ஜாபா₃லோபநிஷத்

ௐ ஶாந்தி꞉ ஶாந்தி꞉ ஶாந்தி꞉ ..

ௐ ப்₃ருஹஸ்பதிருவாச யாஜ்ஞவல்க்யம் யத₃நு குருக்ஷேத்ரம் தே₃வாநாம் தே₃வயஜநம் ஸர்வேஷாம் பூ₄தாநாம் ப்₃ரஹ்மஸத₃நம் . அவிமுக்தம் வை குருக்ஷேத்ரம் தே₃வாநாம் தே₃வயஜநம் ஸர்வேஷாம் பூ₄தாநாம் ப்₃ரஹ்மஸத₃நம் . தஸ்மாத்₃யத்ர க்வசந க₃ச்ச₂தி ததே₃வ மந்யேத தத₃விமுக்தமேவ .இத₃ம் வை குருக்ஷேத்ரம் தே₃வாநாம் தே₃வயஜநம் ஸர்வேஷாம் பூ₄தாநாம் ப்₃ரஹ்மஸத₃நம் .. அத்ர ஹி ஜந்தோ꞉ ப்ராணேஷூத்க்ரமமாணேஷு ருத்₃ரஸ்தாரகம் ப்₃ரஹ்ம வ்யாசஷ்டே யேநாஸாவம்ருதீ பூ₄த்வா மோக்ஷீ ப₄வதி தஸ்மாத₃விமுக்தமேவ நிஷேவேத அவிமுக்தம் ந விமுஞ்சேதே₃வமேவைதத்₃யாஜ்ஞவல்க்ய꞉ .. 1..

அத₂ ஹைநமத்ரி꞉ பப்ரச்ச₂ யாஜ்ஞவல்க்யம் ய ஏஷோ(அ)நந்தோ(அ)வ்யக்த ஆத்மா தம் கத₂மஹம் விஜாநீயாமிதி .. ஸ ஹோவாச யாஜ்ஞவல்க்ய꞉ ஸோ(அ)விமுக்த உபாஸ்யோ ய ஏஷோ(அ)நந்தோ(அ)வ்யக்த ஆத்மா ஸோ(அ)விமுக்தே ப்ரதிஷ்டி₂த இதி .. ஸோ(அ)விமுக்த꞉ கஸ்மிந்ப்ரதிஷ்டி₂த இதி . வரணாயாம் நாஶ்யாம் ச மத்₄யே ப்ரதிஷ்டி₂த இதி .. கா வை வரணா கா ச நாஶீதி . ஸர்வாநிந்த்₃ரியக்ருதாந்தோ₃ஷாந்வாரயதீதி தேந வரணா ப₄வதி .. ஸர்வாநிந்த்₃ரியக்ருதாந்பாபாந்நாஶயதீதி தேந நாஶீ ப₄வதீதி .. கதமம் சாஸ்ய ஸ்தா₂நம் ப₄வதீதி . ப்₄ருவோர்க்₄ராணஸ்ய ச ய꞉ ஸந்தி₄꞉ ஸ ஏஷ த்₃யௌர்லோகஸ்ய பரஸ்ய ச ஸந்தி₄ர்ப₄வதீதி . ஏதத்₃வை ஸந்தி₄ம் ஸந்த்₄யாம் ப்₃ரஹ்மவித₃ உபாஸத இதி . ஸோ(அ)விமுக்த உபாஸ்ய இதி . ஸோ(அ)விமுக்தம் ஜ்ஞாநமாசஷ்டே . யோ வைததே₃வம் வேதே₃தி .. 2..

அத₂ ஹைநம் ப்₃ரஹ்மசாரிண ஊசு꞉ கிம் ஜப்யேநாம்ருதத்வம் ப்₃ரூஹீதி .. ஸ ஹோவாச யாஜ்ஞவல்க்ய꞉ . ஶதருத்₃ரியேணேத்யேதாந்யேவ ஹ வா அம்ருதஸ்ய நாமாநி .. ஏதைர்ஹ வா அம்ருதோ ப₄வதீதி ஏவமேவைதத்₃யாஜ்ஞவல்க்ய꞉ .. 3..

அத₂ ஹைநம் ஜநகோ வைதே₃ஹோ யாஜ்ஞவல்க்யமுபஸமேத்யோவாச ப₄க₃வந்ஸம்ந்யாஸம் ப்₃ரூஹீதி . ஸ ஹோவாச யாஜ்ஞவல்க்ய꞉ . ப்₃ரஹ்மசர்யம் பரிஸமாப்ய க்₃ருஹீ ப₄வேத் . க்₃ருஹீ பூ₄த்வா வநீ ப₄வேத் . வநீ பூ₄த்வா ப்ரவ்ரஜேத் . யதி₃ வேதரதா₂ ப்₃ரஹ்மசர்யாதே₃வ ப்ரவ்ரஜேத்₃க்₃ருஹாத்₃வா வநாத்₃வா .. அத₂ புநரவ்ரதீ வா வ்ரதீ வா ஸ்நாதகோ வா(அ)ஸ்நாதகோ வோத்ஸந்நக்₃நிகோ வா யத₃ஹரேவ விரஜேத்தத₃ஹரேவ ப்ரவ்ரஜேத் .தத்₃தை₄கே ப்ராஜாபத்யாமேவேஷ்டி,ந் குர்வந்தி . தது₃ ததா₂ ந குர்யாதா₃க்₃நேயீமேவ குர்யாத் .. அக்₃நிர்ஹ வை ப்ராண꞉ ப்ராணமேவ ததா₂ கரோதி .. த்ரைதா₄தவீயாமேவ குர்யாத் . ஏதயைவ த்ரயோ தா₄தவோ யது₃த ஸத்த்வம் ரஜஸ்தம இதி .. அயம் தே யோநிர்ருத்விஜோ யதோ ஜாத꞉ ப்ராணாத₃ரோசதா₂꞉ . தம் ப்ராணம் ஜாநந்நக்₃ந ஆரோஹாதா₂ நோ வர்த₄ய ரயிம் . இத்யநேந மந்த்ரேணாக்₃நிமாஜிக்₄ரேத் .. ஏஷ ஹ வா அக்₃நேர்யோநிர்ய꞉ ப்ராண꞉ ப்ராணம் க₃ச்ச₂ ஸ்வாஹேத்யேவமேவைததா₃ஹ .. க்₃ராமாத₃க்₃நிமாஹ்ருத்ய பூர்வத₃க்₃நிமாக்₄ராபயேத் .. யத்₃யக்₃நிம் ந விந்தே₃த₃ப்ஸு ஜுஹுயாத் . ஆபோ வை ஸர்வா தே₃வதா꞉ ஸர்வாப்₄யோ தே₃வதாப்₄யோ ஜுஹோமி ஸ்வாஹேதி ஹுத்வோத்₄ருத்ய ப்ராஶ்நீயாத்ஸாஜ்யம் ஹவிரநாமயம் மோக்ஷமந்த்ர꞉ த்ரய்யைவம் வதே₃த் ஏதத்₃ப்₃ரஹ்மைதது₃பாஸிதவ்யம் . ஏவமேவைதத்₃ப₄க₃வந்நிதி வை யாஜ்ஞவல்க்ய꞉ .. 4..

அத₂ ஹைநமத்ரி꞉ பப்ரச்ச₂ யாஜ்ஞவல்க்யம் ப்ருச்சா₂மி த்வா யாஜ்ஞவல்க்ய அயஜ்ஞோபவீதி கத₂ம் ப்₃ராஹ்மண இதி . ஸ ஹோவாச யாஜ்ஞவல்க்ய꞉ . இத₃மேவாஸ்ய தத்₃யஜ்ஞோபவீதம் ய ஆத்மாப꞉ ப்ராஶ்யாசம்யாயம் விதி₄꞉ பரிவ்ராஜகாநாம் . வீராத்₄வாநே வா அநாஶகே வா அபாம் ப்ரவேஶே வா அக்₃நிப்ரவேஶே வா மஹாப்ரஸ்தா₂நே வா . அத₂ பரிவ்ராட்₃விவர்ணவாஸா முண்டோ₃(அ)பரிக்₃ரஹ꞉ ஶுசிரத்₃ரோஹீ பை₄க்ஷணோ ப்₃ரஹ்மபூ₄யாய ப₄வதீதி . யத்₃யாதுர꞉ ஸ்யாந்மநஸா வாசா ஸம்ந்யஸேத் . ஏஷ பந்தா₂ ப்₃ரஹ்மணா ஹாநுவித்தஸ்தேநைதி ஸம்ந்யாஸீ ப்₃ரஹ்மவிதி₃த்யேவமேவைஷ ப₄க₃வந்நிதி வை யாஜ்ஞவல்க்ய .. 5..

தத்ர பரமஹம்ஸாநாமஸம்வர்தகாருணிஶ்வேதகேதுது₃ர்வாஸருபு₄நிதா₃க₄ஜட₃ ப₄ரதத₃த்தாத்ரேயரைவதக- ப்ரப்₄ருதயோ(அ)வ்யக்தலிங்கா₃ அவ்யக்தாசாரா அநுந்மத்தா உந்மத்தவதா₃சரந்தஸ்த்ரித₃ண்ட₃ம் கமண்ட₃லும் ஶிக்யம் பாத்ரம் ஜலபவித்ரம் ஶிகா₂ம் யஜ்ஞோபவீதம் ச இத்யேதத்ஸர்வம் பூ₄꞉ஸ்வாஹேத்யப்ஸு பரித்யஜ்யாத்மாநமந்விச்சே₂த் .. யதா₂ ஜாதரூபத₄ரோ நிர்க்₃ரந்தோ₂ நிஷ்பரிக்₃ரஹஸ்தத்தத்₃ப்₃ரஹ்மமார்கே₃ ஸம்யக்ஸம்பந்ந꞉ ஶுத்₃த₄மாநஸ꞉ ப்ராணஸந்தா₄ரணார்த₂ம் யதோ₂க்தகாலே விமுக்தோ பை₄க்ஷமாசரந்நுத₃ரபாத்ரேண லாபா₄லாப₄யோ꞉ ஸமோ பூ₄த்வா ஶூந்யாகா₃ரதே₃வக்₃ருஹத்ருணகூடவல்மீகவ்ருக்ஷமூலகுலாலஶாலாக்₃நி ஹோத்ரக்₃ருஹநதீ₃புலிநகி₃ரிகுஹரகந்த₃ரகோடரநிர்ஜ₂ரஸ்த₂ண்டி₃லேஷு தேஷ்வநிகேதவாஸ்ய ப்ரயத்நோ நிர்மம꞉ ஶுக்லத்₄யாநபராயணோ(அ)த்₄யாத்மநிஷ்டோ₂(அ)ஶுப₄கர்ம- நிர்மூலநபர꞉ ஸம்ந்யாஸேந தே₃ஹத்யாக₃ம் கரோதி ஸ பரமஹம்ஸோ நாம பரமஹம்ஸோ நாமேதி .. 6..

ௐ பூர்ணமத₃ இதி ஶாதி꞉ ..

.. இத்யத₂ர்வவேதீ₃யா ஜாபா₃லோபநிஷத்ஸமாப்தா ..