ద్వాదశజ్యోతిర్లిఙ్గస్తోత్రమ్

.. ద్వాదశజ్యోతిర్లిఙ్గస్తోత్రమ్ ..

సౌరాష్ట్రదేశే విశదేఽతిరమ్యే జ్యోతిర్మయం చన్ద్రకలావతంసమ్ .
భక్తిప్రదానాయ కృపావతీర్ణం తం సోమనాథం శరణం ప్రపధే .. 1 ..

శ్రీశైలశ్రృఙ్గే విబుధాతిసంగే తులాద్రితుంగేఽపి ముదా వసన్తమ్ .
తమర్జునం మల్లికపూర్వమేకం నమామి సంసారసముద్రసేతుమ్ .. 2 ..

అవన్తికాయాం విహితావతారం ముక్తిప్రదానాయ చ సజ్జనానామ్ .
అకాలమృత్యో: పరిరక్షణార్థం వన్దే మహాకాలమహాసురేశమ్ .. 3 ..

కావేరికానర్మదయో: పవిత్రే సమాగమే సజ్జనతారణాయ .
సదైవ మాన్ధాతృపురే వసంతమోంకారమీశం శివమేకమీడే .. 4 ..

పూర్వోత్తరే ప్రజ్వలికానిధానే సదా వసన్తం గిరిజాసమేతమ్ .
సురాసురారాధితపాదపద్యం శ్రీవైద్యనాథ తమహం నమామి .. 5 ..

యామ్యే సదంగే నగరేఽతిరమ్యే విభూషితాంగ వివిధైశ్చ భోగై: .
సద్భక్తిముక్తిప్రదమీశమేకం శ్రీనాగనాథం శరణం ప్రపధే .. 6..

మహాద్రిపార్శ్వే చ తటే రమన్తం సమ్పూజ్యమానం సతతం మునీన్ద్రై: .
సురాసురైర్యక్షమహోరగాధై: కేదారమీశం శివమేకమీడే .. 7..

సహారద్రిశీర్షే విమలే వసన్తం గోదావరీతీరపవిత్రదేశే.
యదర్శనాత్పాకమాశు నాశం ప్రయాతి తం త్ర్యమ్బకమీశమీడే .. 8 ..

సుతామ్రపర్ణీజలరాశియోగే నిబధ్య సేతుం విశిఖైరసంఖ్యై: .
శ్రీరామచన్ద్రేణ సమర్పితం తం రామేశ్వరాఖ్యం నియతం నమామి .. 9 ..

యం డాకినీశాకినికాసమాజే నిషేవ్యమాణం పిశితాశనైశ్చ .
సదైవ భీమాదిపదప్రసిద్ధం తం శంకరం భక్తహితం నమామి .. 10 ..

సానన్దమానన్దవనే వసంతమానన్దకన్దం హతపాపవృన్దమ్ .
వారాణసీనాథమనాథనాథం శ్రీవిశ్వనాథం శరణం ప్రపధే .. 11 ..

ఇలాపురే రమ్యవిశాలకేఽస్మిన్ సముల్లసన్తం చ జగద్వరేణ్యమ్ .
వన్దే మహోదారతరస్వభావం ఘ్రష్ణేశ్వరాఖ్యం శరణం ప్రపధే .. 12 ..

జ్యోతిర్మయద్వాదశలింగకానాం శివాత్మనాం ప్రోక్తమిదం క్రమేణ .
స్తోత్రం పఠిత్వా మనుజోఽతిభక్త్యా ఫలం తదాలోక్య నిజం భజేచ్చ .. 13..

.. ద్వాదశజ్యోతిర్లిఙ్గస్తోత్రమ్ ..