శ్రీదీపదుర్గాకవచమ్

శ్రీదీపదుర్గా కవచమ్

శ్రీభైరవ ఉవాచ
శృణు దేవి జగన్మాతర్జ్వాలాదుర్గాం బ్రవీమ్యహమ్ .
కవచం మన్త్రగర్భం చ త్రైలోక్యవిజయాభిధమ్ .. 1..

అప్రకాశ్యం పరం గుహ్యం న కస్య కథితం మయా .
వినామునా న సిద్ధిః స్యాత్కవచేన మహేశ్వరి .. 2..

అవక్తవ్యమదాతవ్యం దుష్టాయా సాధకాయ చ .
నిన్దకాయాన్యశిష్యాయ న వక్తవ్యం కదాచన .. 3..

శ్రీ దేవ్యువాచ
త్రైలోక్యనాథ వద మే బహుధా కథితం మయా .
స్వయం త్వయా ప్రసాదోఽయం కృతః స్నేహేన మే ప్రభో .. 4..

శ్రీ భైరవ ఉవాచ .
ప్రభాతే చైవ మధ్యాహ్నే సాయఙ్కాలేఽర్ధరాత్రకే .
కవచం మన్త్రగర్భం చ పఠనీయం పరాత్పరమ్ .. 5..

మధునా మత్స్యమాంసాదిమోదకేన సమర్చయేత్ .
దేవతాం పరయా భక్త్యా పఠేత్కవచముత్తమమ్ .. 6..

ఓం హ్రీం మే పాతు మూర్ధానం జ్వాలా ద్వ్యక్షరమాతృకా .
ఓం హ్రీం శ్రీం మేఽవతాత్ఫాలం త్ర్యక్షరీ విశ్వమాతృకా .. 7..

ఓం ఐం క్లీం సౌః మమావ్యాత్సా దేవీ మాయా భ్రువౌ మమ .
ఓం అం ఆం ఇం ఈం సౌః పాయాన్నేత్రా మే విశ్వసున్దరీ .. 8..

ఓం హ్రీం హ్రీం సౌః పుత్ర నాసాం ఉం ఊం కర్ణౌ చ మోహినీ .
ఋం ౠం లృం లౄం సౌః మే బాలా పాయాద్గణ్డౌ చ చక్షుషీ .. 9..

ఓం ఐం ఓం ఔం సదాఽవ్యాన్మే ముఖం శ్రీ భగరూపిణీ .
అం అః ఓం హ్రీం క్లీం సౌః పాయద్గలం మే భగధారిణీ .. 10..

కం ఖం గం ఘం (ఓం హ్రీం) సౌః స్కన్ధౌ మే త్రిపురేశ్వరీ .
ఙం చం ఛం జం (హ్రీం) సౌః వక్షః పాయాచ్చ బైన్దవేశ్వరీ .. 11..

ఝం ఞం టం ఠం సౌః ఐం క్లీం హూం మమావ్యాత్సా భుజాన్తరమ్ .
డం ఢం ణం తం స్తనౌ పాయాద్భేరుణ్డా మమ సర్వదా .. 12..

థం దం ధం నం కుక్షిం పాయాన్మమ హ్రీం శ్రీం పరా జయా .
పం ఫం బం శ్రీం హ్రీం సౌః పార్శ్వం మృడానీ పాతు మే సదా .. 13..

భం మం యం రం శ్రీం సౌః లం వం నాభిం మే పాన్తు కన్యకాః .
శం షం సం హం సదా పాతు గుహ్యం మే గుహ్యకేశ్వరీ .. 14..

వృక్షః పాతు సదా లిఙ్గం హ్రీం శ్రీం లిఙ్గనివాసినీ .
ఐం క్లీం సౌః పాతు మే మేఢ్రం పృష్ఠం మే పాతు వారుణీ .. 15..

ఓం శ్రీం హ్రీం క్లీం హుం హూం పాతు ఊరూ మే పాత్వమాసదా .
ఓం ఐం క్లీం సౌః యాం వాత్యాలీ జఙ్ఘే పాయాత్సదా మమ .. 16..

ఓం శ్రీం సౌః క్లీం సదా పాయాజ్జానునీ కులసున్దరీ .
ఓం శ్రీం హ్రీం హూం కూవలీ చ గుల్ఫౌ ఐం శ్రీం మమాఽవతు .. 17..

ఓం శ్రీం హ్రీం క్లీం ఐం సౌః పాయాత్కుణ్ఠీ క్లీం హ్రీం హ్రౌః మే తలమ్ .
ఓం హ్రీం శ్రీం పాదౌ సౌః పాయద్ హ్రీం శ్రీం క్లీం కుత్సితా మమ .. 18..

ఓం హ్రీం శ్రీం కుటిలా హ్రీం క్లీం పాదపృష్ఠం చ మేఽవతు .
ఓం శ్రీం హ్రీం శ్రీం చ మే పాతు పాదస్థా అఙ్గులీః సదా .. 19..

ఓం హ్రీం సౌః ఐం కుహూః మజ్జాం ఓం శ్రీం కున్తీ మమాఽవతు .
రక్తం కుమ్భేశ్వరీ ఐం క్లీం శుక్లం పాయాచ్చ కూచరీ .. 20..

పాతు మేఽఙ్గాని సర్వాణి ఓం హ్రీం శ్రీం క్లీం ఐం సౌః సదా .
పాదాదిమూర్ధపర్యన్తం హ్రీం క్లీం శ్రీం కారుణీ సదా .. 21..

మూర్ధాదిపాదపర్యన్తం పాతు క్లీం శ్రీం కృతిర్మమ .
ఊర్ధ్వం మే పాతు బ్రాం బ్రాహ్మీం అధః శ్రీం శామ్భవీ మమ .. 22..

దుం దుర్గా పాతు మే పూర్వే వాం వారాహీ శివాలయే .
హ్రీం క్లీం హూం శ్రీం చ మాం పాతు ఉత్తరే కులకామినీ .. 23..

నారసింహీ సౌః ఐం (హ్రీం) క్లీం వాయావ్యే పాతు మాం సదా .
ఓం శ్రీం క్లీం ఐం చ కౌమారీ పశ్చిమే పాతు మాం సదా .. 24..

ఓం హ్రీం శ్రీం నిరృతౌ పాతు మాతఙ్గీ మాం శుభఙ్కరీ .
ఓం శ్రీం హ్రీం క్లీం సదా పాతు దక్షిణే భద్రకాలికా .. 25..

ఓం శ్రీం ఐం క్లీం సదాఽగ్నేయ్యాముగ్రతారా తదాఽవతు .
ఓం వం దశదిశో రక్షేన్మాం హ్రీం దక్షిణకాలికా .. 26..

సర్వకాలం సదా పాతు ఐం సౌః త్రిపురసున్దరీ .
మారీభయే చ దుర్భిక్షే పీడాయాం యోగినీభయే .. 27..

ఓం హ్రీం శ్రీం త్ర్యక్షరీ పాతు దేవీ జ్వాలాముఖీ మమ .
ఇతీదం కవచం పుణ్యం త్రిషు లోకేషు దుర్లభమ్ .. 28..

త్రైలోక్యవిజయం నామ మన్త్రగర్భం మహేశ్వరీ .
అస్య ప్రసాదాదీశోఽహం భైరవాణాం జగత్త్రయే .. 29..

సృష్టికర్తాపహర్తా చ పఠనాదస్య పార్వతీ .
కుఙ్కుమేన లిఖేద్భూర్జే ఆసవేనస్వరేతసా .. 30..

స్తమ్భయేదఖిలాన్ దేవాన్ మోహయేదఖిలాః ప్రజాః .
మారయేదఖిలాన్ శత్రూన్ వశయేదపి దేవతాః .. 31..

బాహౌ ధృత్వా చరేద్యుద్ధే శత్రూన్ జిత్వా గృహం వ్రజేత్ .
ప్రోతే రణే వివాదే చ కారాయాం రోగపీడనే .. 32..

గ్రహపీడాది కాలేషు పఠేత్సర్వం శమం వ్రజేత్ .
ఇతీదం కవచం దేవి మన్త్రగర్భం సురార్చితమ్ .. 33..

యస్య కస్య న దాతవ్యం వినా శిష్యాయ పార్వతి .
మాసేనైకేన భవేత్సిద్ధిర్దేవానాం యా చ దుర్లాభా .
పఠేన్మాసత్రయం మర్త్యో దేవీదర్శనమాప్నుయాత్ .. 34..