সনাতন দেব
॥ শ্রীরাম প্রার্থনা ॥
॥ श्रीराम प्रार्थना ॥
বৈদেহীসহিতং সুরদ্রুমতলে হৈমে মহামণ্ডপে মধ্যে পুষ্পকমাসনে মণিময়ে বীরাসনে সুস্থিতম্। অগ্রে বাচয়তি প্রভঞ্জনসুতে তত্ত্বং মুনিভ্যঃ পরম্ ব্যাখ্যান্তং ভরতাদিভিঃ পরিবৃতং রামং ভজে শ্যামলম্॥
বামে ভূমিসুতা পুরশ্চ হনুমান্ পশ্চাৎ সুমিত্রাসুতঃ শত্রুঘ্নো ভরতশ্চ পার্শ্বদলয়োর্বায়্বাদিকোণেষু চ। সুগ্রীবশ্চ বিভীষণশ্চ যুবরাট্ তারাসুতো জাম্ববান্ মধ্যে নীলসরোজকোমলরুচিং রামং ভজে শ্যামলম্॥ ॥ ইতি শ্রীরাম প্রার্থনা ॥