অথ ষষ্ঠোঽধ্যাযঃ

শ্রীভগভ়ানুভ়াচ
অনাশ্রিতঃ কর্মফলং কার্যং কর্ম করোতি যঃ।
স সন্ন্যাসী চ যোগী চ ন নিরগ্নির্ন চাক্রিযঃ॥১॥

যং সন্ন্যাসমিতি প্রাহুর্যোগং তং ভ়িদ্ধি পাণ্ডভ়।
ন হ্যসন্ন্যস্তসঙ্কল্পো যোগী ভভ়তি কশ্চন॥২॥

আরুরুক্ষোর্মুনের্যোগং কর্ম কারণমুচ্যতে।
যোগারূঢস্য তস্যৈভ় শমঃ কারণমুচ্যতে॥৩॥

যদা হি নেন্দ্রিযার্থেষু ন কর্মস্বনুষজ্জতে।
সর্ভ়সঙ্কল্পসন্ন্যাসী যোগারূঢস্তদোচ্যতে॥৪॥

উদ্ধরেদাত্মনঽঽত্মানং নঽঽত্মানমভ়সাদযেৎ।
আত্মৈভ় হ্যাত্মনো বন্ধুরাত্মৈভ় রিপুরাত্মনঃ॥৫॥

বন্ধুরাত্মাঽঽত্মনস্তস্য যেনঽঽত্মৈভ়ঽঽত্মনা জিতঃ।
অনাত্মনস্তু শত্রুত্বে ভ়র্তেতঽঽত্মৈভ় শত্রুভ়ৎ॥৬॥

জিতাত্মনঃ প্রশান্তস্য পরমাত্মা সমাহিতঃ।
শীতোষ্ণসুখদুঃখেষু তথা মানাপমানযোঃ॥৭॥

জ্ঞানভ়িজ্ঞানতৃপ্তাত্মা কূটস্থো ভ়িজিতেন্দ্রিযঃ।
যুক্ত ইত্যুচ্যতে যোগী সমলোষ্টাশ্মকাঞ্চনঃ॥৮॥

সুহৃন্মিত্রার্যুদাসীনমধ্যস্থদ্বেষ্যবন্ধুষু।
সাধুষ্বপি চ পাপেষু সমবুদ্ধির্ভ়িশিষ্যতে॥৯॥

যোগী যুঞ্জীত সততমাত্মানং রহসি স্থিতঃ।
একাকী যতচিত্তাত্মা নিরাশীরপরিগ্রহঃ॥১০॥

শুচৌ দেশে প্রতিষ্ঠাপ্য স্থিরমাসনমাত্মনঃ।
নাত্যুচ্ছ্রিতং নাতিনীচং চৈলাজিনকুশোত্তরম্॥১১॥

তত্রৈকাগ্রং মনঃ কৃত্বা যতচিত্তেন্দ্রিযক্রিযঃ।
উপভ়িশ্যঽঽসনে যুঞ্জ্যাদ্যোগমাত্মভ়িশুদ্ধযে॥১২॥

সমং কাযশিরোগ্রীভ়ং ধারযন্নচলং স্থিরঃ।
সম্প্রেক্ষ্য নাসিকাগ্রং স্বং দিশশ্চানভ়লোকযন্॥১৩॥

প্রশান্তাত্মা ভ়িগতভীর্ব্রহ্মচারিভ়্রতে স্থিতঃ।
মনঃ সংযম্য মচ্চিত্তো যুক্ত আসীত মৎপরঃ॥১৪॥

যুঞ্জন্নেভ়ং সদাঽঽত্মানং যোগী নিযতমানসঃ।
শান্তিং নির্ভ়াণপরমাং মৎসংস্থামধিগচ্ছতি॥১৫॥

নাত্যশ্নতস্তু যোগোঽস্তি ন চৈকান্তমনশ্নতঃ।
ন চাতিস্বপ্নশীলস্য জাগ্রতো নৈভ় চার্জুন॥১৬॥

যুক্তাহারভ়িহারস্য যুক্তচেষ্টস্য কর্মসু।
যুক্তস্বপ্নাভ়বোধস্য যোগো ভভ়তি দুঃখহা॥১৭॥

যদা ভ়িনিযতং চিত্তমাত্মন্যেভ়াভ়তিষ্ঠতে।
নিঃস্পৃহঃ সর্ভ়কামেভ্যো যুক্ত ইত্যুচ্যতে তদা॥১৮॥

যথা দীপো নিভ়াতস্থো নেঙ্গতে সোপমা স্মৃতা।
যোগিনো যতচিত্তস্য যুঞ্জতো যোগমাত্মনঃ॥১৯॥

যত্রোপরমতে চিত্তং নিরুদ্ধং যোগসেভ়যা।
যত্র চৈভ়ঽঽত্মনাঽঽত্মানং পশ্যন্নাত্মনি তুষ্যতি॥২০॥

সুখমাত্যন্তিকং যত্তদ্-বুদ্ধিগ্রাহ্যমতীন্দ্রিযম্।
ভ়েত্তি যত্র ন চৈভ়াযং স্থিতশ্চলতি তত্ত্বতঃ॥২১॥

যং লব্ধ্বা চাপরং লাভং মন্যতে নাধিকং ততঃ।
যস্মিন্ স্থিতো ন দুঃখেন গুরুণাঽপি ভ়িচাল্যতে॥২২॥

তং ভ়িদ্যাদ্-দুঃখসংযোগভ়িযোগং যোগসংজ্ঞিতম্।
স নিশ্চযেন যোক্তভ়্যো যোগোঽনির্ভ়িণ্ণচেতসা॥২৩॥

সঙ্কল্পপ্রভভ়ান্ কামাংস্ত্যক্ত্বা সর্ভ়ানশেষতঃ।
মনসৈভ়েন্দ্রিযগ্রামং ভ়িনিযম্য সমন্ততঃ॥২৪॥

শনৈঃ শনৈরুপরমেদ্-বুদ্ধ্যা ধৃতিগৃহীতযা।
আত্মসংস্থং মনঃ কৃত্বা ন কিঞ্চিদপি চিন্তযেৎ॥২৫॥

যতো যতো নিশ্চরতি মনশ্চঞ্চলমস্থিরম্।
ততস্ততো নিযম্যৈতদাত্মন্যেভ় ভ়শং নযেৎ॥২৬॥

প্রশান্তমনসং হ্যেনং যোগিনং সুখমুত্তমম্।
উপৈতি শান্তরজসং ব্রহ্মভূতমকল্মষম্॥২৭॥

যুঞ্জন্নেভ়ং সদাঽঽত্মানং যোগী ভ়িগতকল্মষঃ।
সুখেন ব্রহ্মসংস্পর্শমত্যন্তং সুখমশ্নুতে॥২৮॥

সর্ভ়ভূতস্থমাত্মানং সর্ভ়ভূতানি চঽঽত্মনি।
ঈক্ষতে যোগযুক্তাত্মা সর্ভ়ত্র সমদর্শনঃ॥২৯॥

যো মাং পশ্যতি সর্ভ়ত্র সর্ভ়ং চ মযি পশ্যতি।
তস্যাহং ন প্রণশ্যামি স চ মে ন প্রণশ্যতি॥৩০॥

সর্ভ়ভূতস্থিতং যো মাং ভজত্যেকত্বমাস্থিতঃ।
সর্ভ়থা ভ়র্তমানোঽপি স যোগী মযি ভ়র্ততে॥৩১॥

আত্মৌপম্যেন সর্ভ়ত্র সমং পশ্যতি যোঽর্জুন।
সুখং ভ়া যদি ভ়া দুঃখং স যোগী পরমো মতঃ॥৩২॥

অর্জুন উভ়াচ
যোঽযং যোগস্ত্বযা প্রোক্তঃ সাম্যেন মধুসূদন।
এতস্যাহং ন পশ্যামি চঞ্চলত্বাৎ স্থিতিং স্থিরাম্॥৩৩॥

চঞ্চলং হি মনঃ কৃষ্ণ প্রমাথি বলভ়দ্দৃঢম্।
তস্যাহং নিগ্রহং মন্যে ভ়াযোরিভ় সুদুষ্করম্॥৩৪॥

শ্রীভগভ়ানুভ়াচ
অসংশযং মহাবাহো মনো দুর্নিগ্রহং চলম্।
অভ্যাসেন তু কৌন্তেয ভ়ৈরাগ্যেণ চ গৃহ্যতে॥৩৫॥

অসংযতাত্মনা যোগো দুষ্প্রাপ ইতি মে মতিঃ।
ভ়শ্যাত্মনা তু যততা শক্যোঽভ়াপ্তুমুপাযতঃ॥৩৬॥

অর্জুন উভ়াচ
অযতিঃ শ্রদ্ধযোপেতো যোগাচ্চলিতমানসঃ।
অপ্রাপ্য যোগসংসিদ্ধিং কাং গতিং কৃষ্ণ গচ্ছতি॥৩৭॥

কচ্চিন্নোভযভ়িভ্রষ্টশ্ছিন্নাভ্রমিভ় নশ্যতি।
অপ্রতিষ্ঠো মহাবাহো ভ়িমূঢো ব্রহ্মণঃ পথি॥৩৮॥

এতন্মে সংশযং কৃষ্ণ ছেত্তুমর্হস্যশেষতঃ।
ত্বদন্যঃ সংশযস্যাস্য ছেত্তা ন হ্যুপপদ্যতে॥৩৯॥

শ্রীভগভ়ানুভ়াচ
পার্থ নৈভ়েহ নামুত্র ভ়িনাশস্তস্য ভ়িদ্যতে।
ন হি কল্যাণকৃৎ কশ্চিদ্দুর্গতিং তাত গচ্ছতি॥৪০॥

প্রাপ্য পুণ্যকৃতাং লোকানুষিত্বা শাশ্বতীঃ সমাঃ।
শুচীনাং শ্রীমতাং গেহে যোগভ্রষ্টোঽভিজাযতে॥৪১॥

অথভ়া যোগিনামেভ় কুলে ভভ়তি ধীমতাম্।
এতদ্ধি দুর্লভতরং লোকে জন্ম যদীদৃশম্॥৪২॥

তত্র তং বুদ্ধিসংযোগং লভতে পৌর্ভ়দেহিকম্।
যততে চ ততো ভূযঃ সংসিদ্ধৌ কুরুনন্দন॥৪৩॥

পূর্ভ়াভ্যাসেন তেনৈভ় হ্রিযতে হ্যভ়শোঽপি সঃ।
জিজ্ঞাসুরপি যোগস্য শব্দব্রহ্মাতিভ়র্ততে॥৪৪॥

প্রযত্নাদ্যতমানস্তু যোগী সংশুদ্ধকিল্‌বিষঃ।
অনেকজন্মসংসিদ্ধস্ততো যাতি পরাং গতিম্॥৪৫॥

তপস্বিভ্যোঽধিকো যোগী জ্ঞানিভ্যোঽপি মতোঽধিকঃ।
কর্মিভ্যশ্চাধিকো যোগী তস্মাদ্যোগী ভভ়ার্জুন॥৪৬॥

যোগিনামপি সর্ভ়েষাং মদ্গতেনান্তরাত্মনা।
শ্রদ্ধাভ়ান্ ভজতে যো মাং স মে যুক্ততমো মতঃ॥৪৭॥

॥ ওং তৎসদিতি শ্রীমদ্ভগভ়দ্গীতাসূপনিষৎসু ব্রহ্মভ়িদ্যাযাং যোগশাস্ত্রে শ্রীকৃষ্ণার্জুনসংভ়াদে আত্মসংযমযোগো নাম ষষ্ঠোঽধ্যাযঃ ॥