অথ সপ্তমোঽধ্যাযঃ

ওঁ শ্রী পরমাত্মনে নমঃ

শ্রীভগভ়ানুভ়াচ
ময্যাসক্তমনাঃ পার্থ যোগং যুঞ্জন্মদাশ্রযঃ।
অসংশযং সমগ্রং মাং যথা জ্ঞাস্যসি তচ্ছৃণু॥১॥

জ্ঞানং তেঽহং সভ়িজ্ঞানমিদং ভ়ক্ষ্যাম্যশেষতঃ।
যজ্জ্ঞাত্বা নেহ ভূযোঽন্যজ্জ্ঞাতভ়্যমভ়শিষ্যতে॥২॥

মনুষ্যাণাং সহস্রেষু কশ্চিদ্যততি সিদ্ধযে।
যততামপি সিদ্ধানাং কশ্চিন্মাং ভ়েত্তি তত্ত্বতঃ॥৩॥

ভূমিরাপোঽনলো ভ়াযুঃ খং মনো বুদ্ধিরেভ় চ।
অহঙ্কার ইতীযং মে ভিন্না প্রকৃতিরষ্টধা॥৪॥

অপরেযমিতস্ত্বন্যাং প্রকৃতিং ভ়িদ্ধি মে পরাম্।
জীভ়ভূতাং মহাবাহো যযেদং ধার্যতে জগৎ॥৫॥

এতদ্যোনীনি ভূতানি সর্ভ়াণীত্যুপধারয।
অহং কৃৎস্নস্য জগতঃ প্রভভ়ঃ প্রলযস্তথা॥৬॥

মত্তঃ পরতরং নান্যৎ কিঞ্চিদস্তি ধনঞ্জয।
মযি সর্ভ়মিদং প্রোতং সূত্রে মণিগণা ইভ়॥৭॥

রসোঽহমপ্সু কৌন্তেয প্রভাঽস্মি শশিসূর্যযোঃ।
প্রণভ়ঃ সর্ভ়ভ়েদেষু শব্দঃ খে পৌরুষং নৃষু॥৮॥

পুণ্যো গন্ধঃ পৃথিভ়্যাং চ তেজশ্চাস্মি ভ়িভাভ়সৌ।
জীভ়নং সর্ভ়ভূতেষু তপশ্চাস্মি তপস্বিষু॥৯॥

বীজং মাং সর্ভ়ভূতানাং ভ়িদ্ধি পার্থ সনাতনম্।
বুদ্ধির্বুদ্ধিমতামস্মি তেজস্তেজস্বিনামহম্॥১০॥

বলং বলভ়তাং চাহং কামরাগভ়িভ়র্জিতম্।
ধর্মাভ়িরুদ্ধো ভূতেষু কামোঽস্মি ভরতর্ষভ॥১১॥

যে চৈভ় সাত্ত্বিকা ভাভ়া রাজসাস্তামসাশ্চ যে।
মত্ত এভ়েতি তান্ ভ়িদ্ধি ন ত্বহং তেষু তে মযি॥১২॥

ত্রিভির্গুণমযৈর্ভাভ়ৈরেভিঃ সর্ভ়মিদং জগৎ।
মোহিতং নাভিজানাতি মামেভ্যঃ পরমভ়্যযম্॥১৩॥

দৈভ়ী হ্যেষা গুণমযী মম মাযা দুরত্যযা।
মামেভ় যে প্রপদ্যন্তে মাযামেতাং তরন্তি তে॥১৪॥

ন মাং দুষ্কৃতিনো মূঢাঃ প্রপদ্যন্তে নরাধমাঃ।
মাযযাঽপহৃতজ্ঞানা আসুরং ভাভ়মাশ্রিতাঃ॥১৫॥

চতুর্ভ়িধা ভজন্তে মাং জনাঃ সুকৃতিনোঽর্জুন।
আর্তো জিজ্ঞাসুরর্থার্থী জ্ঞানী চ ভরতর্ষভ॥১৬॥

তেষাং জ্ঞানী নিত্যযুক্ত একভক্তির্ভ়িশিষ্যতে।
প্রিযো হি জ্ঞানিনোঽত্যর্থমহং স চ মম প্রিযঃ॥১৭॥

উদারাঃ সর্ভ় এভ়ৈতে জ্ঞানী ত্বাত্মৈভ় মে মতম্।
আস্থিতঃ স হি যুক্তাত্মা মামেভ়ানুত্তমাং গতিম্॥১৮॥

বহূনাং জন্মনামন্তে জ্ঞানভ়ান্ মাং প্রপদ্যতে।
ভ়াসুদেভ়ঃ সর্ভ়মিতি স মহাত্মা সুদুর্লভঃ॥১৯॥

কামৈস্তৈস্তৈর্হৃতজ্ঞানাঃ প্রপদ্যন্তেঽন্যদেভ়তাঃ।
তং তং নিযমমাস্থায প্রকৃত্যা নিযতাঃ স্বযা॥২০॥

যো যো যাং যাং তনুং ভক্তঃ শ্রদ্ধযাঽর্চিতুমিচ্ছতি।
তস্য তস্যাচলাং শ্রদ্ধাং তামেভ় ভ়িদধাম্যহম্॥২১॥

স তযা শ্রদ্ধযা যুক্তস্তস্যঽঽরাধনমীহতে।
লভতে চ ততঃ কামান্ মযৈভ় ভ়িহিতান্ হি তান্॥২২॥

অন্তভ়ত্তু ফলং তেষাং তদ্ভভ়ত্যল্পমেধসাম্।
দেভ়ান্ দেভ়যজো যান্তি মদ্ভক্তা যান্তি মামপি॥২৩॥

অভ়্যক্তং ভ়্যক্তিমাপন্নং মন্যন্তে মামবুদ্ধযঃ।
পরং ভাভ়মজানন্তো মমাভ়্যযমনুত্তমম্॥২৪॥

নাহং প্রকাশঃ সর্ভ়স্য যোগমাযাসমাভ়ৃতঃ।
মূঢোঽযং নাভিজানাতি লোকো মামজমভ়্যযম্॥২৫॥

ভ়েদাহং সমতীতানি ভ়র্তমানানি চার্জুন।
ভভ়িষ্যাণি চ ভূতানি মাং তু ভ়েদ ন কশ্চন॥২৬॥

ইচ্ছাদ্বেষসমুত্থেন দ্বন্দ্বমোহেন ভারত।
সর্ভ়ভূতানি সম্মোহং সর্গে যান্তি পরন্তপ॥২৭॥

যেষাং ত্বন্তগতং পাপং জনানাং পুণ্যকর্মণাম্।
তে দ্বন্দ্বমোহনির্মুক্তা ভজন্তে মাং দৃঢভ়্রতাঃ॥২৮॥

জরামরণমোক্ষায মামাশ্রিত্য যতন্তি যে।
তে ব্রহ্ম তদ্বিদুঃ কৃৎস্নমধ্যাত্মং কর্ম চাখিলম্॥২৯॥

সাধিভূতাধিদৈভ়ং মাং সাধিযজ্ঞং চ যে ভ়িদুঃ।
প্রযাণকালেঽপি চ মাং তে ভ়িদুর্যুক্তচেতসঃ॥৩০॥

॥ ওং তৎসদিতি শ্রীমদ্ভগভ়দ্গীতাসূপনিষৎসু ব্রহ্মভ়িদ্যাযাং যোগশাস্ত্রে শ্রীকৃষ্ণার্জুনসংভ়াদে জ্ঞানভ়িজ্ঞানযোগো নাম সপ্তমোঽধ্যাযঃ ॥