ಅಥ ಶ್ರಾವಣೀಸ್ನಾನಮ್

ಶ್ರಾವಣೀಸ್ನಾನಮುಪಾಕರ್ಮ ಚ ಕದಾ ಭವತೀತಿ ಜಿಜ್ಞಾಸಾಯಾಮ್—
“ಶ್ರಾವಣ್ಯಾಂ ಪೌರ್ಣಮಾಸ್ಯಾಂ ಶ್ರವಣಯುಕ್ತಾಯಾಂ ಶ್ರವಣರಹಿತಾಯಾಂ ಶ್ರಾವಣಸ್ಯ ಶುಕ್ಲಪಞ್ಚಮ್ಯಾಂ ಹಸ್ತಯುಕ್ತಾಯಾಮಯುಕ್ತಾಯಾಂ ವಾ ಉಪಾಕರ್ಮ (ಅಧ್ಯಾಯೋಪಾಕರ್ಮ) ಭವತಿ .”
“ಓಷಧೀನಾಂ ಪ್ರಾದುರ್ಭಾವೇ ಶ್ರವಣೇನ ಶ್ರಾವಣ್ಯಾಂ ಪೌರ್ಣಮಾಸ್ಯಾಂ ಪಞ್ಚಮೀ ಹಸ್ತೇನ ವಾ ಇತಿ ವಚನಾತ್.”—ಪಾರಸ್ಕರಗೃಹ್ಯಸೂತ್ರಮ್

ಓಂ ಶ್ರೀಪರಮಾತ್ಮನೇ ನಮಃ
ಶ್ರಾವಣೀಸ್ನಾನೇ ಆವಶ್ಯಕಾನ್ಯುಪಕರಣಾನಿ ಕುಶಾಃ, ತಿಲಾಃ, ಯವಾಃ, ಮೃತ್ತಿಕಾ, ಗೋಮಯಮ್, ಭಸ್ಮ, ಅಪಾಮಾರ್ಗಃ, ಸುಮನಸಃ, ದೂರ್ವಾದೀನಿ .
ತತ್ರ ಸಶಿಷ್ಯೋ ಗುರೂರ್ನದ್ಯಾದೌ ತಡಾಗೇ ವಾ ಗತ್ವಾ ಶುಚೌ ದೇಶೇ ಆವಶ್ಯಕಾನ್ಯುಪಕರಣಾನಿ ಸಂಸ್ಥಾಪ್ಯ ಹಸ್ತೌ ಪಾದೌ ಪ್ರಕ್ಷಾಲ್ಯ ಬದ್ಧಶಿಖೀ ಯಜ್ಞೋಪವೀತ್ಯಾಚಮ್ಯ ಪ್ರವಾಹಾಭಿಮುಖಃ ಪ್ರಾಙ್ಮುಖೋ ವಾ ಕುಶೋಪಗ್ರಹಃ
ಸಙ್ಕಲ್ಪಂ ಕುರ್ಯಾತ್.
ಸಙ್ಕಲ್ಪಃ
ಹರಿಃ ಓಂ ತತ್ಸತ್ ೩ ಓಂ ವಿಷ್ಣುಃ ೩ ಅದ್ಯ ಶ್ರೀಮದ್ಭಗವತೋ ಮಹಾಪುರಾಣಪುರುಷೋತ್ತಮಸ್ಯ ವಿಷ್ಣೋರಾಜ್ಞಯಾ ಪ್ರವರ್ತಮಾನಸ್ಯ ಸಕಲಜಗತ್ಸೃಷ್ಟಿಕಾರಿಣೋ ಬ್ರಹ್ಮಣೋ ದ್ವಿತೀಯೇ ಪರಾರ್ಧೇ ಏಕಪಞ್ಚಾಶತ್ತಮೇ ವರ್ಷೇ ಪ್ರಥಮಮಾಸೇ ಪ್ರಥಮಪಕ್ಷೇ ಪ್ರಥಮದಿವಸೇ ಅಹ್ನೋರ್ದ್ವಿತೀಯಯಾಮೇ ತೃತೀಯೇ ಮುಹೂರ್ತೇ ರಥನ್ತರಾದಿದ್ವಾತ್ರಿಂಶತ್ಕಲ್ಪಾನಾಂ ಮಧ್ಯೇ ಅಷ್ಟಮೇ ಶ್ವೇತವಾರಾಹಕಲ್ಪೇ ಸ್ವಾಯಮ್ಭುವಾದಿಮನ್ವನ್ತರಾಣಾಂ ಮಧ್ಯೇ ಸಪ್ತಮೇ ವೈವಸ್ವತಮನ್ವನ್ತರೇ ಕೃತತ್ರೇತಾದ್ವಾಪರಕಲಿಸಂಜ್ಞಕಾನಾಂ ಚತುರ್ಣ್ಣಾಂ ಯುಗಾನಾಂ ಮಧ್ಯೇ ವರ್ತಮಾನೇ ಅಷ್ಟಾವಿಂಶತಿತಮೇ ಕಲಿಯುಗೇ ತತ್ಪ್ರಥಮಚರಣೇ ಜಮ್ಬೂದ್ವೀಪೇ ಭಾರತವರ್ಷೇ ಭರತಖಣ್ಡೇ ಆರ್ಯಾವರ್ತಾನ್ತರ್ಗತೈಕದೇಶೇ ನೇಪಾಲದೇಶೇ ಪಾಶುಪತಕ್ಷೇತ್ರೇ ವಾ (ಅಮುಕ) ಪುಣ್ಯಭೂಮೌ ಬೌದ್ಧಾವತಾರೇ ಷಷ್ಟಿಸಂವತ್ಸರಾಣಾಂ ಮಧ್ಯೇಽಮುಕನಾಮ್ನಿ ಸಂವತ್ಸರೇ ದಕ್ಷಿಣಗೋಲಾವಲಮ್ಬಿನಿ ಶ್ರೀಮಾರ್ತಣ್ಡಮಣ್ಡಲೇ ಅಮುಕರ್ತೌ ಅಮುಕಮಾಸೇ ಅಮುಕಪಕ್ಷೇ ಅಮುಕತಿಥೌ ಅಮುಕವಾಸರೇ ಅಮುಕನಕ್ಷತ್ರೇ ಅಮುಕಯೋಗೇ ಅಮುಕಕರಣೇ ಯಥಾರಾಶಿಸ್ಥಿತೇ ಶ್ರೀಸೂರ್ಯೇ ಯಥಾರಾಶಿಸ್ಥಿತೇ ಚನ್ದ್ರಮಸಿ ಯಥಾ ರಾಶಿಸ್ಥಿತೇ ದೇವಗುರೌ ಶೇಷೇಷು ಗ್ರಹೇಷು ಯಥಾಯಥಂ ಸ್ಥಾನಸ್ಥಿತೇಷು ಸತ್ಸು ಏವಂ ಸಕಲಗ್ರಹಗಣವಿಶೇಷೇಣವಿಶಿಷ್ಟಾಯಾಂ ಶುಭಪುಣ್ಯತಿಥೌ (ಅಮುಕ) ಗೋತ್ರೋತ್ಪನ್ನಃ (ಅಮುಕ) ಪ್ರವರಃ (ಅಮುಕ) ವೇದಾನ್ತರ್ಗತ (ಅಮುಕ) ಶಾಖಾಧ್ಯಾಯೀ (ಅಮುಕ) ಶರ್ಮಾಹಂ ಸ್ವಾತ್ಮನಃ ಶ್ರುತಿಸ್ಮೃತಿಪುರಾಣಾಗಮೋಕ್ತಫಲಪ್ರಾಪ್ತಯೇ ಇಹ ಜನ್ಮನಿ ಜನ್ಮಾನ್ತರೇ ವಾ ಕಾಯಿಕವಾಚಿಕಮಾನಸಿಕಸಾಂಸರ್ಗಿಕಜ್ಞಾತಾಜ್ಞಾತಸ್ಪರ್ಶಾಸ್ಪರ್ಶಾಸನಶಯನಭೋಜನಗಮನಾನೃತಭಾಷಣಾದಿಜನಿತ– ದುರಿತನಿರಸನಫೂರ್ವಕಮಧೀತಾನಾಮ್ ಅಧ್ಯೇಷ್ಯಮಾಣಾನಾಂ ಚಾಧ್ಯಾಯಾನಾಂ ಸ್ಥಾನ–ವಿಚ್ಛೇದವ್ರೋಶಘೋಷಣದನ್ತವಿವೃತ್ತಿದುರ್ವೃತ್ತ– ದ್ರುತೋಚ್ಚಾರಿತವರ್ಣಾನಾಂ ಪೂರ್ವಸವರ್ಣಾನಾಂ ಗಲೋಪಲಮ್ಬಿತವಿವೃತ್ತೋಚ್ಚಾರಿತವರ್ಣಾನಾಂ ಶ್ಲಿಷ್ಟಾಸ್ಪಷ್ಟವರ್ಣವಿಘಟ್ಟನಾದಿಭಿಃ ಪಠಿತಾನಾಞ್ಚ ಶ್ರುತೀನಾಂ ಯದ್ಯಾತಯಾಮತ್ವಂ ತತ್ಪರಿಹಾರಾರ್ಥಮ್ ಅಷ್ಟತ್ರಿಂಶದನಧ್ಯಾಯಾಧ್ಯಯನೇ ರಥ್ಯಾಸಞ್ಚರತಃ ಶೂದ್ರಸ್ಯ ಶ್ರೃಣ್ವತೋಽಧ್ಯಯನೇ ಮ್ಲೇಚ್ಛಾನ್ತ್ಯಜಾತೇಃ ಶ್ರೃಣ್ವತೋಽಧ್ಯಯನೇಽಶುಚಿದೇಶೇಽಧ್ಯಯನೇ ಆತ್ಮನೋಽಶುಚಿತ್ವೇಽಧ್ಯಯನೇಽಕ್ಷರಸ್ವರಾನುಸ್ವಾರ– ಪದಚ್ಛೇದಕಣ್ಡಿಕಾವ್ಯಞ್ಜನಹ್ರಸ್ವದೀರ್ಘಪ್ಲುತಕಣ್ಠತಾಲುಮೂರ್ಧನ್ಯೋಷ್ಠ್ಯದನ್ತ್ಯನಾಸಿಕಾನುನಾಸಿಕ– ರೇಫಜಿಹ್ವಾಮೂಲೀಯೋಪಧ್ಮಾನೀಯೋದಾತ್ತಾನುದಾತ್ತ– ಸ್ವರಿತಾದೀನಾಂ ವ್ಯತ್ಯಯೇನೋಚ್ಚಾರೇ ಮಾಧುರ್ಯಾಕ್ಷರವ್ಯಕ್ತಿಹೀನತ್ವಾದ್ಯನೇಕಪ್ರತ್ಯವಾಯಪರಿಹಾರಪೂರ್ವಕಂ ಸರ್ವಸ್ಯ ವೇದಸ್ಯ ಸವೀರ್ಯತ್ವಸಮ್ಪಾದನದ್ವಾರಾ ಯಥಾವತ್ಫಲಪ್ರಾಪ್ತಿಪೂರ್ವಕಂ ಶ್ರೀಪರಮೇಶ್ವರಪ್ರೀತ್ಯರ್ಥಂ ದೇವಬ್ರಾಹ್ಮಣಸವಿತೃಸೂರ್ಯನಾರಾಯಣಸನ್ನಿಧೌ (ಅಮುಕತೀರ್ಥೇ) ಪ್ರವಾಹಾಭಿಮುಖಃ ಸ್ನಾನಮಹಂ ಕರಿಷ್ಯೇ. ..

ಇತಿ ಸಙ್ಕಲ್ಪ್ಯ
ತೀರ್ಥಂ ಪ್ರಾರ್ಥಯೇತ್ ..

ತೀರ್ಥಪ್ರಾರ್ಥನಾ
ಓಂ ನಮಾಮಿ ಗಙ್ಗೇ ತವ ಪಾದಪಙ್ಕಜಂ ಸುರಾಸುರೈರ್ವನ್ದಿತದಿವ್ಯರೂಪಮ್.
ಭುಕ್ತಿಂ ಚ ಮುಕ್ತಿಂ ಚ ದದಾಸಿ ನಿತ್ಯಂ ಭಾವಾನುಸಾರೇಣ ಸದಾ ನರಾಣಾಮ್..

ಪಾಪಿನಾಮುದ್ಧೃತಿಕೃತೇ ಸಮುದ್ಭೂತಾಸಿ ಭೂತಲೇ.
ದಹ ಮೇ ಸರ್ವಪಾಪಾನಿ ಮಾಂ ಪುನೀಹಿ ಸುರೇಶ್ವರಿ ..

ತ್ವಮೇವ ಗತಿರಸ್ಮಾಕಂ ಪತತಾಂ ನರಕಾರ್ಣವೇ.
ಸಮುದ್ಧರ ಮಹಾದೇವ ಜಟಾಜೂಟನಿವಾಸಿನಿ ..

ಯಾ ಗತಿರ್ಯೋಗಯುಕ್ತಾನಾಂ ಮುನೀನಾಮೂರ್ಧ್ವರೇತಸಾಮ್.
ಸಾ ಗತಿಃ ಸರ್ವಜನ್ತೂನಾಂ ಗೌತಮೀತೀರವಾಸಿನಾಮ್..

ಪುಷ್ಕರಾದೀನಿ ತೀರ್ಥಾನಿ ಗಙ್ಗಾದ್ಯಾಃ ಸರಿತಸ್ತಥಾ .
ಆಗಚ್ಛನ್ತು ಪವಿತ್ರಾಣಿ ಸ್ನಾನಕಾಲೇ ಸದಾ ಮಮ ..

ತ್ವಂ ರಾಜಾ ಸರ್ವತೀರ್ಥಾನಾಂ ತ್ವಮೇವ ಜಗತಃ ಪಿತಾ .
ಯಾಚಿತಂ ದೇಹಿ ತೀರ್ಥಂ ಮೇ ತೀರ್ಥರಾಜ ನಮೋಽಸ್ತು ತೇ..

ಅಪಾಮಧಿಪತಿಸ್ತ್ವಂ ಚ ತೀರ್ಥೇಷು ವಸತಿಸ್ತವ .
ವರುಣಾಯ ನಮಸ್ತುಭ್ಯಂ ಸ್ನಾನಾನುಜ್ಞಾಂ ಪ್ರಯಚ್ಛ ಮೇ..

ಅಧಿಷ್ಠಾತ್ರ್ಯಶ್ಚ ತೀರ್ಥಾನಾಂ ತೀರ್ಥೇಷು ವಿಚರನ್ತಿ ಯಾಃ .
ದೇವತಾಸ್ತಾಃ ಪ್ರಯಚ್ಛನ್ತು ಸ್ನಾನಾಜ್ಞಾಂ ಮಮ ಸರ್ವದಾ ..

ಗಙ್ಗೇ ಚ ಯಮುನೇ ಚೈವ ಗೋದಾವರಿ ಸರಸ್ವತಿ .
ನರ್ಮದೇ ಸಿನ್ಧು ಕಾವೇರಿ ಜಲೇಽಸ್ಮಿನ್ ಸನ್ನಿಧಿಂ ಕುರು ..

ಚನ್ದ್ರಭಾಗೇ ಮಹಾಭಾಗೇ ಶರಣಾಗತವತ್ಸಲೇ.
ಗಣ್ಡಕೀ ಸರಯೂಯುಕ್ತಾ ಸಮಾಸಾದ್ಯ ಪುನೀಹಿ ಮಾಮ್..

ಸರ್ವಾಣಿ ಯಾನಿ ತೀರ್ಥಾನಿ ಪಾಪಮೋಚನಹೇತವಃ .
ಆಯಾನ್ತು ಸ್ನಾನಕಾಲೇಽಸ್ಮಿನ್ ಕ್ಷಣಂ ಕುರ್ವನ್ತು ಸನ್ನಿಧಿಮ್..

ಇತಿ ಸಂಪ್ರಾರ್ಥ್ಯ ತತಃ
ಉರುᳯಹೀತಿ ನ್ಯುಬ್ಜಾಞ್ಜಲಿಹಸ್ತೇನ ತೋಯಮಭಿಮನ್ತ್ರಯೇತ್ .
ಜಲಾಭಿಮನ್ತ್ರಣಮ್
ಓಂ ಉರುᳯಹಿ ರಾಜಾ ವರುಣಶ್ಚಕಾರ ಸೂರ್ॺಾಯ ಪನ್ಥಾಮನ್ವೇತವಾಽಉ .
ಅಪದೇ ಪಾದಾಪ್ರತಿಧಾತವೇಕರುತಾಪವಕ್ತಾ ಹೃದಯಾವಿಧಶ್ಚಿತ್ .
ನಮೋ ವರುಣಾಯಾಭಿಷ್ಠಿತೋ ವರುಣಸ್ಯ ಪಾಶಃ ..

ತತೋ ॺೇ ತೇ ಶತಮಿತಿ ಜಲಮಾವರ್ತಯೇತ್.
ಜಲಾವರ್ತನಮ್
ಓಂ ॺೇ ತೇ ಶತಂ ವರುಣಂ ॺೇ ಸಹಸ್ರಂ ॺಜ್ಞಿಯಾಃ ಪಾಶಾ ವಿತತಾ ಮಹಾನ್ತಃ .
ತೇಭಿರ್ನೋಽಅದ್ಯ ಸವಿತೋತ ವಿಷ್ಣುರ್ವಿಶ್ವೇ ಮುಞ್ಚನ್ತು ಮರುತಃ ಸ್ವರ್ಕಾಃ .
ತತಃ ಸುಮಿತ್ರಿಯಾ ನ ಇತ್ಯಪೋಽಞ್ಜಲಿನಾಽಽದಾಯ–
ಜಲಮಾದಾನಂ ನಿಷಿಞ್ಚನಞ್ಚ
ಓಂ ಸುಮಿತ್ರಿಯಾ ನಽಆಪಽಓಷಧಯಃ ಸನ್ತು. ಇತಿ .
“ದುರ್ಮಿತ್ರಿಯಾ ಇತಿ ದ್ವೇಷ್ಯಂ ಪ್ರತಿ ನಿಷಿಞ್ಚೇತ್”
(ಕಾಮಾದೀನ್ ಶತ್ರೂನುದ್ದಿಶ್ಯ ತೀರ್ಥತಟೇ ಸ್ವವಾಮಭಾಗೇ ನಿಷಿಞ್ಚೇತ್) .
ಓಂ ದುರ್ಮಿತ್ರಿಯಾಸ್ತಸ್ಮೈ ಸನ್ತು ॺೋಸ್ಮಾನ್ದ್ವೇಷ್ಟಿ ॺಞ್ಚ ವಯಂ ದ್ವಿಷ್ಮಃ . ಇತಿ .
ಕಟಿಂ ವಸ್ತ್ಯೂರು ಜಙ್ಘೇ ಚರಣೌ ಕರೌ ಮೃದಾ ತ್ರಿಸ್ತ್ರಿಃ ಪ್ರಕ್ಷಾಲ್ಯಾಚಮ್ಯ ನಮಸ್ಯೋದಕಮಾಲಭೇದಙ್ಗಾನಿ ಮೃದೇದಂ ವಿಷ್ಣುರಿತಿ .
ಮೃತ್ತಿಕಾಲೇಪನಮ್
ಮೃಲ್ಲೇಪನಪ್ರಕಾರೋ ಯಥಾ ಮೃತ್ಸ್ನಾಮಾದಾಯ ತಸ್ಯಾ ಭಾಗತ್ರಯಂ ಕೃತ್ವಾ ಪ್ರಥಮಭಾಗಂ ವಾಮಹಸ್ತೇನಾದಾಯ ನಾಭೇರಧಃ
ಕಟಿಪ್ರದೇಶಮನುಲಿಪ್ಯ ಹಸ್ತಂ ಪ್ರಕ್ಷಾಲ್ಯ ದ್ವಿತೀಯಭಾಗಮಾದಾಯ ವಾಮಹಸ್ತೇನ ಪ್ರಾಗ್ವಸ್ತಿಮೂರುಃ ಜಙ್ಘೇ ಚರಣೌ ಕರೌ ಚ ತ್ರಿಸ್ತ್ರಿರನುಲಿಪ್ಯ ಹಸ್ತಂ ಪ್ರಕ್ಷಾಲ್ಯಾಚಮ್ಯ ತೀರ್ಥೋದಕಂ ಸಾಞ್ಜಲಿಃ ಶಿರಸಾ ಪ್ರಣಮೇತ್.
ಪುನಸ್ತಥೈವ ತೃತೀಯಭಾಗಂ ವಾಮಹಸ್ತೇ ನಿಧಾಯ ದಕ್ಷಿಣಹಸ್ತೇನ ನಾಭೇರುಪರಿ ಲಲಾಟಮಾರಭ್ಯ ನಾಭಿಪರ್ಯನ್ತಂ ಲೇಪಯೇತ್. ಸರ್ವತ್ರ ಲೇಪನೇ ‘ಇದಂ ವಿಷ್ಣುರಿತಿ’ ಮನ್ಕ್ರಾವೃತ್ತಿಃ .
ಓಂ ಇದಂ ವಿಷ್ಣುರ್ವಿಚವ್ರಮೇ ತ್ರೇಧಾ ನಿದಧೇ ಪದಮ್.
ಸಮೂಢಮಸ್ಯಫಾᳩಸುರೇ ಸ್ವಾಹಾ ..

ಓಂ ಅಶ್ವಕ್ರಾನ್ತೇ ರಥಕ್ರಾನ್ತೇ ವಿಷ್ಣುವ್ರಾನ್ತೇ ವಸುನ್ಧರೇ.
ಮೃತ್ತಿಕೇ ಹರ ಮೇ ಪಾಪಂ ಯನ್ಮಯಾ ದುಷ್ಕೃತಂ ಕೃತಮ್..

ಉದ್ಧೃತಾಸಿ ವರಾಹೇಣ ಕೃಷ್ಣೇನ ಶತಬಾಹುನಾ .
ನಮಸ್ತೇ ಸರ್ವಭೂತಾನಾಂ ಪ್ರಭವಾರಣಿ ಸುವ್ರತೇ..

ಮೃತ್ತಿಕೇ ಬ್ರಹ್ಮಭೂತಾಸಿ ಕಶ್ಯಪೇನಾಭಿವನ್ದಿತಾ .
ತ್ವಯಾ ಹತೇಷು ಪಾಪೇಷು ಗಚ್ಛೇಯಂ ಪರಮಾಂ ಗತಿಮ್..

ತತಃ ನಾಭಿಪರಿಮಾಣಂ ತೀರ್ಥಜಲಾನ್ತಃ ಪ್ರವಿಶ್ಯ ಸೂರ್ಯಾಭಿಮುಖೋ ನಿಮಜ್ಜೇದಾಪೋಽಅಸ್ಮಾನಿತಿ .
ಸ್ನಾನಮ್
ಓಂ ಆಪೋಽಅಸ್ಮಾನ್ಮಾತರಃ ಶುನ್ಧಯನ್ತು ಘೃತೇನ ನೋ ಘೃತಪ್ವಃ ಪುನನ್ತು.
ವಿಶ್ವᳯಹಿರಿಪ್ರಮ್ಪ್ರವಹನ್ತಿ ದೇವೀಃ ..

ಸ್ನಾತ್ವೋದಿದಾಭ್ಯ ಇತ್ಯುನ್ಮಜ್ಜೇತ್ .
ಓಂ ಉದಿದಾಭ್ಯಃ ಶುಚಿರಾಪೂತಽಏಮಿ ..

ಇತ್ಯುನ್ಮಜ್ಜ್ಯ ಪುನಸ್ತೂಷ್ಣೀಂ ತ್ರಿವಾರಂ ನಿಮಜ್ಜ್ಯೋನ್ಮಜ್ಜ್ಯಾಚಮ್ಯ ಗೋಮಯೇನ ವಿಲಿಮ್ಪೇನ್ಮಾನಸ್ತೋಕ ಇತಿ .
ಗೋಮಯಲೇಪನಮ್
ತತ್ಪ್ರಕಾರೋ ಯಥಾ—
ಪಾಣಿಭ್ಯಾಂ ಗೋಮಯಮಾದಾಯ ಸೂರ್ಯಂ ದರ್ಶಯಿತ್ವಾ ಭಾಗತ್ರಯಂ ಕೃತ್ವಾ ಪ್ರಥಮಭಾಗಂ ವಾಮಹಸ್ತೇನಾದಾಯ ನಾಭೇರಧಸ್ತಾಲ್ಲೇಪಯೇತ್.
ಪುನರ್ಹಸ್ತೌ ಪ್ರಕ್ಷಾಲ್ಯ ದ್ವಿತೀಯಭಾಗಂ ಪೂರ್ವವದ್ವಾಮಹಸ್ತೇನ ಊರುಃ ವಸ್ತಿ ಜಙ್ಘೇ ಪಾದೌ ಕರೌ ಚ ಲೇಪಯೇತ್.
ಪುನರ್ಹಸ್ತೌ ಪ್ರಕ್ಷಾಲ್ಯ ದಕ್ಷಿಣೇನ ಪಾಣಿನಾ ತೃತೀಯಂ ಭಾಗಮಾದಾಯ ನಾಭೇರೂರ್ಧ್ವಂ ಲಲಾಟಮಾರಭ್ಯ ನಾಭಿಪರ್ಯನ್ತಂ ಲೇಪಯೇತ್ .
ಓಂ ಮಾನಸ್ತೋಕೇ ತನಯೇ ಮಾ ನಽಆಯುಷಿ ಮಾ ನೋ ಗೋಷು ಮಾ ನೋಽಅಶ್ವೇಷು ರೀರಿಷಃ .
ಮಾ ನೋ ವೀರಾನ್ನ್ರುದ್ರಭಾಮಿನೋ ವಧೀರ್ಹವಿಷ್ಮನ್ತಃ ಸದಮಿಝ್ವಾ ಹವಾಮಹೇ.
ಓಂ ಅಗ್ರಮಗ್ರಂ ಚರನ್ತೀನಾಮೋಷಧೀನಾಂ ವನೇ ವನೇ.
ತಾಸಾಮೃಷಭಪತ್ನೀನಾಂ ಪವಿತ್ರಂ ಕಾಯಶೋಧನಮ್..

ಯನ್ಮೇ ರೋಗಂ ಚ ಶೋಕಂ ಚ ತನ್ಮೇ ದಹತು ಗೋಮಯಮ್.. ಇತಿ .
ಪುನಃ ಸ್ನಾನಮ್
ಪುನಃ ಪೂರ್ವವದಾಪೋಽಅಸ್ಮಾನಿತಿ ಪ್ರಾಗುಕ್ತೌ ಮನ್ತ್ರೌ ಪಠನ್ ತ್ರಿವಾರಂ ನಿಮಜ್ಜ್ಯ ಸ್ನಾಯಾತ್.
ತತಃ ಸಜಲಂ ಭಸ್ಮಾಽಽದಾಯ ದಕ್ಷಿಣೇನ ಪಾಣಿನಾ ಲಲಾಟಾದಿನಾಭ್ಯನ್ತಂ ಶರೀರಂ ಲೇಪಯೇತ್ .
ಭಸ್ಮಲೇಪನಮ್
“ಓಂ ಅಗ್ನಿರಿತಿ ಭಸ್ಮ, ಓಂ ಪ್ರಸದ್ಯ ಭಸ್ಮ” ಇತಿ ದ್ವೌ ಮನ್ತ್ರೌ ಪಠೇತ್ .
ಓಂ ಅಗ್ನಿರಿತಿ ಭಸ್ಮ, ವಾಯುರಿತಿ ಭಸ್ಮ, ಜಲಮಿತಿ ಭಸ್ಮ, ಸ್ಥಲಮಿತಿ ಭಸ್ಮ, ವ್ಯೋಮೇತಿ ಭಸ್ಮ .
ಸರ್ವᳯಹ ವಾ ಇದಂ ಭಸ್ಮ . ಮನ ಏತಾನಿ ಚಕ್ಷೂಂಷಿ ಭಸ್ಮಾನಿ ..

ಓಂ ಪ್ರಸದ್ಯ ಭಸ್ಮನಾ ॺೋನಿಮಪಶ್ಚ ಪೃಥಿವೀಮಗ್ನೇ.
ಸᳯಸೃಜ್ಯ ಮಾತೃಭಿಷ್ಟ್ವಞ್ಜ್ಯಾೋತಿಷ್ಮಾನ್ಪುನರಾಸದಃ .. ಇತಿ .
“ತತೋಽಭಿಷಿಞ್ಚೇದಿಮಂ ಮೇ ವರುಣೇತಿ ಚತಸೃಭಿರ್ಮಾಪ ಉದುತ್ತಮಂ ಮುಞ್ಚನ್ತ್ವವಭೃಥೇತಿ ಅನ್ತೇ ಚೈತತ್” ಯಥಾ ಕುಶೋನ್ನೀತೇನ ಪ್ರತಿಮನ್ತ್ರಂ ನಾಭೇರುರ್ಧ್ವಂ ದಕ್ಷಿಣಪಾರ್ಶ್ವಮಾರಭ್ಯ ಶಿರೋ ನೀತ್ವಾ ನಾಭೇರ್ವಾಮಪಾರ್ಶ್ವಾನ್ತಂ ಸಿಞ್ಚೇತ್ .
ಕುಶೋದಕೇನ ಸೇಚನಮ್
ಮನ್ತ್ರಾಶ್ಚ
ಓಂ ಇಮಮ್ಮೇ ವರುಣ ಶ್ರುಧೀ ಹವಮದ್ಯಾ ಚ ಮೃಡಯ . ತ್ವಾಮವಸ್ಯುರಾಚಕೇ..

ಓಂ ತತ್ತ್ವಾ ॺಾಮಿ ಬ್ರಹ್ಮಣಾ ವನ್ದಮಾನಸ್ತದಾಶಾಸ್ತೇ ॺಜಮಾನೋಹವಿರ್ಭಿಃ .
ಅಹೇಡಮಾನೋ ವರುಣೇಹ ಬೋಧ್ಯುರುಶᳯಸ ಮಾ ನಽಆಯುಃ ಪ್ರಮೋಷೀಃ ..

ಓಂ ತ್ವನ್ನೋಽಅಗ್ನೇ ವರುಣಸ್ಯ ವಿದ್ವಾನ್ದೇವಸ್ಯ ಹೇಡೋಽಅವಯಾಸಿಸೀಷ್ಠಾಃ .
ॺಜಿಷ್ಠೋ ವಹ್ನಿತಮಃ ಶೋಶುಚಾನೋ ವಿಶ್ವಾ ದ್ವೇಷಾᳩಸಿ ಪ್ರಮುಮುಗ್ಧ್ಯಸ್ಮತ್..

ಓಂ ಸ ತ್ವನ್ನೋಽಅಗ್ನೇವಮೋ ಭವೋತೀ ನೇದಿಷ್ಠೋಽಅಸ್ಯಾಽಉಷಸೋ ವ್ಯುಷ್ಟೌ.
ಅವಯಕ್ಷ್ವ ನೋ ವರುಣᳯರರಾಣೋ ವೀಹಿ ಮೃಡೀಕᳯಸುಹವೋ ನಽಏಧಿ ..

ಓಂ ಮಾಪೋ ಮೌಷಧೀರ್ಹಿᳯಸೀರ್ಧಾಮ್ನೋ ಧಾಮ್ನೋ ರಾಜಁಸ್ತತೋ ವರುಣ ನೋ ಮುಞ್ಚ .
ॺದಾಹುರಘ್ನ್ಯಾಽಇತಿ ವರುಣೇತಿ ಶಪಾಮಹೇ ತತೋ ವರುಣ ನೋ ಮುಞ್ಚ ..

ಓಂ ಉದುತ್ತಮಂ ವರುಣಪಾಶಮಸ್ಮದವಾಧಮಂ ವಿಮಧ್ಯಮᳩಶ್ರಥಾಯ .
ಅಥಾವಯಮಾದಿತ್ಯವ್ರತೇ ತವಾನಾಗಸೋಽಅದಿತಯೇ ಸ್ಯಾಮ ..

ಓಂ ಮುಞ್ಚನ್ತು ಮಾ ಶಪಥ್ಯಾದಥೋ ವರುಣ್ಯಾದುತ .
ಅಥೋ ॺಮಸ್ಯ ಪಡ್ವೀಶಾತ್ಸರ್ವಸ್ಮಾದ್ದೇವ ಕಿಲ್ವಿಷಾತ್.
ಓಂ ಅವಭೃಥ ನಿಚುಮ್ಪುಣ ನಿಚೇರುರಸಿ ನಿಚುಮ್ಪುಣಃ .
ಅವ ದೇವೈರ್ದೇವಕೃತಮೇನೋॺಾಸಿಷಮವ ಮರ್ತ್ಯೈರ್ಮರ್ತ್ಯಕೃತಂ ಪುರುರಾವ್ಣೋ ದೇವ ರಿಷಸ್ಪಾಹಿ ..

ಇತ್ಯಭಿಷಿಚ್ಯ—
“ನಿಮಜ್ಜ್ಯೋನ್ಮಜ್ಜ್ಯಾಚಮ್ಯ ದರ್ಭೈಃ ಪಾವಯೇತ್ .
ಆಪೋ ಹಿಷ್ಠೇತಿ ತಿಸೃಭಿರಿದಮಾಪೋ ಹವಿಷ್ಮತೀರ್ದೇವೀರಾಪ ಇತಿ ದ್ವಾಭ್ಯಾಮಪೋ ದೇವಾ ದ್ರುಪದಾದಿವ ಶನ್ನೋದೇವೀರಪಾᳩರಸಮಪೋದೇವೀಃ ಪುನನ್ತು ಮೇತಿ ನವಭಿಃ ಕುಶೋನ್ನೀತೇನ ಜಲೇನಾತ್ಮಾನಮಭಿಷಿಞ್ಚೇತ್” .
ತ್ರಿಭಿರ್ದರ್ಭೈರ್ದಕ್ಷಿಣಕರಧೃತೈಃ ಸೋದಕೈರ್ನಾಭಿಮಾರಭ್ಯ ಪ್ರದಕ್ಷಿಣಂ ನಾಭಿಪರ್ಯನ್ತಂ ವಕ್ಷ್ಯಮಾಣೈಃ ಪ್ರಣವಾದಿಭಿರ್ಗಾಯತ್ರೀಪೂರ್ವೈರಾಪೋಹಿಷ್ಠೇತ್ಯಾದಿಭಿರ್ಮನ್ತ್ರೈರಾತ್ಮಾನಂ ಪಾವಯೇತ್.
ಆದೌ ಗಾಯತ್ರ್ಯಾಭಿಷಿಚ್ಯ –
ತತಃ ಕುಶಾನ್ ಜಲೇ ನಿಕ್ಷಿಪ್ಯ ಸ್ನಾಯಾತ್.
ಓಂ ಆಪೋ ಹಿಷ್ಠಾ ಮಯೋ ಭುವಸ್ತಾನಽಊರ್ಜೇ ದಧಾತನ . ಮಹೇ ರಣಾಯ ಚಕ್ಷಸೇ..

ಓಂ ॺೋವಃ ಶಿವತಮೋ ರಸಸ್ತಸ್ಯ ಭಾಜಯತೇ ಹ ನಃ . ಉಶತೀರಿವ ಮಾತರಃ
ಓಂ ತಸ್ಮಾಽಅರಙ್ಗಮಾಮವೋ ॺಸ್ಯ ಕ್ಷಯಾಯ ಜಿನ್ವಥ . ಆಪೋ ಜನಯಥಾ ಚ ನಃ ..

ಓಂ ಇದಮಾಪಃ ಪ್ರವಹತಾವದ್ಯಞ್ಚ ಮಲಞ್ಚ ॺತ್. ॺಚ್ಚಾಭಿದುದ್ರೋಹಾನೃತಁॺಚ್ಚ ಶೇಪೇಽಅಭೀರುಣಮ್. ಆಪೋ ಮಾ ತಸ್ಮ್ಮಾದೇನಸಃ ಪವಮಾನಶ್ಚ ಮುಞ್ಚತು..

ಓಂ ಹವಿಷ್ಮತೀರಿಮಾಽಆಪೋಹವಿಷ್ಮಾಁ೨ಆವಿವಾಸತಿ . ಹವಿಷ್ಮಾನ್ದೇವೋಽಅಧ್ವರೋ ಹವಿಷ್ಮಾಁಽಅಸ್ತು ಸೂರ್ॺಃ ..

ಓಂ ದೇವೀರಾಪೋಽಅಪಾನ್ನಪಾದ್ಯೋ ವಽಊರ್ಮಿರ್ಹವಿಷ್ಯಇನ್ದ್ರಿಯಾವಾನ್ಮದಿನ್ತಮಃ .
ತನ್ದೇವೇಭ್ಯೋ ದೇವಕ್ರಾ ದತ್ತ ಶುವ್ರಪೇಭ್ಯೋ ॺೇಷಾಂ ಭಾಗಸ್ಥ ಸ್ವಾಹಾ ..

ಓಂ ಕಾರ್ಷಿರಸಿ ಸಮುದ್ರಸ್ಯ ತ್ವಾ ಕ್ಕ್ಷಿತ್ತ್ಯಾಽಉನ್ನಯಾಮಿ . ಸಮಾಪೋಽಅದ್ಭಿರಗ್ಮತ ಸಮೋಷಧೀಭಿರೋಷಧೀಃ ..

ಓಂ ಅಪೋ ದೇವಾ ಮಧುಮತೀರಗೃಬ್ಭ್ಣನ್ನೂರ್ಜಸ್ವತೀ ರಾಜಸ್ವಶ್ಚಿತಾನಾಃ .
ॺಾಭಿರ್ಮಿತ್ರಾವರುಣಾವಭ್ಯಷಿಞ್ಚನ್ಯಾಭಿರಿನ್ದ್ರಮನಯನ್ನತ್ಯರಾತೀಃ ..

ಓಂ ದ್ರುಪದಾದಿವ ಮುಮುಚಾನಃ ಸ್ವಿನ್ನಃ ಸ್ನಾತೋ ಮಲಾದಿವ . ಪೂತಂ ಪವಿತ್ರೇಣೇ ವಾಜ್ಯಮಾಪಃ ಶುನ್ಧನ್ತು ಮೈನಸಃ ..

ಓಂ ಶನ್ನೋ ದೇವೀರಭಿಷ್ಟಯಽಆಪೋ ಭವನ್ತು ಪೀತಯೇ. ಶಂ ॺೋರಭಿಸ್ರವನ್ತು ನಃ ..

ಓಂ ಅಪಾᳩರಸಮುದ್ವಯಸᳯಸೂರ್ॺೇ ಸನ್ತᳯಸಮಾಹಿತಮ್ .
ಅಪಾᳩರಸಸ್ಯ ॺೋ ರಸಸ್ತಁವ್ವೋ ಗೃಹ್ಣಾಮ್ಯುತ್ತಮಮುಪಯಾಮಗೃಹೀತೋಸೀನ್ದ್ರಾಯ ತ್ವಾ ಜುಷ್ಟಙ್ಗೃಹ್ಣಾಮ್ಯೇಷ ತೇ ॺೋನಿರಿನ್ದ್ರಾಯ ತ್ವಾ ಜುಷ್ಟತಮಮ್..

ಓಂ ಅಪೋ ದೇವೀರುಪ ಸೃಜ ಮಧುಮತೀರಯಕ್ಷ್ಮಾಯ ಪ್ರಜಾಬ್ಭ್ಯಃ . ತಾಸಾಮಾಸ್ತ್ಥಾನಾದುಜ್ಜಿಹತಾಮೋಷಧಯಃ ಸುಪಿಪ್ಪಲಾಃ ..

ಓಂ ಪುನನ್ತು ಮಾ ಪಿತರಃ ಸೋಮ್ಯಾಸಃ ಪುನನ್ತು ಮಾ ಪಿತಾಮಹಾಃ ಪುನನ್ತು ಪ್ರಪಿತಾಮಹಾಃ .
ಪವಿತ್ರೇಣ ಶತಾಯುಷಾ . ಪುನನ್ತು ಮಾ ಪಿತಾಮಹಾಃ ಪುನನ್ತು ಪ್ರಪಿತಾಮಹಾಃ . ಪವಿತ್ರೇಣ ಶತಾಯುಷಾ ವಿಶ್ವಮಾಯುರ್ವ್ಯಶ್ನವೈ..

ಓಂ ಅಗ್ನಽಆಯೂᳩಷಿ ಪವಸಽಆಸುವೋರ್ಜಮಿಷಞ್ಚ ನಃ . ಆರೇ ಬಾಧಸ್ವ ದುಚ್ಛುನಾಮ್..

ಓಂ ಪುನನ್ತು ಮಾ ದೇವಜನಾಃ ಪುನನ್ತು ಮನಸಾ ಧಿಯಃ . ಪುನನ್ತು ವಿಶ್ವಾ ಭೂತಾನಿ ಜಾತವೇದಃ ಪುನೀಹಿ ಮಾ ..

ಓಂ ಪವಿತ್ರೇಣ ಫುನೀಹಿ ಮಾ ಶುಕ್ರೇಣ ದೇವ ದೀದ್ಯತ್. ಅಗ್ನೇ ಕ್ರತ್ವಾ ವ್ರತೂಁ೧..ರನು..

ಓಂ ॺತ್ತೇ ಪವಿತ್ರಮರ್ಚಿಷ್ಯಗ್ನೇ ವಿತತಮನ್ತರಾ . ಬ್ರಹ್ಮ ತೇನ ಪುನಾತು ಮಾ ..

ಓಂ ಪವಮಾನಃ ಸೋಽಅದ್ಯ ನಃ ಪವಿತ್ರೇಣ ವಿಚರ್ಷಣಿಃ . ॺಃ ಪೋತಾ ಸ ಪುನಾತು ಮಾ ..

ಓಂ ಉಭಾಭ್ಯಾಂ ದೇವ ಸವಿತಃ ಪವಿತ್ರೇಣ ಸವೇನ ಚ . ಮಾಂ ಪುನೀಹಿ ವಿಶ್ವತಃ .
ಓಂ ವೈಶ್ವದೇವೀ ಪುನತೀ ದೇವ್ಯಾಗಾದ್ಯಸ್ಯಾಮಿಮಾ ಬಹ್ವ್ಯಸ್ತನ್ನ್ವೋ ವೀತಪೃಷ್ಠಾಃ ..

ತಯಾ ಮದನ್ತಃ ಸಧಮಾದೇಷು ವಯᳯಸ್ಯಾಮ ಪತಯೋ ರಯೀಣಾಮ್ ಪಶ್ಚಾತ್ತೂಷ್ಣೀಮಾಚಮ್ಯ
“ಚಿತ್ಪತಿರ್ಮೇತ್ಯೋಙ್ಕಾರೇಣ ವ್ಯಾಹೃತಿಭಿರ್ಗಾಯತ್ರ್ಯಾ ಚಾದಾವನ್ತೇ , ಚ ಇಮಮ್ಮೇ ಇತ್ಯಷ್ಟೌ”—
ಓಂ ಚಿತ್ಪತಿರ್ಮಾ ಪುನಾತ್ವಚ್ಛಿದ್ರೇಣ ಪವಿತ್ರೇಣ ಸೂರ್ॺಸ್ಯ ರಶ್ಮಿಭಿಃ .
ತಸ್ಯ ತೇ ಪವಿತ್ರಪತೇ ಪವಿತ್ರಪೂತಸ್ಯ ॺತ್ಕಾಮಃ ಪುನೇ ತಚ್ಛಕೇಯಮ್..

ಓಂ ವಾಕ್ಪತಿರ್ಮಾ ಪುನಾತ್ವಚ್ಛಿದ್ರೇಣ ಪವಿತ್ರೇಣ ಸೂರ್ॺಸ್ಯ ರಶ್ಮಿಭಿಃ .
ತಸ್ಯ ತೇ ಪವಿತ್ರಪತೇ ಪವಿತ್ರಪೂತಸ್ಯ ॺತ್ಕಾಮಃ ಪುನೇ ತಚ್ಛಕೇಯಮ್..

ಓಂ ದೇವೋ ಮಾ ಸವಿತಾ ಪುನಾತ್ವಚ್ಛಿದ್ರೇಣ ಪವಿತ್ರೇಣ ಸೂರ್ॺಸ್ಯ ರಶ್ಮಿಭಿಃ .
ತಸ್ಯ ತೇ ಪವಿತ್ರಪತೇ ಪವಿತ್ರಪೂತಸ್ಯ ॺತ್ಕಾಮಃ ಪುನೇ ತಚ್ಛಕೇಯಮ್..

ಓಂ ಪುನಾತು. ಓಂ ಇಮಂ ಮೇ ವರುಣ ಶ್ರುಧೀ ಹವಮದ್ಯಾ ಚ ಮೃಡಯ . ತ್ವಾಮವಸ್ಯುರಾಚಕೇ..

ಓಂ ಭೂಃ ಪುನಾತು. ಓಂ ತತ್ತ್ವಾ ॺಾಮಿ ಬ್ರಹ್ಮಣಾ ವನ್ದಮಾನಸ್ತದಾಶಾಸ್ತೇ ॺಜಮಾನೋ ಹವಿರ್ಭಿಃ .
ಅಹೇಡಮಾನೋ ವರುಣೇಹ ಬೋಧ್ಯುರುಶᳯಸಮಾ ನಽಆಯುಃ ಪ್ರಮೋಷೀಃ ..

ಓಂ ಭುವಃ ಪುನಾತು. ಓಂ ತ್ವನ್ನೋಽಅಗ್ನೇ ವರುಣಸ್ಯ ವಿದ್ವಾನ್ ದೇವಸ್ಯ ಹೇಡೋಽಅವಯಾಸಿಸೀಷ್ಠಾಃ .
ॺಜಿಷ್ಠೋ ವಹ್ನಿತಮಃ ಶೋಶುಚಾನೋ ವಿಶ್ವಾ ದ್ವೇಷಾᳩಸಿ ಪ್ರಮುಮುಗ್ಧ್ಯಸ್ಮತ್..

ಓಂ ಸ್ವಃ ಪುನಾತು. ಓಂ ಸತ್ವನ್ನೋಽಅಗ್ನೇ ವವೋಭವೋತೀ ನೇದಿಷ್ಠೋಽಅಸ್ಯಾಽಉಷಸೋ ವ್ಯುಷ್ಟೌ.
ಅವ ಯಕ್ಷ್ವನೋ ವರುಣᳯರರಾಣೋ ವೀಹಿ ಮೃಡೀಕᳯಸುಹವೋ ನಽಏಧಿ . ಓಂ ಮಹಃ ಪುನಾತು.
ಓಂ ಮಾಪೋ ಮೌಷಧೀರ್ಹಿᳯಸೀರ್ಧಾಮ್ನೋ ಧಾಮ್ನೋ ರಾಜಁಸ್ತತೋ ವರುಣ ನೋ ಮುಞ್ಚ .
ॺದಾಹುರಘ್ನ್ಯಾಽಇತಿ ವರುಣೇತಿ ಶಪಾಮಹೇ ತತೋ ವರುಣ ನೋ ಮುಞ್ಚ . ಓಂ ಜನಃ ಪುನಾತು.
ಓಂ ಉದುತ್ತಮಂ ವರುಣ ಪಾಶಮಸ್ಮದವಾಧಮಂ ವಿಮಧ್ಯಮᳩಶ್ರಥಾಯ .
ಅಥಾವಯಮಾದಿತ್ಯ ವ್ರತೇ ತವಾನಾಗಸೋಽಅದಿತಯೇ ಸ್ಯಾಮ . ಓಂ ಸತ್ಯಂ ಪುನಾತು.
ಓಂ ಅವಭೃಥ ನಿಚುಮ್ಪುಣ ನಿಚೇರುರಸಿ ನಿಚುಮ್ಪುಣಃ .
ಅವದೇವೈರ್ದೇವಕೃತಮೇನೋಯಾಸಿಷಮವ ಮತ್ಯೈರ್ಮರ್ತ್ಯಕೃತಮ್ಪುರುರಾವ್ಣೋ ದೇವ ರಿಷಸ್ಪಾಹಿ ..

ಓಂ ಊರ್ಧ್ವಂ ಪುನಾತು. ಓಂ ತತ್ಸವಿತುರ್ವರೇಣ್ಯಂ ಭರ್ಗೋ ದೇವಸ್ಯ ಧೀಮಹಿ .
ಧಿಯೋ ॺೋ ನಃ ಪ್ರಚೋದಯಾತ್.. ಓಂ ಸರ್ವಂ ಪುನಾತು .
ಅಪಾಮಾರ್ಗೇಣ ಮಾರ್ಜನಮ್
ಪುನರಪಾಮಾರ್ಗಮಾದಾಯ ದಕ್ಷಿಣಪಾಣಿನಾ ವಕ್ಷ್ಯಮಾಣಮನ್ತ್ರಂ ಪಠನ್ ನಾಭೇರೂರ್ಧ್ವಂ ನಾಭೇರ್ದಕ್ಷಿಣಪಾರ್ಶ್ವಮಾರಭ್ಯ ಶಿರಸಿ ನೀತ್ವಾ ವಾಮಪಾರ್ಶ್ವಾನ್ತಂ ಮಾರ್ಜಯೇತ್ .
ಓಂ ಅಪಾಘಮಪ ಕಿಲ್ಬಿಷಮಪ ಕೃತ್ಯಾಮಪೋ ರಪಃ .
ಅಪಾಮಾರ್ಗ ತ್ವಮಸ್ಮದಪದುಃ ಷ್ವಪ್ನ್ಯᳯಸುವ ..

ತತಃ ಪರಂ ಸ್ನಾಯಾತ್.
ದೂರ್ವಾಙ್ಕುರೇಣ ಸೇಚನಮ್

ಓಂ ಕಾಣ್ಡಾತ್ಕಾಣ್ಡಾತ್ಪ್ರರೋಹನ್ತೀ ಪರುಷಃ ಪರುಷಸ್ಪರಿ .
ಏವಾ ನೋ ದೂರ್ವೇ ಪ್ರತನು ಸಹಸ್ರೇಣ ಶತೇನ ಚ ..

ತತೋ ದೂರ್ವಾಙ್ಕುರಾನಪಿ ವಿಮುಚ್ಯ ಸ್ನಾಯಾತ್.
ಅಥಾಘಮರ್ಷಣಂ ಪಾಪಪುರುಷನಿರಸನಂ ವಾ
“ಅನ್ತರ್ಜಲೇಽಘಮರ್ಷಣಂ ತ್ರಿರಾವರ್ತಯೇದ್ದ್ರುಪದಾದಿವಾಯಙ್ಗೌರಿತಿ ವಾ ಋಚಂ ಪ್ರಾಣಾಯಾಮಂ ವಾ ಸಶಿರಸಮೋಮಿತಿ ವಾ ವಿಷ್ಣೋರ್ವಾ ಸ್ಮರಣಮ್”
ಓಂ ಋತಞ್ಚ ಸತ್ಯಞ್ಚಾಭೀದ್ಧಾತ್ತಪಸೋಽಧ್ಯಜಾಯತ . ತತೋ ರಾತ್ರ್ಯಜಾಯತ ತತಃ ಸಮುದ್ರೋಽಅರ್ಣವಃ ..

ಸಮುದ್ರಾದರ್ಣವಾದಧಿ ಸಂವತ್ಸರೋಽಅಜಾಯತ . ಅಹೋರಾತ್ರಾಣಿ ವಿದಧದ್ವಿಶ್ವಸ್ಯ ಮಿಷತೋ ವಶೀ ..

ಸೂರ್ॺಾಚನ್ದ್ರಮಸೌ ಧಾತಾ ಯಥಾ ಪೂರ್ವಮಕಲ್ಪಯತ್. ದಿವಞ್ಚ ಪೃಥಿವೀಞ್ಚಾನ್ತರಿಕ್ಷಮಥೋ ಸ್ವಃ . ಇತಿ ತ್ರಿಃ .
ಓಂ ಆಯಙ್ಗೌಃ ಫೃಶ್ನಿರವ್ರಮೀದಸದನ್ಮಾತರಮ್ಪುರಃ . ಪಿತರಞ್ಚ ಪ್ರಯನ್ತ್ಸ್ವಃ .. ಇತಿ ತ್ರಿವಾರಂ ವಾ .
ಓಂ ದ್ರುಪದಾದಿವ ಮುಮುಚಾನಃ ಸ್ವಿನ್ನಃ ಸ್ನಾತೋ ಮಲಾದಿವ .
ಪೂತಮ್ಪವಿತ್ರೇಣೇವಾಜ್ಯಮಾಪಃ ಶುನ್ಧನ್ತು ಮೈನಸಃ .. ಇತಿ ತ್ರಿವಾರಂ ವಾ .
ಓಂ ಭೂಃ ಓಂ ಭುವಃ ಓಂ ಸ್ವಃ ಓಂ ಮಹಃ ಓಂ ಜನಃ ಓಂ ತಪಃ ಓಂ ಸತ್ಯಮ್ ಓಂ ತತ್ಸವಿತುರ್ವರೇಣ್ಯಂ ಭರ್ಗೋ ದೇವಸ್ಯ ಧೀಮಹಿ .
ಧಿಯೋ ॺೋ ನಃ ಪ್ರಚೋದಯಾತ್..

ಓಂ ಆಪೋ ಜ್ಯೋತಿ ರಸೋಽಮೃತಮ್. ಬ್ರಹ್ಮ ಭೂರ್ಭುವಃ ಸ್ವರೋಮ್.. ಇತಿ ತ್ರಿವಾರಂ ವಾ .

ಓಂ ಶಾನ್ತಾಕಾರಂ ಭುಜಗಶಯನಂ ಪದ್ಮನಾಭಂ ಸುರೇಶಂ
ವಿಶ್ವಾಧಾರಂ ಗಗನಸದೃಶಂ ಮೇಘವರ್ಣಂ ಶುಭಾಙ್ಗಮ್..

ಲಕ್ಷ್ಮೀಕಾನ್ತಂ ಕಮಲನಯನಂ ಯೋಗಿಭಿರ್ಧ್ಯಾನಗಮ್ಯಂ
ವನ್ದೇ ವಿಷ್ಣುಂ ಭವಭಯಹರಂ ಸರ್ವಲೋಕೈಕನಾಥಮ್..

ಇತಿ ವಾ ತ್ರಿವಾರಂ ಮೇಘವರ್ಣಂ ಶೇಷಶಾಯಿನಂ ಲಕ್ಷ್ಮ್ಯಾ ಸೇವ್ಯಮಾನಂ ವಿಷ್ಣುಂ ಸ್ಮರನ್ ಪಠೇತ್ .
ಏವಂ ಸ್ನಾನಂ ಕೃತ್ವಾ ಸ್ನಾನಾಙ್ಗತರ್ಪಣಂ ಕುರ್ಯಾತ್ .
ಸ್ನಾನಾಙ್ಗತರ್ಪಣಮ್,
ತತ್ರಾದೌ ದೇವತರ್ಪಣಮ್ ತತ್ರಾದೌ ಋಜುಕುಶೋಪಗ್ರಹಂ ಸಚನ್ದನಾಕ್ಷತತುಲಸೀಪತ್ರಂ ಜಲಮರ್ಘ್ಯಪಾತ್ರೇಣ ಅಞ್ಜಲಿನಾ ದೇವತೀರ್ಥೇನೈಕೈಕವಾರಂ ದೇವಾನ್ ತರ್ಪಯೇತ್—
ಓಂ ಬ್ರಹ್ಮಾದಯೋ ದೇವಾಸ್ತೃಪ್ಯನ್ತಾಮ್.
ಓಂ ಭೂರ್ದೇವಾಸ್ತೃಪ್ಯನ್ತಾಮ್.
ಓಂ ಭುವರ್ದೇವಾಸ್ತೃಪ್ಯನ್ತಾಮ್.
ಓಂ ಸ್ವರ್ದೇವಾಸ್ತೃಪ್ಯನ್ತಾಮ್.
ಓಂ ಭೂರ್ಭುವಃ ಸ್ವರ್ದೇವಾಸ್ತೃಪ್ಯನ್ತಾಮ್.
ಅಥ ನಿವೀತೀ (ಕಣ್ಠಲಮ್ಬೀ) ಸನ್ ಕುಶಾನುದಗ್ರಾನ್ ಕೃತ್ವಾಽಽಚಮ್ಯ ಚೋದಙ್ಮುಖೋ ಭೂೃತ್ವಾ ಕಾಯತೀರ್ಥೇನ ಪ್ರತಿಮನ್ತ್ರಂ ಸಯವಜಲೇನ ದ್ವಿರ್ದ್ವಿರ್ಋಷೀಂಸ್ತರ್ಪಯೇತ್ .
ಋಷಿತರ್ಪಣಮ್
ಓಂ ಸನಕಾದಿದ್ವೈಪಾಯನಾನ್ತಾ ಋಷಯಸ್ತೃಪ್ಯನ್ತಾಮ್.
ಓಂ ಭೂರ್ಋಷಯಸ್ತೃಪ್ಯನ್ತಾಮ್.
ಓಂ ಭುವರ್ಋಷಯಸ್ತೃಪ್ಯನ್ತಾಮ್.
ಓಂ ಸ್ವರ್ಋಷಯಸ್ತೃಪ್ಯನ್ತಾಮ್.
ಓಂ ಭೂರ್ಭುವಃ ಸ್ವರ್ಋಷಯಸ್ತೃಪ್ಯನ್ತಾಮ್.
ತತಃ ಪಿತೃತೀರ್ಥೇನ ಪ್ರತಿಮನ್ತ್ರಂ ತ್ರಿಸ್ತ್ರಿವಾರಂ ದಕ್ಷಿಣಾಮುಖಃ ಪ್ರಾಚೀನಾವೀತೀ ಭೂತ್ವಾ ದಕ್ಷಿಣಾಗ್ರಮೂಲಾನ್ ಕುಶಾನ್ ಕೃತ್ವಾ ಸತಿಲಜಲೇನ ಪಿತೄನ್ ತರ್ಪಯೇತ್ .
ಪಿತೃತರ್ಪಣಮ್
ಓಂ ಕವ್ಯವಾಡನಲಾದಯಃ ಪಿತರಸ್ತೃಪ್ಯನ್ತಾಮ್.
ಓಂ ಭೂಃ ಪಿತರಸ್ತೃಪ್ಯನ್ತಾಮ್
ಓಂ ಭುವಃ ಪಿತರಸ್ತೃಪ್ಯನ್ತಾಮ್.
ಓಂ ಸ್ವಃ ಪಿತರಸ್ತೃಪ್ಯನ್ತಾಮ್.
ಓಂ ಭೂರ್ಭುವಃ ಸ್ವಃ ಪಿತರಸ್ತೃಪ್ಯನ್ತಾಮ್.
ತತಃ ಸವ್ಯಃ ಸನ್ ಆಚಾಮೇತ್.

ತಿಲೋದಕೋತ್ಸರ್ಜನಮ್ (ಯಕ್ಷ್ಮತರ್ಪಣಮ್)
ಓಂ ಯನ್ಮಯಾ ದೂಷಿತಂ ತೋಯಂ ಶಾರೀರಮಲಸಮ್ಭವೈಃ .
ತಸ್ಯ ಪಾಪಸ್ಯ ಶುದ್ಧ್ಯರ್ಥಂ ಯಕ್ಷ್ಮೈತತ್ತೇ ತಿಲೋದಕಮ್..

ಇತಿ ತೀರ್ಥತಟೇ ಉತ್ಸೃಜೇತ್.
ಶಿಖೋದಕೋತ್ಸರ್ಜನಮ್
ಓಂ ಲತಾಗುಲ್ಮೇಷು ವೃಕ್ಷೇಷು ಪಿತರೋ ಯೇ ವ್ಯವಸ್ಥಿತಾಃ .
ತೇ ಸರ್ವೇ ತೃಪ್ತಿಮಾಯಾನ್ತು ಮಯೋತ್ಸೃಷ್ಟೈಃ ಶಿಖೋದಕೈಃ ..

ಇತಿ ವೃಕ್ಷಾದೌ ದಕ್ಷಿಣಭಾಗೇ ಶಿಖಾಂ ನಿಷ್ಪೀಡಯೇತ್.
ಸೂರ್ಯೋಪಸ್ಥಾನಮ್ ಸೂರ್ಯಮುದೀಕ್ಷನುಪಸ್ಥಾನಂ ಕುರ್ಯಾತ್ .
ಓಂ ಅದೃಶ್ರಮಸ್ಯ ಕೇತವೋ ವಿರಶ್ಮಯೋ ಜನಾಁ೨ಽಅನು.
ಭ್ರಾಜನ್ತೋ ಅಗ್ನಯೋ ॺಥಾ . ಉಪಯಾಮಗೃಹೀತೋಸಿ ಸೂರ್ॺಾಯತ್ವಾ ಬ್ಭ್ರಾಜಾಯೈಷ ತೇ ॺೋನಿಃ ಸೂರ್ॺಾಯ ತ್ವಾ ಬ್ಭ್ರಾಜಾಯ .
ಸೂರ್ॺ ಭ್ರಾಜಿಷ್ಠ ಬ್ಭ್ರಾಜಿಷ್ಠಸ್ತ್ವಂ ದೇವೇಸ್ವಸಿ ಭ್ರಾಜಿಷ್ಠೋಹಮ್ಮನುಷ್ಯೇಷು ಭೂಯಾಸಮ್..

ಓಂ ಹᳯಸಃ ಶುಚಿಷದ್ವಸುರನ್ತರಿಕ್ಷಸದ್ಧೋತಾ ವೇದಿಷದತಿಥಿರ್ದುರೋಣಸತ್.
ನೃಷದ್ವರಸದೃತಸದ್ವ್ಯೋಮಸದಬ್ಜಾ ಗೋಜಾಽಋತಜಾಽಅದ್ರಿಜಾಽಋತಂ ಬೃಹತ್..

ಓಂ ಉದ್ವಯನ್ತಮಸಸ್ಪರಿ ಸ್ವಃ ಪಶ್ಯನ್ತಽಉತ್ತರಮ್. ದೇವನ್ದೇವತ್ರಾ ಸೂರ್ॺಮಗನ್ಮಜ್ಯೋತಿರುತ್ತಮಮ್..

ಓಂ ಉದುತ್ಯಞ್ಜಾತವೇದಸನ್ದೇವಂ ವಹನ್ತಿ ಕೇತವಃ . ದೃಶೇ ವಿಶ್ಶ್ವಾಯ ಸೂರ್ಯ್ॺಮ್..

ಓಂ ಚಿತ್ರನ್ದೇವಾನಾಮುದಗಾದನೀಕಞ್ಚಕ್ಷುರ್ಮಿತ್ರಸ್ಯ ವರುಣಸ್ಯಾಗ್ನೇಃ .
ಆ ಪ್ಪ್ರಾ ದ್ಯಾವಾಪೃಥಿವೀಽಅನ್ತರಿಕ್ಷᳯಸೂರ್ॺಽಆತ್ಮಾ ಜಗತಸ್ತಸ್ಥುಷಶ್ಚ ..

ಓಂ ತಚ್ಚಕ್ಷುರ್ದೇವಹಿತಂ ಪುರಸ್ಕ್ತಾಚ್ಛುಕ್ವ್ರಮುಚ್ಚರತ್.
ಪಶ್ಯೇಮ ಶರದಃ ಶತಞ್ಜೀವೇಮ ಶರದಃ ಶತᳯಶ್ರೃಣುಯಾಮ ಶರದಃ ಶತಂ ಪ್ರಬ್ರವಾಮ ಶರದಃ ಶತಮದೀನಾಃ ಸ್ಯಾಮ ಶರದಃ ಶತಮ್ಭೂಯಶ್ಚ ಶರದಃ ಶತಾತ್..

ಓಂ ವಿಭ್ರಾಡ್ಬೃಹತ್ ... ಆಕೃಷ್ಣೇನೇತ್ಯನ್ತಂ ಸಪ್ತದಶಮನ್ತ್ರಾಁಶ್ಚ ಪಠೇತ್.
ನಮಃ ಸವಿತ್ರೇ ಜಗದೇಕಚಕ್ಷುಷೇ ಜಗತ್ಪ್ರಸೂತಿಸ್ಥಿತಿನಾಶಹೇತವೇ.
ತ್ರಯೀಮಯಾಯ ತ್ರಿಗುಣಾತ್ಮಧಾರಿಣೇ ವಿರಞ್ಚಿನಾರಾಯಣಶಙ್ಕರಾತ್ಮನೇ..

ಇತ್ಯುಪಸ್ಥಾಯ ನಮಸ್ಕೃತ್ಯ ಚ ಧೌತೇ ವಾಸಸೀ ಪರಿಧಾಯ ಭಸ್ಮಾದಿ ಧಾರಣಂ ಕೃತ್ವಾ ಗಾಯತ್ರೀಂ ಜಪೇತ್ .
ತತೋ ನಾರಾಯಣಂ ಸ್ಮರನ್ ಗೃಹಮಾವ್ರಜೇತ್..

..  ಇತಿ ಶ್ರಾವಣೀಸ್ನಾನಪ್ರಯೋಗಃ ..