Gaayatreeraamaayanam
.. Gaayatreeraamaayanam ..
Tapassvaadhyaayaniratam' tapasvee vaagvidaam' varam .
Naaradam' paripaprachchha vaalmeekirmunipungavam .. 1..
Sa hatvaa raakshasaansarvaan yajnyaghnaan raghunandanah' .
Ri'shibhih' poojitastatra yathendro vijayee puraa .. 2..
Vishvaamitrah' saraamastu shrutvaa janakabhaashitam .
Vatsa raama dhanuh' pashya iti raaghavamabraveet .. 3..
Tusht'aavaasya tadaa vam'sham' pravishya cha vishaampateh' .
Shayaneeyam' narendrasya tadaasaadya vyatisht'hata .. 4..
Vanavaasam' hi sankhyaaya vaasaam'syaabharanaani cha .
Bhartaaramanugachchhantyai seetaayai shvashuro dadau .. 5..
Raajaa satyam' cha dharmashcha raajaa kulavataam' kulam .
Raajaa maataa pitaa chaiva raajaa hitakaro nri'naam .. 6..
Nireekshya sa muhoortam' tu dadarsha bharato gurum .
Ut'aje raamamaaseenam' jat'aamand'aladhaarinam .. 7..
Yadi buddhih' kri'taa drasht'umagastyam' tam' mahaamunim .
Adyaiva gamane buddhim' rochayasva mahaamate .. 8..
Bharatasyaaryaputrasya shvashroonaam' mama cha prabho .
Mri'garoopamidam' vyaktam' vismayam' janayishyati .. 9..
Gachchha sheeghramito raama sugreevam' tam' mahaabalam .
Vayasyam' tam' kuru kshipramito gatvaa'dya raaghava .. 10..
Deshakaalau bhajasvaadya kshamamaanah' priyaapriye .
Sukhaduh'khasahah' kaale sugreevavashago bhava .. 11..
Vanditavyaastatah' siddhaastapasaa veetakalmashaah' .
Prasht'avyaa chaapi seetaayaah' pravri'ttirvinayaanvitaih' .. 12..
Sa nirjitya pureem' lankaam' shresht'haam' taam' kaamaroopineem .
Vikramena mahaatejaa hanoomaan kapisattamah' .. 13..
Dhanyaa devaah' sagandharvaah' siddhaashcha paramarshayah' .
Mama pashyanti ye veeram' raamam' raajeevalochanam .. 14..
Mangalaabhimukhee tasya saa tadaaseenmahaakapeh' .
Upatasthe vishaalaakshee prayataa havyavaahanam .. 15..
Hitam' mahaartham' mri'du hetusam'hitam' vyateetakaalaayatisampratikshamam .
Nishamya tadvaakyamupasthitajvarah' prasangavaanuttarametadabraveet .. 16..
Dharmaatmaa rakshasashresht'hah' sampraapto'yam' vibheeshanah' .
Lankaishvaryamidam' shreemaanshruvam' praapnotyakant'akam .. 17..
Yo vajrapaataashanisannipaataanna chukshubhe naapi chachaala raajaa .
Sa raamabaanaabhihato bhri'shaartashchachaala chaapam' cha mumocha veerah' .. 18..
Yasya vikramamaasaadya raakshasaa nidhanam' gataah' .
Tam' manye raaghavam' veeram' naaraayanamanaamayam .. 19..
Na te dadri'shire raamam' dahantamapivaahineem .
Mohitaah' paramaastrena gaandharvena mahaatmanaa .. 20..
Pranamya devataabhyashcha braahmanebhyashcha maithilee .
Baddhaanjaliput'aa chedamuvaachaagnisameepatah' .. 21..
Chalanaatparvatasyaiva ganaa devaashcha kampitaah' .
Chachaala paarvatee chaapi tadaashlisht'aa maheshvaram .. 22..
Daaraah' putraah' puram' raasht'ram' bhogaachchhaadanabhojanam .
Sarvamevaavibhaktam' nau bhavishyati hareeshvara .. 23..
Yaameva raatrim' shatrughnah' parnashaalaam' samaavishat .
Taameva raatrim' seetaapi prasootaa daarakadvayam .. 24..
Idam' raamaayanam' kri'tsnam' gayatreebeejasam'yutam .
Trisandhyam' yah' pat'hennityam' sarvapaapaih' pramuchyate .. 25 ..