অথ চতুর্দশোঽধ্যাযঃ

ওঁ শ্রী পরমাত্মনে নমঃ

শ্রীভগভ়ানুভ়াচ
পরং ভূযঃ প্রভ়ক্ষ্যামি জ্ঞানানাং জ্ঞানমুত্তমম্।
যজ্জ্ঞাত্বা মুনযঃ সর্ভ়ে পরাং সিদ্ধিমিতো গতাঃ॥১॥

ইদং জ্ঞানমুপাশ্রিত্য মম সাধর্ম্যমাগতাঃ।
সর্গেঽপি নোপজাযন্তে প্রলযে ন ভ়্যথন্তি চ॥২॥

মম যোনির্মহদ্-ব্রহ্ম তস্মিন্গর্ভং দধাম্যহম্।
সম্ভভ়ঃ সর্ভ়ভূতানাং ততো ভভ়তি ভারত॥৩॥

সর্ভ়যোনিষু কৌন্তেয মূর্তযঃ সম্ভভ়ন্তি যাঃ।
তাসাং ব্রহ্ম মহদ্যোনিরহং বীজপ্রদঃ পিতা॥৪॥

সত্ত্বং রজস্তম ইতি গুণাঃ প্রকৃতিসম্ভভ়াঃ।
নিবধ্নন্তি মহাবাহো দেহে দেহিনমভ়্যযম্॥৫॥

তত্র সত্ত্বং নির্মলত্বাৎ প্রকাশকমনামযম্।
সুখসঙ্গেন বধ্নাতি জ্ঞানসঙ্গেন চানঘ॥৬॥

রজো রাগাত্মকং ভ়িদ্ধি তৃষ্ণাসঙ্গসমুদ্ভভ়ম্।
তন্নিবধ্নাতি কৌন্তেয কর্মসঙ্গেন দেহিনম্॥৭॥

তমস্ত্বজ্ঞানজং ভ়িদ্ধি মোহনং সর্ভ়দেহিনাম্।
প্রমাদালস্যনিদ্রাভিস্তন্নিবধ্নাতি ভারত॥৮॥

সত্ত্বং সুখে সঞ্জযতি রজঃ কর্মণি ভারত।
জ্ঞানমাভ়ৃত্য তু তমঃ প্রমাদে সঞ্জযত্যুত॥৯॥

রজস্তমশ্চাভিভূয সত্ত্বং ভভ়তি ভারত।
রজঃ সত্ত্বং তমশ্চৈভ় তমঃ সত্ত্বং রজস্তথা॥১০॥

সর্ভ়দ্বারেষু দেহেঽস্মিন্ প্রকাশ উপজাযতে।
জ্ঞানং যদা তদা ভ়িদ্যাদ্বিভ়ৃদ্ধং সত্ত্বমিত্যুত॥১১॥

লোভঃ প্রভ়ৃত্তিরারম্ভঃ কর্মণামশমঃ স্পৃহা।
রজস্যেতানি জাযন্তে ভ়িভ়ৃদ্ধে ভরতর্ষভ॥১২॥

অপ্রকাশোঽপ্রভ়ৃত্তিশ্চ প্রমাদো মোহ এভ় চ।
তমস্যেতানি জাযন্তে ভ়িভ়ৃদ্ধে কুরুনন্দন॥১৩॥

যদা সত্ত্বে প্রভ়ৃদ্ধে তু প্রলযং যাতি দেহভৃৎ।
তদোত্তমভ়িদাং লোকানমলান্ প্রতিপদ্যতে॥১৪॥

রজসি প্রলযং গত্বা কর্মসঙ্গিষু জাযতে।
তথা প্রলীনস্তমসি মূঢযোনিষু জাযতে॥১৫॥

কর্মণঃ সুকৃতস্যঽঽহুঃ সাত্ত্বিকং নির্মলং ফলম্।
রজসস্তু ফলং দুঃখমজ্ঞানং তমসঃ ফলম্॥১৬॥

সত্ত্বাৎসঞ্জাযতে জ্ঞানং রজসো লোভ এভ় চ।
প্রমাদমোহৌ তমসো ভভ়তোঽজ্ঞানমেভ় চ॥১৭॥

ঊর্ধ্বং গচ্ছন্তি সত্ত্বস্থা মধ্যে তিষ্ঠন্তি রাজসাঃ।
জঘন্যগুণভ়ৃত্তিস্থা অধো গচ্ছন্তি তামসাঃ॥১৮॥

নান্যং গুণেভ্যঃ কর্তারং যদা দ্রষ্টাঽনুপশ্যতি।
গুণেভ্যশ্চ পরং ভ়েত্তি মদ্ভাভ়ং সোঽধিগচ্ছতি॥১৯॥

গুণানেতানতীত্য ত্রীন্ দেহী দেহসমুদ্ভভ়ান্।
জন্মমৃত্যুজরাদুঃখৈর্ভ়িমুক্তোঽমৃতমশ্নুতে॥২০॥

অর্জুন উভ়াচ
কৈর্লিঙ্গৈস্ত্রীন্ গুণানেতানতীতো ভভ়তি প্রভো।
কিমাচারঃ কথং চৈতাংস্ত্রীন্ গুণানতিভ়র্ততে॥২১॥

শ্রীভগভ়ানুভ়াচ
প্রকাশং চ প্রভ়ৃত্তিং চ মোহমেভ় চ পাণ্ডভ়।
ত দ্বেষ্টি সম্প্রভ়ৃত্তানি ন নিভ়ৃত্তানি কাঙ্ক্ষতি॥২২॥

উদাসীনভ়দাসীনো গুণৈর্যো ন ভ়িচাল্যতে।
গুণা ভ়র্তন্ত ইত্যেভ় যোঽভ়তিষ্ঠতি নেঙ্গতে॥২৩॥

সমদুঃখসুখঃ স্বস্থঃ সমলোষ্টাশ্মকাঞ্চনঃ।
তুল্যপ্রিযাপ্রিযো ধীরস্তুল্যনিন্দাত্মসংস্তুতিঃ॥২৪॥

মানাপমানযোস্তুল্যস্তুল্যো মিত্রারিপক্ষযোঃ।
সর্ভ়ারম্ভপরিত্যাগী গুণাতীতঃ স উচ্যতে॥২৫॥

মাং চ যোঽভ়্যভিচারেণ ভক্তিযোগেন সেভ়তে।
স গুণান্ সমতীত্যৈতান্ ব্রহ্মভূযায কল্পতে॥২৬॥

ব্রহ্মণো হি প্রতিষ্ঠাঽহমমৃতস্যাভ়্যযস্য চ।
শাশ্বতস্য চ ধর্মস্য সুখস্যৈকান্তিকস্য চ॥২৭॥

॥ ওং তৎসদিতি শ্রীমদ্ভগভ়দ্গীতাসূপনিষৎসু ব্রহ্মভ়িদ্যাযাং যোগশাস্ত্রে শ্রীকৃষ্ণার্জুনসংভ়াদে গুণত্রযভ়িভাগযোগো নাম চতুর্দশোঽধ্যাযঃ ॥