ವೇಙ್ಕಟೇಶಮಙ್ಗಲಾಶಾಸನಮ್

Sri Venkatesha Mangalashasanam

ವೇಙ್ಕಟೇಶಮಙ್ಗಲಾಶಾಸನಮ್
ಶ್ರಿಯಃ ಕಾನ್ತಾಯ ಕಲ್ಯಾಣನಿಧಯೇ ನಿಧಯೇಽರ್ಥಿನಾಂ
ಶ್ರೀವೇಙ್ಕಟನಿವಾಸಾಯ ಶ್ರೀನಿವಾಸಾಯ ಮಙ್ಗಲಮ್ .. ೧..

ಲಕ್ಷ್ಮೀ ಸವಿಭ್ರಮಾಲೋಕಸುಭ್ರೂವಿಭ್ರಮಚಕ್ಷುಷೇ
ಚಕ್ಷುಷೇ ಸರ್ವಲೋಕಾನಾಂ ವೇಙ್ಕಟೇಶಾಯ ಮಙ್ಗಲಮ್ .. ೨..

ಶ್ರೀವೇಙ್ಕಟಾದ್ರಿಶೃಙ್ಗಾಙ್ಗ್ರಮಙ್ಗಲಾಭರಣಾಙ್ಘ್ರಯೇ
ಮಙ್ಗಲಾನಾಂ ನಿವಾಸಾಯ ವೇಙ್ಕಟೇಶಾಯ ಮಙ್ಗಲಮ್ .. ೩..

ಸರ್ವಾವಯವಸೌನ್ದರ್ಯಸಮ್ಪದಾ ಸರ್ವಚೇತಸಾಂ
ಸದಾ ಸಮ್ಮೋಹನಾಯಾಸ್ತು ವೇಙ್ಕಟೇಶಾಯ ಮಙ್ಗಲಮ್ .. ೪..

ನಿತ್ಯಾಯ ನಿರವದ್ಯಾಯ ಸತ್ಯಾನನ್ದಚಿದಾತ್ಮನೇ
ಸರ್ವಾನ್ತರಾತ್ಮನೇ ಶ್ರೀಮದ್ವೇಙ್ಕಟೇಶಾಯ ಮಙ್ಗಲಮ್ .. ೫..

ಸ್ವತಸ್ಸರ್ವವಿದೇ ಸರ್ವ ಶಕ್ತಯೇ ಸರ್ವಶೇಷಿಣೇ
ಸುಲಭಾಯ ಸುಶೀಲಾಯಾ ವೇಙ್ಕಟೇಶಾಯ ಮಙ್ಗಲಮ್ .. ೬..

ಪರಸ್ಮೈ ಬ್ರಹ್ಮಣೇ ಪೂರ್ಣಕಾಮಾಯ ಪರಮಾತ್ಮನೇ
ಪ್ರಯುಞ್ಜೇ ಪರತತ್ತ್ವಾಯ ವೇಙ್ಕಟೇಶಾಯ ಮಙ್ಗಲಮ್ .. ೭..

ಆಕಾಲತತ್ತ್ವಮಶ್ರಾನ್ತಂ ಆತ್ಮನಾಮನುಪಶ್ಯತಾಂ
ಅತೃಪ್ತಾಮೃತರೂಪಾಯ ವೇಙ್ಕಟೇಶಾಯ ಮಙ್ಗಲಮ್ .. ೮..

ಪ್ರಾಯಸ್ಸ್ವಚರಣೌ ಪುಂಸಾಂ ಶರಣ್ಯತ್ವೇನ ಪಾಣಿನಾ
ಕೃಪಯಾಽಽದಿಶತೇ ಶ್ರೀಮದ್ವೇಙ್ಕಟೇಶಾಯ ಮಙ್ಗಲಮ್ .. ೯..

ದಯಾಮೃತ ತರಙ್ಗಿಣ್ಯಾಸ್ತರಙ್ಗೈರಿವ ಶೀತಲೈಃ
ಅಪಾಙ್ಗೈಃ ಸಿಞ್ಚತೇ ವಿಶ್ವಂ ವೇಙ್ಕಟೇಶಾಯ ಮಙ್ಗಲಮ್ .. ೧೦..

ಸ್ರಗ್ಭೂಷಾಮ್ಬರಹೇತೀನಾಂ ಸುಷಮಾವಹಮೂರ್ತಯೇ
ಸರ್ವಾರ್ತಿಶಮನಾಯಾಸ್ತು ವೇಙ್ಕಟೇಶಾಯ ಮಙ್ಗಲಮ್ .. ೧೧..

ಶ್ರೀವೈಕುಣ್ಠವಿರಕ್ತಾಯ ಸ್ವಾಮಿಪುಷ್ಕರಿಣೀತಟೇ
ರಮಯಾ ರಮಮಾಣಾಯ ವೇಙ್ಕಟೇಶಾಯ ಮಙ್ಗಲಮ್ .. ೧೨..

ಶ್ರೀಮತ್ಸುನ್ದರಜಾಮಾತೃಮುನಿಮಾನಸವಾಸಿನೇ
ಸರ್ವಲೋಕನಿವಾಸಾಯ ಶ್ರೀನಿವಾಸಾಯ ಮಙ್ಗಲಮ್ .. ೧೩..

ಮಙ್ಗಲಾಶಾಸನಪರೈರ್ಮದಾಚಾರ್ಯ ಪುರೋಗಮೈಃ
ಸರ್ವೈಶ್ಚ ಪೂರ್ವೈರಾಚಾರ್ಯೈಃ ಸತ್ಕೃತಾಯಾಸ್ತು ಮಙ್ಗಲಮ್ .. ೧೪..