.. వైద్యనాథాష్టకమ్ ..

.. వైద్యనాథాష్టకమ్ ..

శ్రీరామ-సౌమిత్రి-జటాయు-వేద-షడాననాదిత్య-కుజార్చితాయ.
శ్రీనీలకణ్ఠాయ దయామయాయ శ్రీవైద్యనాథాయ నమః శివాయ..1..

గఙ్గాప్రవాహేన్దుజటాధరాయ త్రిలోచనాయ స్మరకాలహన్త్రే.
సమస్తదేవైరభిపూజితాయ శ్రీవైద్యనాథాయ నమః శివాయ..2..

భక్తఃప్రియాయ త్రిపురాన్తకాయ పినాకినే దుష్టహరాయ నిత్యమ్.
ప్రత్యక్షలీలాయ మనుష్యలోకే శ్రీవైద్యనాథాయ నమః శివాయ..3..

ప్రభూతవాతాది-సమస్తరోగప్రనాశకర్త్రే మునివన్దితాయ.
ప్రభాకరేన్ద్వగ్నివిలోచనాయ శ్రీవైద్యనాథాయ నమః శివాయ..4..

వాక్శ్రోత్రనేత్రాఙ్ఘ్రి-విహీనజన్తోర్వాక్శ్రోత్రనేత్రాఙ్ఘ్రి-సుఖప్రదాయ.
కుష్ఠాదిసర్వోన్నతరోగహన్త్రే శ్రీవైద్యనాథాయ నమః శివాయ..5..

వేదాన్తవేద్యాయ జగన్మయాయ యోగీశ్వరధ్యేయపదామ్బుజాయ.
త్రిమూర్తిరూపాయ సహస్రనామ్నే శ్రీవైద్యనాథాయ నమః శివాయ..6..

స్వతీర్థమృద్భస్మభృతాఙ్గభాజాం పిశాచదుఃఖార్తిభయాపహాయ.
ఆత్మస్వరూపాయ శరీరభాజాం శ్రీవైద్యనాథాయ నమః శివాయ..7..

శ్రీనీలకణ్ఠాయ వృషధ్వజాయ స్రగ్గన్ధభస్మాద్యభిశోభితాయ.
సుపుత్రదారాదిసుభాగ్యదాయ శ్రీవైద్యనాథాయ నమః శివాయ..8..

వాలామ్బికేశ వైద్యేశ భవరోగహరేతి చ.
జపేన్నామత్రయన్నిత్యం మహారోగనివారణమ్.. 9 ..

మహాదేవ మహాదేవ మహాదేవ మహాదేవ మహాదేవ మహాదేవ మహాదేవ మహాదేవ.
మహాదేవ మహాదేవ మహాదేవ మహాదేవ మహాదేవ మహాదేవ మహాదేవ మహాదేవ..