.. ವೈದ್ಯನಾಥಾಷ್ಟಕಮ್ ..

.. ವೈದ್ಯನಾಥಾಷ್ಟಕಮ್ ..

ಶ್ರೀರಾಮ-ಸೌಮಿತ್ರಿ-ಜಟಾಯು-ವೇದ-ಷಡಾನನಾದಿತ್ಯ-ಕುಜಾರ್ಚಿತಾಯ.
ಶ್ರೀನೀಲಕಣ್ಠಾಯ ದಯಾಮಯಾಯ ಶ್ರೀವೈದ್ಯನಾಥಾಯ ನಮಃ ಶಿವಾಯ..೧..

ಗಙ್ಗಾಪ್ರವಾಹೇನ್ದುಜಟಾಧರಾಯ ತ್ರಿಲೋಚನಾಯ ಸ್ಮರಕಾಲಹನ್ತ್ರೇ.
ಸಮಸ್ತದೇವೈರಭಿಪೂಜಿತಾಯ ಶ್ರೀವೈದ್ಯನಾಥಾಯ ನಮಃ ಶಿವಾಯ..೨..

ಭಕ್ತಃಪ್ರಿಯಾಯ ತ್ರಿಪುರಾನ್ತಕಾಯ ಪಿನಾಕಿನೇ ದುಷ್ಟಹರಾಯ ನಿತ್ಯಮ್.
ಪ್ರತ್ಯಕ್ಷಲೀಲಾಯ ಮನುಷ್ಯಲೋಕೇ ಶ್ರೀವೈದ್ಯನಾಥಾಯ ನಮಃ ಶಿವಾಯ..೩..

ಪ್ರಭೂತವಾತಾದಿ-ಸಮಸ್ತರೋಗಪ್ರನಾಶಕರ್ತ್ರೇ ಮುನಿವನ್ದಿತಾಯ.
ಪ್ರಭಾಕರೇನ್ದ್ವಗ್ನಿವಿಲೋಚನಾಯ ಶ್ರೀವೈದ್ಯನಾಥಾಯ ನಮಃ ಶಿವಾಯ..೪..

ವಾಕ್ಶ್ರೋತ್ರನೇತ್ರಾಙ್ಘ್ರಿ-ವಿಹೀನಜನ್ತೋರ್ವಾಕ್ಶ್ರೋತ್ರನೇತ್ರಾಙ್ಘ್ರಿ-ಸುಖಪ್ರದಾಯ.
ಕುಷ್ಠಾದಿಸರ್ವೋನ್ನತರೋಗಹನ್ತ್ರೇ ಶ್ರೀವೈದ್ಯನಾಥಾಯ ನಮಃ ಶಿವಾಯ..೫..

ವೇದಾನ್ತವೇದ್ಯಾಯ ಜಗನ್ಮಯಾಯ ಯೋಗೀಶ್ವರಧ್ಯೇಯಪದಾಮ್ಬುಜಾಯ.
ತ್ರಿಮೂರ್ತಿರೂಪಾಯ ಸಹಸ್ರನಾಮ್ನೇ ಶ್ರೀವೈದ್ಯನಾಥಾಯ ನಮಃ ಶಿವಾಯ..೬..

ಸ್ವತೀರ್ಥಮೃದ್ಭಸ್ಮಭೃತಾಙ್ಗಭಾಜಾಂ ಪಿಶಾಚದುಃಖಾರ್ತಿಭಯಾಪಹಾಯ.
ಆತ್ಮಸ್ವರೂಪಾಯ ಶರೀರಭಾಜಾಂ ಶ್ರೀವೈದ್ಯನಾಥಾಯ ನಮಃ ಶಿವಾಯ..೭..

ಶ್ರೀನೀಲಕಣ್ಠಾಯ ವೃಷಧ್ವಜಾಯ ಸ್ರಗ್ಗನ್ಧಭಸ್ಮಾದ್ಯಭಿಶೋಭಿತಾಯ.
ಸುಪುತ್ರದಾರಾದಿಸುಭಾಗ್ಯದಾಯ ಶ್ರೀವೈದ್ಯನಾಥಾಯ ನಮಃ ಶಿವಾಯ..೮..

ವಾಲಾಮ್ಬಿಕೇಶ ವೈದ್ಯೇಶ ಭವರೋಗಹರೇತಿ ಚ.
ಜಪೇನ್ನಾಮತ್ರಯನ್ನಿತ್ಯಂ ಮಹಾರೋಗನಿವಾರಣಮ್.. ೯ ..

ಮಹಾದೇವ ಮಹಾದೇವ ಮಹಾದೇವ ಮಹಾದೇವ ಮಹಾದೇವ ಮಹಾದೇವ ಮಹಾದೇವ ಮಹಾದೇವ.
ಮಹಾದೇವ ಮಹಾದೇವ ಮಹಾದೇವ ಮಹಾದೇವ ಮಹಾದೇವ ಮಹಾದೇವ ಮಹಾದೇವ ಮಹಾದೇವ..