.. ಶ್ರೀಸುದರ್ಶನ ಅಷ್ಟೋತ್ತರಶತನಾಮಸ್ತೋತ್ರಮ್ ..

.. ಶ್ರೀಸುದರ್ಶನ ಅಷ್ಟೋತ್ತರಶತನಾಮಸ್ತೋತ್ರಮ್ ..

ಸುದರ್ಶನಶ್ಚಕ್ರರಾಜಃ ತೇಜೋವ್ಯೂಹೋ ಮಹಾದ್ಯುತಿಃ .
ಸಹಸ್ರಬಾಹುರ್ದೀಪ್ತಾಙ್ಗಃ ಅರುಣಾಕ್ಷಃ ಪ್ರತಾಪವಾನ್ ..೧..

ಅನೇಕಾದಿತ್ಯಸಙ್ಕಾಶಃ ಪ್ರೋದ್ಯಜ್ಜ್ವಾಲಾಭಿರಞ್ಜಿತಃ .
ಸೌದಾಮಿನೀಸಹಸ್ರಾಭಃ ಮಣಿಕುಣ್ಡಲಶೋಭಿತಃ ..೨..

ಪಞ್ಚಭೂತಮನೋರೂಪೋ ಷಟ್ಕೋಣಾನ್ತರಸಂಸ್ಥಿತಃ .
ಹರಾನ್ತಃ ಕರಣೋದ್ಭೂತರೋಷಭೀಷಣವಿಗ್ರಹಃ ..೩..

ಹರಿಪಾಣಿಲಸತ್ಪದ್ಮವಿಹಾರಾರಮನೋಹರಃ .
ಶ್ರಾಕಾರರೂಪಸ್ಸರ್ವಜ್ಞಃ ಸರ್ವಲೋಕಾರ್ಚಿತಪ್ರಭುಃ ..೪..

ಚತುರ್ದಶಸಹಸ್ರಾರಃ ಚತುರ್ವೇದಮಯೋಽನಲಃ .
ಭಕ್ತಚಾನ್ದ್ರಮಸಜ್ಯೋತಿಃ ಭವರೋಗವಿನಾಶಕಃ ..೫..

ರೇಫಾತ್ಮಕೋ ಮಕಾರಶ್ಚ ರಕ್ಷೋಸೃಗ್ರೂಷಿತಾಙ್ಗಕಃ .
ಸರ್ವದೈತ್ಯಗ್ರೀವನಾಲವಿಭೇದನಮಹಾಗಜಃ ..೬..

ಭೀಮದಂಷ್ಟ್ರೋಜ್ಜ್ವಲಾಕಾರೋ ಭೀಮಕರ್ಮಾ ವಿಲೋಚನಃ .
ನೀಲವರ್ತ್ಮಾ ನಿತ್ಯಸುಖೋ ನಿರ್ಮಲಶ್ರೀರ್ನಿರಞ್ಜನಃ ..೭..

ರಕ್ತಮಾಲ್ಯಾಂಬರಧರೋ ರಕ್ತಚನ್ದನರೂಷಿತಃ .
ರಜೋಗುಣಾಕೃತಿಶ್ಶೂರೋ ರಕ್ಷಃಕುಲಯಮೋಪಮಃ ..೮..

ನಿತ್ಯಕ್ಷೇಮಕರಃ ಪ್ರಾಜ್ಞಃ ಪಾಷಣ್ಡಜನಖಣ್ಡನಃ .
ನಾರಾಯಣಾಜ್ಞಾನುವರ್ತೀ ನೈಗಮಾನ್ತಃಪ್ರಕಾಶಕಃ ..೯..

ಬಲಿನನ್ದನದೋರ್ದಣ್ಡಖಣ್ಡನೋ ವಿಜಯಾಕೃತಿಃ .
ಮಿತ್ರಭಾವೀ ಸರ್ವಮಯೋ ತಮೋವಿಧ್ವಂಸಕಸ್ತಥಾ ..೧೦..

ರಜಸ್ಸತ್ತ್ವತಮೋದ್ವರ್ತೀ ತ್ರಿಗುಣಾತ್ಮಾ ತ್ರಿಲೋಕಧೃತ್ .
ಹರಿಮಾಯಾಗುಣೋಪೇತೋಽವ್ಯಯೋಽಕ್ಷಸ್ವರೂಪಭಾಕ್ ..೧೧..

ಪರಮಾತ್ಮಾ ಪರಂಜ್ಯೋತಿಃ ಪಞ್ಚಕೃತ್ಯಪರಾಯಣಃ .
ಜ್ಞಾನಶಕ್ತಿಬಲೈಶ್ವರ್ಯವೀರ್ಯತೇಜಃಪ್ರಭಾಮಯಃ ..೧೨..

ಸದಸತ್ಪರಮಃ ಪೂರ್ಣೋ ವಾಙ್ಮಯೋ ವರದೋಽಚ್ಯುತಃ .
ಜೀವೋ ಗುರುರ್ಹಂಸರೂಪಃ ಪಞ್ಚಾಶತ್ಪೀಠರೂಪಕಃ ..೧೩..

ಮಾತೃಕಾಮಣ್ಡಲಾಧ್ಯಕ್ಷೋ ಮಧುಧ್ವಂಸೀ ಮನೋಮಯಃ .
ಬುದ್ಧಿರೂಪಶ್ಚಿತ್ತಸಾಕ್ಷೀ ಸಾರೋ ಹಂಸಾಕ್ಷರದ್ವಯಃ ..೧೪..

ಮನ್ತ್ರಯನ್ತ್ರಪ್ರಭಾವಜ್ಞೋ ಮನ್ತ್ರಯನ್ತ್ರಮಯೋ ವಿಭುಃ .
ಸ್ರಷ್ಟಾ ಕ್ರಿಯಾಸ್ಪದಶ್ಶುದ್ಧಃ ಆಧಾರಶ್ಚಕ್ರರೂಪಕಃ ..೧೫..

ನಿರಾಯುಧೋ ಹ್ಯಸಂರಮ್ಭಃ ಸರ್ವಾಯುಧಸಮನ್ವಿತಃ .
ಓಮ್ಕಾರರೂಪೀ ಪೂರ್ಣಾತ್ಮಾ ಆಂಕಾರಸ್ಸಾಧ್ಯಬನ್ಧನಃ ..೧೬..

ಐಂಕಾರೋ ವಾಕ್ಪ್ರದೋ ವಗ್ಮೀ ಶ್ರೀಂಕಾರೈಶ್ವರ್ಯವರ್ಧನಃ .
ಕ್ಲೀಂಕಾರಮೋಹನಾಕಾರೋ ಹುಂಫಟ್ಕ್ಷೋಭಣಾಕೃತಿಃ ..೧೭..

ಇನ್ದ್ರಾರ್ಚಿತಮನೋವೇಗೋ ಧರಣೀಭಾರನಾಶಕಃ .
ವೀರಾರಾಧ್ಯೋ ವಿಶ್ವರೂಪಃ ವೈಷ್ಣವೋ ವಿಷ್ಣುರೂಪಕಃ ..೧೮..

ಸತ್ಯವ್ರತಃ ಸತ್ಯಧರಃ ಸತ್ಯಧರ್ಮಾನುಷಙ್ಗಕಃ
ನಾರಾಯಣಕೃಪಾವ್ಯೂಹತೇಜಶ್ಚಕ್ರಸ್ಸುದರ್ಶನಃ ..೧೯..