Atha saptamo'dhyaayah'

Om shree paramaatmane namah'

Shreebhagavaanuvaacha
Mayyaasaktamanaah' paartha yogam' yunjanmadaashrayah'.
Asam'shayam' samagram' maam' yathaa jnyaasyasi tachchhri'nu..1..

Jnyaanam' te'ham' savijnyaanamidam' vakshyaamyasheshatah'.
Yajjnyaatvaa neha bhooyo'nyajjnyaatavyamavashishyate..2..

Manushyaanaam' sahasreshu kashchidyatati siddhaye.
Yatataamapi siddhaanaam' kashchinmaam' vetti tattvatah'..3..

Bhoomiraapo'nalo vaayuh' kham' mano buddhireva cha.
Ahankaara iteeyam' me bhinnaa prakri'tirasht'adhaa..4..

Apareyamitastvanyaam' prakri'tim' viddhi me paraam.
Jeevabhootaam' mahaabaaho yayedam' dhaaryate jagat..5..

Etadyoneeni bhootaani sarvaaneetyupadhaaraya.
Aham' kri'tsnasya jagatah' prabhavah' pralayastathaa..6..

Mattah' parataram' naanyat kinchidasti dhananjaya.
Mayi sarvamidam' protam' sootre maniganaa iva..7..

Raso'hamapsu kaunteya prabhaa'smi shashisooryayoh'.
Pranavah' sarvavedeshu shabdah' khe paurusham' nri'shu..8..

Punyo gandhah' pri'thivyaam' cha tejashchaasmi vibhaavasau.
Jeevanam' sarvabhooteshu tapashchaasmi tapasvishu..9..

Beejam' maam' sarvabhootaanaam' viddhi paartha sanaatanam.
Buddhirbuddhimataamasmi tejastejasvinaamaham..10..

Balam' balavataam' chaaham' kaamaraagavivarjitam.
Dharmaaviruddho bhooteshu kaamo'smi bharatarshabha..11..

Ye chaiva saattvikaa bhaavaa raajasaastaamasaashcha ye.
Matta eveti taan viddhi na tvaham' teshu te mayi..12..

Tribhirgunamayairbhaavairebhih' sarvamidam' jagat.
Mohitam' naabhijaanaati maamebhyah' paramavyayam..13..

Daivee hyeshaa gunamayee mama maayaa duratyayaa.
Maameva ye prapadyante maayaametaam' taranti te..14..

Na maam' dushkri'tino mood'haah' prapadyante naraadhamaah'.
Maayayaa'pahri'tajnyaanaa aasuram' bhaavamaashritaah'..15..

Chaturvidhaa bhajante maam' janaah' sukri'tino'rjuna.
Aarto jijnyaasurarthaarthee jnyaanee cha bharatarshabha..16..

Teshaam' jnyaanee nityayukta ekabhaktirvishishyate.
Priyo hi jnyaanino'tyarthamaham' sa cha mama priyah'..17..

Udaaraah' sarva evaite jnyaanee tvaatmaiva me matam.
Aasthitah' sa hi yuktaatmaa maamevaanuttamaam' gatim..18..

Bahoonaam' janmanaamante jnyaanavaan maam' prapadyate.
Vaasudevah' sarvamiti sa mahaatmaa sudurlabhah'..19..

Kaamaistaistairhri'tajnyaanaah' prapadyante'nyadevataah'.
Tam' tam' niyamamaasthaaya prakri'tyaa niyataah' svayaa..20..

Yo yo yaam' yaam' tanum' bhaktah' shraddhayaa'rchitumichchhati.
Tasya tasyaachalaam' shraddhaam' taameva vidadhaamyaham..21..

Sa tayaa shraddhayaa yuktastasya''raadhanameehate.
Labhate cha tatah' kaamaan mayaiva vihitaan hi taan..22..

Antavattu phalam' teshaam' tadbhavatyalpamedhasaam.
Devaan devayajo yaanti madbhaktaa yaanti maamapi..23..

Avyaktam' vyaktimaapannam' manyante maamabuddhayah'.
Param' bhaavamajaananto mamaavyayamanuttamam..24..

Naaham' prakaashah' sarvasya yogamaayaasamaavri'tah'.
Mood'ho'yam' naabhijaanaati loko maamajamavyayam..25..

Vedaaham' samateetaani vartamaanaani chaarjuna.
Bhavishyaani cha bhootaani maam' tu veda na kashchana..26..

Ichchhaadveshasamutthena dvandvamohena bhaarata.
Sarvabhootaani sammoham' sarge yaanti parantapa..27..

Yeshaam' tvantagatam' paapam' janaanaam' punyakarmanaam.
Te dvandvamohanirmuktaa bhajante maam' dri'd'havrataah'..28..

Jaraamaranamokshaaya maamaashritya yatanti ye.
Te brahma tadviduh' kri'tsnamadhyaatmam' karma chaakhilam..29..

Saadhibhootaadhidaivam' maam' saadhiyajnyam' cha ye viduh'.
Prayaanakaale'pi cha maam' te viduryuktachetasah'..30..

.. Om' tatsaditi shreemadbhagavadgeetaasoopanishatsu brahmavidyaayaam' yogashaastre shreekri'shnaarjunasam'vaade jnyaanavijnyaanayogo naama saptamo'dhyaayah' ..