ষোডশগণপতিস্তবম্
প্রথমং বালবিঘ্নেশং দ্বিতীয়ং তরুণং তথা ।
তৃতীয়ং ভক্তবিঘ্নেশং চতুর্থং বীরবিঘ্নকম্ ॥
পঞ্চমং শক্তিবিঘ্নেশং ষষ্ঠং ধ্বজগণাধিপম্ ।
সপ্তমং পিঙ্গলং দেবং তথা চোচ্ছিষ্টনায়কম্ ॥
নবমং বিঘ্নরাজেন্দ্রং দশমং ক্ষিপ্রদায়কম্ ।
একাদশং তু হেরম্বং দ্বাদশং লক্ষ্মিনায়কম্ ॥
ত্রয়োদশং মহাসঞ্জ্ঞং ভুবনেশং চতুর্দশম্ ।
নৃত্তাখ্যং পঞ্চদশং ষোডশোর্ধ্বগণাধিপম্ ॥
স্তোত্রং তু বিঘ্নরাজস্য কথ্যতে ষোডশাত্মকম্ ।
ধর্মার্থকামমোক্ষার্থং নরাণাং যেন বিদ্যতে ॥
॥ ইতি ষোডশগণপতিস্তবম্ ॥