.. શ્રીસુદર્શન અષ્ટોત્તરશતનામસ્તોત્રમ્ ..

.. શ્રીસુદર્શન અષ્ટોત્તરશતનામસ્તોત્રમ્ ..

સુદર્શનશ્ચક્રરાજઃ તેજોવ્યૂહો મહાદ્યુતિઃ .
સહસ્રબાહુર્દીપ્તાઙ્ગઃ અરુણાક્ષઃ પ્રતાપવાન્ ..૧..

અનેકાદિત્યસઙ્કાશઃ પ્રોદ્યજ્જ્વાલાભિરઞ્જિતઃ .
સૌદામિનીસહસ્રાભઃ મણિકુણ્ડલશોભિતઃ ..૨..

પઞ્ચભૂતમનોરૂપો ષટ્કોણાન્તરસંસ્થિતઃ .
હરાન્તઃ કરણોદ્ભૂતરોષભીષણવિગ્રહઃ ..૩..

હરિપાણિલસત્પદ્મવિહારારમનોહરઃ .
શ્રાકારરૂપસ્સર્વજ્ઞઃ સર્વલોકાર્ચિતપ્રભુઃ ..૪..

ચતુર્દશસહસ્રારઃ ચતુર્વેદમયોઽનલઃ .
ભક્તચાન્દ્રમસજ્યોતિઃ ભવરોગવિનાશકઃ ..૫..

રેફાત્મકો મકારશ્ચ રક્ષોસૃગ્રૂષિતાઙ્ગકઃ .
સર્વદૈત્યગ્રીવનાલવિભેદનમહાગજઃ ..૬..

ભીમદંષ્ટ્રોજ્જ્વલાકારો ભીમકર્મા વિલોચનઃ .
નીલવર્ત્મા નિત્યસુખો નિર્મલશ્રીર્નિરઞ્જનઃ ..૭..

રક્તમાલ્યાંબરધરો રક્તચન્દનરૂષિતઃ .
રજોગુણાકૃતિશ્શૂરો રક્ષઃકુલયમોપમઃ ..૮..

નિત્યક્ષેમકરઃ પ્રાજ્ઞઃ પાષણ્ડજનખણ્ડનઃ .
નારાયણાજ્ઞાનુવર્તી નૈગમાન્તઃપ્રકાશકઃ ..૯..

બલિનન્દનદોર્દણ્ડખણ્ડનો વિજયાકૃતિઃ .
મિત્રભાવી સર્વમયો તમોવિધ્વંસકસ્તથા ..૧૦..

રજસ્સત્ત્વતમોદ્વર્તી ત્રિગુણાત્મા ત્રિલોકધૃત્ .
હરિમાયાગુણોપેતોઽવ્યયોઽક્ષસ્વરૂપભાક્ ..૧૧..

પરમાત્મા પરંજ્યોતિઃ પઞ્ચકૃત્યપરાયણઃ .
જ્ઞાનશક્તિબલૈશ્વર્યવીર્યતેજઃપ્રભામયઃ ..૧૨..

સદસત્પરમઃ પૂર્ણો વાઙ્મયો વરદોઽચ્યુતઃ .
જીવો ગુરુર્હંસરૂપઃ પઞ્ચાશત્પીઠરૂપકઃ ..૧૩..

માતૃકામણ્ડલાધ્યક્ષો મધુધ્વંસી મનોમયઃ .
બુદ્ધિરૂપશ્ચિત્તસાક્ષી સારો હંસાક્ષરદ્વયઃ ..૧૪..

મન્ત્રયન્ત્રપ્રભાવજ્ઞો મન્ત્રયન્ત્રમયો વિભુઃ .
સ્રષ્ટા ક્રિયાસ્પદશ્શુદ્ધઃ આધારશ્ચક્રરૂપકઃ ..૧૫..

નિરાયુધો હ્યસંરમ્ભઃ સર્વાયુધસમન્વિતઃ .
ઓમ્કારરૂપી પૂર્ણાત્મા આંકારસ્સાધ્યબન્ધનઃ ..૧૬..

ઐંકારો વાક્પ્રદો વગ્મી શ્રીંકારૈશ્વર્યવર્ધનઃ .
ક્લીંકારમોહનાકારો હુંફટ્ક્ષોભણાકૃતિઃ ..૧૭..

ઇન્દ્રાર્ચિતમનોવેગો ધરણીભારનાશકઃ .
વીરારાધ્યો વિશ્વરૂપઃ વૈષ્ણવો વિષ્ણુરૂપકઃ ..૧૮..

સત્યવ્રતઃ સત્યધરઃ સત્યધર્માનુષઙ્ગકઃ
નારાયણકૃપાવ્યૂહતેજશ્ચક્રસ્સુદર્શનઃ ..૧૯..