ಶ್ರೀದುರ್ಗಾ ಪಞ್ಜರಸ್ತೋತ್ರಮ್

ಶ್ರೀದುರ್ಗಾ ಪಞ್ಜರಸ್ತೋತ್ರಮ್

ಓಂ ಹೇಮ ಪ್ರಖ್ಯಾಮಿನ್ದು ಖಣ್ಡಾತ್ತಮೌಲಿಂ ಶಙ್ಖಾಭೀಷ್ಟಾ ಭೀತಿ ಹಸ್ತಾಂ ತ್ರಿನೇತ್ರಾಮ್ .
ಹೇಮಾಬ್ಜಸ್ಥಾಂ ಪೀನ ವಸ್ತ್ರಾಂ ಪ್ರಸನ್ನಾಂ ದೇವೀಂ ದುರ್ಗಾಂ ದಿವ್ಯರೂಪಾಂ ನಮಾಮಿ .

ಅಪರಾಧ ಶತಂ ಕೃತ್ವಾ ಜಗದಮ್ಬೇತಿ ಚೋಚ್ಚರೇತ್ .
ಯಾಂ ಗತಿಂ ಸಮವಾಪ್ನೋತಿ ನತಾಂ ಬ್ರಹ್ಮಾದಯಃ ಸುರಾಃ .
ಸಾಪರಾಧೋಽಸ್ಮಿ ಶರಣಂ ಪ್ರಾಪ್ತಸ್ತ್ವಾಂ ಜಗದಮ್ಬಿಕೇ .. ೧..

ಮಾರ್ಕಣ್ಡೇಯ ಉವಾಚ
ದುರ್ಗೇ ದುರ್ಗಪ್ರದೇಶೇಷು ದುರ್ವಾರರಿಪುಮರ್ದಿನೀ .
ಮರ್ದಯಿತ್ರೀ ರಿಪುಶ್ರೀಣಾಂ ರಕ್ಷಾಂ ಕುರು ನಮೋಽಸ್ತುತೇ .. ೧..

ಪಥಿ ದೇವಾಲಯೇ ದುರ್ಗೇ ಅರಣ್ಯೇ ಪರ್ವತೇ ಜಲೇ .
ಸರ್ವತ್ರೋಽಪಗತೇ ದುರ್ಗೇ ದುರ್ಗೇ ರಕ್ಷ ನಮೋಽಸ್ತುತೇ .. ೨..

ದುಃಸ್ವಪ್ನೇ ದರ್ಶನೇ ಘೋರೇ ಘೋರೇ ನಿಷ್ಪನ್ನ ಬನ್ಧನೇ .
ಮಹೋತ್ಪಾತೇ ಚ ನರಕೇ ದುರ್ಗೇರಕ್ಷ ನಮೋಽಸ್ತುತೇ .. ೩..

ವ್ಯಾಘ್ರೋರಗ ವರಾಹಾನಿ ನಿರ್ಹಾದಿಜನ ಸಙ್ಕಟೇ .
ಬ್ರಹ್ಮಾ ವಿಷ್ಣು ಸ್ತುತೇ ದುರ್ಗೇ ದುರ್ಗೇ ರಕ್ಷ ನಮೋಽಸ್ತುತೇ .. ೪..

ಖೇಚರಾ ಮಾತರಃ ಸರ್ವಂ ಭೂಚರಾಶ್ಚಾ ತಿರೋಹಿತಾಃ .
ಯೇ ತ್ವಾಂ ಸಮಾಶ್ರಿತಾ ಸ್ತಾಂಸ್ತ್ವಂ ದುರ್ಗೇ ರಕ್ಷ ನಮೋಽಸ್ತುತೇ .. ೫..

ಕಂಸಾಸುರ ಪುರೇ ಘೋರೇ ಕೃಷ್ಣ ರಕ್ಷಣಕಾರಿಣೀ .
ರಕ್ಷ ರಕ್ಷ ಸದಾ ದುರ್ಗೇ ದುರ್ಗೇ ರಕ್ಷ ನಮೋಽಸ್ತುತೇ .. ೬..

ಅನಿರುದ್ಧಸ್ಯ ರುದ್ಧಸ್ಯ ದುರ್ಗೇ ಬಾಣಪುರೇ ಪುರಾ .
ವರದೇ ತ್ವಂ ಮಹಾಘೋರೇ ದುರ್ಗೇ ರಕ್ಷ ನಮೋಽಸ್ತುತೇ .. ೭..

ದೇವ ದ್ವಾರೇ ನದೀ ತೀರೇ ರಾಜದ್ವಾರೇ ಚ ಸಙ್ಕಟೇ .
ಪರ್ವತಾ ರೋಹಣೇ ದುರ್ಗೇ ದುರ್ಗೇ ರಕ್ಷ ನಮೋಽಸ್ತುತೇ .. ೮..

ದುರ್ಗಾ ಪಞ್ಜರ ಮೇತತ್ತು ದುರ್ಗಾ ಸಾರ ಸಮಾಹಿತಮ್ .
ಪಠನಸ್ತಾರಯೇದ್ ದುರ್ಗಾ ನಾತ್ರ ಕಾರ್ಯಾ ವಿಚಾರಣ .. ೯..

ರುದ್ರಬಾಲಾ ಮಹಾದೇವೀ ಕ್ಷಮಾ ಚ ಪರಮೇಶ್ವರೀ .
ಅನನ್ತಾ ವಿಜಯಾ ನಿತ್ಯಾ ಮಾತಸ್ತ್ವಮಪರಾಜಿತಾ .. ೧೦..