ஶ்ரீது₃ர்க₃ஸப்தஶதீதே₃வீமாஹாத்ம்யம்

ௐ நமஶ்சண்டி₃காயை
மார்கண்டே₃ய உவாச
ௐ யத்₃கு₃ஹ்யம் பரமம் லோகே ஸர்வரக்ஷாகரம் ந்ருணாம் .
யந்ந கஸ்யசிதா₃க்₂யாதம் தந்மே ப்₃ரூஹி பிதாமஹ .. 1..

ப்₃ரஹ்மோவாச
அஸ்தி கு₃ஹ்யதமம் விப்ர ஸர்வபூ₄தோபகாரகம் .
தே₃வ்யாஸ்து கவசம் புண்யம் தச்ச்₂ருணுஷ்வ மஹாமுநே .. 2..

ப்ரத₂மம் ஶைலபுத்ரீ ச த்₃விதீயம் ப்₃ரஹ்மசாரிணீ .
த்ருதீயம் சந்த்₃ரக₄ண்டேதி கூஷ்மாண்டே₃தி சதுர்த₂கம் .. 3..

பஞ்சமம் ஸ்கந்த₃மாதேதி ஷஷ்ட₂ம் காத்யாயநீதி ச .
ஸப்தமம் காலராத்ரீதி மஹாகௌ₃ரீதி சாஷ்டமம் .. 4..

நவமம் ஸித்₃தி₄தா₃த்ரீ ச நவது₃ர்கா₃꞉ ப்ரகீர்திதா꞉ .
உக்தாந்யேதாநி நாமாநி ப்₃ரஹ்மணைவ மஹாத்மநா .. 5..

அக்₃நிநா த₃ஹ்யமாநஸ்து ஶத்ருமத்₄யே க₃தோ ரணே .
விஷமே து₃ர்க₃மே சைவ ப₄யாத்தார்ம ஶரணம் க₃தா꞉ .. 6..

ந தேஷாம் ஜாயதே கிம்சித₃ஶுப₄ம் ரணஸம்கடே .
நாபத₃ம் தஸ்ய பஶ்யாமி ஶோகது₃꞉க₂ப₄யம் ந ஹி .. 7..

யைஸ்து ப₄க்த்யா ஸ்ம்ருதா நூநம் தேஷாம் வ்ருத்₃தி₄꞉ ப்ரஜாயதே .
யே த்வாம் ஸ்மரந்தி தே₃வேஶி ரக்ஷஸே தாந்ந ஸம்ஶய꞉ .. 8..

ப்ரேதஸம்ஸ்தா₂ து சாமுண்டா₃ வாராஹீ மஹிஷாஸநா .
ஐந்த்₃ரீ க₃ஜஸமாரூடா₄ வைஷ்ணவீ க₃ருடா₃ஸநா .. 9..

மாஹேஶ்வரீ வ்ருஷாரூடா₄ கௌமாரீ ஶிகி₂வாஹநா .
லக்ஷ்மீ꞉ பத்₃மாஸநா தே₃வீ பத்₃மஹஸ்தா ஹரி ப்ரியா .. 10..

ஶ்வேதரூபத₄ரா தே₃வீ ஈஶ்வரீ வ்ருஷவாஹநா .
ப்₃ராஹ்மீ ஹம்ஸஸமாரூடா₄ ஸர்வாப₄ரணபூ₄ஷிதா .. 11..

இத்யேதா மாதர꞉ ஸர்வா꞉ ஸர்வயோக₃ ஸமந்விதா꞉ .
நாநாப₄ரணஶோபா₄ட்₄யா நாநாரத்நோ பஶோபி₄தா꞉ .. 12..

த்₃ருஶ்யந்தே ரத₂மாரூடா₄ தே₃வ்ய꞉ க்ரோத₄ஸமாகுலா꞉ .
ஶங்க₂ம் சக்ரம் க₃தா₃ம் ஶக்திம் ஹலம் ச முஸலாயுத₄ம் .. 13..

கே₂டகம் தோமரம் சைவ பரஶும் பாஶமேவ ச .
குந்தாயுத₄ம் த்ரிஶூலம் ச ஶாங்க₃ர்மாயுத₄முத்தமம் .. 14..

தை₃த்யாநாம் தே₃ஹநாஶாய ப₄க்தாநாமப₄யாய ச .
தா₄ரயந்த்யாயுதா₄நீத்த₂ம் தே₃வாநாம் ச ஹிதாய வை .. 15..

நமஸ்தே(அ)ஸ்து மஹாரௌத்₃ரே மஹாகோ₄ரபராக்ரமே .
மஹாப₃லே மஹோத்ஸாஹே மஹாப₄யவிநாஶிநி .. 16..

த்ராஹி மாம் தே₃வி து₃ஷ்ப்ரேக்ஷ்யே ஶத்ரூணாம் ப₄யவத்₃தி₄ர்நி .
ப்ராச்யாம் ரக்ஷது மாமைந்த்₃ரீ ஆக்₃நேய்யாமக்₃நிதே₃வதா .. 17..

த₃க்ஷிணே(அ)வது வாராஹீ நைருர்த்யாம் க₂ட்₃க₃தா₄ரிணீ .
ப்ரதீச்யாம் வாருணீ ரக்ஷேத்₃ வாயவ்யாம் ம்ருக₃வாஹிநீ .. 18..

உதீ₃ச்யாம் பாது கௌமாரீ ஐஶாந்யாம் ஶூலதா₄ரிணீ .
ஊத்₄வர்ம ப்₃ரஹ்மாணி மே ரக்ஷேத₃த₄ஸ்தாத்₃ வைஷ்ணவீ ததா₂ .. 19..

ஏவம் த₃ஶ தி₃ஶோ ரக்ஷேச்சாமுண்டா₃ ஶவவாஹநா .
ஜயா மே சாக்₃ரத꞉ பாது விஜயா பாது ப்ருஷ்ட₂த꞉ .. 20..

அஜிதா வாம பாஶ்வேர் து த₃க்ஷிணே சாபராஜிதா .
ஶிகா₂முத்₃யோதிநீ ரக்ஷேது₃மா மூத்₄நிர் வ்யவஸ்தி₂தா .. 21..

மாலாத₄ரீ லலாடே ச ப்₄ருவௌ ரக்ஷேத்₃ யஶஸ்விநீ .
த்ரிநேத்ரா ச ப்₄ருவோர்மத்₄யே யமக₄ண்டா ச நாஸிகே .. 22..

ஶங்கி₂நீ சக்ஷுஷோர்மத்₄யே ஶ்ரோத்ரயோத்₃வார்ரவாஸிநீ .
கபோலௌ காலிகா ரக்ஷேத்கர்ணமூலே து ஶாங்கரீ .. 23..

நாஸிகாயாம் ஸுக₃ந்தா₄ ச உத்தரோஷ்டே₂ ச சர்சிகா .
அத₄ரே சாம்ருதகலா ஜிஹ்வாயாம் ச ஸரஸ்வதீ .. 24..

த₃ந்தாந் ரக்ஷது கௌமரீ கண்ட₂தே₃ஶே து சண்டி₃கா .
க₄ண்டிகாம் சித்ரக₄ண்டா ச மஹாமாயா ச தாலுகே .. 25..

காமாக்ஷீ சிபு₃கம் ரக்ஷேத்₃ வாசம் மே ஸர்வமங்க₃லா .
க்₃ரீவாயாம் ப₄த்₃ரகாலீ ச ப்ருஷ்ட₂வம்ஶே த₄நுர்த₄ரீ .. 26..

நீலக்₃ரீவா ப₃ஹி꞉கண்டே₂ நலிகாம் நலகூப₃ரீ .
ஸ்கந்த₄யோ꞉ க₂ங்கி₃நீ ரக்ஷேத்₃ பா₃ஹூ மே வஜ்ரதா₄ரிணீ .. 27..

ஹஸ்தயோர்த₃ண்டி₃நீ ரக்ஷேத₃ம்பி₃கா சாங்கு₃லீஷு ச .
நகா₂ஞ்சூ₂லேஶ்வரீ ரக்ஷேத்குக்ஷௌரக்ஷேத்குலேஶ்வரீ .. 28..

ஸ்தநௌரக்ஷேந்மஹாதே₃வீ மந꞉ஶோகவிநாஶிநீ .
ஹ்ருத₃யே லலிதா தே₃வீ உத₃ரே ஶூலதா₄ரிணீ .. 29..

நாபௌ₄ ச காமிநீ ரக்ஷேத்₃ கு₃ஹ்யம் கு₃ஹ்யேஶ்வரீ ததா₂ .
பூதநா காமிகா மேட்₄ரம் கு₃தே₃ மஹிஷவாஹிநீ .. 30..

கட்யாம் ப₄க₃வதீ ரக்ஷேஜ்ஜாநுநீ விந்த்₄யவாஸிநீ .
ஜங்கே₄ மஹாப₃லா ரக்ஷேத்ஸர்வகாமப்ரதா₃யிநீ .. 31..

கு₃ல்ப₂யோர்நாரஸிம்ஹீ ச பாத₃ப்ருஷ்டே₂ து தைஜஸீ .
பாதா₃ங்கு₃லீஷு ஶ்ரீ ரக்ஷேத்பாதா₃த₄ஸ்தலவாஸிநீ .. 32..

நகா₂ந் த₃ம்ஷ்ட்ராகராலீ ச கேஶாம்ஶ்சைவோத்₄வர்கேஶிநீ .
ரோமகூபேஷு கௌபே₃ரீ த்வசம் வாகீ₃ஶ்வரீ ததா₂ .. 33..

ரக்தமஜ்ஜாவஸாமாம்ஸாந்யஸ்தி₂மேதா₃ம்ஸி பார்வதீ .
அந்த்ராணி காலராத்ரிஶ்ச பித்தம் ச முகுடேஶ்வரீ .. 34..

பத்₃மாவதீ பத்₃மகோஶே கபே₂ சூடா₃மணிஸ்ததா₂ .
ஜ்வாலாமுகீ₂ நக₂ஜ்வாலாமபே₄த்₃யா ஸர்வஸந்தி₄ஷு .. 35..

ஶுக்ரம் ப்₃ரஹ்மாணி மே ரக்ஷேச்சா₂யாம் ச₂த்ரேஶ்வரீ ததா₂ .
அஹம்காரம் மநோ பு₃த்₃தி₄ம் ரக்ஷேந்மே த₄ர்மதா₄ரிணீ .. 36..

ப்ராணாபாநௌ ததா₂ வ்யாநமுதா₃நம் ச ஸமாநகம் .
வஜ்ரஹஸ்தா ச மே ரக்ஷேத்ப்ராணம் கல்யாணஶோப₄நா .. 37..

ரஸே ரூபே ச க₃ந்தே₄ ச ஶப்₃தே₃ ஸ்பர்ஶே ச யோகி₃நீ .
ஸத்த்வம் ரஜஸ்தமஶ்சைவ ரக்ஷேந்நாராயணீ ஸதா₃ .. 38..

ஆயூ ரக்ஷது வாராஹீ த₄ர்மம் ரக்ஷது வைஷ்ணவீ .
யஶ꞉ கீர்திம் ச லக்ஷ்மீம் ச த₄நம் வித்₃யாம் ச சக்ரிணீ .. 39..

கோ₃த்ரமிந்த்₃ராணி மே ரக்ஷேத்பஶூந்மே ரக்ஷ சண்டி₃கே .
புத்ராந் ரக்ஷேந்மஹாலக்ஷ்மீர்பா₄ர்யாம் ரக்ஷது பை₄ரவீ .. 40..

பந்தா₂நம் ஸுபதா₂ ரக்ஷேந்மார்க₃ம் க்ஷேமகரீ ததா₂ .
ராஜத்₃வாரே மஹாலக்ஷ்மீர்விஜயா ஸர்வத꞉ ஸ்தி₂தா .. 41..

ரக்ஷாஹீநம் து யத்ஸ்தா₂நம் வர்ஜிதம் கவசேந து .
தத்ஸர்வம் ரக்ஷ மே தே₃வி ஜயந்தீ பாபநாஶிநீ .. 42..

பத₃மேகம் ந க₃ச்சே₂த்து யதீ₃ச்சே₂ச்சு₂ப₄மாத்மந꞉ .
கவசேநா வ்ருதோ நித்யம் யத்ர யத்ரைவ க₃ச்ச₂தி .. 43..

தத்ர தத்ரார்த₂லாப₄ஶ்ச விஜய꞉ ஸார்வகாமிக꞉ .
யம் யம் சிந்தயதே காமம் தம் தம் ப்ராப்நோதி நிஶ்சிதம் .
பரமைஶ்வர்யமதுலம் ப்ராப்ஸ்யதே பூ₄தலே புமாந் .. 44..

நிர்ப₄யோ ஜாயதே மத்யர்ம:: ஸம்க்₃ராமேஷ்வபராஜித꞉ .
த்ரைலோக்யே து ப₄வேத்பூஜ்ய꞉ கவசேநாவ்ருத꞉ புமாந் .. 45..

இத₃ம் து தே₃வ்யா꞉ கவசம் தே₃வாநாமபி து₃ர்லப₄ம் .
ய꞉ படே₂த்ப்ரயதோ நித்யம் த்ரிஸந்த்₄யம் ஶ்ரத்₃த₄யாந்வித꞉ .. 46..

தை₃வீ கலா ப₄வேத்தஸ்ய த்ரைலோக்யேஷ்வபராஜித꞉ .
ஜீவேத்₃ வர்ஷஶதம் ஸாக்₃ரமபம்ருத்யுவிவர்ஜித꞉ .. 47..

நஶ்யந்தி வ்யாத₄ய꞉ ஸர்வே லூதாவிஸ்போ₂டகாத₃ய꞉ .
ஸ்தா₂வரம் ஜங்க₃மம் சைவ க்ருத்ரிமம் சாபி யத்₃விஷம் .. 48..

அபி₄சாராணி ஸர்வாணி மந்த்ரயந்த்ராணி பூ₄தலே .
பூ₄சரா꞉ கே₂சராஶ்சைவஜலஜாஶ்சோபதே₃ஶிகா꞉ .. 49..

ஸஹஜா குலஜா மாலா டா₃கிநீ ஶாகிநீ ததா₂ .
அந்தரிக்ஷசரா கோ₄ரா டா₃கிந்யஶ்ச மஹாப₃லா꞉ .. 50..

க்₃ரஹபூ₄தபிஶாசாஶ்ச யக்ஷக₃ந்த₄ர்வராக்ஷஸா꞉ .
ப்₃ரஹ்மராக்ஷஸவேதாலா꞉ குஷ்மாண்டா₃ பை₄ரவாத₃ய꞉ .. 51..

நஶ்யந்தி த₃ர்ஶநாத்தஸ்ய கவசே ஹ்ருதி₃ ஸம்ஸ்தி₂தே .
மாநோந்நதிர்ப₄வேத்₃ ராஜ்ஞஸ்தேஜோவ்ருத்₃தி₄கரம் பரம் .. 52..

யஶஸா வத்₃த₄ர்தே ஸோ(அ)பி கீர்தி மண்டி₃தபூ₄தலே .
ஜபேத்ஸப்தஶதீம் சண்டீ₃ம் க்ருத்வா து கவசம் புரா .. 53..

யாவத்₃பூ₄மண்ட₃லம் த₄த்தே ஸஶைலவநகாநநம் .
தாவத்திஷ்ட₂தி மேதி₃ந்யாம் ஸந்ததி꞉ புத்ர பௌத்ரிகீ .. 54..

தே₃ஹாந்தே பரமம் ஸ்தா₂நம் யத்ஸுரைரபி து₃ர்லப₄ம் .
ப்ராப்நோதி புருஷோ நித்யம் மஹாமாயா ப்ரஸாத₃த꞉ .. 55..

லப₄தே பரமம் ரூபம் ஶிவேந ஸஹ மோத₃தே .. ௐ .. 56..

ௐ நமஶ்வண்டி₃காயை
மார்கண்டே₃ய உவாச
ௐ ஜய த்வம் தே₃வி சாமுண்டே₃ ஜய பூ₄தாபஹாரிணி .
ஜய ஸர்வக₃தே தே₃வி காலராத்ரி நமோ(அ)ஸ்து தே .. 1..

ஜயந்தீ மங்க₃லா காலீ ப₄த்₃ரகாலீ கபாலிநீ .
து₃ர்கா₃ ஶிவா க்ஷமா தா₄த்ரீ ஸ்வாஹா ஸ்வதா₄ நமோ(அ)ஸ்து தே .. 2..

ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 3..

ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 4..

தூ₄ம்ரநேத்ரவதே₄ தே₃வி த₄ர்மகாமார்த₂தா₃யிநி .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 5..

ரக்தபீ₃ஜவதே₄ தே₃வி சண்ட₃முண்ட₃விநாஶிநி .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 6..

ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 7..

வந்தி₃தாங்க்₄ரியுகே₃ தே₃வி ஸர்வஸௌபா₄க்₃யதா₃யிநி .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 8..

அசிந்த்யரூபசரிதே ஸர்வஶத்ருவிநாஶிநி .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 9..

நதேப்₄ய꞉ ஸர்வதா₃ ப₄க்த்யா சாபர்ணே து₃ரிதாபஹே .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 10..

ஸ்துவத்₃ப்₄யோ ப₄க்திபூர்வம் த்வாம் சண்டி₃கே வ்யாதி₄நாஶிநி .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 11..

சண்டி₃கே ஸததம் யுத்₃தே₄ ஜயந்தி பாபநாஶிநி .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 12..

தே₃ஹி ஸௌபா₄க்₃யமாரோக்₃யம் தே₃ஹி தே₃வி பரம் ஸுக₂ம் .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 13..

விதே₄ஹி தே₃வி கல்யாணம் விதே₄ஹி விபுலாம் ஶ்ரியம் .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 14..

விதே₄ஹி த்₃விஷதாம் நாஶம் விதே₄ஹி ப₃லமுச்சகை꞉ .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 15..

ஸுராஸுரஶிரோரத்நநிக்₄ருஷ்டசரணே(அ)ம்பி₃கே .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 16..

வித்₃யாவந்தம் யஶஸ்வந்தம் லக்ஷ்மீவந்தஞ்ச மாம் குரு .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 17..

தே₃வி ப்ரசண்ட₃தோ₃ர்த₃ண்ட₃தை₃த்யத₃ர்பநிஷூதி₃நி .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 18..

ப்ரசண்ட₃தை₃த்யத₃ர்பக்₄நே சண்டி₃கே ப்ரணதாய மே .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 19..

சதுர்பு₄ஜே சதுர்வக்த்ரஸம்ஸுதே பரமேஶ்வரி .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 20..

க்ருஷ்ணேந ஸம்ஸ்துதே தே₃வி ஶஶ்வத்₃ப₄க்த்யா ஸதா₃ம்பி₃கே .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 21..

ஹிமாசலஸுதாநாத₂ஸம்ஸ்துதே பரமேஶ்வரி .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 22..

இந்த்₃ராணீபதிஸத்₃பா₄வபூஜிதே பரமேஶ்வரி .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 23..

தே₃வி ப₄க்தஜநோத்₃தா₃மத₃த்தாநந்தோ₃த₃யே(அ)ம்பி₃கே .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 24..

பா₄ர்யாம் மநோரமாம் தே₃ஹி மநோவ்ருத்தாநுஸாரிணீம் .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 25..

தாரிணி து₃ர்க₃ஸம்ஸாரஸாக₃ரஸ்யாசலோத்₃ப₄வே .
ரூபம் தே₃ஹி ஜயம் தே₃ஹி யஶோ தே₃ஹி த்₃விஷோ ஜஹி .. 26..

இத₃ம் ஸ்தோத்ரம் படி₂த்வா து மஹாஸ்தோத்ரம் படே₂ந்நர꞉ .
ஸப்தஶதீம் ஸமாராத்₄ய வரமாப்நோதி து₃ர்லப₄ம் .. 27..

.. கீலகஸ்தோத்ரம் ..

ௐ நமஶ்சண்டி₃காயை
மார்கண்டே₃ய உவாச
ௐ விஶுத்₃த₄ஜ்ஞாநதே₃ஹாய த்ரிவேதீ₃தி₃வ்யசக்ஷுஷே .
ஶ்ரேய꞉ப்ராப்திநிமித்தாய நம꞉ ஸோமார்த₄தா₄ரிணே .. 1 ..

ஸர்வமேதத்₃விஜாநீயாந்மந்த்ராணாமபி கீலகம் .
ஸோ(அ)பி க்ஷேமமவாப்நோதி ஸததம் ஜப்யதத்பர꞉ .. 2..

ஸித்₃த்₄யந்த்யுச்சாடநாதீ₃நி கர்மாணி ஸகலாந்யபி .
ஏதேந ஸ்துவதாம் தே₃வீம் ஸ்தோத்ரவ்ருந்தே₃ந ப₄க்தித꞉ .. 3..

ந மந்த்ரோ நௌஷத₄ம் தஸ்ய ந கிஞ்சித₃பி வித்₃யதே .
விநா ஜப்யேந ஸித்₃த்₄யேத்து ஸர்வமுச்சாடநாதி₃கம் .. 4..

ஸமக்₃ராண்யபி ஸேத்ஸ்யந்தி லோகஶங்காமிமாம் ஹர꞉ .
க்ருத்வா நிமந்த்ரயாமாஸ ஸர்வமேவமித₃ம் ஶுப₄ம் .. 5..

ஸ்தோத்ரம் வை சண்டி₃காயாஸ்து தச்ச கு₃ஹ்யம் சகார ஸ꞉ .
ஸமாப்நோதி ஸ புண்யேந தாம் யதா₂வந்நிமந்த்ரணாம் .. 6..

ஸோ(அ)பி க்ஷேமமவாப்நோதி ஸர்வமேவ ந ஸம்ஶய꞉ .
க்ருஷ்ணாயாம் வா சதுர்த₃ஶ்யாமஷ்டம்யாம் வா ஸமாஹித꞉ .. 7..

த₃தா₃தி ப்ரதிக்₃ருஹ்ணாதி நாந்யதை₂ஷா ப்ரஸீத₃தி .
இத்த₂ம் ரூபேண கீலேந மஹாதே₃வேந கீலிதம் .. 8..

யோ நிஷ்கீலாம் விதா₄யைநாம் சண்டீ₃ம் ஜபதி நித்யஶ꞉ .
ஸ ஸித்₃த₄꞉ ஸ க₃ண꞉ ஸோ(அ)த₂ க₃ந்த₄ர்வோ ஜாயதே த்₄ருவம் .. 9..

ந சைவாபாடவம் தஸ்ய ப₄யம் க்வாபி ந ஜாயதே .
நாபம்ருத்யுவஶம் யாதி ம்ருதே ச மோக்ஷமாப்நுயாத் .. 10..

ஜ்ஞாத்வா ப்ராரப்₄ய குர்வீத ஹ்யகுர்வாணோ விநஶ்யதி .
ததோ ஜ்ஞாத்வைவ ஸம்பூர்ணமித₃ம் ப்ராரப்₄யதே பு₃தை₄꞉ .. 11..

ஸௌபா₄க்₃யாதி₃ ச யத்கிஞ்சித்₃ த்₃ருஶ்யதே லலநாஜநே .
தத்ஸர்வம் தத்ப்ரஸாதே₃ந தேந ஜப்யமித₃ம் ஶுப₄ம் .. 12..

ஶநைஸ்து ஜப்யமாநே(அ)ஸ்மிந் ஸ்தோத்ரே ஸம்பத்திருச்சகை꞉ .
ப₄வத்யேவ ஸமக்₃ராபி தத꞉ ப்ராரப்₄யமேவ தத் .. 13..

ஐஶ்வர்யம் தத்ப்ரஸாதே₃ந ஸௌபா₄க்₃யாரோக்₃யமேவ ச .
ஶத்ருஹாநி꞉ பரோ மோக்ஷ꞉ ஸ்தூயதே ஸா ந கிம் ஜநை꞉ .. 14..

சண்டி₃காம் ஹ்ருத₃யேநாபி ய꞉ ஸ்மரேத் ஸததம் நர꞉ .
ஹ்ருத்₃யம் காமமவாப்நோதி ஹ்ருதி₃ தே₃வீ ஸதா₃ வஸேத் .. 15..

அக்₃ரதோ(அ)மும் மஹாதே₃வக்ருதம் கீலகவாரணம் .
நிஷ்கீலஞ்ச ததா₂ க்ருத்வா படி₂தவ்யம் ஸமாஹிதை꞉ .. 16..

ப்ரத₂மசரித்ரம்
மஹாகாலீத்₄யாநம்
ௐ க₂ட்₃க₃ம் சக்ரக₃தே₃ஷுசாபபரிதா₄ந் ஶூலம் பு₄ஶுண்டீ₃ம் ஶிர꞉
ஶங்க₂ம் ஸந்த₃த₄தீம் கரைஸ்த்ரிநயநாம் ஸர்வாங்க₃பூ₄ஷாவ்ருதாம் .
யாம் ஹந்தும் மது₄கைடபௌ₄ ஜலஜபூ₄ஸ்துஷ்டாவ ஸுப்தே ஹரௌ
நீலாஶ்மத்₃யுதிமாஸ்யபாத₃த₃ஶகாம் ஸேவே மஹாகாலிகாம் ..

ௐ நமஶ்சண்டி₃காயை
ௐ ஐம் மார்கண்டே₃ய உவாச .. 1..

ஸாவர்ணி꞉ ஸூர்யதநயோ யோ மநு꞉ கத்₂யதே(அ)ஷ்டம꞉ .
நிஶாமய தது₃த்பத்திம் விஸ்தராத்₃க₃த₃தோ மம .. 2..

மஹாமாயாநுபா₄வேந யதா₂ மந்வந்தராதி₄ப꞉ .
ஸ ப₃பூ₄வ மஹாபா₄க₃꞉ ஸாவர்ணிஸ்தநயோ ரவே꞉ .. 3..

ஸ்வாரோசிஷே(அ)ந்தரே பூர்வம் சைத்ரவம்ஶஸமுத்₃ப₄வ꞉ .
ஸுரதோ₂ நாம ராஜாபூ₄த்ஸமஸ்தே க்ஷிதிமண்ட₃லே .. 4..

தஸ்ய பாலயத꞉ ஸம்யக் ப்ரஜா꞉ புத்ராநிவௌரம்ஸாந் .
ப₃பூ₄வு꞉ ஶத்ரவோ பூ₄பா꞉ கோலாவித்₄வம்ஸிநஸ்ததா₃ .. 5..

தஸ்ய தைரப₄வத்₃த்₄யுத்₃த₄மதிப்ரப₃லத₃ண்டி₃ந꞉ .
ந்யூநைரபி ஸ தைர்யுத்₃தே₄ கோலாவித்₄வம்ஸிபி₄ர்ஜித꞉ .. 6..

தத꞉ ஸ்வபுரமாயாதோ நிஜதே₃ஶாதி₄போ(அ)ப₄வத் .
ஆக்ராந்த꞉ ஸ மஹாபா₄க₃ஸ்தைஸ்ததா₃ ப்ரப₃லாரிபி₄꞉ .. 7..

அமாத்யைர்ப₃லிபி₄ர்து₃ஷ்டைர்து₃ர்ப₃லஸ்ய து₃ராத்மபி₄꞉ .
கோஶோ ப₃லம் சாபஹ்ருதம் தத்ராபி ஸ்வபுரே தத꞉ .. 8..

ததோ ம்ருக₃யாவ்யாஜேந ஹ்ருதஸ்வாம்ய꞉ ஸ பூ₄பதி꞉ .
ஏகாகீ ஹயமாருஹ்ய ஜகா₃ம க₃ஹநம் வநம் .. 9..

ஸ தத்ராஶ்ரமமத்₃ராக்ஷீத்₃த்₃விஜவர்யஸ்ய மேத₄ஸ꞉ .
ப்ரஶாந்த꞉ ஶ்வாபதா₃கீர்ணம் முநிஶிஷ்யோபஶோபி₄தம் .. 10..

தஸ்தௌ₂ கஞ்சித்ஸ காலம் ச முநிநா தேந ஸத்க்ருத꞉ .
இதஶ்சேதஶ்ச விசரம்ஸ்தஸ்மிந் முநிவராஶ்ரமே .. 11..

ஸோ(அ)சிந்தயத்ததா₃ தத்ர மமத்வாக்ருஷ்டமாநஸ꞉ .. 12..

மத்பூர்வை꞉ பாலிதம் பூர்வம் மயா ஹீநம் புரம் ஹி தத் .
மத்₃த்₄ருத்தைஸ்தைரஸத்₃வ்ருத்தைர்த₄ர்மத꞉ .. 13..

ந ஜாநே ஸ ப்ரதா₄நோ மே ஶூரோ ஹஸ்தீ ஸதா₃மத₃꞉ .
மம வைரிவஶம் யாத꞉ காந் போ₄கா₃நுபலப்ஸ்யதே .. 14..

யே மமாநுக₃தா நித்யம் ப்ரஸாத₃த₄நபோ₄ஜநை꞉ .
அநுவ்ருத்திம் த்₄ருவம் தே(அ)த்₃ய குர்வந்த்யந்யமஹீப்₄ருதாம் .. 15..

அஸம்யக்₃வ்யயஶீலைஸ்தை꞉ குர்வத்₃பி₄꞉ ஸததம் வ்யயம் .
ஸஞ்சித꞉ ஸோ(அ)திது₃꞉கே₂ந க்ஷயம் கோஶோ க₃மிஷ்யதி .. 16..

ஏதச்சாந்யச்ச ஸததம் சிந்தயாமாஸ பார்தி₂வ꞉ .
தத்ர விப்ராஶ்ரமாப்₄யாஶோ வைஶ்யமேகம் த₃த₃ர்ஶ ஸ꞉ .. 17..

ஸ ப்ருஷ்டஸ்தேந கஸ்த்வம் போ₄ ஹேதுஶ்சாக₃மநே(அ)த்ர க꞉ .
ஸஶோக இவ கஸ்மாத்த்வம் து₃ர்மநா இவ லக்ஷ்யஸே .. 18..

இத்யாகர்ண்ய வசஸ்தஸ்ய பூ₄பதே꞉ ப்ரணயோதி₃தம் .
ப்ரத்யுவாச ஸ தம் வைஶ்ய꞉ ப்ரஶ்ரயாவநதோ ந்ருபம் .. 19..

வைஶ்ய உவாச .. 20..

ஸமாதி₄ர்நாம வைஶ்யோ(அ)ஹமுத்பந்நோ த₄நிநாம் குலே .
புத்ரதா₃ரைர்நிரஸ்தஶ்ச த₄நலோபா₄த₃ஸாது₄பி₄꞉ .. 21..

விஹீநஶ்ச த₄நைர்தா₃ரை꞉ புத்ரைராதா₃ய மே த₄நம் .
வநமப்₄யாக₃தோ து₃꞉கீ₂ நிரஸ்தஶ்சாப்தப₃ந்து₄பி₄꞉ .. 22..

ஸோ(அ)ஹம் ந வேத்₃மி புத்ராணாம் குஶலாகுஶலாத்மிகாம் .
ப்ரவ்ருத்திம் ஸ்வஜநாநாம் ச தா₃ராணாம் சாத்ர ஸம்ஸ்தி₂த꞉ .. 23..

கிம் நு தேஷாம் க்₃ருஹே க்ஷேமமக்ஷேமம் கிம் நு ஸாம்ப்ரதம் .. 24..

கத₂ம் தே கிம் நு ஸத்₃வ்ருத்தா து₃ர்வ்ருதா꞉ கிம் நு மே ஸுதா꞉ .. 25..

ராஜோவாச .. 26..

யைர்நிரஸ்தோ ப₄வாம்ல்லுப்₃தை₄꞉ புத்ரதா₃ராதி₃பி₄ர்த₄நை꞉ .. 27..

தேஷு கிம் ப₄வத꞉ ஸ்நேஹமநுப₃த்₄நாதி மாநஸம் .. 28..

வைஶ்ய உவாச .. 29..

ஏவமேதத்₃யதா₂ ப்ராஹ ப₄வாநஸ்மத்₃க₃தம் வச꞉ .
கிம் கரோமே ந ப₃த்₄நாதி மம நிஷ்டு₂ரதாம் மந꞉ .. 30..

யை꞉ ஸந்த்யஜ்ய பித்ருஸ்நேஹம் த₄நலுப்₄தை₄ர்நிராக்ருத꞉ .
பதி꞉ ஸ்வஜநஹார்த₃ம் ச ஹாதி₃ர்தேஷ்வேவ மே மந꞉ .. 31..

கிமேதந்நாபி₄ஜாநாமி ஜாநந்நபி மஹாமதே .
யத்ப்ரேமப்ரவணம் சித்தம் விகு₃ணேஷ்வபி ப₃ந்து₄ஷு .. 32..

தேஷாம் க்ருதே மே நி꞉ஶ்வாஸோ தௌ₃ர்மநஸ்யம் ச ஜாயதே .. 33..

கரோமி கிம் யந்ந மநஸ்தேஷ்வப்ரீதிஷு நிஷ்டு₂ரம் .. 34..

மார்கண்டே₃ய உவாச .. 35..

ததஸ்தௌ ஸஹிதௌ விப்ர தம் முநிம் ஸமுபஸ்தி₂தௌ .. 36..

ஸமாதி₄ர்நாம வைஶ்யோ(அ)ஸௌ ஸ ச பார்தி₂வஸத்தம꞉ .. 37..

க்ருத்வா து தௌ யதா₂ந்யாயம் யதா₂ர்ஹம் தேந ஸம்வித₃ம் .
உபவிஷ்டௌ கதா₂꞉ காஶ்சிச்சக்ரதுர்வைஶ்யபார்தி₂வௌ .. 38..

ராஜோவாச .. 39..

ப₄க₃வம்ஸ்த்வாமஹம் ப்ரஷ்டுமிச்சா₂ம்யேகம் வத₃ஸ்வ தத் .. 40..

து₃꞉கா₂ய யந்மே மநஸ꞉ ஸ்வசித்தாயத்ததாம் விநா .. 41..

மமத்வம் க₃தராஜ்யஸ்ய ராஜ்யாங்கே₃ஷ்வகி₂லேஷ்வபி .
ஜாநதோ(அ)பி யதா₂ஜ்ஞஸ்ய கிமேதந்முநிஸத்தம .. 42..

அயம் ச நிக்ருத꞉ புத்ரைர்தா₃ரைர்ப்₄ருத்யைஸ்ததோ₂ஜ்ஜி₂த꞉ .
ஸ்வஜநேந ச ஸந்த்யக்தஸ்தேஷு ஹார்தீ₃ ததா₂ப்யதி .. 43..

ஏவமேஷ ததா₂ஹம் ச த்₃வாவப்யத்யந்தது₃꞉கி₂தௌ .
த்₃ருஷ்டதோ₃ஷே(அ)பி விஷயே மமத்வாக்ருஷ்டமாநஸௌ .. 44..

தத்கேநைதந்மஹாபா₄க₃ யந்மோஹோ ஜ்ஞாநிநோரபி .
மமாஸ்ய ச ப₄வத்யேஷா விவேகாந்த₄ஸ்ய மூட₄தா .. 45..

ருஷிருவாச .. 46..

ஜ்ஞாநமஸ்தி ஸமஸ்தஸ்ய ஜந்தோர்விஷயகோ₃சரே .
விஷயாஶ்ச மஹாபா₄க₃ யாந்தி சைவம் ப்ருத₂க்ப்ருத₂க் .. 47..

தி₃வாந்தா₄꞉ ப்ராணிந꞉ கேசித்₃ராத்ராவந்தா₄ஸ்ததா₂பரே .
கேசித்₃தி₃வா ததா₂ ராத்ரௌ ப்ராணிநஸ்துல்யத்₃த₃ஷ்டய꞉ .. 48..

ஜ்ஞாநிநோ மநுஜா꞉ ஸத்யம் கிந்து தே ந ஹி கேவலம் .
யதோ ஹி ஜ்ஞாநிந꞉ ஸர்வே பஶுபக்ஷிம்ருகா₃த₃ய꞉ .. 49..

ஜ்ஞாநம் ச தந்மநுஷ்யாணாம் யத்தேஷாம் ம்ருக₃பக்ஷிணாம் .
மநுஷ்யாணாம் ச யத்தேஷாம் துல்யமந்யத்ததோ₂ப₄யோ꞉ .. 50..

ஜ்ஞாநே(அ)பி ஸதி பஶ்யைதாந் பதகா₃ஞ்சா₂வசஞ்சுஷு .
கணமோக்ஷாத்₃ருதாந் மோஹாத்பீட₃யமாநாநபி க்ஷுதா₄ .. 51..

மாநுஷா மநுஜவ்யாக்₄ர ஸாபி₄லாஷா꞉ ஸுதாந் ப்ரதி .
லோபா₄த் ப்ரத்யுபகாராய நந்வேதாந் கிம் ந பஶ்யஸி .. 52..

ததா₂பி மமதாவர்தே மோஹக₃ர்தே நிபாதிதா꞉ .
மஹாமாயாப்ரபா₄வேண ஸம்ஸாரஸ்தி₂திகாரிணா .. 53..

தந்நாத்ர விஸ்மய꞉ கார்யோ யோக₃நித்₃ரா ஜக₃த்பதே꞉ .
மஹாமாயா ஹரேஶ்சைஷா தயா ஸம்மோஹ்யதே ஜக₃த் .. 54..

ஜ்ஞாநிநாமபி சேதம்ஸி தே₃வீ ப₄க₃வதீ ஹி ஸா .
ப₃லாதா₃க்ருஷ்ய மோஹாய மஹாமாயா ப்ரயச்ச₂தி .. 55..

தயா விஸ்ருஜ்யதே விஶ்வம் ஜக₃தே₃தச்சராசரம் .
ஸைஷா ப்ரஸந்நா வரதா₃ ந்ருணாம் ப₄வதி முக்தயே .. 56..

ஸா வித்₃யா பரமா முக்தேர்ஹேதுபூ₄தா ஸநாதநீ .. 57..

ஸம்ஸாரப₃ந்த₄ஹேதுஶ்ச ஸைவ ஸர்வேஶ்வரேஶ்வரீ .. 58..

ராஜோவாச .. 59..

ப₄க₃வந் கா ஹி ஸா தே₃வீ மஹாமாயேதி யாம் ப₄வாந் .
ப்₃ரவீதி கத₂முத்பந்நா ஸா கர்மாஸ்யாஶ்ச கிம் த்₃விஜ .. 60..

யத்ப்ரபா₄வா ச ஸா தே₃வீ யத்ஸ்வரூபா யது₃த்₃ப₄வா .. 61..

தத்ஸர்வம் ஶ்ரோதுமிச்சா₂மி த்வத்தோ ப்₃ரஹ்மவிதா₃ம் வர .. 62..

ருஷிருவாச .. 63..

நித்யைவ ஸா ஜக₃ந்மூர்திஸ்தயா ஸர்வமித₃ம் ததம் .. 64..

ததா₂பி தத்ஸமுத்பத்திர்ப₃ஹுதா₄ ஶ்ரூயதாம் மம .. 65..

தே₃வாநாம் கார்யஸித்₃த்₄யர்த₂மாவிர்ப₄வதி ஸா யதா₃ .
உத்பந்நேதி ததா₃ லோகே ஸா நித்யாப்யபி₄தீ₄யதே .. 66..

யோக₃நித்₃ராம் யதா₃ விஷ்ணுர்ஜக₃த்யேகார்ணவீக்ருதே .
ஆஸ்தீர்ய ஶேஷமப₄ஜத் கல்பாந்தே ப₄க₃வாந் ப்ரபு₄꞉ .. 67..

ததா₃ த்₃வாவஸுரௌ கோ₄ரௌ விக்₂யாதௌ மது₄கைடபௌ₄ .
விஷ்ணுகர்ணமலோத்₃பூ₄தௌ ஹந்தும் ப்₃ரஹ்மாணமுத்₃யதௌ .. 68..

ஸ நாபி₄கமலே விஷ்ணோ꞉ ஸ்தி₂தோ ப்₃ரஹ்மா ப்ரஜாபதி꞉ .
த்₃ருஷ்ட்வா தாவஸுரௌ சோக்₃ரௌ ப்ரஸுப்தம் ச ஜநார்த₃நம் .. 69..

துஷ்டாவ யோக₃நித்₃ராம் தாமேகாக்₃ரஹ்ருத₃ய꞉ ஸ்தி₂த꞉ .
விபோ₃த₄நார்தா₂ய ஹரேர்ஹரிநேத்ரக்ருதாலயாம் .. 70..

விஶ்வேஶ்வரீம் ஜக₃த்₃தா₄த்ரீம் ஸ்தி₂திஸம்ஹாரகாரிணீம் .
நித்₃ராம் ப₄க₃வதீம் விஷ்ணோரதுலாம் தேஜஸ꞉ ப்ரபு₄꞉ .. 71..

ப்₃ரஹ்மோவாச .. 72..

த்வம் ஸ்வாஹா த்வம் ஸ்வதா₄ த்வம் ஹி வஷட்கார꞉ ஸ்வராத்மிகா .
ஸுதா₄ த்வமக்ஷரே நித்யே த்ரிதா₄மாத்ராத்மிகா ஸ்தி₂தா꞉ .. 73..

அர்த₄மாத்ரா ஸ்தி₂தா நித்யா யாநுச்சார்யாவிஶேஷத꞉ .
த்வமேவ ஸா த்வம் ஸாவித்ரீ த்வம் தே₃வஜநநீ பரா .. 74..

த்வயைதத்₃தா₄ர்யதே விஶ்வம் த்வயைதத் ஸ்ருஜ்யதே ஜக₃த் .
த்வயைதத் பால்யதே தே₃வி த்வமத்ஸ்யந்தே ச ஸர்வதா₃ .. 75..

விஸ்ருஷ்டௌ ஸ்ருஷ்டிரூபா த்வம் ஸ்தி₂திரூபா ச பாலநே .
ததா₂ ஸம்ஹ்ருதிரூபாந்தே ஜக₃தோ(அ)ஸ்ய ஜக₃ந்மயே .. 76..

மஹாவித்₃யா மஹாமாயா மஹாமேதா₄ மஹாஸ்ம்ருதி꞉ .
மஹாமோஹா ச ப₄வதீ மஹாதே₃வீ மஹாஸுரீ .. 77..

ப்ரக்ருதிஸ்த்வம் ச ஸர்வஸ்ய கு₃ணத்ரயவிபா₄விநீ .
காலராத்ரிர்மஹாராத்ரிர்மோஹராத்ரிஶ்ச தா₃ருணா .. 78..

த்வம் ஶ்ரீஸ்த்வமீஶ்வரீ த்வம் ஹீஸ்த்வம் பு₃த்₃தி₄ர்போ₃த₄லக்ஷணா .
லஜ்ஜா புஷ்டிஸ்ததா₂ துஷ்டிஸ்த்வம் ஶாந்தி꞉ க்ஷாந்திரேவ ச .. 79..

க₂ட்₃கி₃நீ ஶூலிநீ கோ₄ர க₃தி₃நீ சக்ரிணீ ததா₂ .
ஶங்கி₂நீ சாபிநீ பா₃ணபு₄ஶுண்டீ₃பரிக₄யுதா₄ .. 80..

ஸௌம்யா ஸௌம்யதராஶேஷஸௌம்யேப்₄யஸ்த்வதிஸுந்த₃ரீ .
பராபராணாம் பரமா த்வமேவ பரமேஶ்வரீ .. 81..

யச்ச கிஞ்சித்க்வசித்₃வஸ்து ஸத₃ஸத்₃வாகி₂லாத்மிகே .
தஸ்ய ஸர்வஸ்ய யா ஶக்த்தி꞉ ஸா த்வம் கிம் ஸ்தூயஸே மயா .. 82..

யயா த்வயா ஜக₃த்ஸ்ரஷ்டா ஜக₃த்பாதாத்தி யோ ஜக₃த் .
ஸோ(அ)பி நித்₃ராவஶம் நீத꞉ கஸ்த்வாம் ஸ்தோதுமிஹேஶ்வர꞉ .. 83..

விஷ்ணு꞉ ஶரீரக்₃ரஹணமஹமீஶாந ஏவ ச .
காரிதாஸ்தே யதோ(அ)தஸ்த்வாம் க꞉ ஸ்தோதும் ஶக்த்திமாந் ப₄வேத் .. 84..

ஸா த்வமித்த₂ம் ப்ரபா₄வை꞉ ஸ்வைருதா₃ரைர்தே₃வி ஸம்ஸ்துதா .
மோஹயைதௌ து₃ராத₄ர்ஷாவஸுரௌ மது₄கைடபௌ₄ .. 85..

ப்ரபோ₃த₄ம் ச ஜக₃த்ஸ்வாமீ நீயதாமச்யுதோ லகு₄ .. 86..

போ₃த₄ஶ்ச க்ரியதாமஸ்ய ஹந்துமேதௌ மஹாஸுரௌ .. 87..

ருஷிருவாச .. 88..

ஏவம் ஸ்துதா ததா₃ தே₃வீ தாமஸீ தத்ர வேத₄ஸா .
விஷ்ணோ꞉ ப்ரபோ₃த₄நார்தா₂ய நிஹந்தும் மது₄கைடபௌ₄ .. 89..

நேத்ராஸ்யநாஸிகாபா₃ஹுஹ்ருத₃யேப்₄யஸ்ததோ₂ரஸ꞉ .
நிர்க₃ம்ய த₃ர்ஶநே தஸ்தௌ₂ ப்₃ரஹ்மணோ(அ)வ்யக்தஜந்மந꞉ .. 90..

உத்தஸ்தௌ₂ ச ஜக₃ந்நாத₂ஸ்தயா முக்தோ ஜநார்த₃ந꞉ .
ஏகார்ணவே(அ)ஹிஶயநாத்தத꞉ ஸ த₃த்₃ருஶே ச தௌ .. 91..

மது₄கைடபௌ₄ து₃ராத்மாநாவதிவீர்யபராக்ரமௌ .
க்ரோத₄ரக்தேக்ஷணாவத்தும் ப்₃ரஹ்மாணம் ஜநிதோத்₃யமௌ .. 92..

ஸமுத்தா₂ய ததஸ்தாப்₄யாம் யுயுதே₄ ப₄க₃வாந் ஹரி꞉ .
பஞ்சவர்ஷஸஹஸ்ராணி பா₃ஹுப்ரஹரணோ விபு₄꞉ .. 93..

தாவப்யதிப₃லோந்மத்தௌ மஹாமாயாவிமோஹிதௌ .. 94..

உக்தவந்தௌ வரோ(அ)ஸ்மத்தோ வ்ரியதாமிதி கேஶவம் .. 95..

ஶ்ரீப₄க₃வாநுவாச .. 96..

ப₄வேதாமத்₃ய மே துஷ்டௌ மம வத்₄யாவுபா₄வபி .. 97..

கிமந்யேந வரேணாத்ர ஏதாவத்₃தி₄ வ்ருதம் மம .. 98..

ருஷிருவாச .. 99..

வஞ்சிதாப்₄யாமிதி ததா₃ ஸர்வமாபோமயம் ஜக₃த் .
விலோக்ய தாப்₄யாம் க₃தி₃தோ ப₄க₃வாந் கமலேக்ஷண꞉ .. 100..

ஆவாம் ஜஹி ந யத்ரோர்வீ ஸலிலேந பரிப்லுதா .. 101..

ருஷிருவாச .. 102..

ததே₂த்யுக்த்வா ப₄க₃வதா ஶங்க₂சக்ரக₃தா₃ப்₄ருதா .
க்ருத்வா சக்ரேண வை சி₂ந்நே ஜக₄நே ஶிரஸீ தயோ꞉ .. 103..

ஏவமேஷா ஸமுத்பந்நா ப்₃ரஹ்மணா ஸம்ஸ்துதா ஸ்வயம் .
ப்ரபா₄வமஸ்யா தே₃வ்யாஸ்து பூ₄ய꞉ ஶ்ர்ருணு வதா₃மி தே .. 104.. ..

இதி ஶ்ரீமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே மது₄கைடப₄வதோ₄ நாம ப்ரத₂மோ(அ)த்₄யாய꞉

மஹாலக்ஷ்மீத்₄யாநம்
ௐ அக்ஷஸ்ரக்பரஶும் க₃தே₃ஷுகுலிஶம் பத்₃மம் த₄நு꞉ குண்டி₃காம்
த₃ண்ட₃ம் ஶக்திமஸிம் ச சர்ம ஜலஜம் க₄ண்டாம் ஸுராபா₄ஜநம் .
ஶூலம் பாஶஸுத₃ர்ஶநே ச த₃த₄தீம் ஹஸ்தை꞉ ப்ரவாலப்ரபா₄ம்
ஸேவே ஸைரிப₄மர்தி₃நீமிஹ மஹாலக்ஷ்மீம் ஸரோஜஸ்தி₂தாம் ..

ௐ ருஷிருவாச .. 1..

தே₃வாஸுரமபூ₄த்₃யுத்₃த₄ம் பூர்ணமப்₃த₃ஶதம் புரா .
மஹிஷே(அ)ஸுராணாமதி₄பே தே₃வாநாம் ச புரந்த₃ரே .. 2..

தத்ராஸுரைர்மஹாவீர்யைர்தே₃வஸைந்யம் பராஜிதம் .
ஜித்வா ச ஸகலாந் தே₃வாநிந்த்₃ரோ(அ)பூ₄ந்மஹிஷாஸுர꞉ .. 3..

தத꞉ பராஜிதா தே₃வா꞉ பத்₃மயோநிம் ப்ரஜாபதிம் .
புரஸ்க்ருத்ய க₃தாஸ்தத்ர யத்ரேஶக₃ருட₃த்₄வஜௌ .. 4..

யதா₂வ்ருத்தம் தயோஸ்தத்₃வந்மஹிஷாஸுரசேஷ்டிதம் .
த்ரித₃ஶா꞉ கத₂யாமாஸுர்தே₃வாபி₄ப₄வவிஸ்தரம் .. 5..

ஸூர்யேந்த்₃ராக்₃ந்யநிலேந்தூ₃நாம் யமஸ்ய வருணஸ்ய ச .
அந்யேஷாம் சாதி₄காராந்ஸ ஸ்வயமேவாதி₄திஷ்ட₂தி .. 6..

ஸ்வர்கா₃ந்நிராக்ருதா꞉ ஸர்வே தேந தே₃வக₃ணா பு₄வி .
விசரந்தி யதா₂ மர்த்யா மஹிஷேண து₃ராத்மநா .. 7..

ஏதத்₃வ꞉ கதி₂தம் ஸர்வமமராரிவிசேஷ்டிதம் .
ஶரணம் வ꞉ ப்ரபந்நா꞉ ஸ்மோ வத₄ஸ்தஸ்ய விசிந்த்யதாம் .. 8..

இத்த₂ம் நிஶம்ய தே₃வாநாம் வசாம்ஸி மது₄ஸூத₃ந꞉ .
சகார கோபம் ஶம்பு₄ஶ்ச ப்₄ருகுடீகுடிலாநநௌ .. 9..

ததோ(அ)திகோபபூர்ணஸ்ய சக்ரிணோ வத₃நாத்தத꞉ .
நிஶ்சக்ராம மஹத்தேஜோ ப்₃ரஹ்மண꞉ ஶங்கரஸ்ய ச .. 10..

அந்யேஷாம் சைவ தே₃வாநாம் ஶக்ராதீ₃நாம் ஶரீரத꞉ .
நிர்க₃தம் ஸுமஹத்தேஜஸ்தச்சைக்யம் ஸமக₃ச்ச₂த .. 11..

அதீவ தேஜஸ꞉ கூடம் ஜ்வலந்தமிவ பர்வதம் .
த₃த்₃ருஶுஸ்தே ஸுராஸ்தத்ர ஜ்வாலாவ்யாப்ததி₃க₃ந்தரம் .. 12..

அதுலம் தத்ர தத்தேஜ꞉ ஸர்வதே₃வஶரீரஜம் .
ஏகஸ்த₂ம் தத₃பூ₄ந்நாரீ வ்யாப்தலோகத்ரயம் த்விஷா .. 13..

யத₃பூ₄ச்சா₂ம்ப₄வம் தேஜஸ்தேநாஜாயத தந்முக₂ம் .
யாம்யேந சாப₄வந் கேஶா பா₃ஹவோ விஷ்ணுதேஜஸா .. 14..

ஸௌம்யேந ஸ்தநயோர்யுக்₃மம் மத்₄யம் சைந்த்₃ரேண சாப₄வத் .
வாருணேந ச ஜங்கோ₄ரூ நிதம்ப₃ஸ்தேஜஸா பு₄வ꞉ .. 15..

ப்₃ரஹ்மணஸ்தேஜஸா பாதௌ₃ தத₃ங்கு₃ல்யோ(அ)ர்கதேஜஸா .
வஸூநாம் ச கராங்கு₃ல்ய꞉ கௌபே₃ரேண ச நாஸிகா .. 16..

தஸ்யாஸ்து த₃ந்தா꞉ ஸம்பூ₄தா꞉ ப்ராஜாபத்யேந தேஜஸா .
நயநத்ரிதயம் ஜஜ்ஞே ததா₂ பாவகதேஜஸா .. 17..

ப்₄ருவௌ ச ஸந்த்₄யயோஸ்தேஜ꞉ ஶ்ரவணாவநிலஸ்ய ச .
அந்யேஷாம் சைவ தே₃வாநாம் ஸம்ப₄வஸ்தேஜஸாம் ஶிவா .. 18..

தத꞉ ஸமஸ்ததே₃வாநாம் தேஜோராஶிஸமுத்₃ப₄வாம் .
தாம் விலோக்ய முத₃ம் ப்ராபுரமரா மஹிஷார்தி₃தா꞉ .. 19..

ஶூலம் ஶூலாத்₃விநிஷ்க்ருஷ்ய த₃தௌ₃ தஸ்யை பிநாகத்₄ருக் .
சக்ரம் ச த₃த்தவாந் க்ருஷ்ண꞉ ஸமுத்பாட்ய ஸ்வசக்ரத꞉ .. 20..

ஶங்க₂ம் ச வருண꞉ ஶக்திம் த₃தௌ₃ தஸ்யை ஹுதாஶந꞉ .
மாருதோ த₃த்தவாம்ஶ்சாபம் பா₃ணபூர்ணே ததேஷுதீ₄ .. 21..

வஜ்ரமிந்த்₃ர꞉ ஸமுத்பாட்ய குலிஶாத₃மராதி₄ப꞉ .
த₃தௌ₃ தஸ்யை ஸஹஸ்ராக்ஷோ க₄ண்டாமைராவதாத்₃க₃ஜாத் .. 22..

காலத₃ண்டா₃த்₃யமோ த₃ண்ட₃ம் பாஶம் சாம்பு₃பதிர்த₃தௌ₃ .
ப்ரஜாபதிஶ்சாக்ஷமாலாம் த₃தௌ₃ ப்₃ரஹ்மா கமண்ட₃லும் .. 23..

ஸமஸ்தரோமகூபேஷு நிஜரஶ்மீந் தி₃வாகர꞉ .
காலஶ்ச த₃த்தவாந் க₂ட்₃க₃ம் தஸ்யாஶ்சர்ம ச நிர்மலம் .. 24..

க்ஷீரோத₃ஶ்சாமலம் ஹாரமஜரே ச ததா₂ம்ப₃ரே .
சூடா₃மணிம் ததா₂ தி₃வ்யம் குண்ட₃லே கடகாநி ச .. 25..

அர்த₄சந்த்₃ரம் ததா₂ ஶுப்₄ரம் கேயூராந் ஸர்வபா₃ஹுஷு .
நூபுரௌ விமலௌ தத்₃வத்₃ க்₃ரைவேயகமநுத்தமம் .. 26..

அங்கு₃லீயகரத்நாநி ஸமஸ்தாஸ்வங்கு₃லீஷு ச .
விஶ்வகர்மா த₃தௌ₃ தஸ்யை பரஶும் சாதிநிர்மலம் .. 27..

அஸ்த்ராண்யநேகரூபாணி ததா₂(அ)பே₄த்₃யம் ச த₃ம்ஶநம் .
அம்லாநபங்கஜாம் மாலாம் ஶிரஸ்யுரஸி சாபராம் .. 28..

அத₃த₃ஜ்ஜலதி₄ஸ்தஸ்யை பங்கஜம் சாதிஶோப₄நம் .
ஹிமவாந் வாஹநம் ஸிம்ஹம் ரத்நாநி விவிதா₄நி ச .. 29..

த₃தா₃வஶூந்யம் ஸுரயா பாநபாத்ரம் த₄நாதி₄ப꞉ .
ஶேஷஶ்ச ஸர்வநாகே₃ஶோ மஹாமணிவிபூ₄ஷிதம் .. 30..

நாக₃ஹாரம் த₃தௌ₃ தஸ்யை த₄த்தே ய꞉ ப்ருதி₂வீமிமாம் .
அந்யைரபி ஸுரைர்தே₃வீ பூ₄ஷணைராயுதை₄ஸ்ததா₂ .. 31..

ஸம்மாநிதா நநாதோ₃ச்சை꞉ ஸாட்டஹாஸம் முஹுர்முஹு꞉ .
தஸ்யா நாதே₃ந கோ₄ரேண க்ருத்ஸ்நமாபூரிதம் நப₄꞉ .. 32..

அமாயதாதிமஹதா ப்ரதிஶப்₃தோ₃ மஹாநபூ₄த் .
சுக்ஷுபு₄꞉ ஸகலா லோகா꞉ ஸமுத்₃ராஶ்ச சகம்பிரே .. 33..

சசால வஸுதா₄ சேலு꞉ ஸகலாஶ்ச மஹீத₄ரா꞉ .
ஜயேதி தே₃வாஶ்ச முதா₃ தாமூசு꞉ ஸிம்ஹவாஹிநீம் .. 34..

துஷ்டுவுர்முநயஶ்சைநாம் ப₄க்திநம்ராத்மமூர்தய꞉ .
த்₃ருஷ்ட்வா ஸமஸ்தம் ஸம்க்ஷுப்₃த₄ம் த்ரைலோக்யமமராரய꞉ .. 35..

ஸந்நத்₃தா₄கி₂லஸைந்யாஸ்தே ஸமுத்தஸ்து₂ருதா₃யுதா₄꞉ .
ஆ꞉ கிமேததி₃தி க்ரோதா₄தா₃பா₄ஷ்ய மஹிஷாஸுர꞉ .. 36..

அப்₄யதா₄வத தம் ஶப்₃த₃மஶேஷைரஸுரைர்வ்ருத꞉ .
ஸ த₃த₃ர்ஶ ததோ தே₃வீம் வ்யாப்தலோகத்ரயாம் த்விஷா .. 37..

பாதா₃க்ராந்த்யா நதபு₄வம் கிரீடோல்லிகி₂தாம்ப₃ராம்
க்ஷோபி₄தாஶேஷபாதாலாம் த₄நுர்ஜ்யாநி꞉ஸ்வநேந தாம் .. 38..

தி₃ஶோ பு₄ஜஸஹஸ்ரேண ஸமந்தாத்₃வ்யாப்ய ஸம்ஸ்தி₂தாம் .
தத꞉ ப்ரவவ்ருதே யுத்₃த₄ம் தயா தே₃வ்யா ஸுரத்₃விஷாம் .. 39..

ஶஸ்த்ராஸ்த்ரைர்ப₃ஹுதா₄ முக்தைராதீ₃பிததி₃க₃ந்தரம் .
மஹிஷாஸுரஸேநாநீஶ்சிக்ஷுராக்₂யோ மஹாஸுர꞉ .. 40..

யுயுதே₄ சாமரஶ்சாந்யைஶ்சதுரங்க₃ப₃லாந்வித꞉ .
ரதா₂நாமயுதை꞉ ஷட்₃பி₄ருத₃க்₃ராக்₂யோ மஹாஸுர꞉ .. 41..

அயுத்₄யதாயுதாநாம் ச ஸஹஸ்ரேண மஹாஹநு꞉ .
பஞ்சாஶத்₃பி₄ஶ்ச நியுதைரஸிலோமா மஹாஸுர꞉ .. 42..

அயுதாநாம் ஶதை꞉ ஷட்₃பி₄ர்பா₃ஷ்கலோ யுயுதே₄ ரணே .
க₃ஜவாஜிஸஹஸ்ரௌகை₄ரநேகை꞉ பரிவாரித꞉ .. 43..

வ்ருதோ ரதா₂நாம் கோட்யா ச யுத்₃தே₄ தஸ்மிந்நயுத்₄யத .
பி₃டா₃லாக்₂யோ(அ)யுதாநாம் ச பஞ்சாஶத்₃பி₄ரதா₂யுதை꞉ .. 44..

யுயுதே₄ ஸம்யுகே₃ தத்ர ரதா₂நாம் பரிவாரித꞉ .
அந்யே ச தத்ராயுதஶோ ரத₂நாக₃ஹயைர்வ்ருதா꞉ .. 45..

யுயுது₄꞉ ஸம்யுகே₃ தே₃வ்யா ஸஹ தத்ர மஹாஸுரா꞉ .
கோடிகோடிஸஹஸ்ரைஸ்து ரதா₂நாம் த₃ந்திநாம் ததா₂ .. 46..

ஹயாநாம் ச வ்ருதோ யுத்₃தே₄ தத்ராபூ₄ந்மஹிஷாஸுர꞉ .
தோமரைர்பி₄ந்தி₃பாலைஶ்ச ஶக்திபி₄ர்முஸலைஸ்ததா₂ .. 47..

யுயுது₄꞉ ஸம்யுகே₃ தே₃வ்யா க₂ட்₃கை₃꞉ பரஶுபட்டிஶை꞉ .
கேசிச்ச சிக்ஷிபு꞉ ஶக்தீ꞉ கேசித் பாஶாம்ஸ்ததா₂பரே .. 48..

தே₃வீம் க₂ட்₃க₃ப்ரஹாரைஸ்து தே தாம் ஹந்தும் ப்ரசக்ரமு꞉ .
ஸாபி தே₃வீ ததஸ்தாநி ஶஸ்த்ராண்யஸ்த்ராணி சண்டி₃கா .. 49..

லீலயைவ ப்ரசிச்சே₂த₃ நிஜஶஸ்த்ராஸ்த்ரவர்ஷிணீ .
அநாயஸ்தாநநா தே₃வீ ஸ்தூயமாநா ஸுரர்ஷிபி₄꞉ .. 50..

முமோசாஸுரதே₃ஹேஷு ஶஸ்த்ராண்யஸ்த்ராணி சேஶ்வரீ .
ஸோ(அ)பி க்ருத்₃தோ₄ து₄தஸடோ தே₃வ்யா வாஹநகேஸரீ .. 51..

சசாராஸுரஸைந்யேஷு வநேஷ்விவ ஹுதாஶந꞉ .
நி꞉ஶ்வாஸாந் முமுசே யாம்ஶ்ச யுத்₄யமாநா ரணே(அ)ம்பி₃கா .. 52..

த ஏவ ஸத்₃யஸ்ஸம்பூ₄தா க₃ணா꞉ ஶதஸஹஸ்ரஶ꞉ .
யுயுது₄ஸ்தே பரஶுபி₄ர்பி₄ந்தி₃பாலாஸிபட்டிஶை꞉ .. 53..

நாஶயந்தோ(அ)ஸுரக₃ணாந் தே₃வீஶக்த்யுபப்₃ரும்ஹிதா꞉ .
அவாத₃யந்த படஹாந் க₃ணா꞉ ஶங்கா₂ம்ஸ்ததா₂பரே .. 54..

ம்ருத₃ங்கா₃ஶ்ச ததை₂வாந்யே தஸ்மிந்யுத்₃த₄மஹோத்ஸவே .
ததோ தே₃வீ த்ரிஶூலேந க₃த₃யா ஶக்திவ்ருஷ்டிபி₄꞉ .. 55..

க₂ட்₃கா₃தி₃பி₄ஶ்ச ஶதஶோ நிஜகா₄ந மஹாஸுராந் .
பாதயாமாஸ சைவாந்யாந் க₄ண்டாஸ்வநவிமோஹிதாந் .. 56..

அஸுராந் பு₄வி பாஶேந ப₃த்₃த்₄வா சாந்யாநகர்ஷயத் .
கேசித்₃ த்₃விதா₄க்ருதாஸ்தீக்ஷ்ணை꞉ க₂ட்₃க₃பாதைஸ்ததா₂பரே .. 57..

விபோதி₂தா நிபாதேந க₃த₃யா பு₄வி ஶேரதே .
வேமுஶ்ச கேசித்₃ருதி₄ரம் முஸலேந ப்₄ருஶம் ஹதா꞉ .. 58..

கேசிந்நிபதிதா பூ₄மௌ பி₄ந்நா꞉ ஶூலேந வக்ஷஸி .
நிரந்தரா꞉ ஶரௌகே₄ண க்ருதா꞉ கேசித்₃ரணாஜிரே .. 59..

ஶல்யாநுகாரிண꞉ ப்ராணாந்முமுசுஸ்த்ரித₃ஶார்த₃நா꞉ .
கேஷாஞ்சித்₃பா₃ஹவஶ்சி₂ந்நாஶ்சி₂ந்நக்₃ரீவாஸ்ததா₂பரே .. 60..

ஶிராம்ஸி பேதுரந்யேஷாமந்யே மத்₄யே விதா₃ரிதா꞉ .
விச்சி₂ந்நஜங்கா₄ஸ்த்வபரே பேதுருர்வ்யாம் மஹாஸுரா꞉ .. 61..

ஏகபா₃ஹ்வக்ஷிசரணா꞉ கேசித்₃தே₃வ்யா த்₃விதா₄க்ருதா꞉ .
சி₂ந்நே(அ)பி சாந்யே ஶிரஸி பதிதா꞉ புநருத்தி₂தா꞉ .. 62..

கப₃ந்தா₄ யுயுது₄ர்தே₃வ்யா க்₃ருஹீதபரமாயுதா₄꞉ .
நந்ருதுஶ்சாபரே தத்ர யுத்₃தே₄ தூர்யலயாஶ்ரிதா꞉ .. 63..

கப₃ந்தா₄ஶ்சி₂ந்நஶிரஸ꞉ க₂ட்₃க₃ஶக்த்ய்ருஷ்டிபாணய꞉ .
திஷ்ட₂ திஷ்டே₂தி பா₄ஷந்தோ தே₃வீமந்யே மஹாஸுரா꞉ ..64..

பாதிதை ரத₂நாகா₃ஶ்வைரஸுரைஶ்ச வஸுந்த₄ரா .
அக₃ம்யா ஸாப₄வத்தத்ர யத்ராபூ₄த் ஸ மஹாரண꞉ .. 65..

ஶோணிதௌகா₄ மஹாநத்₃யஸ்ஸத்₃யஸ்தத்ர விஸுஸ்ருவு꞉ .
மத்₄யே சாஸுரஸைந்யஸ்ய வாரணாஸுரவாஜிநாம் .. 66..

க்ஷணேந தந்மஹாஸைந்யமஸுராணாம் ததா₂ம்பி₃கா .
நிந்யே க்ஷயம் யதா₂ வஹ்நிஸ்த்ருணதா₃ருமஹாசயம் .. 67..

ஸ ச ஸிம்ஹோ மஹாநாத₃முத்ஸ்ருஜந் து₄தகேஸர꞉ .
ஶரீரேப்₄யோ(அ)மராரீணாமஸூநிவ விசிந்வதி .. 68..

தே₃வ்யா க₃ணைஶ்ச தைஸ்தத்ர க்ருதம் யுத்₃த₄ம் ததா₂ஸுரை꞉ .
யதை₂ஷாம் துஷ்டுவுர்தே₃வா꞉ புஷ்பவ்ருஷ்டிமுசோ தி₃வி .. 69.. ..

இதி ஶ்ரீமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே மஹிஷாஸுரஸைந்யவதோ₄ நாம த்₃விதீயோ(அ)த்₄யாய꞉ ..2..

ருஷிருவாச .. 1..

நிஹந்யமாநம் தத்ஸைந்யமவலோக்ய மஹாஸுர꞉ .
ஸேநாநீஶ்சக்ஷுர꞉ கோபாத்₃யயௌ யோத்₃து₄மதா₂ம்பி₃காம் .. 2..

ஸ தே₃வீம் ஶரவர்ஷேண வவர்ஷ ஸமரே(அ)ஸுர꞉ .
யதா₂ மேருகி₃ரே꞉ ஶ்ர்ருங்க₃ம் தோயவர்ஷேண தோயத₃꞉ .. 3..

தஸ்ய சி₂த்வா ததோ தே₃வீ லீலயைவ ஶரோத்கராந் .
ஜகா₄ந துரகா₃ந்பா₃ணைர்யந்தாரம் சைவ வாஜிநாம் .. 4..

சிசே₂த₃ ச த₄நு꞉ ஸத்₃யோ த்₄வஜம் சாதிஸமுச்ச்₂ருதம் .
விவ்யாத₄ சைவ கா₃த்ரேஷு சி₂ந்நத₄ந்வாநமாஶுகை₃꞉ .. 5..

ஸ சி₂ந்நத₄ந்வா விரதோ₂ ஹதாஶ்வோ ஹதஸாரதி₂꞉ .
அப்₄யதா₄வத தம் தே₃வீம் க₂ட்₃க₃சர்மத₄ரோ(அ)ஸுர꞉ .. 6..

ஸிம்ஹமாஹத்ய க₂ட்₃கே₃ந தீக்ஷ்ணதா₄ரேண மூர்த₄நி .
ஆஜகா₄ந பு₄ஜே ஸவ்யே தே₃வீமப்யதிவேக₃வாந் .. 7..

தஸ்யா꞉ க₂ட்₃கோ₃ பு₄ஜம் ப்ராப்ய பபா₂ல ந்ருபநந்த₃ந .
ததோ ஜக்₃ராஹ ஶூலம் ஸ கோபாத₃ருணலோசந꞉ .. 8..

சிக்ஷேப ச ததஸ்தத்து ப₄த்₃ரகால்யாம் மஹாஸுர꞉ .
ஜாஜ்வல்யமாநம் தேஜோபீ₄ ரவிபி₃ம்ப₃மிவாம்ப₃ராத் .. 9..

த்₃ருஷ்ட்வா ததா₃பதச்சூ₂லம் தே₃வீ ஶூலமமுஞ்சத .
தச்சூ₂லம் ஶததா₄ தேந நீதம் ஸ ச மஹாஸுர꞉ .. 10..

ஹதே தஸ்மிந்மஹாவீர்யே மஹிஷஸ்ய சமூபதௌ .
ஆஜகா₃ம க₃ஜாரூட₄ஶ்சாமரஸ்த்ரித₃ஶார்த₃ந꞉ .. 11..

ஸோ(அ)பி ஶக்திம் முமோசாத₂ தே₃வ்யாஸ்தாமம்பி₃கா த்₃ருதம் .
ஹுங்காராபி₄ஹதாம் பூ₄மௌ பாதயாமாஸ நிஷ்ப்ரபா₄ம் .. 12..

ப₄க்₃நாம் ஶக்திம் நிபதிதாம் த்₃ருஷ்ட்வா க்ரோத₄ஸமந்வித꞉ .
சிக்ஷேப சாமர꞉ ஶூலம் பா₃ணைஸ்தத₃பி ஸாச்சி₂நத் .. 13..

தத꞉ ஸிம்ஹ꞉ ஸமுத்பத்ய க₃ஜகும்பா₄ந்தரஸ்தி₂த꞉ .
பா₃ஹுயுத்₃தே₄ந யுயுதே₄ தேநோச்சைஸ்த்ரித₃ஶாரிணா .. 14..

யுத்₄யமாநௌ ததஸ்தௌ து தஸ்மாந்நாகா₃ந்மஹீம் க₃தௌ .
யுயுதா₄தே(அ)திஸம்ரப்₃தௌ₄ ப்ரஹரைரதிதா₃ருணை꞉ .. 15..

ததோ வேகா₃த் க₂முத்பத்ய நிபத்ய ச ம்ருகா₃ரிணா .
கரப்ரஹாரேண ஶிரஶ்சாமரஸ்ய ப்ருத₂க் க்ருதம் .. 16..

உத₃க்₃ரஶ்ச ரணே தே₃வ்யா ஶிலாவ்ருக்ஷாதி₃பி₄ர்ஹத꞉ .
த₃ந்தமுஷ்டிதலைஶ்சைவ கராலஶ்ச நிபாதித꞉ .. 17..

தே₃வீ க்ருத்₃தா₄ க₃தா₃பாதைஶ்சூர்ணயாமாஸ சோத்₃த₄தம் .
பா₃ஷ்கலம் பி₄ந்தி₃பாலேந பா₃ணைஸ்தாம்ரம் ததா₂ந்த₄கம் .. 18..

உக்₃ராஸ்யமுக்₃ரவீர்யம் ச ததை₂வ ச மஹாஹநும் .
த்ரிநேத்ரா ச த்ரிஶூலேந ஜகா₄ந பரமேஶ்வரீ .. 19..

பி₃டா₃லஸ்யாஸிநா காயாத் பாதயாமாஸ வை ஶிர꞉ .
து₃ர்த₄ரம் து₃ர்முக₂ம் சோபௌ₄ ஶரைர்நிந்யே யமக்ஷயம் .. 20..

ஏவம் ஸம்க்ஷீயமாணே து ஸ்வஸைந்யே மஹிஷாஸுர꞉ .
மாஹிஷேண ஸ்வரூபேண த்ராஸயாமாஸ தாந் க₃ணாந் .. 21..

காம்ஶ்சித்துண்டா₃ப்ரஹாரேண கு₂ரக்ஷேபைஸ்ததா₂பராந் .
லாங்கூ₃லதாடி₃தாம்ஶ்சாந்யாந் ஶ்ர்ருங்கா₃ப்₄யாம் ச விதா₃ரிதாந் .. 22..

வேகே₃ந காம்ஶ்சித₃பராந்நாதே₃ந ப்₄ரமணேந ச .
நி꞉ஶ்வாஸபவநேநாந்யாந்பாதயாமாஸ பூ₄தலே .. 23..

நிபாத்ய ப்ரமதா₂நீகமப்₄யதா₄வத ஸோ(அ)ஸுர꞉ .
ஸிம்ஹம் ஹந்தும் மஹாதே₃வ்யா꞉ கோபம் சக்ரே ததோ(அ)ம்பி₃கா .. 24..

ஸோ(அ)பி கோபாந்மஹாவீர்ய꞉ கு₂ரக்ஷுண்ணமஹீதல꞉ .
ஶ்ர்ருங்கா₃ப்₄யாம் பர்வதாநுச்சாம்ஶ்சிக்ஷேப ச நநாத₃ ச .. 25..

வேக₃ப்₄ரமணவிக்ஷுண்ணா மஹீ தஸ்ய விஶீர்யத .
லாங்கூ₃லேநாஹதஶ்சாப்₃தி₄꞉ ப்லாவயாமாஸ ஸர்வத꞉ .. 26..

து₄தஶ்ர்ருங்க₃விபி₄ந்நாஶ்ச க₂ண்ட₃ம் க₂ண்ட₃ம் யயுர்க₄நா꞉ .
ஶ்வாஸாநிலாஸ்தா꞉ ஶதஶோ நிபேதுர்நப₄ஸோ(அ)சலா꞉ .. 27..

இதி க்ரோத₄ஸமாத்₄மாதமாபதந்தம் மஹாஸுரம் .
த்₃ருஷ்ட்வா ஸா சண்டி₃கா கோபம் தத்₃வதா₄ய ததா₃கரோத் .. 28..

ஸா க்ஷிப்த்வா தஸ்ய வை பாஶம் தம் ப₃ப₃ந்த₄ மஹாஸுரம் .
தத்யாஜ மாஹிஷம் ரூபம் ஸோ(அ)பி ப₃த்₃தோ₄ மஹாம்ருதே₄ .. 29..

தத꞉ ஸிம்ஹோ(அ)ப₄வத்ஸத்₃யோ யாவத்தஸ்யாம்பி₃கா ஶிர꞉ .
சி₂நத்தி தாவத் புருஷ꞉ க₂ட்₃க₃பாணிரத்₃த₃ஶ்யத .. 30..

தத ஏவாஶு புருஷம் தே₃வீ சிச்சே₂த₃ ஸாயகை꞉ .
தம் க₂ட்₃க₃சர்மணா ஸார்த₄ம் தத꞉ ஸோ(அ)பூ₄ந்மஹாக₃ஜ꞉ .. 31..

கரேண ச மஹாஸிம்ஹம் தம் சகர்ஷ ஜக₃ர்ஜ ச .
கர்ஷதஸ்து கரம் தே₃வீ க₂ட்₃கே₃ந நிரக்ருந்தத .. 32..

ததோ மஹாஸுரோ பூ₄யோ மாஹிஷம் வபுராஸ்தி₂த꞉ .
ததை₂வ க்ஷோப₄யாமாஸ த்ரைலோக்யம் ஸசராசரம் .. 33..

தத꞉ க்ருத்₃தா₄ ஜக₃ந்மாதா சண்டி₃கா பாநமுத்தமம் .
பபௌ புந꞉ புநஶ்சைவ ஜஹாஸாருணலோசநா .. 34..

நநர்த₃ சாஸுர꞉ ஸோ(அ)பி ப₃லவீர்யமதோ₃த்₃த₄த꞉ .
விஷாணாப்₄யாம் ச சிக்ஷேப சண்டி₃காம் ப்ரதி பூ₄த₄ராந் .. 35..

ஸா ச தாந்ப்ரஹிதாம்ஸ்தேந சூர்ணயந்தீ ஶரோத்கரை꞉ .
உவாச தம் மதோ₃த்₃தூ₄தமுக₂ராகா₃குலாக்ஷரம் .. 36..

தே₃வ்யுவாச .. 37..

க₃ர்ஜ க₃ர்ஜ க்ஷணம் மூட₄ மது₄ யாவத்பிபா₃ம்யஹம் .
மயா த்வயி ஹதே(அ)த்ரைவ க₃ர்ஜிஷ்யந்த்யாஶு தே₃வதா꞉ .. 38..

ருஷிருவாச .. 39..

ஏவமுக்த்வா ஸமுத்பத்ய ஸாரூடா₄ தம் மஹாஸுரம் .
பாதே₃நாக்ரம்ய கண்டே₂ ச ஶூலேநைநமதாட₃யத்.. 40..

தத꞉ ஸோ(அ)பி பதா₃க்ராந்தஸ்தயா நிஜமுகா₂த்தத꞉ .
அர்த₄நிஷ்க்ராந்த ஏவாஸீத்₃தே₃வ்யா வீர்யேண ஸம்வ்ருத꞉ .. 41..

அர்த₄நிஷ்க்ராந்த ஏவாஸௌ யுத்₄யமாநோ மஹாஸுர꞉ .
தயா மஹாஸிநா தே₃வ்யா ஶிரஶ்சி₂த்த்வா நிபாதித꞉ .. 42..

ததோ ஹாஹாக்ருதம் ஸர்வம் தை₃த்யஸைந்யம் நநாஶ தத் .
ப்ரஹர்ஷம் ச பரம் ஜக்₃மு꞉ ஸகலா தே₃வதாக₃ணா꞉ .. 43..

துஷ்டுவுஸ்தாம் ஸுரா தே₃வீம் ஸஹதி₃வ்யைர்மஹர்ஷிபி₄꞉ .
ஜகு₃ர்க₃ந்த₄ர்வபதயோ நந்ருதுஶ்சாப்ஸரோக₃ணா꞉ .. 44.. ..

இதி ஶ்ரீமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே மஹிஷாஸுரவதோ₄ நாம த்ருதீயோ(அ)த்₄யாய꞉ .. 3 ..

ருஷிருவாச .. 1..

ஶக்ராத₃ய꞉ ஸுரக₃ணா நிஹதே(அ)திவீர்யே
தஸ்மிந்து₃ராத்மநி ஸுராரிப₃லே ச தே₃வ்யா .
தாம் துஷ்டுவு꞉ ப்ரணதிநம்ரஶிரோத₄ராம்ஸா
வாக்₃பி₄꞉ ப்ரஹர்ஷபுலகோத்₃க₃மசாருதே₃ஹா꞉ .. 2..

தே₃வ்யா யயா ததமித₃ம் ஜக₃தா₃த்மஶக்த்யா
நி꞉ஶேஷதே₃வக₃ணஶக்த்திஸமூஹமூத்யார் .
தாமம்பி₃காமகி₂லதே₃வமஹர்ஷிபூஜ்யாம்
ப₄க்த்யா நதா꞉ ஸ்ம வித₃தா₄து ஶுபா₄நி ஸா ந꞉ .. 3..

யஸ்யா꞉ ப்ரபா₄வமதுலம் ப₄க₃வாநநந்தோ-
ப்₃ரஹ்மா ஹரஶ்ச ந ஹி வக்துமலம் ப₃லம் ச .
ஸா சண்டி₃காகி₂லஜக₃த்பரிபாலநாய
நாஶாய சாஶுப₄ப₄யஸ்ய மதிம் கரோது .. 4..

யா ஶ்ரீ꞉ ஸ்வயம் ஸுக்ருதிநாம் ப₄வநேஷ்வலக்ஷ்மீ꞉
பாபாத்மநாம் க்ருததி₄யாம் ஹ்ருத₃யேஷு பு₃த்₃தி₄꞉ .
ஶ்ரத்₃தா₄ ஸதாம் குலஜநப்ரப₄வஸ்ய லஜ்ஜா
தாம் த்வாம் நதா꞉ ஸ்ம பரிபாலய தே₃வி விஶ்வம் .. 5..

கிம் வர்ணயாம தவ ரூபமசிந்த்யமேதத்
கிஞ்சாதிவீர்யமஸுரக்ஷயகாரி பூ₄ரி .
கிம் சாஹவேஷு சரிதாநி தவாதி யாநி
ஸர்வேஷு தே₃வ்யஸுரதே₃வக₃ணாதி₃கேஷு .. 6..

ஹேது꞉ ஸமஸ்தஜக₃தாம் த்ரிகு₃ணாபி தோ₃ஷை-
ர்ந ஜ்ஞாயஸே ஹரிஹராதி₃பி₄ரப்யபாரா .
ஸர்வாஶ்ரயாகி₂லமித₃ம் ஜக₃த₃ம்ஶபூ₄த-
மவ்யாக்ருதா ஹி பரமா ப்ரக்ருதிஸ்த்வமாத்₃யா .. 7..

யஸ்யா꞉ ஸமஸ்தஸுரதா ஸமுதீ₃ரணேந
த்ருப்திம் ப்ரயாதி ஸகலேஷு மகே₂ஷு தே₃வி .
ஸ்வாஹாஸி வை பித்ருக₃ணஸ்ய ச த்ருப்திஹேது-
ருச்சார்யஸே த்வமத ஏவ ஜநை꞉ ஸ்வதா₄ ச .. 8..

யா முக்த்திஹேதுரவிசிந்த்யமஹாவ்ரதா த்வ-
மப்₄யஸ்யஸே ஸுநியதேந்த்₃ரியதத்த்வஸாரை꞉ .
மோக்ஷார்தி₂பி₄ர்முநிபி₄ரஸ்தஸமஸ்ததோ₃ஷை-
ர்வித்₃யாஸி ஸா ப₄க₃வதீ பரமா ஹி தே₃வி .. 9..

ஶப்₃தா₃த்மிகா ஸுவிமலக்₃யர்ஜுஷாம் நிதா₄ந-
முத்₃கீ₃த₂ரம்யபத₃பாட₂வதாம் ச ஸாம்நாம் .
தே₃வீ த்ரயீ ப₄க₃வதீ ப₄வபா₄வநாய
வார்தா ச ஸர்வஜக₃தாம் பரமாதிர்ஹந்த்ரீ .. 10..

மேதா₄ஸி தே₃வி விதி₃தாகி₂லஶாஸ்த்ரஸாரா
து₃ர்கா₃ஸி து₃ர்க₃ப₄வஸாக₃ரநௌரஸங்கா₃ .
ஶ்ரீ꞉ கைடபா₄ரிஹ்ருத₃யைகக்ருதாதி₄வாஸா
கௌ₃ரீ த்வமேவ ஶஶிமௌலிக்ருதப்ரதிஷ்டா₂ .. 11..

ஈஷத்ஸஹாஸமமலம் பரிபூர்ணசந்த்₃ர-
பி₃ம்பா₃நுகாரி கநகோத்தமகாந்திகாந்தம் .
அத்யத்₃பு₄தம் ப்ரஹ்ருதமாத்தருஷா ததா₂பி
வக்த்ரம் விலோக்ய ஸஹஸா மஹிஷாஸுரேண .. 12..

த்₃ருஷ்ட்வா து தே₃வி குபிதம் ப்₄ருகுடீகரால-
முத்₃யச்ச₂ஶாங்கஸத்₃ருஶச்ச₂வி யந்ந ஸத்₃ய꞉ .
ப்ராணாந் முமோச மஹிஷஸ்தத₃தீவ சித்ரம்
கைர்ஜீவ்யதே ஹி குபிதாந்தகத₃ர்ஶநேந .. 13..

தே₃வி ப்ரஸீத₃ பரமா ப₄வதீ ப₄வாய
ஸத்₃யோ விநாஶயஸி கோபவதீ குலாநி .
விஜ்ஞாதமேதத₃து₄நைவ யத₃ஸ்தமேத-
ந்நீதம் ப₃லம் ஸுவிபுலம் மஹிஷாஸுரஸ்ய .. 14..

தே ஸம்மதா ஜநபதே₃ஷு த₄நாநி தேஷாம்
தேஷாம் யஶாம்ஸி ந ச ஸீத₃தி த₄ர்மவர்க₃꞉ .
த₄ந்யாஸ்த ஏவ நிப்₄ருதாத்மஜப்₄ருத்யதா₃ரா
யேஷாம் ஸதா₃ப்₄யுத₃யதா₃ ப₄வதீ ப்ரஸந்நா .. 15..

த₄ம்யார்ணி தே₃வி ஸகலாநி ஸதை₃வ கர்மா-
ண்யத்யாத்₃ருத꞉ ப்ரதிதி₃நம் ஸுக்ருதீ கரோதி .
ஸ்வர்க₃ம் ப்ரயாதி ச ததோ ப₄வதீ ப்ரஸாதா₃-
ல்லோகத்ரயே(அ)பி ப₂லதா₃ நநு தே₃வி தேந .. 16..

து₃ர்கே₃ ஸ்ம்ருதா ஹரஸி பீ₄திமஶேஷஜந்தோ꞉
ஸ்வஸ்தை₂꞉ ஸ்ம்ருதா மதிமதீவ ஶுபா₄ம் த₃தா₃ஸி .
தா₃ரித்₃ர்யது₃꞉க₂ப₄யஹாரிணி கா த்வத₃ந்யா
ஸர்வோபகாரகரணாய ஸதா₃த்₃ரர்சித்தா .. 17..

ஏபி₄ர்ஹதைர்ஜக₃து₃பைதி ஸுக₂ம் ததை₂தே
குர்வந்து நாம நரகாய சிராய பாபம் .
ஸம்க்₃ராமம்ருத்யுமதி₄க₃ம்ய தி₃வம் ப்ரயாந்து
மத்வேதி நூநமஹிதாந்விநிஹம்ஸி தே₃வி .. 18..

த்₃ருஷ்ட்வைவ கிம் ந ப₄வதீ ப்ரகரோதி ப₄ஸ்ம
ஸர்வாஸுராநரிஷு யத்ப்ரஹிணோஷி ஶஸ்த்ரம் .
லோகாந்ப்ரயாந்து ரிபவோ(அ)பி ஹி ஶஸ்த்ரபூதா
இத்த₂ம் மதிர்ப₄வதி தேஷ்வபி தே(அ)திஸாத்₄வீ .. 19..

க₂ட்₃க₃ப்ரபா₄நிகரவிஸ்பு₂ரணைஸ்ததோ₂க்₃ரை꞉
ஶூலாக்₃ரகாந்திநிவஹேந த்₃ருஶோ(அ)ஸுராணாம் .
யந்நாக₃தா விலயமம்ஶுமதி₃ந்து₃க₂ண்ட₃-
யோக்₃யாநநம் தவ விலோகயதாம் ததே₃தத் .. 20..

து₃ர்வ்ருத்தவ்ருத்தஶமநம் தவ தே₃வி ஶீலம்
ரூபம் ததை₂தத₃விசிந்த்யமதுல்யமந்யை꞉ .
வீர்யம் ச ஹந்த்ரு ஹ்ருததே₃வபராக்ரமாணாம்
வைரிஷ்வபி ப்ரகடிதைவ த₃யா த்வயேத்த₂ம் .. 21..

கேநோபமா ப₄வது தே(அ)ஸ்ய பராக்ரமஸ்ய
ரூபம் ச ஶத்ருப₄யகார்யதிஹாரி குத்ர .
சித்தே க்ருபா ஸமரநிஷ்டு₂ரதா ச த்₃ருஷ்டா
த்வய்யேவ தே₃வி வரதே₃ பு₄வநத்ரயே(அ)பி .. 22..

த்ரைலோக்யமேதத₃கி₂லம் ரிபுநாஶநேந
த்ராதம் த்வயா ஸமரமூர்த₄நி தே(அ)பி ஹத்வா .
நீதா தி₃வம் ரிபுக₃ணா ப₄யமப்யபாஸ்தம-
ஸ்மாகமுந்மத₃ஸுராரிப₄வம் நமஸ்தே .. 23..

ஶூலேந பாஹி நோ தே₃வி பாஹி க₂ட்₃கே₃ந சாம்பி₃கே .
க₄ண்டாஸ்வநேந ந꞉ பாஹி சாபஜ்யாநிஸ்ஸ்வநேந ச .. 24..

ப்ராச்யாம் ரக்ஷ ப்ரதீச்யாம் ச சண்டி₃கே ரக்ஷ த₃க்ஷிணே .
ப்₄ராமணேநாத்மஶூலஸ்ய உத்தரஸ்யாம் ததே₂ஶ்வரி .. 25..

ஸௌம்யாநி யாநி ரூபாணி த்ரைலோக்யே விசரந்தி தே .
யாநி சாத்யந்தகோ₄ராணி தை ரக்ஷாஸ்மாம்ஸ்ததா₂ பு₄வம் .. 26..

க₂ட்₃க₃ஶூலக₃தா₃தீ₃நி யாநி சாஸ்த்ராநி தே(அ)ம்பி₃கே .
கரபல்லவஸங்கீ₃நி தைரஸ்மாந்ரக்ஷ ஸர்வத꞉ .. 27..

ருஷிருவாச .. 28..

ஏவம் ஸ்துதா ஸுரைர்தி₃வ்யை꞉ குஸுமைர்நந்த₃நோத்₃ப₄வை꞉ .
அர்சிதா ஜக₃தாம் தா₄த்ரீ ததா₂ க₃ந்தா₄நுலேபநை꞉ .. 29..

ப₄க்த்யா ஸமஸ்தைஸ்த்ரித₃ஶைர்தி₃வ்யைர்தூ₄பை꞉ ஸுதூ₄பிதா .
ப்ராஹ ப்ரஸாத₃ஸுமுகீ₂ ஸமஸ்தாந் ப்ரணதாந் ஸுராந் .. 30..

தே₃வ்யுவாச .. 31..

வ்ரியதாம் த்ரித₃ஶா꞉ ஸர்வே யத₃ஸ்மத்தோ(அ)பி₄வாஞ்சி₂தம் .. 32..

தே₃வா உசு꞉ .. 33..

ப₄க₃வத்யா க்ருதம் ஸர்வம் ந கிஞ்சித₃வஶிஷ்யதே .. 34..

யத₃யம் நிஹத꞉ ஶத்ருரஸ்மாகம் மஹிஷாஸுர꞉ .
யதி₃ சாபி வரோ தே₃யஸ்த்வயா(அ)ஸ்மாகம் மஹேஶ்வரி .. 35..

ஸம்ஸ்ம்ருதா ஸம்ஸ்ம்ருதா த்வம் நோ ஹிம்ஸேதா₂꞉ பரமாபத₃꞉ .
யஶ்ச மத்யர்꞉ ஸ்தவைரேபி₄ஸ்த்வாம் ஸ்தோஷ்யத்யமலாநநே .. 36..

தஸ்ய வித்தத்₃தி₄ர்விப₄வைர்த₄நதா₃ராதி₃ஸம்பதா₃ம் .
வ்ருத்₃த₄யே(அ)ஸ்மத்ப்ரஸந்நா த்வம் ப₄வேதா₂꞉ ஸர்வதா₃ம்பி₃கே .. 37..

ருஷிருவாச .. 38..

இதி ப்ரஸாதி₃தா தே₃வைர்ஜக₃தோ(அ)ர்தே₂ ததா₂த்மந꞉ .
ததே₂த்யுக்த்வா ப₄த்₃ரகாலீ ப₃பூ₄வாந்தர்ஹிதா ந்ருப .. 39..

இத்யேதத்கதி₂தம் பூ₄ப ஸம்பூ₄தா ஸா யதா₂ புரா .
தே₃வீ தே₃வஶரீரேப்₄யோ ஜக₃த்த்ரயஹிதைஷிணீ .. 40..

புநஶ்ச கௌ₃ரீதே₃ஹா ஸா ஸமுத்₃பூ₄தா யதா₂ப₄வத் .
வதா₄ய து₃ஷ்டதை₃த்யாநாம் ததா₂ ஶும்ப₄நிஶும்ப₄யோ꞉ .. 41..

ரக்ஷணாய ச லோகாநாம் தே₃வாநாமுபகாரிணீ .
தச்ச்₂ருணுஷ்வ மயாக்₂யாதம் யதா₂வத்கத₂யாமி தே .. 42.. ..

இதி ஶ்ரீமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே ஶக்ராதி₃ஸ்துதிர்நாம சதுர்தோ₂(அ)த்₄யாய꞉ .. 4 ..

அத₂ உத்தமசரிதம்
🌸 அத₂ த்₄யாநம் 🌸
க₄ண்டாஶூலஹலாநி ஶங்க₂முஸலே சக்ரம் த₄நு꞉
ஸாயகம் ஹஸ்தாப்₃ஜைர்த₃த₄தீம் க₄நாந்தவிலஸச்சீ₂தாம்ஶுதுல்யப்ரபா₄ம் .
கௌ₃ரீதே₃ஹஸமுத்₃ப₄வாம் த்ரிஜக₃தாமாதா₄ரபூ₄தாம் மஹா-
பூர்வாமத்ரஸரஸ்வதீமநுப₄ஜே ஶும்பா₄தி₃தை₃த்யார்தி₃நீம் ..

ௐ ருஷிருவாச .. 1..

புரா ஶும்ப₄நிஶும்பா₄ப்₄யாமஸுராப்₄யாம் ஶசீபதே꞉ .
த்ரைலோக்யம் யஜ்ஞபா₄கா₃ஶ்ச ஹ்ருதா மத₃ப₃லாஶ்ரயாத் .. 2..

தாவேவ ஸூர்யதாம் தத்₃வத₃தி₄காரம் ததை₂ந்த₃வம் .
கௌபே₃ரமத₂ யாம்யம் ச சக்ராதே வருணஸ்ய ச .. 3..

தாவேவ பவநர்த்₃தி₄ம் ச சக்ரதுர்வஹ்நிகர்ம ச .
ததோ தே₃வா விநிர்தூ₄தா ப்₄ரஷ்டராஜ்யா꞉ பராஜிதா꞉ .. 4..

ஹ்ருதாதி₄காராஸ்த்ரித₃ஶாஸ்தாப்₄யாம் ஸர்வே நிராக்ருதா꞉ .
மஹாஸுராப்₄யாம் தாம் தே₃வீம் ஸம்ஸ்மரந்த்யபராஜிதாம் .. 5..

தயாஸ்மாகம் வரோ த₃த்தோ யதா₂பத்ஸு ஸ்ம்ருதாகி₂லா꞉ .
ப₄வதாம் நாஶயிஷ்யாமி தத்க்ஷணாத்பரமாபத₃꞉ .. 6..

இதி க்ருத்வா மதிம் தே₃வா ஹிமவந்தம் நகே₃ஶ்வரம் .
ஜக்₃முஸ்தத்ர ததோ தே₃வீம் விஷ்ணுமாயாம் ப்ரதுஷ்டுவு꞉ .. 7..

தே₃வா ஊசு꞉ .. 8..

நம꞉ ப்ரக்ருத்யை ப₄த்₃ராயை நியதா꞉ ப்ரணதா꞉ ஸ்ம தாம் .. 9..

1. ரௌத்₃ராயை நமோ நித்யாயை கௌ₃ர்யை தா₄த்ர்யை நமோ நம꞉ .
2. ஜ்யோத்ஸ்நாயை சேந்து₃ரூபிண்யை ஸுகா₂யை ஸததம் நம꞉ .
3. கல்யாண்யை ப்ரணதா வ்ருத்₃த்₄யை ஸித்₃த்₄யை குர்மோ நமோ நம꞉ .
4. நைருத்யை பூ₄ப்₄ருதாம் லக்ஷ்மை ஶர்வாண்யை தே நமோ நம꞉ .

து₃ர்கா₃யை து₃ர்க₃பாராயை ஸாராயை ஸர்வகாரிண்யை .

1. க்₂யாத்யை ததை₂வ க்ருஷ்ணாயை தூ₄ம்ராயை ஸததம் நம꞉ .
2. அதிஸௌம்யாதிரௌத்₃ராயை நதாஸ்தஸ்யை நமோ நம꞉ .
3. நமோ ஜக₃த்ப்ரதிஷ்டாயை தே₃வ்யை க்ருத்யை நமோ நம꞉ .

யா தே₃வீ ஸர்வபூ₄தேஷு விஷ்ணுமாயேதி ஶப்₃தி₃தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 14-16..

யா தே₃வீ ஸர்வபூ₄தேஷு சேதநேத்யபி₄தீ₄யதே .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 17-19..

யா தே₃வீ ஸர்வபூ₄தேஷு பு₃த்₃தி₄ரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 20-22..

யா தே₃வீ ஸர்வபூ₄தேஷு நித்₃ராரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 23-25..

யா தே₃வீ ஸர்வபூ₄தேஷு க்ஷுதா₄ரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 26-28..

யா தே₃வீ ஸர்வபூ₄தேஷு சா₂யாரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 29-31..

யா தே₃வீ ஸர்வபூ₄தேஷு ஶக்திரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 32-34..

யா தே₃வீ ஸர்வபூ₄தேஷு த்ருஷ்ணாரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 35-37..

யா தே₃வீ ஸர்வபூ₄தேஷு க்ஷாந்திரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 38-40..

யா தே₃வீ ஸர்வபூ₄தேஷு ஜாதிரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 41-43..

யா தே₃வீ ஸர்வபூ₄தேஷு லஜ்ஜாரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 44-46..

யா தே₃வீ ஸர்வபூ₄தேஷு ஶாந்திரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 47-49..

யா தே₃வீ ஸர்வபூ₄தேஷு ஶ்ரத்₃தா₄ரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 50-52..

யா தே₃வீ ஸர்வபூ₄தேஷு காந்திரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 53-55..

யா தே₃வீ ஸர்வபூ₄தேஷு லக்ஷ்மீரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 56-58..

யா தே₃வீ ஸர்வபூ₄தேஷு வ்ருத்திரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 59-61..

யா தே₃வீ ஸர்வபூ₄தேஷு ஸ்ம்ருதிரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 62-64..

யா தே₃வீ ஸர்வபூ₄தேஷு த₃யாரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 65-67..

யா தே₃வீ ஸர்வபூ₄தேஷு துஷ்டிரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 68-70..

யா தே₃வீ ஸர்வபூ₄தேஷு மாத்ருரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 71-73..

யா தே₃வீ ஸர்வபூ₄தேஷு ப்₄ராந்திரூபேண ஸம்ஸ்தி₂தா .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 74-76..

இந்த்₃ரியாணாமதி₄ஷ்டா₂த்ரீ பூ₄தாநாஞ்சாகி₂லேஷு யா .

சிதிரூபேண யா க்ருத்ஸ்நமேதத்₃வ்யாப்ய ஸ்தி₂தா ஜக₃த் .
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ .. 78-80..

ஸ்துதா ஸுரை꞉ பூர்வமபீ₄ஷ்டஸம்ஶ்ரயா-
த்ததா₂ ஸுரேந்த்₃ரேண தி₃நேஷு ஸேவிதா .
கரோது ஸா ந꞉ ஶுப₄ஹேதுரீஶ்வரீ
ஶுபா₄நி ப₄த்₃ராண்யபி₄ஹந்து சாபத₃꞉ .. 81..

யா ஸாம்ப்ரதம் சோத்₃த₄ததை₃த்யதாபிதை-
ரஸ்மாபி₄ரீஶா ச ஸுரைர்நமஸ்யதே .
யா ச ஸ்ம்ருதா தத்க்ஷணமேவ ஹந்தி ந꞉
ஸர்வாபதோ₃ ப₄க்த்திவிநம்ரமூர்திபி₄꞉ .. 82..

ருஷிருவாச .. 83..

ஏவம் ஸ்தவாதி₃யுக்த்தாநாம் தே₃வாநாம் தத்ர பார்வதீ .
ஸ்நாதுமப்₄யாயயௌ தோயே ஜாஹ்நவ்யா ந்ருபநந்த₃ந .. 84..

ஸாப்₃ரவீத்தாந் ஸுராந் ஸுப்₄ரூர்ப₄வத்₃பி₄꞉ ஸ்தூயதே(அ)த்ர கா .
ஶரீரகோஶதஶ்சாஸ்யா꞉ ஸமுத்₃பூ₄தா(அ)ப்₃ரவீச்சி₂வா .. 85..

ஸ்தோத்ரம் மமைதத்க்ரியதே ஶும்ப₄தை₃த்யநிராக்ருதை꞉ .
தே₃வை꞉ ஸமேதை꞉ ஸமரே நிஶும்பே₄ந பராஜிதை꞉ .. 86..

ஶரீரகோஶாத்₃யத்தஸ்யா꞉ பார்வத்யா நி꞉ஸ்ருதாம்பி₃கா .
கௌஶிகீதி ஸமஸ்தேஷு ததோ லோகேஷு கீ₃யதே .. 87..

தஸ்யாம் விநிர்க₃தாயாம் து க்ருஷ்ணாபூ₄த்ஸாபி பார்வதீ .
காலிகேதி ஸமாக்₂யாதா ஹிமாசலக்ருதாஶ்ரயா .. 88..

ததோ(அ)ம்பி₃காம் பரம் ரூபம் பி₃ப்₄ராணாம் ஸுமநோஹரம் .
த₃த₃ர்ஶ சண்டோ₃ முண்ட₃ஶ்வ ப்₄ருத்யௌ ஶும்ப₄நிஶும்ப₄யோ꞉ .. 89..

தாப்₄யாம் ஶும்பா₄ப சாக்₂யாதா ஸாதீவ ஸுமநோஹரா .
காப்யாஸ்தே ஸ்த்ரீ மஹாராஜ பா₄ஸயந்தீ ஹிமாசலம் .. 90..

நைவ தாத்₃ருக் க்வசித்₃ரூபம் த்₃ருஷ்டம் கேநசிது₃த்தமம் .
ஜ்ஞாயதாம் காப்யஸௌ தே₃வீ க்₃ருஹ்யதாம் சாஸுரேஶ்வர .. 91..

ஸ்த்ரீரத்நமதிசார்வங்கீ₃ த்₃யோதயந்தீ தி₃ஶாஸ்த்விஷா
ஸா து திஷ்ட₂தி தை₃த்யேந்த்₃ர தாம் ப₄வாந் த்₃ரஷ்டுமர்ஹதி .. 92..

யாநி ரத்நாநி மணயோ க₃ஜாஶ்வாதீ₃நி வை ப்ரபோ₄ .
த்ரைலோக்யே து ஸமஸ்தாநி ஸாம்ப்ரதம் பா₄ந்தி தே க்₃ருஹே ..

ஐராவத꞉ ஸமாநீதோ க₃ஜரத்நம் புரந்த₃ராத் .
பாரிஜாததருஶ்சாயம் ததை₂வோச்சை꞉ஶ்ரவா ஹய꞉ .. 94..

விமாநம் ஹம்ஸஸம்யுக்த்தமேதத்திஷ்ட₂தி தே(அ)ங்க₃ணே .
ரத்நபூ₄தமிஹாநீதம் யதா₃ஸீத்₃வேத₄ஸோ(அ)த்₃பு₄தம் .. 95

நிதி₄ரேஷ மஹாபத்₃ம꞉ ஸமாநீதோ த₄நேஶ்வராத் .
கிஞ்ஜல்கிநீம் த₃தௌ₃ சாப்₃தி₄ர்மாலாமம்லாநபங்கஜாம் .. 96..

ச₂த்ரம் தே வாரூணம் கே₃ஹே காஞ்சநஸ்நாவி திஷ்ட₂தி .
ததா₂(அ)யம் ஸ்யந்த₃நவரோ ய꞉ புராஸீத்ப்ரஜாபதே꞉ .. 97..

ம்ருத்யோருத்க்ராந்திதா₃ நாம ஶக்த்திரீஶ த்வயா ஹ்ருதா .
பாஶ꞉ ஸலிலராஜஸ்ய ப்₄ராதுஸ்தவ பரிக்₃ரஹே .. 98..

நிஶும்ப₄ஸ்யாப்₃தி₄ஜாதாஶ்ச ஸமஸ்தா ரத்நஜாதய꞉ .
வஹ்நிஶ்சாபி த₃தௌ₃ துப்₄யமக்₃நிஶௌசே ச வாஸஸீ .. 99..

ஏவம் தை₃த்யேந்த்₃ர ரத்நாநி ஸமஸ்தாந்யாஹ்ருதாநி தே .
ஸ்த்ரீரத்நமேஷா கல்யாணீ த்வயா கஸ்மாந்ந க்₃ருஹ்யதே .. 100..

ருஷிருவாச .. 101..

நிஶம்யேதி வச꞉ ஶும்ப₄꞉ ஸ ததா₃ சண்ட₃முண்ட₃யோ꞉ .
ப்ரேஷயாமாஸ ஸுக்₃ரீவம் தூ₃தம் தே₃வ்யா மஹாஸுரம் .. 102..

இதி சேதி ச வக்த்தவ்யா ஸா க₃த்வா வசநாந்மம .
யதா₂ சாப்₄யேதி ஸம்ப்ரீத்யா ததா₂ கார்யம் த்வயா லகு₄ .. 103..

ஸ தத்ர க₃த்வா யத்ராஸ்தே ஶைலோத்₃தே₃ஶோ(அ)திஶோப₄நே .
ஸா தே₃வீ தம் தத꞉ ப்ராஹ ஶ்லக்ஷ்ணம் மது₄ரயா கி₃ரா .. 104..

தூ₃த உவாச .. 105

தே₃வி தை₃த்யேஶ்வர꞉ ஶும்ப₄ஸ்த்ரைலோக்யே பரமேஶ்வர꞉ .
தூ₃தோ(அ)ஹம் ப்ரேஷிதஸ்தேந த்வத்ஸகாஶமிஹாக₃த꞉ .. 106..

அவ்யாஹதாஜ்ஞ꞉ ஸர்வாஸு ய꞉ ஸதா₃ தே₃வயோநிஷு .
நிர்ஜிதாகி₂லதை₃த்யாரி꞉ ஸ யதா₃ஹ ஶ்ருணுஷ்வ தத் .. 107

மம த்ரைலோக்யமகி₂லம் மம தே₃வா வஶாநுகா₃꞉ .
யஜ்ஞபா₄கா₃நஹம் ஸர்வாநுபாஶ்நாமி ப்ருத₂க் ப்ருத₂க் .. 108..

த்ரைலோக்யே வரரத்நாநி மம வஶ்யாந்யஶோஷத꞉ .
ததை₂வ க₃ஜரத்நம் ச ஹ்ருதம் தே₃வேந்த்₃ரவாஹநம் .. 109..

க்ஷீரோத₃மத₂நோத்₃பூ₄தமஶ்வரத்நம் மமாமரை꞉ .
உச்சை꞉ஶ்ரவஸஸம்ஜ்ஞம் தத்ப்ரணிபத்ய ஸமர்பிதம் .. 110..

யாநி சாந்யாநி தே₃வேஷு க₃ந்த₄ர்வேஷூரகே₃ஷு ச .
ரத்நபூ₄தாநி பூ₄தாநி தாநி மய்யேவ ஶோப₄நே .. 111..

ஸ்த்ரீரத்நபூ₄தாம் த்வாம் தே₃வி லோகே மந்யாமஹே வயம் .
ஸா த்வமஸ்மாநுபாக₃ச்ச₂ யதோ ரத்நபு₄ஜோ வயம் .. 112..

மாம் வா மமாநுஜம் வாபி நிஶும்ப₄முருவிக்ரமம் .
ப₄ஜ த்வம் சஞ்சலாபாங்கி₃ ரத்நபூ₄தாஸி வை யத꞉ .. 113..

பரமைஶ்வர்யமதுலம் ப்ராப்ஸ்யஸே மத்பரிக்₃ரஹாத் .
ஏதத்₃பு₃த்₃த்₄யா ஸமாலோச்ய மத்பரிக்₃ரஹதாம் வ்ரஜ .. 114..

ருஷிருவாச .. 115..

இத்யுக்த்தா ஸா ததா₃ தே₃வீ க₃ம்பீ₄ராந்த꞉ஸ்மிதா ஜகௌ₃ .
து₃ர்கா₃ ப₄க₃வதீ ப₄த்₃ரா யயேத₃ம் தா₄ர்யதே ஜக₃த் .. 116..

தே₃வ்யுவாச .. 117..

ஸத்யமுக்த்தம் த்வயா நாத்ர மித்₂யா கிஞ்சித்வயோதி₃தம்
த்ரைலோக்யாதி₄பதி꞉ ஶும்போ₄ நிஶும்ப₄ஶ்சாபி தாத்₃ருஶ꞉ .. 118..

கிம் த்வத்ர யத்பரிஜ்ஞாதம் மித்₂யா தத்க்ரியதே கத₂ம் .
ஶ்ரூயதாமல்பவுத்₃தி₄த்வாத்ப்ரதிஜ்ஞா யா க்ருதா புரா .. 119..

யோ மாம் ஜயதி ஸங்க்₃ராமே யோ மே த₃ர்பம் வ்யபோஹதி .
யோ மே ப்ரதிப₃லோ லோகே ஸ மே ப₄ர்தா ப₄விஷ்யதி .. 120..

ததா₃க₃ச்ச₂து ஶும்போ₄(அ)த்ர நிஶும்போ₄ வா மஹாஸுர꞉ .
மாம் ஜித்வா கிம் சிரேணாத்ர பாணிம் க்₃ருஹ்ணாது மே லகு₄ .. 121..

தூ₃த உவாச .. 122..

அவலிப்தாஸி மைவம் த்வம் தே₃வி ப்₃ரூஹி மமாக்₃ரத꞉ .
த்ரைலோக்யே க꞉ புமாம்ஸ்திஷ்டே₂த₃க்₃ரே ஶும்ப₄நிஶும்ப₄யோ꞉ .. 123..

அந்யேஷாமபி தை₃த்யாநாம் ஸர்வே தே₃வா ந வை யுதி₄ .
திஷ்ட₂ந்தி ஸம்முகே₂ தே₃வி கிம் புந꞉ ஸ்த்ரீ த்வமேகிகா .. 124..

இந்த்₃ராத்₃யா꞉ ஸகலா தே₃வாஸ்தஸ்து₂ர்யேஷாம் ந ஸம்யுகே₃ .
ஶும்பா₄தீ₃நாம் கத₂ம் தேஷாம் ஸ்த்ரீ ப்ரயாஸ்யஸி ஸம்முக₂ம் .. 125..

ஸா த்வம் க₃ச்ச₂ மயைவோக்த்தா பார்ஶ்வம் ஶும்ப₄நிஶும்ப₄யோ꞉ .
கேஶாகர்ஷணநிர்தூ₄தகௌ₃ரவா மா க₃மிஷ்யஸி .. 126..

தே₃வ்யுவாச .. 127..

ஏவமேதத்₃ ப₃லீ ஶும்போ₄ நிஶும்ப₄ஶ்சாதிர்வீர்யவாந் .
கிம் கரோமி ப்ரதிஜ்ஞா மே யத₃நாலோசிதா புரா .. 128..

ஸ த்வம் க₃ச்ச₂ மயோக்த்தம் தே யதே₃தத்ஸர்வமாத்₃ருத꞉ .
ததா₃சக்ஷ்வாஸுரேந்த்₃ராய ஸ ச யுக்த்தம் கரோது யத் .. 129..

இதி ஶ்ரீமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே தே₃வ்யா தூ₃தஸம்வாதோ₃ நாம பஞ்சமோ(அ)த்₄யாய꞉ .. 5 ..

ருஷிருவாச .. 1..

இத்யாகர்ண்ய வசோ தே₃வ்யா꞉ ஸ தூ₃தோ(அ)மர்ஷபூரித꞉ .
ஸமாசஷ்ட ஸமாக₃ம்ய தை₃த்யராஜாய விஸ்தராத் .. 2..

தஸ்ய தூ₃தஸ்ய தத்₃வாக்யமாகர்ண்யாஸுரராட் தத꞉ .
ஸக்ரோத₄꞉ ப்ராஹ தை₃த்யாநாமதி₄பம் தூ₄ம்ரலோசநம் .. 3..

ஹே தூ₄ம்ரலோசநாஶு த்வம் ஸ்வஸைந்யபரிவாரதி꞉ .
தாமாநய ப₃லாத்₃து₃ஷ்டாம் கேஶாகர்ஷணவிஹ்வலாம் .. 4..

தத்பரித்ராணத₃꞉ கஶ்சித்₃யதி₃ வோத்திஷ்ட₂தே(அ)பர꞉ .
ஸ ஹந்தவ்யோ(அ)மரோ வாபி யக்ஷோ க₃ந்த₄ர்வ ஏவ வா .. 5..

ருஷிருவாச .. 6..

தேநாஜ்ஞப்தஸ்தத꞉ ஶீக்₄ரம் ஸ தை₃த்யோ தூ₄ம்ரலோசந꞉ .
வ்ருத꞉ ஷஷ்டயா ஸஹஸ்ராணாமஸுராணாம் த்₃ருதம் யயௌ .. 7..

ஸ த்₃ருஷ்ட்வா தாம் ததோ தே₃வீம் துஹிநாசலஸம்ஸ்தி₂தாம் .
ஜகா₃தோ₃ச்சை꞉ ப்ரயாஹீதி மூலம் ஶும்ப₄நிஶும்ப₄யோ꞉ .. 8..

ந சேத்ப்ரீத்யாத்₃ய ப₄வதீ மத்₃ப₄ர்தாரமுபைஷ்யதி .
ததோ ப₃லாந்நயாம்யேஷ கேஶாகர்ஷணவிஹ்வலாம் .. 9..

தே₃வ்யுவாச .. 10..

தை₃த்யேஶ்வரேண ப்ரஹிதோ ப₃லவாந்ப₃லஸம்வ்ருத꞉ .
ப₃லாந்நயஸி மாமேவம் தத꞉ கிம் தே கரோம்யஹம் .. 11..

ருஷிருவாச .. 12..

இத்யுக்த꞉ ஸோ(அ)ப்₄யதா₄வத்தாமஸுரோ தூ₄ம்ரலோசந꞉ .
ஹுங்காரேணைவ தம் ப₄ஸ்ம ஸா சகாராம்பி₃கா தத꞉ .. 13..

அத₂ க்ருத்₃த₄ம் மஹாஸைந்யமஸுராணாம் ததா₂ம்பி₃காம் .
வவர்ஷ ஸாயகைஸ்தீக்ஷ்ணைஸ்ததா₂ ஶக்த்திபரஶ்வதை₄꞉ .. 14..

ததோ து₄தஸட꞉ கோபாத்க்ருத்வா நாத₃ம் ஸுபை₄ரவம் .
பபாதாஸுரஸேநாயாம் ஸிம்ஹோ தே₃வ்யா꞉ ஸ்வவாஹந꞉ .. 15..

காம்ஶ்சித்கரப்ரஹாரேண தை₃த்யாநாஸ்யேந சாபராந் .
ஆக்ராந்த்யா சாத₄ரேணாந்யாந் ஸ ஜகா₄ந மஹாஸுராந் .. 16..

கேஷாஞ்சித்பாடயாமாஸ நகை₂꞉ கோஷ்டா₂நி கேஸரீ .
ததா₂ தலப்ரஹாரேண ஶிராம்ஸி க்ருதவாந்ப்ருத₂க் .. 17..

விச்சி₂ந்நவாஹுஶிரஸ꞉ க்ருதாஸ்தேந ததா₂பரே .
பாபௌ ச ருதி₄ரம் கோஷ்டா₂த₃ந்யேஷாம் து₄தகேஸர꞉ .. 18..

க்ஷணேந தத்₃ப₃லம் ஸர்வம் க்ஷயம் நீதம் மஹாத்மநா .
தேந கேஸரிணா தே₃வ்யா வாஹநேநாதிகோபிநா .. 19..

ஶ்ருத்வா தமஸுரம் தே₃வ்யா நிஹதம் தூ₄ம்ரலோசநம் .
ப₃லம் ச க்ஷயிதம் க்ருத்ஸ்நம் தே₃வீகேஸரிணா தத꞉ .. 20..

சுகோப தை₃த்யாதி₄பதி꞉ ஶும்ப₄꞉ ப்ரஸ்பு₂ரிதாத₄ர꞉ .
ஆஜ்ஞாபயாமாஸ ச தௌ சண்ட₃முண்டௌ₃ மஹாஸுரௌ .. 21..

ஹே சண்ட₃ ஹே முண்ட₃ ப₃லைர்ப₃ஹுலை꞉ பரிவாரிதௌ .
தத்ர க₃ச₂தம் க₃த்வா ச ஸா ஸமாநீயதாம் லகு₄ .. 22..

கேஶேஷ்வாக்ருஷ்ய ப₃த்₃த்₄வா வா யதி₃ வ꞉ ஸம்ஶயோ யுதி₄ .
ததா₃ஶேஷாயுதை₄꞉ ஸர்வைரஸுரைர்விநிஹந்யதாம் .. 23..

தஸ்யாம் ஹதாயாம் து₃ஷ்டாயாம் ஸிம்ஹே ச விநிபாதிதே .
ஶீக்₃ரமாக₃ம்யதாம் ப₃த்₃த்₄வா க்₃ருஹீத்வா தாமதா₂ம்பி₃காம் .. 24..

இதி ஶ்ரீமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே தூ₄ம்ரலோசநவதோ₄ நாம ஷஷ்டோ₂(அ)த்₄யாய꞉

.. ருஷிருவாச .. 1..

ஆஜ்ஞப்தாஸ்தே ததோ தை₃த்யாஶ்சண்ட₃முண்ட₃புரோக₃மா꞉ .
சதுரங்க₃ப₃லோபேதா யயுரப்₄யுத்₃யதாயுதா₄꞉ .. 2..

த₃த்₃த்₃ருஶுஸ்தே ததோ தே₃வீமீஷத்₃தா₄ஸாம் வ்யவஸ்தி₂தாம் .
ஸிம்ஹஸ்யோபரி ஶைலேந்த்₃ரஶ்ருங்கே₃ மஹதி காஞ்சநே .. 3..

தே த்₃ருஷ்டா தாம் ஸமாதா₃துமுத்₃யமஞ்சக்ருருத்₃யதா꞉ .
ஆக்ருஷ்டசாபாஸித₄ராஸ்ததா₂ந்யே தத்ஸமீபகா₃꞉ .. 4..

தத꞉ கோபம் சகாரோச்சைரம்பி₃கா தாநரீந்ப்ரதி .
கோபேந சாஸ்யா வத₃நம் மஷீவர்ணமபூ₄த்ததா₃ .. 5..

ப்₄ருகுடீகுடிலாத்தஸ்யா லலாடப₂லகாத்₃த்₃ருதம் .
காலீ கராலவத₃நா விநிஷ்க்ராந்தாஸிபாஶிநீ .. 6..

விசித்ரக₂ட்வாங்க₃த₄ரா நரமாலாவிபூ₄ஷணா .
த்₃வீபிசர்மபரீதா₄நா ஶுஷ்கமாம்ஸாதிபை₄ரவா .. 7..

அதிவிஸ்தாரவத₃நா ஜிஹ்வாலலநபீ₄ஷணா .
நிமக்₃நாரக்த்தநயநா நாதா₃பூரிததி₃ங்முகா₂ .. 8..

ஸா வேகே₃நாபி₄பதிதா கா₄தயந்தீ மஹாஸுராந் .
ஸைந்யே தத்ர ஸுராரீணாமப₄க்ஷயத தத்₃ப₃லம் .. 9..

பார்ஷ்ணிக்₃ராஹாங்குஶக்₃ராஹியோத₄க₄ண்டாஸமந்விதாந் .
ஸமாதா₃யைகஹஸ்தேந முகே₂ சிக்ஷேப வாரணாந் .. 10..

ததை₂வ யோத₄ம் துரகை₃ ரத₂ம் ஸாரதி₂நா ஸஹ .
நிக்ஷிப்ய வக்த்ரே த₃ஶநைஶ்சர்வயத்யதிபை₄ரவம் .. 11..

ஏகம் ஜக்₃ராஹ கேஶேஷு க்₃ரீவாயாமத₂ சாபரம் .
பாதே₃நாக்ரம்ய சைவாந்யமுரஸாந்யமபோத₂யத் .. 12..

தைர்முக்த்தாநி ச ஶஸ்த்ராணி மஹாஸ்த்ராணி ததா₂ஸுரை꞉ .
முகே₂ந ஜக்₃ராஹ ருஷா த₃ஶநைர்மதி₂தாந்யபி .. 13..

ப₃லிநாம் தத்₃ப₃லம் ஸர்வமஸுராணாம் து₃ராத்மநாம் .
மமர்தா₃ப₄க்ஷயச்சாந்யாநந்யாம்ஶ்சாதாட₃யத்ததா₂ .. 14..

அஸிநா நிஹதா꞉ கேசித்கேசித்க₂ட்வாங்க₃தாடி₃தா꞉ .
ஜக்₃முர்விநாஶமஸுரா த₃ந்தாக்₃ராபி₄ஹதாஸ்ததா₂ .. 15..

க்ஷணேந தத்₃ப₃லம் ஸர்வமஸுராணாம் நிபாதிதம் .
த்₃ருஷ்ட்வா சண்டோ₃(அ)பி₄து₃த்₃ராவ தாம் காலீமதிபீ₄ஷணாம் .. 16..

ஶரவர்ஷைர்மஹாபீ₄மைர்பீ₄மாக்ஷீம் தாம் மஹாஸுர꞉ .
சா₂த₃யாமாஸ சக்ரைஶ்ச முண்ட₃꞉ க்ஷிப்தை꞉ ஸஹஸ்ரஶ꞉ .. 17..

தாநி சக்ராண்யநேகாநி விஶமாநாநி தந்முக₂ம் .
ப₃பு₄ர்யதா₂(அ)ர்கபி₃ம்பா₃நி ஸுப₃ஹூநி க₄நோத₃ரம் .. 18..

ததோ ஜஹாஸாதிருஷா பீ₄மம் பை₄ரவநாதி₃நீ .
காலீ கராலவக்த்ராந்தர்து₃ர்த₃ர்ஶத₃ஶநோஜ்ஜ்வலா .. 19..

உத்தா₂ய ச மஹாஸிம்ஹம் தே₃வீ சண்ட₃மதா₄வத .
க்₃ருஹீத்வா சாஸ்ய கேஶேஷு ஶிரஸ்தேநாஸிநாச்சி₂நத் .. 20..

அத₂ முண்டோ₃(அ)ப்₄யதா₄வத்தாம் த்₃ருஷ்ட்வா சண்ட₃ம் நிபாதிதம் .
தமப்யபாதயத்₃பூ₄மௌ ஸா க₂ட்₃கா₃பி₄ஹதம் ருஷா .. 21..

ஹதஶேஷம் தத꞉ ஸைந்யம் த்₃ருஷ்ட்வா சண்ட₃ம் நிபாதிதம் .
முண்ட₃ம் ச ஸுமஹாவீர்யம் தி₃ஶோ பே₄ஜே ப₄யாதுரம் .. 22 ..

ஶிரஶ்சண்ட₃ஸ்ய காலீ ச க்₃ருஹீத்வா முண்ட₃மேவ ச .
ப்ராஹ ப்ரசண்டா₃ட்டஹாஸமிஶ்ரமப்₄யேத்ய சண்டி₃காம் .. 23..

மயா தவாத்ரோபஹ்ருதௌ சண்ட₃முண்டௌ₃ மஹாபஶூ .
யுத்₃த₄யஜ்ஞே ஸ்வயம் ஶும்ப₄ம் நிஶும்ப₄ம் ச ஹநிஷ்யஸி .. 24..

ருஷிருவாச .. 25..

தாவாநீதௌ ததோ த்₃ருஷ்ட்வா சண்ட₃முண்டௌ₃ மஹாஸுரௌ .
உவாச காலீம் கல்யாணீ லலிதம் சண்டி₃கா வச꞉ .. 26..

யஸ்மாச்சண்ட₃ம் ச முண்ட₃ம் ச க்₃ருஹீத்வா த்வமுபாக₃தா .
சாமுண்டே₃தி ததோ லோகே க்₂யாதா தே₃வீ ப₄விஷ்யஸி .. 27..

இதி ஶ்ரீமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே சண்ட₃முண்ட₃வதோ₄ நாம ஸப்தமோ(அ)த்₄யாய꞉

ருஷிருவாச .. 1..

சண்டே₃ ச நிஹதே தை₃த்யே முண்டே₃ ச விநிபாதிதே .
ப₃ஹுலேஷு ச ஸைந்யேஷு க்ஷயிதேஷ்வஸுரேஶ்வர꞉ .. 2..

தத꞉ கோபபராதீ₄நசேதா꞉ ஶும்ப₄꞉ ப்ரதாபவாந் .
உத்₃யோக₃ம் ஸர்வஸைந்யாநாம் தை₃த்யாநாமாதி₃தே₃ஶ ஹ .. 3..

அத்₃ய ஸர்வப₃லைர்தை₃த்யா꞉ ஷட₃ஶீதிருதா₃யுதா₄꞉ .
கம்பூ₃நாம் சதுரஶீதிர்நிர்யாந்து ஸ்வப₃லைர்வ்ருதா꞉ .. 4..

கோடிவீர்யாணி பஞ்சாஶத₃ஸுராணாம் குலாநி வை .
ஶதம் குலாநி தௌ₄ம்ராணாம் நிர்க₃ச்ச₂ந்து மமாஜ்ஞயா .. 5..

காலகா தௌ₃ர்ஹ்ருதா₃ மௌர்யா꞉ காலிகேயாஸ்ததா₂ஸுரா꞉ .
யுத்₃தா₄ய ஸஜ்ஜா நிர்யாந்து ஆஜ்ஞயா த்வரிதா மம .. 6..

இத்யாஜ்ஞாப்யாஸுரபதி꞉ ஶும்போ₄ பை₄ரவஶாஸந꞉ .
நிர்ஜகா₃ம மஹாஸைந்யஸஹஸ்ரைர்ப₃ஹுபி₄ர்வ்ருத꞉ .. 7..

ஆயாந்தம் சண்டி₃கா த்₃ருஷ்ட்வா தத்ஸைந்யமதிபீ₄ஷணம் .
ஜ்யாஸ்வநை꞉ பூரயாமாஸ த₄ரணீக₃க₃நாந்தரம் .. 8..

தத꞉ ஸிம்ஹோ மஹாநாத₃மதீவ க்ருதவாந்ந்ருப .
க₄ண்டாஸ்வநேந தாந்நாதா₃நம்பி₃கா சோபப்₃ரும்ஹயத் .. 9..

த₄நுர்ஜ்யாஸிம்ஹக₄ண்டாநாம் நாதா₃பூரிததி₃ங்முகா₂ .
நிநாதை₃ர்பீ₄ஷணை꞉ காலீ ஜிக்₃யே விஸ்தாரிதாநநா .. 10..

தம் நிநாத₃முபஶ்ருத்ய தை₃த்யஸைந்யைஶ்சதுர்தி₃ஶம் .
தே₃வீ ஸிம்ஹஸ்ததா₂ காலீ ஸரோஷை꞉ பரிவாரிதா꞉ .. 11..

ஏதஸ்மிந்நந்தரே பூ₄ப விநாஶாய ஸுரத்₃விஷாம் .
ப₄வாயாமரஸிம்ஹாநாமதிவீர்யப₃லாந்விதா꞉ .. 12..

ப்₃ரஹ்மேஶகு₃ஹவிஷ்ணூநாம் ததே₂ந்த்₃ரஸ்ய ச ஶக்தய꞉ .
ஶரீரேப்₄யோ விநிஷ்க்ரம்ய தத்₃ரூபைஶ்சண்டி₃காம் யயு꞉ .. 13..

யஸ்ய தே₃வஸ்ய தத்₃ரூபம் யதா₂ பூ₄ஷணவாஹநம் .
தத்₃வதே₃வ ஹி தச்ச₂க்த்திரஸுராந்யோத்₃து₄மாயயௌ .. 14..

ஹம்ஸயுக்தவிமாநாக்₃ரே ஸாக்ஷஸூத்ரகமண்ட₃லு꞉ .
ஆயாதா ப்₃ரஹ்மண꞉ ஶக்திர்ப்₃ரஹ்மாணீ ஸாபி₄தீ₄யதே .. 15..

மாஹேஶ்வரீ வ்ருஷாரூடா₄ த்ரிஶூலவரதா₄ரிணீ .
மஹாஹிவலயா ப்ராப்தா சந்த்₃ரரேகா₂விபூ₄ஷணா .. 16..

கௌமாரீ ஶக்திஹஸ்தா ச மயூரவரவாஹநா .
யோத்₃து₄மப்₄யாயயௌ தை₃த்யாநம்பி₃கா கு₃ஹரூபிணீ .. 17..

ததை₂வ வைஷ்ணவீ ஶக்திர்க₃ருடோ₃பரி ஸம்ஸ்தி₂தா .
ஶங்க₂சக்ரக₃தா₃ஶார்ங்க₃க₂ட்₃க₃ஹஸ்தா(அ)ப்₄யுபாயயௌ .. 18..

யஜ்ஞவாராஹமதுலம் ரூபம் யா பி₃ப்₄ரதோ ஹரே꞉ .
ஶக்தி꞉ ஸாப்யாயயௌ தத்ர வாராஹீம் பி₃ப்₄ரதீ தநும் .. 19..

நாரஸிம்ஹீ ந்ருஸிம்ஹஸ்ய பி₃ப்₄ரதீ ஸத்₃ருஶம் வபு꞉ .
ப்ராப்தா தத்ர ஸடாக்ஷேபக்ஷிப்தநக்ஷத்ரஸம்ஹதி꞉ .. 20..

வஜ்ரஹஸ்தா ததை₂வைந்த்₃ரீ க₃ஜராஜோபரி ஸ்தி₂தா .
ப்ராப்தா ஸஹஸ்ரநயநா யதா₂ ஶக்ரஸ்ததை₂வ ஸா .. 21..

தத꞉ பரிவ்ருதஸ்தாபி₄ரீஶாநோ தே₃வஶக்திபி₄꞉ .
ஹந்யந்தாமஸுரா꞉ ஶீக்₄ரம் மம ப்ரீத்யாஹ சண்டி₃காம் .. 22..

ததோ தே₃வீஶரீராத்து விநிஷ்க்ராந்தாதிபீ₄ஷணா .
சண்டி₃கா ஶக்திரத்யுக்₃ரா ஶிவாஶதநிநாதி₃நீ .. 23..

ஸா ஜாஹ தூ₄ம்ரஜடிலமீஶாநமபராஜிதா .
தூ₃தஸ்த்வம் க₃ச்ச₂ ப₄க₃வந்பார்ஶ்வம் ஶும்ப₄நிஶும்ப₄யோ꞉ .. 24..

ப்₃ரூஹி ஶும்ப₄ம் நிஶும்ப₄ம் ச தா₃நவாவதிக₃ர்விதௌ .
யே சாந்யே தா₃நவாஸ்தத்ர யுத்₃தா₄ய ஸமுபஸ்தி₂தா꞉ .. 25..

த்ரைலோக்யமிந்த்₃ரோ லப₄தாம் தே₃வா꞉ ஸந்து ஹவிர்பு₄ஜ꞉ .
யூயம் ப்ரயாத பாதாலம் யதி₃ ஜீவிதுமிச்ச₂த₂ .. 26..

ப₃லாவலேபாத₃த₂ சேத்₃ப₄வந்தோ யுத்₃த₄காங்க்ஷிண꞉ .
ததா₃க₃ச்ச₂த த்ருப்யந்து மச்சி₂வா꞉ பிஶிதேந வ꞉ .. 27..

யதோ நியுக்தோ தௌ₃த்யேந தயா தே₃வ்யா ஶிவ꞉ ஸ்வயம் .
ஶிவதூ₃தீதி லோகே(அ)ஸ்மிம்ஸ்தத꞉ ஸா க்₂யாதிமாக₃தா .. 28..

தே(அ)பி ஶ்ருத்வா வசோ தே₃வ்யா꞉ ஶர்வாக்₂யாதம் மஹாஸுரா꞉ .
அமர்ஷாபூரிதா ஜக்₃முர்யத꞉ காத்யாயநீ ஸ்தி₂தா .. 29..

தத꞉ ப்ரத₂மமேவாக்₃ரே ஶரஶக்த்ய்ருஷ்டிவ்ருஷ்டிபி₄꞉ .
வவர்ஷுருத்₃த₄தாமர்ஷாஸ்தாம் தே₃வீமமராரய꞉ .. 30..

ஸா ச தாந் ப்ரஹிதாந் பா₃ணாஞ்சூ₂லஶக்திபரஶ்வதா₄ந் .
சிச்சே₂த₃ லீலயாத்₄மாதத₄நுர்முக்த்தைர்மஹேஷுபி₄꞉ .. 31..

தஸ்யாக்₃ரதஸ்ததா₂ காலீ ஶூலபாதவிதா₃ரிதாந் .
க₂ட்வாங்க₃போதி₂தாம்ஶ்சாரீந்குர்வம்தீ வ்யசரத்ததா₃ .. 32..

கமண்ட₃லுஜலாக்ஷேபஹதவீர்யாந் ஹதௌஜஸ꞉ .
ப்₃ரஹ்மாணீ சாகரோச்ச₂த்ரூந்யேந யேந ஸ்ம தா₄வதி .. 33..

மாஹேஶ்வரீ த்ரிஶூலேந ததா₂ சக்ரேண வைஷ்ணவீ .
தை₃த்யாஞ்ஜகா₄ந கௌமாரீ ததா₂ ஶக்த்யா(அ)திகோபநா .. 34..

ஐந்த்₃ரீ குலிஶபாதேந ஶதஶோ தை₃த்யதா₃நவா꞉ .
பேதுர்விதா₃ரிதா꞉ ப்ருத்₂வ்யாம் ருதி₄ரௌக₄ப்ரவர்ஷிண꞉ .. 35..

துண்ட₃ப்ரஹாரவித்₄வஸ்தா த₃ம்ஷ்ட்ராக்₃ரக்ஷதவக்ஷஸ꞉ .
வாராஹமூர்த்யா ந்யபதம்ஶ்சக்ரேண ச விதா₃ரிதா꞉ .. 36..

நகை₂ர்விதா₃ரிதாம்ஶ்சாந்யாந் ப₄க்ஷயந்தீ மஹாஸுராந் .
நாரஸிம்ஹீ சசாராஜௌ நாதா₃பூர்ணதி₃க₃ம்ப₃ரா .. 37..

சண்டா₃ட்டஹாஸைரஸுரா꞉ ஶிவதூ₃த்யபி₄தூ₃ஷிதா꞉ .
பேது꞉ ப்ருதி₂வ்யாம் பதிதாம்ஸ்தாம்ஶ்சகா₂தா₃த₂ ஸா ததா₃ .. 38..

இதி மாத்ருக₃ணம் க்ருத்₃த₄ம் மர்த₃யந்தம் மஹாஸுராந் .
த்₃ருஷ்ட்வா(அ)ப்₄யுபாயைர்விவிதை₄ர்நேஶுர்தே₃வாரிஸைநிகா꞉ .. 39..

பலாயநபராந்த்₃ருஷ்ட்வா தை₃த்யாந்மாத்ருக₃ணார்தி₃தாந் .
யோத்₃து₄மப்₄யாயயௌ க்ருத்₃தோ₄ ரக்தபீ₃ஜோ மஹாஸுர꞉ .. 40..

ரக்தபி₃ந்து₃ர்யதா₃ பூ₄மௌ பதத்யஸ்ய ஶரீரத꞉ .
ஸமுத்பததி மேதி₃ந்யாம் தத்ப்ரமாணஸ்ததா₃ஸுர꞉ .. 41..

யுயுதே₄ ஸ க₃தா₃பாணிரிந்த்₃ரஶக்த்யா மஹாஸுர꞉ .
ததஶ்சந்த்₃ரா ஸ்வவஜ்ரேண ரக்தபீ₃ஜமதாட₃யத் .. 42..

குலிஶேநாஹதஸ்யாஶு ப₃ஹு ஸுஸ்ராவ ஶோணிதம் .
ஸமுத்தஸ்து₂ஸ்ததோ யோதா₄ஸ்தத்₃ரூபாஸ்தத்பராக்ரமா꞉ .. 43..

யாவந்த꞉ பதிதாஸ்தஸ்ய ஶரீராத்₃ரக்தபி₃ந்த₃வ꞉ .
தாவந்த꞉ புருஷா ஜாதாஸ்தத்₃வீர்யப₃லவிக்ரமா꞉ .. 44..

தே சாபி யுயுது₄ஸ்தத்ர புருஷா ரக்தஸம்ப₄வா꞉ .
ஸமம் மாத்ருபி₄ரத்யுக்₃ரஶஸ்த்ரபாதாதிபீ₄ஷணம் .. 45..

புநஶ்ச வஜ்ரபாதேந க்ஷதமஸ்ய ஶிரோ யதா₃ .
வவாஹ ரக்தம் புருஷாஸ்ததோ ஜாதா꞉ ஸஹஸ்ரஶ꞉ .. 46..

வைஷ்ணவீ ஸமரே சைநம் சக்ரேணாபி₄ஜகா₄ந ஹ .
க₃த₃யா தாட₃யாமாஸ ஐந்த்₃ரீ தமஸுரேஶ்வரம் .. 47..

வைஷ்ணவீசக்ரபி₄ந்நஸ்ய ருதி₄ரஸ்ராவஸம்ப₄வை꞉ .
ஸஹஸ்ரஶோ ஜக₃த்₃வ்யாப்தம் தத்ப்ரமாணைர்மஹாஸுரை꞉ .. 48..

ஶக்த்யா ஜகா₄ந கௌமாரீ வாராஹீ ச ததா₂(அ)ஸிநா .
மாஹேஶ்வரீ த்ரிஶூலேந ரக்தபீ₃ஜம் மஹாஸுரம் .. 49..

ஸ சாபி க₃த₃யா தை₃த்ய꞉ ஸர்வா ஏவாஹநத் ப்ருத₂க் .
மாத்ரூ꞉ கோபஸமாவிஷ்டோ ரக்தபீ₃ஜோ மஹாஸுர꞉ .. 50..

தஸ்யாஹதஸ்ய ப₃ஹுதா₄ ஶக்திஶூலாதி₃பி₄ர்பு₄வி .
பபாத யோ வை ரக்தௌக₄ஸ்தேநாஸஞ்ச₂தஶோ(அ)ஸுரா꞉ .. 51..

தைஶ்சாஸுராஸ்ருக்ஸம்பூ₄தைரஸுரை꞉ ஸகலம் ஜக₃த் .
வ்யாப்தமாஸீத்ததோ தே₃வா ப₄யமாஜக்₃முருத்தமம் .. 52..

தாந் விஷண்ணாந் ஸுராந் த்₃ருஷ்ட்வா சண்டி₃கா ப்ராஹஸத்த்வரா .
உவாச காலீம் சாமுண்டே₃ விஸ்தீர்ணம் வத₃நம் குரு .. 53..

மச்ச₂ஸ்த்ரபாதஸம்பூ₄தாந் ரக்தபி₃ந்தூ₃ந் மஹாஸுராந் .
ரக்தபி₃ந்தோ₃꞉ ப்ரதீச்ச₂ த்வம் வக்த்ரேணாநேந வேகி₃தா .. 54..

ப₄க்ஷயந்தீ சர ரணே தது₃த்பந்நாந்மஹாஸுராந் .
ஏவமேஷ க்ஷயம் தை₃த்ய꞉ க்ஷீணரக்தோ க₃மிஷ்யதி .. 55..

ப₄க்ஷ்யமாணாஸ்த்வயா சோக்₃ரா ந சோத்பத்ஸ்யந்தி சாபரே .
இத்யுக்த்வா தாம் ததோ தே₃வீ ஶூலேநாபி₄ஜகா₄ந தம் .. 56..

முகே₂ந காலீ ஜக்₃ருஹே ரக்தபீ₃ஜஸ்ய ஶோணிதம் .
ததோ(அ)ஸாவாஜகா₄நாத₂ க₃த₃யா தத்ர சண்டி₃காம் .. 57..

ந சாஸ்யா வேத₃நாம் சக்ரே க₃தா₃பாதோ(அ)ல்பிகாமபி .
தஸ்யாஹதஸ்ய தே₃ஹாத்து ப₃ஹு ஸுஸ்ராவ ஶோணிதம் .. 58..

யதஸ்ததஸ்தத்₃வக்ரேண சாமுண்டா₃ ஸம்ப்ரதீச்ச₂தி .
முகே₂ ஸமுத்₃க₃தா யே(அ)ஸ்யா ரக்தபாதாந்மஹாஸுரா꞉ .. 59..

தாம்ஶ்சகா₂தா₃த₂ சாமுண்டா₃ பபௌ தஸ்ய ச ஶோணிதம் .. 60..

தே₃வீ ஶூலேந வஜ்ரேண பா₃ணைரஸிபி₄ர்ருஷ்டிபி₄꞉ .
ஜகா₄ந ரக்தபீ₃ஜம் தம் சாமுண்டா₃பீதஶோணிதம் .. 61..

ஸ பபாத மஹீப்ரிஷ்டே₂ ஶஸ்த்ரஸங்க₄ஸமாஹத꞉ .
நீரக்தஶ்ச மஹீபால ரக்தபீ₃ஜோ மஹாஸுர꞉ .. 62..

ததஸ்தே ஹர்ஷமதுலமவாபுஸ்த்ரித₃ஶா ந்ருப .
தேஷாம் மாத்ருக₃ணோ ஜாதோ நநர்தாஸ்ருங்மதோ₃த்₃த₄த꞉ .. 63..

இதி ஶ்ரீமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே ரக்தபீ₃ஜவதோ₄ நாம அஷ்டமோ(அ)த்₄யாய꞉

ராஜோவாச .. 1..

விசித்ரமித₃மார்க்₂யாதம் ப₄க₃வந் ப₄வதா மம .
தே₃வ்யாஶ்சரிதமாஹாத்ம்யம் ரக்தபீ₃ஜவதா₄ஶ்ரிதம் .. 2..

பூ₄யஶ்சேச்சா₂ம்யஹம் ஶ்ரோதும் ரக்தபீ₃ஜே நிபாதிதே .
சகார ஶும்போ₄ யத்கர்ம நிஶும்ப₄ஶ்சாதிகோபந꞉ .. 3..

ருஷிருவாச .. 4..

சகார கோபமதுலம் ரக்தபீ₃ஜே நிபாதிதே .
ஶும்பா₄ஸுரோ நிஶும்ப₄ஶ்ச ஹதேஷ்வந்யேஷு சாஹவே .. 5..

ஹந்யமாநம் மஹாஸைந்யம் விலோக்யாமர்ஷமுத்₃வஹந் .
அப்₄யதா₄வந்நிஶும்போ₄(அ)த₂ முரவ்யயாஸுரஸேநயா .. 6..

தஸ்யாக்₃ரதஸ்ததா₂ ப்ருஷ்டே₂ பார்ஶ்வயோஶ்ச மஹாஸுரா꞉ .
ஸந்த₃ஷ்டௌஷ்ட₂புடா꞉ க்ருத்₃தா₄ ஹந்தும் தே₃வீமுபாயயு꞉ .. 7..

ஆஜகா₃ம மஹாவீர்ய꞉ ஶும்போ₄(அ)பி ஸ்வப₃லைர்வ்ருத꞉ .
நிஹந்தும் சண்டி₃காம் கோபாத்க்ருத்வா யுத்₃த₄ம் து மாத்ருபி₄꞉ .. 8..

ததோ யுத்₃த₄மதீவாஸீத்₃தே₃வ்யா ஶும்ப₄நிஶும்ப₄யோ꞉ .
ஶரவர்ஷமதீவோக்₃ரம் மேக₄யோரிவ வர்ஷதோ꞉ .. 9..

சிச்சே₂தா₃ஸ்தாஞ்ச₂ராம்ஸ்தாப்₄யாம் சண்டி₃கா ஸ்வஶரோத்கரை꞉ .
தாட₃யாமாஸ சாங்கே₃ஷு ஶஸ்த்ரௌகை₄ரஸுரேஶ்வரௌ .. 10..

நிஶும்போ₄ நிஶிதம் க₂ட்₃க₃ம் சர்ம சாதா₃ய ஸுப்ரப₄ம் .
அதாட₃யந்மூர்க்₄நி ஸிம்ஹம் தே₃வ்யா வாஹநமுத்தமம் .. 11..

தாடி₃தே வாஹநே தே₃வீ க்ஷுரப்ரேணாஸிமுத்தமம் .
நிஶும்ப₄ஸ்யாஶு சிச்சே₂த₃ சர்ம சாப்யஷ்டசந்த்₃ரகம் .. 12..

சி₂ந்நே சர்மணி க₂ட்₃கே₃ ச ஶக்த்திம் சிக்ஷேப ஸோ(அ)ஸுர꞉ .
தாமப்யஸ்ய த்₃விதா₄ சக்ரே சக்ரேணாபி₄முகா₂க₃தாம் .. 13..

கோபாத்₄மாதோ நிஶும்போ₄(அ)த₂ ஶூலம் ஜக்₃ராஹ தா₃நவ꞉ .
ஆயாந்தம் முஷ்டிபாதேந தே₃வீ தச்சாப்யசூர்ணயத் .. 14..

ஆவித்₃த₄யாத₂ க₃தா₃ம் ஸோ(அ)பி சிக்ஷேப சண்டி₃காம் ப்ரதி .
ஸாபி தே₃வ்யா த்ரிஶூலேந பி₄ந்நா ப₄ஸ்மத்வமாக₃தா .. 15..

தத꞉ பரஶுஹஸ்தம் தமாயாந்தம் தை₃த்யபுங்க₃வம் .
ஆஹஸ்ய தே₃வீ பா₃ணௌகை₄ரபாதயத பூ₄தலே .. 16..

தஸ்மிந்நிபதிதே பூ₄மௌ நிஶும்பே₄ பீ₄மவிக்ரமே .
ப்₄ராதர்யதீவ ஸம்க்ருத்₃த₄꞉ ப்ரயயௌ ஹந்துமம்பி₃காம் .. 17..

ஸ ரத₂ஸ்த₂ஸ்ததா₂த்யுச்சைர்க்₃ருஹீதபரமாயுதை₄꞉ .
பு₄ஜைரஷ்டாபி₄ரதுலைர்வ்யாப்யாஶேஷம் வபௌ₄ நப₄꞉ .. 18..

தமாயாந்தம் ஸமாலோக்ய தே₃வீ ஶங்க₂மவாத₃யத் .
ஜ்யாஶப்₃த₃ம் சாபி த₄நுஷஶ்சகாராதீவ து₃꞉ஸஹம் .. 19..

பூரயாமாஸ ககுபோ₄ நிஜக₄ண்டாஸ்வநேந ச .
ஸமஸ்ததை₃த்யஸைந்யாநாம் தேஜோவத₄விதா₄யிநா .. 20.
. தத꞉ ஸிம்ஹோ மஹாநாதை₃ஸ்த்யாஜிதேப₄மஹாமதை₃꞉ .
பூரயாமாஸ க₃க₃நம் கா₃ம் ததோ₂பதி₃ஶோ த₃ஶ .. 21..

தத꞉ காலீ ஸமுத்பத்ய க₃க₃நம் க்ஷமாமதாட₃யத் .
கராப்₄யாம் தந்நிநாதே₃ந ப்ராக்ஸ்வநாஸ்தே திரோஹிதா꞉ .. 22..

அட்டாட்டஹாஸமஶிவம் ஶிவதூ₃தீ சகார ஹ .
தை꞉ ஶப்₃தை₃ரஸுராஸ்த்ரேஸு꞉ ஶும்ப₄꞉ கோபம் பரம் யயௌ .. 23..

து₃ராத்மம்ஸ்திஷ்ட₂ திஷ்டே₂தி வ்யாஜஹாராம்பி₃கா யதா₃ .
ததா₃ ஜயேத்யபி₄ஹிதம் தே₃வைராகாஶஸம்ஸ்தி₂தை꞉ .. 24..

ஶும்பே₄நாக₃த்ய யா ஶக்திர்முக்தா ஜ்வாலாதிபீ₄ஷணா .
ஆயாந்தீ வஹ்நிகூடாபா₄ ஸா நிரஸ்தா மஹோல்கயா .. 25..

ஸிம்ஹநாதே₃ந ஶும்ப₄ஸ்ய வ்யாப்தம் லோகத்ரயாந்தரம் .
நிர்கா₄தநி꞉ஸ்வநோ கோ₄ரோ ஜிதவாநவநீபதே .. 26..

ஶும்ப₄முக்தாஞ்ச₂ராந்தே₃வீ ஶும்ப₄ஸ்தத்ப்ரஹிதாஞ்ச₂ராந் .
சிச்சே₂த₃ ஸ்வஶரைருக்₃ரை꞉ ஶதஶோ(அ)த₂ ஸஹஸ்ரஶ꞉ .. 27..

தத꞉ ஸா சண்டி₃கா க்ருத்₃தா₄ ஶூலேநாபி₄ஜகா₄ந தம் .
ஸ ததா₃பி₄ஹதோ பூ₄மௌ மூர்ச்சி₂தோ நிபபாத ஹ .. 28..

ததோ நிஶும்ப₄꞉ ஸம்ப்ராப்ய சேதநாமாத்தகார்முக꞉ .
ஆஜகா₄ந ஶரைர்தே₃வீம் காலீம் கேஸரிணம் ததா₂ .. 29..

புநஶ்ச க்ருத்வா பா₃ஹூநாமயுதம் த₃நுஜேஶ்சர꞉ .
சக்ராயுதே₄ந தி₃திஜஶ்சா₂த₃யாமாஸ சண்டி₃காம் .. 30..

ததோ ப₄க₃வதீ க்ருத்₃தா₄ து₃ர்கா₃ து₃ர்கா₃திர்நாஶிநீ .
சிச்சே₂த₃ தாநி சக்ராணி ஸ்வஶரை꞉ ஸாயகாம்ஶ்ச தாந் .. 31..

ததோ நிஶும்போ₄ வேகே₃ந க₃தா₃மாதா₃ய சண்டி₃காம் .
அப்₄யதா₄வத வை ஹந்தும் தை₃த்யஸேநாஸமாவ்ருத꞉ .. 32..

தஸ்யாபதத ஏவாஶு க₃தா₃ம் சிச்சே₂த₃ சண்டி₃கா .
க₂ட்₃கே₃ந ஶிததா₄ரேண ஸ ச ஶூலம் ஸமாத₃தே₃ .. 33..

ஶூலஹஸ்தம் ஸமாயாந்தம் நிஶும்ப₄மமரார்த₃நம் .
ஹ்ருதி₃ விவ்யாத₄ ஶூலேந வேகா₃வித்₃தே₄ந சண்டி₃கா .. 34..

பி₄ந்நஸ்ய தஸ்ய ஶூலேந ஹ்ருத₃யாந்நி꞉ஸ்ருதோ(அ)பர꞉ .
மஹாப₃லோ மஹாவீர்யஸ்திஷ்டே₂தி புருஷோ வத₃ந் .. 35..

தஸ்ய நிஷ்க்ராமதோ தே₃வீ ப்ரஹஸ்ய ஸ்வநவத்தத꞉ .
ஶிரஶ்சிச்சே₂த₃ க₂ட்₃கே₃ந ததோ(அ)ஸாவபதத்₃பு₄வி .. 36..

தத꞉ ஸிம்ஹஶ்சகா₂தோ₃க்₃ரத₃ம்ஷ்ட்ராக்ஷுண்ணஶிரோத₄ராந் .
அஸுராம்ஸ்தாம்ஸ்ததா₂ காலீ ஶிவதூ₃தீ ததா₂பராந் .. 37..

கௌமாரீஶக்திநிர்பி₄ந்நா꞉ கேசிந்நேஶுர்மஹாஸுரா꞉ .
ப்₃ரஹ்மாணீமந்த்ரபூதேந தோயேநாந்யே நிராக்ருதா꞉ .. 38..

மாஹேஶ்வரீத்ரிஶூலேந பி₄ந்நா꞉ பேதுஸ்ததா₂பரே .
வாராஹீதுண்ட₃கா₄தேந கேசிச்சூர்ணாக்ருதா பு₄வி .. 39..

க₂ண்ட₃ம் க₂ண்ட₃ம் ச சக்ரேண வைஷ்ணவ்யா தா₃நவா꞉ க்ருதா꞉ .
வஜ்ரேண சைந்த்₃ரீஹஸ்தாக்₃ரவிமுக்தேந ததா₂பரே .. 40..

கேசித்₃விநேஶுரஸுரா꞉ கேசிந்நஷ்டா மஹாஹவாத் .
ப₄க்ஷிதாஶ்சாபரே காலீஶிவதூ₃தீம்ருகா₃தி₄பை꞉ .. 41..

இதி ஶ்ரிமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே நிஶும்ப₄வதோ₄ நாம நவமோ(அ)த்₄யய꞉

ருஷிருவாச .. 1..

நிஶும்ப₄ம் நிஹதம் த்₃ருஷ்ட்வா ப்₄ராதரம் ப்ராணஸம்மிதம் .
ஹந்யமாநம் ப₃லம் சைவ ஶும்ப₄꞉ க்ருத்₃தோ₄(அ)ப்₃ரவீத்₃வச꞉ .. 2..

ப₃லாவலேபது₃ஷ்டே த்வம் மா து₃ர்கே₃ க₃ர்வமாவஹ .
அந்யாஸாம் ப₃லமாஶ்ரித்ய யுத்₃த்₄யஸே யாதிமாநிநீ .. 3..

தே₃வ்யுவாச .. 4..

ஏகைவாஹம் ஜக₃த்யத்ர த்₃விதீயா கா மமாபரா .
பஶ்யைதா து₃ஷ்ட மய்யேவ விஶந்த்யோ மத்₃விபூ₄தய꞉ .. 5..

தத꞉ ஸமஸ்தாஸ்தா தே₃வ்யோ ப்₃ரஹ்மாணீப்ரமுகா₂ லயம் .
தஸ்யா தே₃வ்யாஸ்தநௌ ஜக்₃முரேகைவாஸீததா₃ம்பி₃கா .. 6..

தே₃வ்யுவாச .. 7..

அஹம் விபூ₄த்யா ப₃ஹுபி₄ரிஹ ரூபைர்யதா₃ஸ்தி₂தா .
தத்ஸம்ஹ்ருதம் மயைகைவ திஷ்டா₂ம்யாஜௌ ஸ்தி₂ரோ ப₄வ .. 8..

ருஷிருவாச .. 9..

தத꞉ ப்ரவவ்ருதே யுத்₃த₄ம் தே₃வ்யா꞉ ஶும்ப₄ஸ்ய சோப₄யோ꞉ .
பஶ்யதாம் ஸர்வதே₃வாநாமஸுராணாம் ச தா₃ருணாம் .. 10..

ஶரவர்ஷை꞉ ஶிதை꞉ ஶஸ்த்ரைஸ்ததா₂ஸ்த்ரைஶ்ரைவ தா₃ருணை꞉ .
தயோர்யுத்₃த₄மபூ₄த்₃பூ₄ய꞉ ஸர்வலோகப₄யங்கரம் .. 11..

தி₃வ்யாந்யஸ்த்ராணி ஶதஶோ முமுசே யாந்யதா₂ம்பி₃கா .
ப₃ப₄ஞ்ச தாநி தை₃த்யேந்த்₃ரஸ்தத்ப்ரதீகா₄தகர்த்ருபி₄꞉ .. 12..

முக்தாநி தேந சாஸ்த்ராணி தி₃வ்யாநி பரமேஶ்வரீ .
ப₃ப₄ஞ்ச லீலயைவோக்₃ரஹுங்காரோச்சாரணாதி₃பி₄꞉ .. 13..

தத꞉ ஶரஶதைர்தே₃வீமாச்சா₂த₃யத ஸோ(அ)ஸுர꞉ .
ஸாபி தத்குபிதா தே₃வீ த₄நுஶ்சிச்சே₂த₃ சேஷுபி₄꞉ .. 14..

சி₂ந்நே த₄நுஷி தை₃த்யேந்த்₃ரஸ்ததா₂ ஶக்திமதா₂த₃தே₃ .
சிச்சே₂த₃ தே₃வீ சக்ரேண தாமப்யஸ்ய கரே ஸ்தி₂தாம் .. 15..

தத꞉ க₂ட்₃க₃முபாதா₃ய ஶதசந்த்₃ரம் ச பா₄நுமத் .
அப்₄யதா₃வததா₃ தே₃வீம் தை₃த்யநாமதி₄பேஶ்வர꞉ .. 16..

தஸ்யாபதத ஏவாஶு க₂ட்₃க₃ம் சிச்சே₂த₃ சண்டி₃கா .
த₄நுர்முக்தை꞉ ஶிதைர்பா₃ணைஶ்சர்ம சார்ககராமலம் .. 17..

ஹதாஶ்வ꞉ ( ? ) ஸ ததா₃ தை₃த்யஶ்சி₂ந்நத₄ந்வா விஸாரதி₂꞉ .
ஜக்₃ராஹ முத்₃க₃ரம் கோ₄ரமம்பி₃காநித₄நோத்₃யத꞉ .. 18..

சிச்சே₂தா₃பததஸ்தஸ்ய முத்₃க₃ரம் நிஶிதை꞉ ஶரை꞉ .
ததா₂பி ஸோ(அ)ப்₄யதா₄வதாம் முஷ்டிமுத்₃யம்ய வேக₃வாந் .. 19..

ஸ முஷ்டிம் பாதயாமாஸ ஹ்ருத₃யே தை₃த்யபுங்க₃வ꞉ .
தே₃வ்யாஸ்தம் சாபி ஸா தே₃வீ தலேநோரஸ்யதாட₃யத் .. 20..

தலப்ரஹாராபி₄ஹதோ நிபபாத மஹீதலே .
ஸ தை₃த்யராஜ꞉ ஸஹஸா புநரேவ ததோ₂த்தி₂த꞉ .. 21..

உத்பத்ய ச ப்ரக்₃ருஹ்யோச்சைர்தே₃வீம் க₃க₃நமாஸ்தி₂த꞉ .
தத்ராபி ஸா நிராதா₄ரா யுயுதே₄ தேந சண்டி₃கா .. 22..

நியுத்₃த₄ம் கே₂ ததா₃ தை₃த்யஶ்சண்டி₃கா ச பரஸ்பரம் .
சக்ரது꞉ ப்ரத₂மம் ஸித்₃த₄முநிவிஸ்மயகாரகம் .. 23..

ததோ நியுத்₃த₄ம் ஸுசிரம் க்ருத்வா தேநாம்பி₃கா ஸஹ .
உத்பாட்₂ய ப்₄ராமயாமாஸ சிக்ஷேப த₄ரணீதலே .. 24..

ஸ க்ஷிப்தோ த₄ரணீம் ப்ராப்ய முஷ்டிமுத்₃யம்ய வேக₃த꞉ .
அப்₄யதா₄வத து₃ஷ்டாத்மா சண்டி₃காநித₄நேச்ச₂யா .. 25..

தமாயாந்தம் ததோ தே₃வீ ஸர்வதை₃த்யஜநேஶ்வரம் .
ஜக₃த்யாம் பாதயாமாஸ பி₄த்வா ஶூலேந வக்ஷஸி .. 26..

ஸ க₃தாஸு꞉ பபாதோர்வ்யாம் தே₃வீ ஶூலாக்₃ரவிக்ஷத꞉ .
சாலயந் ஸகலாம் ப்ருத்₂வீம் ஸாப்₃தி₄த்₃வீபாம் ஸபர்வதாம் .. 27..

தத꞉ ப்ரஸந்நமகி₂லம் ஹதே தஸ்மிந் து₃ராத்மநி .
ஜக₃த்ஸ்வாஸ்த்₂யமதீவாப நிர்மலம் சாப₄வந்நப₄꞉ .. 28..

உத்பாதமேகா₄꞉ ஸோல்கா யே ப்ராகா₃ஸம்ஸ்தே ஶம் யயு꞉ .
ஸரிதோ மார்க₃வாஹிந்யஸ்ததா₂ஸம்ஸ்தத்ர பாதிதே .. 29..

ததோ தே₃வக₃ணா꞉ ஸர்வே ஹர்ஷநிர்ப₄ரமாநஸா꞉ .
ப₃பூ₄வுர்நிஹதே தஸ்மிந் க₃ந்த₄ர்வா லலிதம் ஜகு₃꞉ .. 30..

அவாத₃யம்ஸ்ததை₂வாந்யே நந்ருதுஶ்சாப்ஸரோக₃ணா꞉ .
வவு꞉ புண்யாஸ்ததா₂ வாதா꞉ ஸுப்ரபோ₄(அ)பூ₄த்₃தி₃வாகர꞉ .. 31..

ஜஜ்வலுஶ்சாக்₃நய꞉ ஶாந்தா꞉ ஶாந்ததி₃க்₃ஜநிதஸ்வநா꞉ .. 32..

இதி ஶ்ரீமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே ஶும்ப₄வதோ₄ நாம த₃ஶமோ(அ)த்₄யாய꞉ ..

ருஷிருவாச .. 1..

தே₃வ்யா ஹதே தத்ர மஹாஸுரேந்த்₃ரே
ஸேந்த்₃ரா꞉ ஸுரா வஹ்நிபுரோக₃மாஸ்தாம் .
காத்யாயநீம் துஷ்டுவுரிஷ்டலாபா₄-
த்₃விகாஸிவக்த்ராப்₃ஜவிகாஸிதாஶா꞉ .. 2..

தே₃வி ப்ரபந்நார்திஹரே ப்ரஸீத₃
ப்ரஸீத₃ மாதர்ஜக₃தோ(அ)கி₂லஸ்ய .
ப்ரஸீத₃ விஶ்வேஶ்வரி பாஹி விஶ்வம்
த்வமீஶ்வரீ தே₃வி சராசரஸ்ய .. 3..

ஆதா₄ரபூ₄தா ஜக₃தஸ்த்வமேகா
மஹீஸ்வரூபேண யத꞉ ஸ்தி₂தாஸி .
அபாம் ஸ்வரூபஸ்தி₂தயா த்வயைத-
தா₃ப்யாயதே குத்ஸ்நமலங்க₄யவீர்யே .. 4..

த்வம் வைஷ்ணவீஶக்திரநந்தவீர்யா
விஶ்வஸ்ய பீ₃ஜம் பரமாஸி மாயா .
ஸம்மோஹிதம் தே₃வி ஸமஸ்தமேத-
த்வம் வை ப்ரஸந்நா பு₄வி முக்திஹேது꞉ .. 5..

வித்₃யா꞉ ஸமஸ்தாஸ்தவ தே₃வி பே₄தா₃꞉
ஸ்த்ரிய꞉ ஸமஸ்தா꞉ ஸகலா ஜக₃த்ஸு .
த்வயைகயா பூரிதமம்ப₃யைதத்
கா தே ஸ்துதி꞉ ஸ்தவ்யபராபரோக்தி꞉ .. 6..

ஸர்வபூ₄தா யதா₃ தே₃வீ பு₄க்திமுக்திப்ரதா₃யிநீ .
த்வம் ஸ்துதா ஸ்துதயே கா வா ப₄வந்து பரமோக்தய꞉ .. 7..

ஸர்வஸ்ய பு₃த்₃தி₄ரூபேண ஜநஸ்ய ஹ்ருதி₃ ஸம்ஸ்தி₂தே .
ஸ்வர்கா₃பவர்க₃தே₃ தே₃வி நாராயணி நமோ(அ)ஸ்து தே .. 8..

கலாகாஷ்டா₂தி₃ரூபேண பரிணாமப்ரதா₃யிநி .
விஶ்வஸ்யோபரதௌ ஶக்தே நாராயணி நமோ(அ)ஸ்து தே .. 9..

ஸர்வமங்க₃லமாங்க₃ல்யே ஶிவே ஸர்வாத₂ர்ஸாதி₄கே .
ஶரண்யே த்ர்யம்ப₃கே கௌ₃ரி நாராயணி நமோ(அ)ஸ்து தே .. 10..

ஸ்ருஷ்டிஸ்தி₂திவிநாஶாநாம் ஶக்திபூ₄தே ஸநாதநி .
கு₃ணாஶ்ரயே கு₃ணமயே நாராயணி நமோ(அ)ஸ்து தே .. 11..

ஶரணாக₃ததீ₃நார்தபரித்ராணபராயணே .
ஸர்வஸ்யார்திஹரே தே₃வி நாராயணி நமோ(அ)ஸ்து தே .. 12..

ஹம்ஸயுக்தவிமாநஸ்தே₂ ப்₃ரஹ்மாணீரூபதா₄ரிணி .
கௌஶாம்ப₄꞉க்ஷரிகே தே₃வி நாராயணி நமோ(அ)ஸ்து தே .. 13..

த்ரிஶூலசந்த்₃ராஹித₄ரே மஹாவ்ருஷப₄வாஹிநி .
மாஹேஶ்வரீஸ்வரூபேண நாராயணி நமோ(அ)ஸ்துதே .. 14..

மயூரகுக்குடவ்ருதே மஹாஶக்தித₄ரே(அ)நகே₄ .
கௌமாரீரூபஸம்ஸ்தா₂நே நாராயணி நமோ(அ)ஸ்து தே .. 15..

ஶங்க₂சக்ரக₃தா₃ஶார்ங்க₃க்₃ருஹீதபரமாயுதே₄ .
ப்ரஸீத₃ வைஷ்ணவீரூபே நாராயணி நமோ(அ)ஸ்து தே .. 16..

க்₃ருஹீதோக்₃ரமஹாசக்ரே த₃ம்ஷ்ட்ரோத்₃த்₄ருதவஸுந்த₄ரே .
வராஹரூபிணி ஶிவே நாராயணி நமோ(அ)ஸ்து தே .. 17..

ந்ருஸிம்ஹரூபேணோக்₃ரேண ஹந்தும் தை₃த்யாந் க்ருதோத்₃யமே .
த்ரைலோக்யத்ராணஸஹிதே நாராயணி நமோ(அ)ஸ்து தே .. 18..

கிரீடிநி மஹாவஜ்ர ஸஹஸ்ரநயநோஜ்ஜ்வலே .
வ்ருத்ரப்ராணஹரே சைந்த்₃ரி நாராயணி நமோ(அ)ஸ்து தே .. 19..

ஶிவதூ₃தீஸ்வரூபேண ஹததை₃த்யமஹாப₃லே .
கோ₄ரரூபே மஹாராவே நாராயணி நமோ(அ)ஸ்து தே .. 20..

த₃ம்ஷ்ட்ராகராலவத₃நே ஶிரோமாலாவிபூ₄ஷணே .
சாமுண்டே₃ முண்ட₃மத₂நே நாராயணி நமோ(அ)ஸ்து தே .. 21..

லக்ஷ்மி லஜ்ஜே மஹாவித்₃யே ஶ்ரத்₃தே₄ புஷ்டி ஸ்வதே₄ த்₄ருவே .
மஹாராத்ரி மஹாமாயே நாராயணி நமோ(அ)ஸ்து தே .. 22..

மேதே₄ ஸரஸ்வதி வரே பூ₄தி பா₃ப்₄ரவி தாமஸி .
நியதே த்வம் ப்ரஸீதே₃ஶே நாராயணி நமோ(அ)ஸ்துதே .. 23..

ஸர்வஸ்வரூபே ஸர்வேஶே ஸர்வேஶக்திஸமந்விதே .
ப₄யேப்₄யஸ்த்ராஹி நோ தே₃வி து₃ர்கே₃ தே₃வி நமோ(அ)ஸ்து தே .. 24..

ஏததே வத₃நம் ஸௌம்யம் லோசநத்ரயபூ₄ஷிதம் .
பாது ந꞉ ஸர்வபூ₄தேப்₄ய꞉ காத்யாயநி நமோ(அ)ஸ்து தே .. 25..

ஜ்வாலாகராலமத்யுக்₃ரமஶேஷாஸுரஸூத₃நம் .
த்ரிஶூலம் பாது நோ பீ₄தேர்ப₄த்₃ரகாலி நமோ(அ)ஸ்து தே .. 26..

ஹிநஸ்தி தை₃த்யதேஜாம்ஸி ஸ்வநேநாபூர்ய யா ஜக₃த் .
ஸா க₄ண்டா பாது நோ தே₃வி பாபேப்₄யோ ந꞉ ஸுதாநிவ .. 27..

அஸுராம்ருக்₃வஸாபங்கசசிம்தஸ்தே கரோஜ்ஜ்வல꞉ .
ஶுபா₄ய க₂ட்₃கோ₃ ப₄வது சண்டி₃கே த்வாம் நதா வயம் .. 28..

ரோகா₃நஶேஷாநபஹம்ஸி துஷ்டா
ருஷ்டா து காமாந் ஸகலாநபீ₄ஷ்டாந் .
த்வாமாஶ்ரிதாநாம் ந விபந்நராணாம்
த்வாமாஶ்ரிதா ஹ்யாஶ்ரயதாம் ப்ரயாந்தி .. 29..

ஏதத்க்ருதம் யத்கத₃நம் த்வயாத்₃ய
த₄ர்மத்₃விஷாம் தே₃வி மஹாஸுராணாம் .
ரூபைரநேகைர்ப₃ஹுதா₄த்மமூர்திம்
க்ருத்வாம்பி₃கே தத்ப்ரகரோதி காந்யா .. 30..

வித்₃யாஸு ஶாஸ்த்ரேஷு விவேகதீ₃பே-
ஷ்வாத்₃யேஷு வாக்யேஷு ச கா த்வத₃ந்யா .
மமத்வக₃ர்தே(அ)திமஹாந்த₄காரே
விப்₄ராமயத்யேதத₃தீவ விஶ்வம் .. 31..

ரக்ஷாம்ஸி யத்ரோக்₃ரவிஷாஶ்ச நாகா₃
யத்ராரயோ த₃ஸ்யுப₃லாநி யத்ர .
தா₃வாநலோ யத்ர ததா₂ப்₃தி₄மத்₃யே
தத்ர ஸ்தி₂தா த்வம் பரிபாஸி விஶ்வம் .. 32..

விஶ்வேஶ்வரி த்வம் பரிபாஸி விஶ்வம்
விஶ்வாத்மிகா தா₄ரயஸீதி விஶ்வம் .
விஶ்வேஶவந்த்₃யா ப₄வதீ ப₄வந்தி
விஶ்வாஶ்ரயா யே த்வயி ப₄க்திநம்ரா꞉ .. 33..

தே₃வி ப்ரஸீத₃ பரிபாலயநோரிபீ₄தே
பீ₄தேர்நித்யம் யதா₂ஸுரவதா₄த₃து₄நைவ ஸத்₃ய꞉ .
பாபாநி ஸர்வஜக₃தாம் ப்ரஶமம் நயாஶு
உத்பாதபாகஜநிதாம்ஶ்ச மஹோபஸர்கா₃ந் .. 34..

ப்ரணதாநாம் ப்ரஸீத₃ த்வம் தே₃வி விஶ்வார்திஹாரிணி .
த்ரைலோக்யவாஸிநாமீட்₃யே லோகாநாம் வரதா₃ ப₄வ .. 35..

தே₃வ்யுவாச .. 36..

வரதா₃ஹம் ஸுரக₃ணா வரம் யந்மநஸேச்ச₂த₂ .
தம் வ்ருணுத்₄வம் ப்ரயச்சா₂மி ஜக₃தாமுபகாரகம் .. 37..

தே₃வா ஊசு꞉ .. 38..

ஸர்வாபா₃தா₄ப்ரஶமநம் த்ரைலோக்யஸ்யாகி₂லேஶ்வரி .
ஏவமேவ த்வயா கார்யமஸ்மத்₃வைரிவிநாஶநம் .. 39..

தே₃வ்யுவாச .. 40..

வைவஸ்வதே(அ)ந்தரே ப்ராப்தே அஷ்டாவிம்ஶதிமே யுகே₃ .
ஶும்போ₄ நிஶும்ப₄ஶ்சைவாந்யாவுத்பத்ஸ்யேதே மஹாஸுரௌ ..41..

நந்த₃கோ₃பக்₃ருஹே ஜாதா யஶோதா₃க₃ர்ப₄ஸம்ப₄வா .
ததஸ்தௌ நாஶயிஷ்யாமி விந்த்₄யாசலநிவாஸிநீ .. 42..

புநரப்யதிரௌத்₃ரேண ரூபேண ப்ருதி₂வீதலே .
அவதீர்ய ஹநிஷ்யாமி வைப்ரசிதாம்ஸ்து தா₃நவாந் .. 43..

ப₄க்ஷயந்த்யாஶ்ச தாநுக்₃ராந் வைப்ரசிதாந் மஹாஸுராந் .
ரக்தா த₃ந்தா ப₄விஷ்யந்தி தா₃டி₃மீகுஸுமோபமா꞉ .. 44..

ததோ மாம் தே₃வதா꞉ ஸ்வர்கே₃ மர்த்யலோகே ச மாநவா꞉ .
ஸ்துவந்தோ வ்யாஹரிஷ்யந்தி ஸததம் ரக்தத₃ந்திகாம் .. 45..

பூ₄ஶ்ச ஶதவார்ஷிக்யாமநாவ்ருஷ்டயாமநம்ப₄ஸி .
முநிபி₄꞉ ஸம்ஸ்துதா பூ₄மௌ ஸம்ப₄விஷ்யாமயயோநிஜா .. 46..

தத꞉ ஶதேந நேத்ராணாம் நிரீக்ஷிஷ்யாமி யந்முநீந் .
கீர்தயிஷ்யந்தி மநுஜா꞉ ஶதாக்ஷீமிதி மாம் தத꞉ .. 47..

ததோ(அ)ஹமகி₂லம் லோகமாத்மதே₃ஹஸமுத்₃ப₄வை꞉ .
ப₄ரிஷ்யாமி ஸுரா꞉ ஶாகைராவ்ருஷ்டே꞉ ப்ராணதா₄ரகை꞉ .. 48..

ஶாகம்ப₄ரீதி விக்₂யாதிம் ததா₃ யாஸ்யாம்யஹம் பு₄வி .
தத்ரைவ ச வதி₄ஷ்யாமி து₃ர்க₃மாக்₂யம் மஹாஸுரம் ..49..

து₃ர்கா₃தே₃வீதி விக்₂யாதம் தந்மே நாம ப₄விஷ்யதி .
புநஶ்சாஹம் யதா₃ பீ₄மம் ரூபம் க்ருத்வா ஹிமாசலே .. 50..

ரக்ஷாம்ஸி க்ஷயயிஷ்யாமி முநீநாம் த்ராணகாரணாத் .
ததா₃ மாம் முநய꞉ ஸர்வே ஸ்தோஷ்யந்த்யாநம்ரமூர்தய꞉ .. 51..

பீ₄மாதே₃வீதி விக்₂யாதம் தந்மே நாம ப₄விஷ்யதி .
யதா₃ருணாக்₂யஸ்த்ரைலோக்யே மஹாபா₃தா₄ம் கரிஷ்யதி .. 52..

ததா₃(அ)ஹம் ப்₄ராமரம் ரூபம் க்ருத்வாஸங்க₂யேயஷட்பத₃ம் .
த்ரைலோக்யஸ்ய ஹிதார்தா₂ய வதி₄ஷ்யாமி மஹாஸுரம் .. 53..

ப்₄ராமரீதி ச மாம் லோகாஸ்ததா₃ ஸ்தோஷ்யந்தி ஸர்வத꞉ .
இத்த₂ம் யதா₃ யதா₃ பா₃தா₄ தா₃நவோத்தா₂ ப₄விஷ்யதி .. 54..

ததா₃ ததா₃(அ)வதீர்யாஹம் கரிஷ்யாம்யரிஸம்க்ஷயம் .. 55..

இதி ஶ்ரீமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே நாராயணிஸ்துதிர்நாம ஏகாத₃ஶோ(அ)த்₄யாய꞉ .. 11..

தே₃வ்யுவாச .. 1..

ஏபி₄꞉ ஸ்தவைஶ்ச மாம் நித்யம் ஸ்தோஷ்யதே ய꞉ ஸமாஹித꞉ .
தஸ்யாஹம் ஸகலாம் பா₃தா₄ம் நாஶயிஷ்யாம்யஸம்ஶயம் .. 2..

மது₄கைடப₄நாஶம் ச மஹிஷாஸுரகா₃தநம் .
கீர்தயிஷ்யந்தி யே தத்₃வத்₃வத₄ம் ஶும்ப₄நிஶும்ப₄யோ꞉ .. 3..

அஷ்டப்₄யாம் ச சதுர்த₃ஶ்யாம் நவம்யாம் சைகசேதஸ꞉ .
ஶ்ரோஷ்யந்தி சைவ யே ப₄க்த்யா மம மாஹாத்ம்யமுதமம் .. 4..

ந தேஷாம் து₃ஷ்க்ருதம் கிஞ்சித்₃து₃ஷ்க்ருதோத்தா₂ ந சாபத₃꞉ .
ப₄விஷ்யதி ந தா₃ரித்₃ரயம் ந சைவேஷ்டவியோஜநம் .. 5..

ஶத்ருதோ ந ப₄யம் தஸ்ய த₃ஸ்யுதோ வா ந ராஜத꞉ .
ந ஶஸ்த்ராநலதோயௌகா₄த் கதா₃சித் ஸம்ப₄விஷ்யதி .. 6..

தஸ்மாந்மமைதந்மாஹாத்ம்யம் படி₂தவ்யம் ஸமாஹிதை꞉ .
ஶ்ரோதவ்யம் ச ஸதா₃ ப₄க்த்யா பரம் ஸ்வஸ்த்யயநம் ஹி தத் .. 7..

உபஸர்கா₃நஶேஷாம்ஸ்து மஹாமாரீஸமுத்₃ப₄வாந் .
ததா₂ த்ரிவித₄முத்பாதம் மாஹாத்ம்யம் ஶமயேந்மம .. 8..

யத்ரைதத்பட்₂யதே ஸம்யங்நித்யமாயதநே மம .
ஸதா₃ ந தத்₃விமோக்ஷ்யாமி ஸாந்நித்₄யம் தத்ர மே ஸ்தி₂தம் .. 9..

ப₃லிப்ரதா₃நே பூஜாயாமக்₃நிகார்யே மஹோத்ஸவே .
ஸர்வம் மமைதச்சரிதமுச்சார்யம் ஶ்ராவ்யமேவ ச .. 10..

ஜாநதாஜாநதா வாபி ப₃லிபூஜாம் ததா₂ க்ருதாம் .
ப்ரதீச்சி₂ஷ்யாம்யஹம் ப்ரீத்யா வஹ்நிஹோமம் ததா₂க்ருதம் .. 11..

ஶரத்காலே மஹாபூஜா க்ரியதே யா ச வார்ஷிகீ .
தஸ்யாம் மமைதந்மாஹாத்ம்யம் ஶ்ருத்வா ப₄க்திஸமந்வித꞉ .. 12..

ஸர்வாபா₃தா₄விநிர்முக்தோ த₄நதா₄ந்யஸுதாந்வித꞉ .
மநுஷ்யோ மத்ப்ரஸாதே₃ந ப₄விஷ்யதி ந ஸம்ஶய꞉ .. 13..

ஶ்ருத்வா மமைதந்மாஹாத்ம்யம் ததா₂ சோத்பதய꞉ ஶுபா₄꞉ .
பராக்ரமம் ச யுத்₃தே₄ஷு ஜாயதே நிர்ப₄ய꞉ புமாந் .. 14..

ரிபவ꞉ ஸம்க்ஷயம் யாந்தி கல்யாணம் சோபபத்₃யதே .
நந்த₃தே ச குலம் பும்ஸாம் மாஹாத்ம்யம் மம ஶ்ர்ருண்வதாம் .. 15..

ஶாந்திகமணி ஸர்வத்ர ததா₂ து₃꞉ஸ்வப்நத₃ர்ஶநே .
க்₃ரஹபீடா₃ஸு சோக்₃ராஸு மாஹாத்ம்யம் ஶ்ர்ருணுயாந்மம .. 16..

உபஸர்கா₃꞉ ஶமம் யாந்தி க்₃ரஹபீடா₃ஶ்ச தா₃ருணா꞉ .
து₃꞉ஸ்வப்நம் ச ந்ருபி₄ர்த்₃ருஷ்டம் ஸுஸ்வப்நமுபஜாயதே .. 17..

பா₃லக்₃ரிஹாபி₄பூ₄தாநாம் பா₃லாநாம் ஶாந்திகாரகம் .
ஸங்கா₄தபே₄தே₃ ச ந்ருணாம் மைத்ரீகரணமுதமம் .. 18..

து₃ர்வ்ருதாநாமஶேஷாணாம் ப₃லஹாநிகரம் பரம் .
ரக்ஷோபூ₄தபிஶாசாநாம் பட₂நாதே₃வ நாஶநம் .. 19..

ஸர்வம் மமைதந்மாஹாத்ம்யம் மம ஸந்நிதி₄காரகம் .
பஶுபுஷ்பார்த்₄யதூ₄பைஶ்ச க₃ந்த₄தீ₃பைஸ்ததோ₂தமை꞉ .. 20 ..

விப்ராணாம் பௌ₄ஜநர்ஹோமை꞉ ப்ரோக்ஷணீயைரஹர்நிஶம் .
அந்யைஶ்ச விவிதை₄ர்போ₄கை₃꞉ ப்ரதா₃நைர்வத்ஸரேண யா .. 21..

ப்ரீதிர்மே க்ரியதே ஸாஸ்மிந்ஸக்ருத்ஸுசரிதே ஶ்ருதே .
ஶ்ருதம் ஹரதி பாபாநி ததா₂ரோக்₃யம் ப்ரயச்ச₂தி .. 22..

ரக்ஷாம் கரோதி பூ₄தேப்₄யோ ஜந்மநாம் கீர்தநம் மம .
யுத்₃தே₄ஷு சரிதம் யந்மே து₃ஷ்டதை₃த்யநிவர்ஹணம் .. 23..

தஸ்மிஞ்ச்ச்₂ருதே வைரிக்ருதம் ப₄யம் பும்ஸாம் ந ஜாயதே .
யுஷ்மாபி₄꞉ ஸ்துதயோ யாஶ்ச யாஶ்ச ப்₃ரஹ்மர்ஷிபி₄꞉ க்ருதா꞉ .. 24..

ப்₃ரஹ்மணா ச க்ருதாஸ்தாஸ்து ப்ரயச்ச₂ந்தி ஶுபா₄ம் மதிம் .
அரண்யே ப்ராந்தரே வாபி தா₃வாக்₃நிபரிவாரித꞉ .. 25..

த₃ஸ்யுபி₄ர்வா வ்ருத꞉ ஶூந்யே க்₃ருஹீதோ வாபி ஶத்ருபி₄꞉ .
ஸிம்ஹவ்யாக்₄நாநுயாதோ வா வநே வா வநஹஸ்திபி₄꞉ .. 26..

ராஜ்ஞா க்ருத்₃தே₄ந சாஜ்ஞப்தோ வத்₄யோ ப₃ந்த₄க₃தோ(அ)பி வா .
ஆதூ₄ர்ணிதோ வா வாதேந ஸ்தி₂த꞉ போதே மஹார்ணவே .. 27..

பதத்ஸு சாபி ஶஸ்த்ரேஷு ஸங்க்₃ராமே ப்₄ருஶதா₃ருணே .
ஸர்வாபா₃தா₄ஸு கோ₄ராஸு வேத₃நாப்₄யர்தி₃தோ(அ)பி வா .. 28..

ஸ்மரந் மமைதச்சரிதம் நரோ முச்யேத ஸங்கடாத் .
மம ப்ரபா₄வாத்ஸிம்ஹாத்₃யா த₃ஸ்யவோ வைரிணஸ்ததா₂ .. 29..

தூ₃ராதே₃வ பலாயந்தே ஸ்மரதஶ்சரிதம் மம .. 30..

ருஷிருவாச .. 31..

இத்யுக்த்வா ஸா ப₄க₃வதீ சண்டி₃கா சண்ட₃விக்ரமா .
பஶ்யதாமேவ தே₃வாநாம் தத்ரைவாந்தரதீ₄யத .. 32..

தே(அ)பி தே₃வா நிராதங்கா꞉ ஸ்வாதி₄காராந்யதா₂ புரா .
யஜ்ஞபா₄க₃பு₄ஜ꞉ ஸர்வே சக்ருர்விநிஹதாரய꞉ .. 33..

தை₃த்யாஶ்ச தே₃வ்யா நிஹதே ஶும்பே₄ தே₃வரிபௌ யுதி₄ .
ஜக₃த்₃வித்₄வம்ஸிநி தஸ்மிந் மஹோக்₃ரே(அ)துலவிக்ரமே .. 34..

நிஶும்பே₄ ச மஹாவீர்யே ஶேஷா꞉ பாதாலமாயயு꞉ .. 35..

ஏவம் ப₄க₃வதீ தே₃வீ ஸா நித்யாபி புந꞉ புந꞉ .
ஸம்பூ₄ய குருதே பூ₄ப ஜக₃த꞉ பரிபாலநம் .. 36..

தயைதந்மோஹ்யதே விஶ்வம் ஸைவ விஶ்வம் ப்ரஸூயதே .
ஸா யாசிதா ச விஜ்ஞாநம் துஷ்டா ருத்₃தி₄ம் ப்ரயச்ச₂தி .. 37..

வ்யாப்தம் தயைதத்ஸகலம் ப்₃ரஹ்மாண்ட₃ம் மநுஜேஶ்வர .
மஹாகால்யா மஹாகாலே மஹாமாரீஸ்வரூபயா .. 38..

ஸைவ காலே மஹாமாரீ ஸைவ ஸ்ருஷ்டிர்ப₄வத்யஜா .
ஸ்தி₂தம் கரோதி பூ₄தாநாம் ஸைவ காலே ஸநாதநீ .. 39..

ப₄வகாலே ந்ருணாம் ஸைவ லக்ஷ்மீர்வ்ருத்₃தி₄ப்ரதா₃ க்₃ருஹே .
ஸைவாபா₄வே ததா₂லக்ஷ்மீர்விநாஶாயோபஜாயதே .. 40..

ஸ்துதா ஸம்பூஜிதா புஷ்பைர்தூ₄பக₃ந்தா₄தி₃பி₄ஸ்ததா₂ .
த₃தா₃தி விதம் புத்ராம்ஶ்ச மதிம் த₄ர்மே க₃திம் ஶுபா₄ம் .. 41..

இதி ஶ்ரீமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே ப₂லஸ்துதிர்நாம த்₃வாத₃ஶோ(அ)த்₄யாய꞉ .. 12 ..

ருஷிருவாச .. 1..

ஏததே கதி₂தம் பூ₄ப தே₃வீமாஹாத்ம்யமுத்தமம் .. 2..

ஏவம்ப்ரபா₄வா ஸா தே₃வீ யயேத₃ம் தா₄ர்யதே ஜக₃த் .
வித்₃யா ததை₂வ க்ரியதே ப₄க₃வத்₃விஷ்ணுமாயயா .. 3..

தயா த்வமேஷ வைஶ்யஶ்ச ததை₂வாந்யே விவேகிந꞉ .
மோஹ்யந்தே மோஹிதாஶ்சைவ மோஹமேஷ்யந்தி சாபரே .. 4..

தாமுபைஹி மஹாராஜ ஶரணம் பரமேஶ்வரீம் .
ஆராதி₄தா ஸைவ ந்ருணாம் போ₄க₃ஸ்வர்கா₃பவர்க₃தா₃ .. 5..

மார்கண்டே₃ய உவாச .. 6..

இதி தஸ்ய வச꞉ ஶ்ருத்வா ஸுரத₂꞉ ஸ நராதி₄ப꞉ .
ப்ரணிபத்ய மஹாபா₄க₃ம் தம்ருஷிம் ஸம்ஶிதவ்ரதம் .. 7..

நிர்விண்ணோ(அ)திமமத்வேந ராஜ்யாபஹரணேந ச .
ஜகா₃ம ஸத்₃யஸ்தபஸே ஸ ச வைஶ்யோ மஹாமுநே .. 8..

ஸந்த₃ர்ஶநார்த₂மம்பா₃யா நதீ₃புலிநஸம்ஸ்தி₂த꞉ .
ஸ ச வைஶ்யஸ்தபஸ்தேபே தே₃வீஸூக்தம் பரம் ஜபந் .. 9..

தோ தஸ்மிந் புலிநே தே₃வ்யா꞉ க்ருத்வா மூர்திம் மஹீமயீம் .
அர்ஹணாம் சக்ரதுஸ்தஸ்யா꞉ புஷ்பதூ₄பாக்₃நிதர்பணை꞉ .. 10..

நிராஹாரௌ யதாஹாரௌ தந்மநஸ்கௌ ஸமாஹிதௌ .
த₃த₃துஸ்தௌ ப₃லிம் சைவ நிஜகா₃த்ராஸ்ருகு₃க்ஷிதம் .. 11..

ஏவம் ஸமாராத₄யதோஸ்த்ரிபி₄ர்வர்ஷைர்யதாத்மநோ꞉ .
பரிதுஷ்டா ஜக₃த்₃தா₄த்ரீ ப்ரத்யக்ஷம் ப்ராஹ சண்டி₃கா .. 12..

தே₃வ்யுவாச .. 13..

யத்ப்ராத்₂யர்தே த்வயா பூ₄ப த்வயா ச குலநந்த₃ந .. 14..

மதஸ்தத்ப்ராப்யதாம் ஸர்வம் பரிதுஷ்டா த₃தா₃மி தத் .. 15..

மார்கண்டே₃ய உவாச .. 16..

ததோ வவ்ரே ந்ருபோ ராஜ்யமவிப்₄ரம்ஶ்யந்யஜந்மநி .
அத்ர சைவ நிஜம் ராஜ்யம் ஜதஶத்ருப₃லம் ப₃லாத் .. 17..

ஸோ(அ)பி வேஶ்யஸ்ததோ ஜ்ஞாநம் வவ்ரே நிர்விண்ணமாநஸ꞉ .
மமேத்யஹமிதி ப்ராஜ்ஞ꞉ ஸங்க₃விச்யுதிகாரகம் .. 18..

தே₃வ்யுவாச .. 19..

ஸ்வல்பைரஹோபி₄ர்ந்ருபதே ஸ்வராஜ்யம் ப்ராப்ஸ்யதே ப₄வாந் .. 20..

ஹத்வா ரிபூநஸ்க₂லிதம்
தவ தத்ர ப₄விஷ்யதி .. 21..

ம்ருதஶ்ச பூ₄ய꞉ ஸம்ப்ராப்ய ஜந்ம தே₃வாத்₃விவஸ்வத꞉ .. 22..

ஸாவர்ணிகோ நாம மநுர்ப₄வாந்பு₄வி ப₄விஷ்யதி .. 23..

வைஶ்யவர்ய த்வயா யஶ்ச வரோ(அ)ஸ்மதோ(அ)பி₄வாஞ்சி₂த꞉ .. 24..

தம் ப்ரயச்சா₂மி ஸம்ஸித்₃த்₄யை தவ ஜ்ஞாநம் ப₄விஷ்யதி .. 25..

மார்கண்டே₃ய உவாச .. 26..

இதி த₃த்வா தயோர்தே₃வீ யதா₂பி₄லஷிதம் வரம் .
ப₃பூ₄வாந்தர்ஹிதா ஸத்₃யோ ப₄க்த்யா தாப்₄யாமபி₄ஷ்டுதா .. 27..

ஏவம் தே₃வ்யா வரம் லப்₃த்₄வா ஸுரத₂꞉ க்ஷத்ரியர்ஷப₄꞉ .
ஸூர்யாஜ்ஜந்ம ஸமாஸாத்₃ய ஸாவர்ணிப₄ர்விதா மநு꞉ .. 28..

ஸாவர்ணிப₄ர்விதா மநு꞉ க்லீம் ஓம் .. 29..

இதி ஶ்ரீமார்கண்டே₃யபுராணே ஸாவர்ணிகே மந்வந்தரே தே₃வீமாஹாத்ம்யே ஸுரத₂வைஶ்யயோர்வரப்ரதா₃நம் நாம த்ரயோத₃ஶோ(அ)த்₄யாய꞉ .. 13 ..