శ్రీదుర్గా పఞ్జరస్తోత్రమ్

శ్రీదుర్గా పఞ్జరస్తోత్రమ్

ఓం హేమ ప్రఖ్యామిన్దు ఖణ్డాత్తమౌలిం శఙ్ఖాభీష్టా భీతి హస్తాం త్రినేత్రామ్ .
హేమాబ్జస్థాం పీన వస్త్రాం ప్రసన్నాం దేవీం దుర్గాం దివ్యరూపాం నమామి .

అపరాధ శతం కృత్వా జగదమ్బేతి చోచ్చరేత్ .
యాం గతిం సమవాప్నోతి నతాం బ్రహ్మాదయః సురాః .
సాపరాధోఽస్మి శరణం ప్రాప్తస్త్వాం జగదమ్బికే .. 1..

మార్కణ్డేయ ఉవాచ
దుర్గే దుర్గప్రదేశేషు దుర్వారరిపుమర్దినీ .
మర్దయిత్రీ రిపుశ్రీణాం రక్షాం కురు నమోఽస్తుతే .. 1..

పథి దేవాలయే దుర్గే అరణ్యే పర్వతే జలే .
సర్వత్రోఽపగతే దుర్గే దుర్గే రక్ష నమోఽస్తుతే .. 2..

దుఃస్వప్నే దర్శనే ఘోరే ఘోరే నిష్పన్న బన్ధనే .
మహోత్పాతే చ నరకే దుర్గేరక్ష నమోఽస్తుతే .. 3..

వ్యాఘ్రోరగ వరాహాని నిర్హాదిజన సఙ్కటే .
బ్రహ్మా విష్ణు స్తుతే దుర్గే దుర్గే రక్ష నమోఽస్తుతే .. 4..

ఖేచరా మాతరః సర్వం భూచరాశ్చా తిరోహితాః .
యే త్వాం సమాశ్రితా స్తాంస్త్వం దుర్గే రక్ష నమోఽస్తుతే .. 5..

కంసాసుర పురే ఘోరే కృష్ణ రక్షణకారిణీ .
రక్ష రక్ష సదా దుర్గే దుర్గే రక్ష నమోఽస్తుతే .. 6..

అనిరుద్ధస్య రుద్ధస్య దుర్గే బాణపురే పురా .
వరదే త్వం మహాఘోరే దుర్గే రక్ష నమోఽస్తుతే .. 7..

దేవ ద్వారే నదీ తీరే రాజద్వారే చ సఙ్కటే .
పర్వతా రోహణే దుర్గే దుర్గే రక్ష నమోఽస్తుతే .. 8..

దుర్గా పఞ్జర మేతత్తు దుర్గా సార సమాహితమ్ .
పఠనస్తారయేద్ దుర్గా నాత్ర కార్యా విచారణ .. 9..

రుద్రబాలా మహాదేవీ క్షమా చ పరమేశ్వరీ .
అనన్తా విజయా నిత్యా మాతస్త్వమపరాజితా .. 10..