేవీ సర్వదైత్యజనేశ్వరమ్ .
జగత్యాం పాతయామాస భిత్వా శూలేన వక్షసి .. 26..

స గతాసుః పపాతోర్వ్యాం దేవీ శూలాగ్రవిక్షతః .
చాలయన్ సకలాం పృథ్వీం సాబ్ధిద్వీపాం సపర్వతామ్ .. 27..

తతః ప్రసన్నమఖిలం హతే తస్మిన్ దురాత్మని .
జగత్స్వాస్థ్యమతీవాప నిర్మలం చాభవన్నభః .. 28..

ఉత్పాతమేఘాః సోల్కా యే ప్రాగాసంస్తే శం యయుః .
సరితో మార్గవాహిన్యస్తథాసంస్తత్ర పాతితే .. 29..

తతో దేవగణాః సర్వే హర్షనిర్భరమానసాః .
బభూవుర్నిహతే తస్మిన్ గన్ధర్వా లలితం జగుః .. 30..

అవాదయంస్తథైవాన్యే ననృతుశ్చాప్సరోగణాః .
వవుః పుణ్యాస్తథా వాతాః సుప్రభోఽభూద్దివాకరః .. 31..

జజ్వలుశ్చాగ్నయః శాన్తాః శాన్తదిగ్జనితస్వనాః .. 32..

ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే శుమ్భవధో నామ దశమోఽధ్యాయః ..

ఋషిరువాచ .. 1..

దేవ్యా హతే తత్ర మహాసురేన్ద్రే
సేన్ద్రాః సురా వహ్నిపురోగమాస్తామ్ .
కాత్యాయనీం తుష్టువురిష్టలాభా-
ద్వికాసివక్త్రాబ్జవికాసితాశాః .. 2..

దేవి ప్రపన్నార్తిహరే ప్రసీద
ప్రసీద మాతర్జగతోఽఖిలస్య .
ప్రసీద విశ్వేశ్వరి పాహి విశ్వం
త్వమీశ్వరీ దేవి చరాచరస్య .. 3..

ఆధారభూతా జగతస్త్వమేకా
మహీస్వరూపేణ యతః స్థితాసి .
అపాం స్వరూపస్థితయా త్వయైత-
దాప్యాయతే కుత్స్నమలఙ్ఘయవీర్యే .. 4..

త్వం వైష్ణవీశక్తిరనన్తవీర్యా
విశ్వస్య బీజం పరమాసి మాయా .
సమ్మోహితం దేవి సమస్తమేత-
త్వం వై ప్రసన్నా భువి ముక్తిహేతుః .. 5..

విద్యాః సమస్తాస్తవ దేవి భేదాః
స్త్రియః సమస్తాః సకలా జగత్సు .
త్వయైకయా పూరితమమ్బయైతత్
కా తే స్తుతిః స్తవ్యపరాపరోక్తిః .. 6..

సర్వభూతా యదా దేవీ భుక్తిముక్తిప్రదాయినీ .
త్వం స్తుతా స్తుతయే కా వా భవన్తు పరమోక్తయః .. 7..

సర్వస్య బుద్ధిరూపేణ జనస్య హృది సంస్థితే .
స్వర్గాపవర్గదే దేవి నారాయణి నమోఽస్తు తే .. 8..

కలాకాష్ఠాదిరూపేణ పరిణామప్రదాయిని .
విశ్వస్యోపరతౌ శక్తే నారాయణి నమోఽస్తు తే .. 9..

సర్వమఙ్గలమాఙ్గల్యే శివే సర్వాథర్సాధికే .
శరణ్యే త్ర్యమ్బకే గౌరి నారాయణి నమోఽస్తు తే .. 10..

సృష్టిస్థితివినాశానాం శక్తిభూతే సనాతని .
గుణాశ్రయే గుణమయే నారాయణి నమోఽస్తు తే .. 11..

శరణాగతదీనార్తపరిత్రాణపరాయణే .
సర్వస్యార్తిహరే దేవి నారాయణి నమోఽస్తు తే .. 12..

హంసయుక్తవిమానస్థే బ్రహ్మాణీరూపధారిణి .
కౌశామ్భఃక్షరికే దేవి నారాయణి నమోఽస్తు తే .. 13..

త్రిశూలచన్ద్రాహిధరే మహావృషభవాహిని .
మాహేశ్వరీస్వరూపేణ నారాయణి నమోఽస్తుతే .. 14..

మయూరకుక్కుటవృతే మహాశక్తిధరేఽనఘే .
కౌమారీరూపసంస్థానే నారాయణి నమోఽస్తు తే .. 15..

శఙ్ఖచక్రగదాశార్ఙ్గగృహీతపరమాయుధే .
ప్రసీద వైష్ణవీరూపే నారాయణి నమోఽస్తు తే .. 16..

గృహీతోగ్రమహాచక్రే దంష్ట్రోద్ధృతవసున్ధరే .
వరాహరూపిణి శివే నారాయణి నమోఽస్తు తే .. 17..

నృసింహరూపేణోగ్రేణ హన్తుం దైత్యాన్ కృతోద్యమే .
త్రైలోక్యత్రాణసహితే నారాయణి నమోఽస్తు తే .. 18..

కిరీటిని మహావజ్ర సహస్రనయనోజ్జ్వలే .
వృత్రప్రాణహరే చైన్ద్రి నారాయణి నమోఽస్తు తే .. 19..

శివదూతీస్వరూపేణ హతదైత్యమహాబలే .
ఘోరరూపే మహారావే నారాయణి నమోఽస్తు తే .. 20..

దంష్ట్రాకరాలవదనే శిరోమాలావిభూషణే .
చాముణ్డే ముణ్డమథనే నారాయణి నమోఽస్తు తే .. 21..

లక్ష్మి లజ్జే మహావిద్యే శ్రద్ధే పుష్టి స్వధే ధ్రువే .
మహారాత్రి మహామాయే నారాయణి నమోఽస్తు తే .. 22..

మేధే సరస్వతి వరే భూతి బాభ్రవి తామసి .
నియతే త్వం ప్రసీదేశే నారాయణి నమోఽస్తుతే .. 23..

సర్వస్వరూపే సర్వేశే సర్వేశక్తిసమన్వితే .
భయేభ్యస్త్రాహి నో దేవి దుర్గే దేవి నమోఽస్తు తే .. 24..

ఏతతే వదనం సౌమ్యం లోచనత్రయభూషితమ్ .
పాతు నః సర్వభూతేభ్యః కాత్యాయని నమోఽస్తు తే .. 25..

జ్వాలాకరాలమత్యుగ్రమశేషాసురసూదనమ్ .
త్రిశూలం పాతు నో భీతేర్భద్రకాలి నమోఽస్తు తే .. 26..

హినస్తి దైత్యతేజాంసి స్వనేనాపూర్య యా జగత్ .
సా ఘణ్టా పాతు నో దేవి పాపేభ్యో నః సుతానివ .. 27..

అసురామృగ్వసాపఙ్కచచింతస్తే కరోజ్జ్వలః .
శుభాయ ఖడ్గో భవతు చణ్డికే త్వాం నతా వయమ్ .. 28..

రోగానశేషానపహంసి తుష్టా
రుష్టా తు కామాన్ సకలానభీష్టాన్ .
త్వామాశ్రితానాం న విపన్నరాణాం
త్వామాశ్రితా హ్యాశ్రయతాం ప్రయాన్తి .. 29..

ఏతత్కృతం యత్కదనం త్వయాద్య
ధర్మద్విషాం దేవి మహాసురాణామ్ .
రూపైరనేకైర్బహుధాత్మమూర్తిమ్
కృత్వామ్బికే తత్ప్రకరోతి కాన్యా .. 30..

విద్యాసు శాస్త్రేషు వివేకదీపే-
ష్వాద్యేషు వాక్యేషు చ కా త్వదన్యా .
మమత్వగర్తేఽతిమహాన్ధకారే
విభ్రామయత్యేతదతీవ విశ్వమ్ .. 31..

రక్షాంసి యత్రోగ్రవిషాశ్చ నాగా
యత్రారయో దస్యుబలాని యత్ర .
దావానలో యత్ర తథాబ్ధిమద్యే
తత్ర స్థితా త్వం పరిపాసి విశ్వమ్ .. 32..

విశ్వేశ్వరి త్వం పరిపాసి విశ్వం
విశ్వాత్మికా ధారయసీతి విశ్వమ్ .
విశ్వేశవన్ద్యా భవతీ భవన్తి
విశ్వాశ్రయా యే త్వయి భక్తినమ్రాః .. 33..

దేవి ప్రసీద పరిపాలయనోరిభీతే
భీతేర్నిత్యం యథాసురవధాదధునైవ సద్యః .
పాపాని సర్వజగతాం ప్రశమం నయాశు
ఉత్పాతపాకజనితాంశ్చ మహోపసర్గాన్ .. 34..

ప్రణతానాం ప్రసీద త్వం దేవి విశ్వార్తిహారిణి .
త్రైలోక్యవాసినామీడ్యే లోకానాం వరదా భవ .. 35..

దేవ్యువాచ .. 36..

వరదాహం సురగణా వరం యన్మనసేచ్ఛథ .
తం వృణుధ్వం ప్రయచ్ఛామి జగతాముపకారకమ్ .. 37..

దేవా ఊచుః .. 38..

సర్వాబాధాప్రశమనం త్రైలోక్యస్యాఖిలేశ్వరి .
ఏవమేవ త్వయా కార్యమస్మద్వైరివినాశనమ్ .. 39..

దేవ్యువాచ .. 40..

వైవస్వతేఽన్తరే ప్రాప్తే అష్టావింశతిమే యుగే .
శుమ్భో నిశుమ్భశ్చైవాన్యావుత్పత్స్యేతే మహాసురౌ ..41..

నన్దగోపగృహే జాతా యశోదాగర్భసమ్భవా .
తతస్తౌ నాశయిష్యామి విన్ధ్యాచలనివాసినీ .. 42..

పునరప్యతిరౌద్రేణ రూపేణ పృథివీతలే .
అవతీర్య హనిష్యామి వైప్రచితాంస్తు దానవాన్ .. 43..

భక్షయన్త్యాశ్చ తానుగ్రాన్ వైప్రచితాన్ మహాసురాన్ .
రక్తా దన్తా భవిష్యన్తి దాడిమీకుసుమోపమాః .. 44..

తతో మాం దేవతాః స్వర్గే మర్త్యలోకే చ మానవాః .
స్తువన్తో వ్యాహరిష్యన్తి సతతం రక్తదన్తికామ్ .. 45..

భూశ్చ శతవార్షిక్యామనావృష్టయామనమ్భసి .
మునిభిః సంస్తుతా భూమౌ సమ్భవిష్యామయయోనిజా .. 46..

తతః శతేన నేత్రాణాం నిరీక్షిష్యామి యన్మునీన్ .
కీర్తయిష్యన్తి మనుజాః శతాక్షీమితి మాం తతః .. 47..

తతోఽహమఖిలం లోకమాత్మదేహసముద్భవైః .
భరిష్యామి సురాః శాకైరావృష్టేః ప్రాణధారకైః .. 48..

శాకమ్భరీతి విఖ్యాతిం తదా యాస్యామ్యహం భువి .
తత్రైవ చ వధిష్యామి దుర్గమాఖ్యం మహాసురమ్ ..49..

దుర్గాదేవీతి విఖ్యాతం తన్మే నామ భవిష్యతి .
పునశ్చాహం యదా భీమం రూపం కృత్వా హిమాచలే .. 50..

రక్షాంసి క్షయయిష్యామి మునీనాం త్రాణకారణాత్ .
తదా మాం మునయః సర్వే స్తోష్యన్త్యానమ్రమూర్తయః .. 51..

భీమాదేవీతి విఖ్యాతం తన్మే నామ భవిష్యతి .
యదారుణాఖ్యస్త్రైలోక్యే మహాబాధాం కరిష్యతి .. 52..

తదాఽహం భ్రామరం రూపం కృత్వాసఙ్ఖయేయషట్పదమ్ .
త్రైలోక్యస్య హితార్థాయ వధిష్యామి మహాసురమ్ .. 53..

భ్రామరీతి చ మాం లోకాస్తదా స్తోష్యన్తి సర్వతః .
ఇత్థం యదా యదా బాధా దానవోత్థా భవిష్యతి .. 54..

తదా తదాఽవతీర్యాహం కరిష్యామ్యరిసంక్షయమ్ .. 55..

ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే నారాయణిస్తుతిర్నామ ఏకాదశోఽధ్యాయః .. 11..

దేవ్యువాచ .. 1..

ఏభిః స్తవైశ్చ మాం నిత్యం స్తోష్యతే యః సమాహితః .
తస్యాహం సకలాం బాధాం నాశయిష్యామ్యసంశయమ్ .. 2..

మధుకైటభనాశం చ మహిషాసురగాతనమ్ .
కీర్తయిష్యన్తి యే తద్వద్వధం శుమ్భనిశుమ్భయోః .. 3..

అష్టభ్యాం చ చతుర్దశ్యాం నవమ్యాం చైకచేతసః .
శ్రోష్యన్తి చైవ యే భక్త్యా మమ మాహాత్మ్యముతమమ్ .. 4..

న తేషాం దుష్కృతం కిఞ్చిద్దుష్కృతోత్థా న చాపదః .
భవిష్యతి న దారిద్రయం న చైవేష్టవియోజనమ్ .. 5..

శత్రుతో న భయం తస్య దస్యుతో వా న రాజతః .
న శస్త్రానలతోయౌఘాత్ కదాచిత్ సమ్భవిష్యతి .. 6..

తస్మాన్మమైతన్మాహాత్మ్యం పఠితవ్యం సమాహితైః .
శ్రోతవ్యం చ సదా భక్త్యా పరం స్వస్త్యయనం హి తత్ .. 7..

ఉపసర్గానశేషాంస్తు మహామారీసముద్భవాన్ .
తథా త్రివిధముత్పాతం మాహాత్మ్యం శమయేన్మమ .. 8..

యత్రైతత్పఠ్యతే సమ్యఙ్నిత్యమాయతనే మమ .
సదా న తద్విమోక్ష్యామి సాన్నిధ్యం తత్ర మే స్థితమ్ .. 9..

బలిప్రదానే పూజాయామగ్నికార్యే మహోత్సవే .
సర్వం మమైతచ్చరితముచ్చార్యం శ్రావ్యమేవ చ .. 10..

జానతాజానతా వాపి బలిపూజాం తథా కృతామ్ .
ప్రతీచ్ఛిష్యామ్యహం ప్రీత్యా వహ్నిహోమం తథాకృతమ్ .. 11..

శరత్కాలే మహాపూజా క్రియతే యా చ వార్షికీ .
తస్యాం మమైతన్మాహాత్మ్యం శ్రుత్వా భక్తిసమన్వితః .. 12..

సర్వాబాధావినిర్ముక్తో ధనధాన్యసుతాన్వితః .
మనుష్యో మత్ప్రసాదేన భవిష్యతి న సంశయః .. 13..

శ్రుత్వా మమైతన్మాహాత్మ్యం తథా చోత్పతయః శుభాః .
పరాక్రమం చ యుద్ధేషు జాయతే నిర్భయః పుమాన్ .. 14..

రిపవః సంక్షయం యాన్తి కల్యాణం చోపపద్యతే .
నన్దతే చ కులం పుంసాం మాహాత్మ్యం మమ శ్రృణ్వతామ్ .. 15..

శాన్తికమణి సర్వత్ర తథా దుఃస్వప్నదర్శనే .
గ్రహపీడాసు చోగ్రాసు మాహాత్మ్యం శ్రృణుయాన్మమ .. 16..

ఉపసర్గాః శమం యాన్తి గ్రహపీడాశ్చ దారుణాః .
దుఃస్వప్నం చ నృభిర్దృష్టం సుస్వప్నముపజాయతే .. 17..

బాలగ్రిహాభిభూతానాం బాలానాం శాన్తికారకమ్ .
సఙ్ఘాతభేదే చ నృణాం మైత్రీకరణముతమమ్ .. 18..

దుర్వృతానామశేషాణాం బలహానికరం పరమ్ .
రక్షోభూతపిశాచానాం పఠనాదేవ నాశనమ్ .. 19..

సర్వం మమైతన్మాహాత్మ్యం మమ సన్నిధికారకమ్ .
పశుపుష్పార్ధ్యధూపైశ్చ గన్ధదీపైస్తథోతమైః .. 20 ..

విప్రాణాం భౌజనర్హోమైః ప్రోక్షణీయైరహర్నిశమ్ .
అన్యైశ్చ వివిధైర్భోగైః ప్రదానైర్వత్సరేణ యా .. 21..

ప్రీతిర్మే క్రియతే సాస్మిన్సకృత్సుచరితే శ్రుతే .
శ్రుతం హరతి పాపాని తథారోగ్యం ప్రయచ్ఛతి .. 22..

రక్షాం కరోతి భూతేభ్యో జన్మనాం కీర్తనం మమ .
యుద్ధేషు చరితం యన్మే దుష్టదైత్యనివర్హణమ్ .. 23..

తస్మిఞ్చ్ఛ్రుతే వైరికృతం భయం పుంసాం న జాయతే .
యుష్మాభిః స్తుతయో యాశ్చ యాశ్చ బ్రహ్మర్షిభిః కృతాః .. 24..

బ్రహ్మణా చ కృతాస్తాస్తు ప్రయచ్ఛన్తి శుభాం మతిమ్ .
అరణ్యే ప్రాన్తరే వాపి దావాగ్నిపరివారితః .. 25..

దస్యుభిర్వా వృతః శూన్యే గృహీతో వాపి శత్రుభిః .
సింహవ్యాఘ్నానుయాతో వా వనే వా వనహస్తిభిః .. 26..

రాజ్ఞా క్రుద్ధేన చాజ్ఞప్తో వధ్యో బన్ధగతోఽపి వా .
ఆధూర్ణితో వా వాతేన స్థితః పోతే మహార్ణవే .. 27..

పతత్సు చాపి శస్త్రేషు సఙ్గ్రామే భృశదారుణే .
సర్వాబాధాసు ఘోరాసు వేదనాభ్యర్దితోఽపి వా .. 28..

స్మరన్ మమైతచ్చరితం నరో ముచ్యేత సఙ్కటాత్ .
మమ ప్రభావాత్సింహాద్యా దస్యవో వైరిణస్తథా .. 29..

దూరాదేవ పలాయన్తే స్మరతశ్చరితం మమ .. 30..

ఋషిరువాచ .. 31..

ఇత్యుక్త్వా సా భగవతీ చణ్డికా చణ్డవిక్రమా .
పశ్యతామేవ దేవానాం తత్రైవాన్తరధీయత .. 32..

తేఽపి దేవా నిరాతఙ్కాః స్వాధికారాన్యథా పురా .
యజ్ఞభాగభుజః సర్వే చక్రుర్వినిహతారయః .. 33..

దైత్యాశ్చ దేవ్యా నిహతే శుమ్భే దేవరిపౌ యుధి .
జగద్విధ్వంసిని తస్మిన్ మహోగ్రేఽతులవిక్రమే .. 34..

నిశుమ్భే చ మహావీర్యే శేషాః పాతాలమాయయుః .. 35..

ఏవం భగవతీ దేవీ సా నిత్యాపి పునః పునః .
సమ్భూయ కురుతే భూప జగతః పరిపాలనమ్ .. 36..

తయైతన్మోహ్యతే విశ్వం సైవ విశ్వం ప్రసూయతే .
సా యాచితా చ విజ్ఞానం తుష్టా ఋద్ధిం ప్రయచ్ఛతి .. 37..

వ్యాప్తం తయైతత్సకలం బ్రహ్మాణ్డం మనుజేశ్వర .
మహాకాల్యా మహాకాలే మహామారీస్వరూపయా .. 38..

సైవ కాలే మహామారీ సైవ సృష్టిర్భవత్యజా .
స్థితం కరోతి భూతానాం సైవ కాలే సనాతనీ .. 39..

భవకాలే నృణాం సైవ లక్ష్మీర్వృద్ధిప్రదా గృహే .
సైవాభావే తథాలక్ష్మీర్వినాశాయోపజాయతే .. 40..

స్తుతా సమ్పూజితా పుష్పైర్ధూపగన్ధాదిభిస్తథా .
దదాతి వితం పుత్రాంశ్చ మతిం ధర్మే గతిం శుభామ్ .. 41..

ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే ఫలస్తుతిర్నామ ద్వాదశోఽధ్యాయః .. 12 ..

ఋషిరువాచ .. 1..

ఏతతే కథితం భూప దేవీమాహాత్మ్యముత్తమమ్ .. 2..

ఏవమ్ప్రభావా సా దేవీ యయేదం ధార్యతే జగత్ .
విద్యా తథైవ క్రియతే భగవద్విష్ణుమాయయా .. 3..

తయా త్వమేష వైశ్యశ్చ తథైవాన్యే వివేకినః .
మోహ్యన్తే మోహితాశ్చైవ మోహమేష్యన్తి చాపరే .. 4..

తాముపైహి మహారాజ శరణం పరమేశ్వరీమ్ .
ఆరాధితా సైవ నృణాం భోగస్వర్గాపవర్గదా .. 5..

మార్కణ్డేయ ఉవాచ .. 6..

ఇతి తస్య వచః శ్రుత్వా సురథః స నరాధిపః .
ప్రణిపత్య మహాభాగం తమృషిం సంశితవ్రతమ్ .. 7..

నిర్విణ్ణోఽతిమమత్వేన రాజ్యాపహరణేన చ .
జగామ సద్యస్తపసే స చ వైశ్యో మహామునే .. 8..

సన్దర్శనార్థమమ్బాయా నదీపులినసంస్థితః .
స చ వైశ్యస్తపస్తేపే దేవీసూక్తం పరం జపన్ .. 9..

తో తస్మిన్ పులినే దేవ్యాః కృత్వా మూర్తిం మహీమయీమ్ .
అర్హణాం చక్రతుస్తస్యాః పుష్పధూపాగ్నితర్పణైః .. 10..

నిరాహారౌ యతాహారౌ తన్మనస్కౌ సమాహితౌ .
దదతుస్తౌ బలిం చైవ నిజగాత్రాసృగుక్షితమ్ .. 11..

ఏవం సమారాధయతోస్త్రిభిర్వర్షైర్యతాత్మనోః .
పరితుష్టా జగద్ధాత్రీ ప్రత్యక్షం ప్రాహ చణ్డికా .. 12..

దేవ్యువాచ .. 13..

యత్ప్రాథ్యర్తే త్వయా భూప త్వయా చ కులనన్దన .. 14..

మతస్తత్ప్రాప్యతాం సర్వం పరితుష్టా దదామి తత్ .. 15..

మార్కణ్డేయ ఉవాచ .. 16..

తతో వవ్రే నృపో రాజ్యమవిభ్రంశ్యన్యజన్మని .
అత్ర చైవ నిజం రాజ్యం జతశత్రుబలం బలాత్ .. 17..

సోఽపి వేశ్యస్తతో జ్ఞానం వవ్రే నిర్విణ్ణమానసః .
మమేత్యహమితి ప్రాజ్ఞః సఙ్గవిచ్యుతికారకమ్ .. 18..

దేవ్యువాచ .. 19..

స్వల్పైరహోభిర్నృపతే స్వరాజ్యం ప్రాప్స్యతే భవాన్ .. 20..

హత్వా రిపూనస్ఖలితం
తవ తత్ర భవిష్యతి .. 21..

మృతశ్చ భూయః సమ్ప్రాప్య జన్మ దేవాద్వివస్వతః .. 22..

సావర్ణికో నామ మనుర్భవాన్భువి భవిష్యతి .. 23..

వైశ్యవర్య త్వయా యశ్చ వరోఽస్మతోఽభివాఞ్ఛితః .. 24..

తం ప్రయచ్ఛామి సంసిద్ధ్యై తవ జ్ఞానం భవిష్యతి .. 25..

మార్కణ్డేయ ఉవాచ .. 26..

ఇతి దత్వా తయోర్దేవీ యథాభిలషితం వరమ్ .
బభూవాన్తర్హితా సద్యో భక్త్యా తాభ్యామభిష్టుతా .. 27..

ఏవం దేవ్యా వరం లబ్ధ్వా సురథః క్షత్రియర్షభః .
సూర్యాజ్జన్మ సమాసాద్య సావర్ణిభర్వితా మనుః .. 28..

సావర్ణిభర్వితా మనుః క్లీం ఓమ్ .. 29..

ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే సురథవైశ్యయోర్వరప్రదానం నామ త్రయోదశోఽధ్యాయః .. 13 ..