ષોડશગણપતિસ્તવમ્
પ્રથમં બાલવિઘ્નેશં દ્વિતીયં તરુણં તથા .
તૃતીયં ભક્તવિઘ્નેશં ચતુર્થં વીરવિઘ્નકમ્ ..
પઞ્ચમં શક્તિવિઘ્નેશં ષષ્ઠં ધ્વજગણાધિપમ્ .
સપ્તમં પિઙ્ગલં દેવં તથા ચોચ્છિષ્ટનાયકમ્ ..
નવમં વિઘ્નરાજેન્દ્રં દશમં ક્ષિપ્રદાયકમ્ .
એકાદશં તુ હેરમ્બં દ્વાદશં લક્ષ્મિનાયકમ્ ..
ત્રયોદશં મહાસંજ્ઞં ભુવનેશં ચતુર્દશમ્ .
નૃત્તાખ્યં પઞ્ચદશં ષોડશોર્ધ્વગણાધિપમ્ ..
સ્તોત્રં તુ વિઘ્નરાજસ્ય કથ્યતે ષોડશાત્મકમ્ .
ધર્માર્થકામમોક્ષાર્થં નરાણાં યેન વિદ્યતે ..
.. ઇતિ ષોડશગણપતિસ્તવમ્ ..