సనాతన దేవ
శివప్రాతఃస్మరణస్తోత్రమ్
शिवप्रातःस्मरणस्तोत्रम्
.. శివప్రాతఃస్మరణస్తోత్రమ్ ..
ప్రాతః స్మరామి భవభీతిహరం సురేశమ్
గఙ్గాధరం వృషభవాహనమమ్బికేశమ్.
ఖట్వాఙ్గశూలవరదాభయహస్తమీశమ్
సంసారరోగహరమౌషధమద్వితీయమ్..1..
ప్రాతర్నమామి గిరిశం గిరిజార్ధదేహమ్
సర్గస్థితిప్రలయకారణమాదిదేవమ్.
విశ్వేశ్వరం విజితవిశ్వమనోభిరామమ్
సంసారరోగహరమౌషధమద్వితీయమ్..2..
ప్రాతర్భజామి శివమేకమనన్తమాద్యమ్
వేదాన్తవేద్యమనఘం పురుషం మహాన్తమ్.
నామాదిభేదరహితం షడ్భావశూన్యమ్
సంసారరోగహరమౌషధమద్వితీయమ్..3..
.. ఇతి శివప్రాతఃస్మరణస్తోత్రం సమ్పూర్ణమ్ ..