Sanaatana deva

.. Raamadvaadashanaamastotram ..

stotra-69c5e4c3

Composer: Paaramparika Reads: 1

Select Script / Language: देवनागरी (संस्कृत) English (Roman) தமிழ் తెలుగు ಕನ್ನಡ ગુજરાતી বাংলা

प्रथमं श्रीधरं विद्याद्द्वितीयं रघुनायकम्। तृतीयं रामचन्द्रं च चतुर्थं रावणान्तकम्॥१॥

पञ्चमं लोकपूज्यं च षष्ठमं जानकीपतिम्। सप्तमं वासुदेवं च श्रीरामं चाष्टमं तथा॥२॥

नवमं जलदश्यामं दशमं लक्ष्मणाग्रजम्। एकादशं च गोविन्दं द्वादशं सेतुबन्धनम्॥३॥

द्वादशैतानि नामानि यः पठेछ्रद्धयान्वितः। अर्धरात्रे तु द्वादश्यां कुष्ठदारिद्र्यनाशनम्॥४॥

अरण्ये चैव सङ्ग्रामे अग्नौ भयनिवारणम्। ब्रह्महत्या सुरापानं गोहत्याऽऽदि निवारणम्॥५॥

सप्तवारं पठेन्नित्यं सर्वारिष्टनिवारणम्। ग्रहणे च जले स्थित्वा नदीतीरे विशेषतः। अश्वमेधशतं पुण्यं ब्रह्मलोकं गमिष्यति॥ ६ ॥

॥ इति श्री स्कान्दपुराणे उत्तरखण्डे श्री उमामहेश्वरसंवादे श्री रामद्वादशनामस्तोत्रं सम्पूर्णम् ॥