শ্রীভীষ্মস্তুতিঃ
॥ শ্রীভীষ্মস্তুতিঃ ॥
শ্রীভীষ্ম উভ়াচ
ইতি মতিরুপকল্পিতা ভ়িতৃষ্ণা
ভগভ়তি সাত্বতপুঙ্গভ়ে ভ়িভূম্নি।
স্বসুখমুপগতে ক্বচিদ্বিহর্তুং
প্রকৃতিমুপেযুষি যদ্ভভ়প্রভ়াহঃ॥৩২॥
ত্রিভুভ়নকমনং তমালভ়র্ণং
রভ়িকরগৌরভ়রাম্বরং দধানে।
ভ়পুরলককুলাভ়ৃতাননাব্জং
ভ়িজযসখে রতিরস্তু মেঽনভ়দ্যা॥৩৩॥
যুধি তুরগরজোভ়িধূম্রভ়িষ্বক্
কচলুলিতশ্রমভ়ার্যলঙ্কৃতাস্যে।
মম নিশিতশরৈর্ভ়িভিদ্যমান
ত্বচি ভ়িলসৎকভ়চেঽস্তু কৃষ্ণ আত্মা॥৩৪॥
সপদি সখিভ়চো নিশম্য মধ্যে
নিজপরযোর্বলযো রথং নিভ়েশ্য।
স্থিতভ়তি পরসৈনিকাযুরক্ষ্ণা
হৃতভ়তি পার্থসখে রতির্মমাস্তু॥৩৫॥
ভ়্যভ়হিতপৃতনামুখং নিরীক্ষ্য
স্বজনভ়ধাদ্বিমুখস্য দোষবুদ্ধ্যা।
কুমতিমহরদাত্মভ়িদ্যযা য-
শ্চরণরতিঃ পরমস্য তস্য মেঽস্তু॥৩৬॥
স্বনিগমমপহায মৎপ্রতিজ্ঞা-
মৃতমধিকর্তুমভ়প্লুতো রথস্থঃ।
ধৃতরথচরণোঽভ্যযাচ্চলদ্গু-
র্হরিরিভ় হন্তুমিভং গতোত্তরীযঃ॥৩৭॥
শিতভ়িশিখহতো ভ়িশীর্ণদংশঃ
ক্ষতজপরিপ্লুত আততাযিনো মে।
প্রসভমভিসসার মদ্বধার্থং স
ভভ়তু মে ভগভ়ান্গতির্মুকুন্দঃ॥৩৮॥
ভ়িজযরথকুটুম্ব আত্ততোত্রে
ধৃতহযরশ্মিনি তচ্ছ্রিযেক্ষণীযে।
ভগভ়তি রতিরস্তু মে মুমূর্ষোর্য-
মিহ নিরীক্ষ্য হতা গতাঃ স্বরূপম্॥৩৯॥
ললিতগতিভ়িলাসভ়ল্গুহাস -
প্রণযনিরীক্ষণকল্পিতোরুমানাঃ।
কৃতমনুকৃতভ়ত্য উন্মদান্ধাঃ
প্রকৃতিমগন্কিল যস্য গোপভ়ধ্বঃ॥৪০॥
মুনিগণনৃপভ়র্যসঙ্কুলেঽন্তঃ
সদসি যুধিষ্ঠিররাজসূয এষাম্।
অর্হণমুপপেদ ঈক্ষণীযো
মম দৃশিগোচর এষ আভ়িরাত্মা॥৪১॥
তমিমমহমজং শরীরভাজাং হৃদি হৃদি
ধিষ্ঠিতমাত্মকল্পিতানাম্।
প্রতিদৃশমিভ় নৈকধার্কমেকং
সমধিগতোঽস্মি ভ়িধূতভেদমোহঃ॥৪২॥
সূত উভ়াচ
কৃষ্ণ এভ়ং ভগভ়তি মনোভ়াগ্দৃষ্টিভ়ৃত্তিভিঃ।
আত্মন্যাত্মানমাভ়েশ্য সোঽন্তঃশ্বাস উপারমৎ॥৪৩॥