Sanaatana deva

Atha dattaatreyadvaadashanaamastotram

stotra-b4552062

Composer: Paaramparika Reads: 5

Select Script / Language: देवनागरी (संस्कृत) English (Roman) தமிழ் తెలుగు ಕನ್ನಡ ગુજરાતી বাংলা

अथ दत्तात्रेयद्वादशनामस्तोत्रम्

।।श्री गणेशाय नम:।।

अस्य श्रीदत्तात्रेय द्वादशनाम स्तोत्र मंत्रस्य। परमहंस ऋषि:। श्री दत्तात्रेय परमात्मा देवता। अनुष्टुप् छंद:। सकल कामना सिद्ध्यर्थे जपे विनियोग:।

प्रथमस्तु महायोगी द्वितीय प्रभुरीश्वर: तृतीयश्च त्रिमूर्तिश्च चतुर्थो ज्ञानसागर:।

पंचमो ज्ञानविज्ञानम् षष्ठस्यात् सर्वमंगलम्। सप्तमो पुंडरीकाक्षरष्टमो देववल्लभ:।

नवमो नंददेवेशो दशमो नंददायक:। एकादशो महारुद्र: द्वादशो करुणाकर:।

एतानि द्वादश नामानि दत्तात्रेय महात्मन: मंत्रराजेति विख्यातं दत्तात्रेय हर: परा:।

क्षयोपस्मार कुष्ठादि तापज्वर निवारणम् राजद्वारेपथे अघोरे संग्रामेषु जलांतरे।

गिरे गृहांतरे अरण्ये व्याघ्र चोर भयादिषु। आवर्तने सहस्रेषु लभन्ते वांछितं फलम्।

त्रिकालं य: पठेन्नित्यं मोक्षसिद्धिमवाप्नुयात्। दत्तात्रेय सदा रक्षेत् यश: सत्यं न संशय:।

विद्यार्थी लभते विद्यां रोगी रोगात् प्रमुच्यते। अपुत्रो लभते पुत्रं दरिद्रि लभते धनम्।

अभार्यो लभते भार्याम् सुखार्थी लभते सुखम्। मुच्यते सर्व पापेभ्यो सर्वत्र विजयी भवेत्।।

इति श्री दत्तात्रेयद्वादशनामस्तोत्रम् संपूर्णम्।। श्री दत्तात्रेयार्पणमस्तु।।