సనాతన దేవ
విఘ్నేశస్తోత్రమ్
विघ्नेशस्तोत्रम्
విఘ్నేశస్తోత్రమ్
విఘ్నేశం ప్రణతోఽస్మ్యహం శివసుతం సిద్ధీశ్వరం దన్తినం
గౌరీనిర్మితభాసమానవపుషం శ్వేతార్కమూలస్థితమ్ .
సర్వారమ్భణపూజితం ద్విపముఖం దూర్వాసమిజ్యాప్రియం
మూలాధారనివాసినం చ ఫణినా బద్ధోదరం బుద్ధిదమ్ .. 1..
శ్వేతామ్భోరుహవాసినీప్రియమనాః వేధాశ్చ వేదాత్మకః
శ్రీకాన్తస్స్థితికారకః స్మరపితా క్షీరాబ్ధిశయ్యాహితః .
చన్ద్రాలఙ్కృతమస్తకో గిరిజయా పృక్తాత్మదేహశ్శివః
తే లోకత్రయవన్దితాస్త్రిపురుషాః కుర్యుర్మహన్మఙ్గలమ్ .. 2..
సంసారార్ణవతారణోద్యమరతాః ప్రాపఞ్చికానన్దగాః
జ్ఞానాబ్ధిం విభుమాశ్రయన్తి చరమే నిత్యం సదానన్దదమ్ .
ఆప్రత్యూషవిహారిణో గగనగాః నైకాః మనోజ్ఞాః స్థలీః
వీక్ష్యాన్తే హి నిశాముఖే వసతరుం గచ్ఛన్తి చన్ద్రద్యుతౌ .. 3..
ఇతి విఘ్నేశస్తోత్రం సమ్పూర్ణమ్ .