ಶ್ರೀದೀಪದುರ್ಗಾಕವಚಮ್

ಶ್ರೀದೀಪದುರ್ಗಾ ಕವಚಮ್

ಶ್ರೀಭೈರವ ಉವಾಚ
ಶೃಣು ದೇವಿ ಜಗನ್ಮಾತರ್ಜ್ವಾಲಾದುರ್ಗಾಂ ಬ್ರವೀಮ್ಯಹಮ್ .
ಕವಚಂ ಮನ್ತ್ರಗರ್ಭಂ ಚ ತ್ರೈಲೋಕ್ಯವಿಜಯಾಭಿಧಮ್ .. ೧..

ಅಪ್ರಕಾಶ್ಯಂ ಪರಂ ಗುಹ್ಯಂ ನ ಕಸ್ಯ ಕಥಿತಂ ಮಯಾ .
ವಿನಾಮುನಾ ನ ಸಿದ್ಧಿಃ ಸ್ಯಾತ್ಕವಚೇನ ಮಹೇಶ್ವರಿ .. ೨..

ಅವಕ್ತವ್ಯಮದಾತವ್ಯಂ ದುಷ್ಟಾಯಾ ಸಾಧಕಾಯ ಚ .
ನಿನ್ದಕಾಯಾನ್ಯಶಿಷ್ಯಾಯ ನ ವಕ್ತವ್ಯಂ ಕದಾಚನ .. ೩..

ಶ್ರೀ ದೇವ್ಯುವಾಚ
ತ್ರೈಲೋಕ್ಯನಾಥ ವದ ಮೇ ಬಹುಧಾ ಕಥಿತಂ ಮಯಾ .
ಸ್ವಯಂ ತ್ವಯಾ ಪ್ರಸಾದೋಽಯಂ ಕೃತಃ ಸ್ನೇಹೇನ ಮೇ ಪ್ರಭೋ .. ೪..

ಶ್ರೀ ಭೈರವ ಉವಾಚ .
ಪ್ರಭಾತೇ ಚೈವ ಮಧ್ಯಾಹ್ನೇ ಸಾಯಙ್ಕಾಲೇಽರ್ಧರಾತ್ರಕೇ .
ಕವಚಂ ಮನ್ತ್ರಗರ್ಭಂ ಚ ಪಠನೀಯಂ ಪರಾತ್ಪರಮ್ .. ೫..

ಮಧುನಾ ಮತ್ಸ್ಯಮಾಂಸಾದಿಮೋದಕೇನ ಸಮರ್ಚಯೇತ್ .
ದೇವತಾಂ ಪರಯಾ ಭಕ್ತ್ಯಾ ಪಠೇತ್ಕವಚಮುತ್ತಮಮ್ .. ೬..

ಓಂ ಹ್ರೀಂ ಮೇ ಪಾತು ಮೂರ್ಧಾನಂ ಜ್ವಾಲಾ ದ್ವ್ಯಕ್ಷರಮಾತೃಕಾ .
ಓಂ ಹ್ರೀಂ ಶ್ರೀಂ ಮೇಽವತಾತ್ಫಾಲಂ ತ್ರ್ಯಕ್ಷರೀ ವಿಶ್ವಮಾತೃಕಾ .. ೭..

ಓಂ ಐಂ ಕ್ಲೀಂ ಸೌಃ ಮಮಾವ್ಯಾತ್ಸಾ ದೇವೀ ಮಾಯಾ ಭ್ರುವೌ ಮಮ .
ಓಂ ಅಂ ಆಂ ಇಂ ಈಂ ಸೌಃ ಪಾಯಾನ್ನೇತ್ರಾ ಮೇ ವಿಶ್ವಸುನ್ದರೀ .. ೮..

ಓಂ ಹ್ರೀಂ ಹ್ರೀಂ ಸೌಃ ಪುತ್ರ ನಾಸಾಂ ಉಂ ಊಂ ಕರ್ಣೌ ಚ ಮೋಹಿನೀ .
ಋಂ ೠಂ ಲೃಂ ಲೄಂ ಸೌಃ ಮೇ ಬಾಲಾ ಪಾಯಾದ್ಗಣ್ಡೌ ಚ ಚಕ್ಷುಷೀ .. ೯..

ಓಂ ಐಂ ಓಂ ಔಂ ಸದಾಽವ್ಯಾನ್ಮೇ ಮುಖಂ ಶ್ರೀ ಭಗರೂಪಿಣೀ .
ಅಂ ಅಃ ಓಂ ಹ್ರೀಂ ಕ್ಲೀಂ ಸೌಃ ಪಾಯದ್ಗಲಂ ಮೇ ಭಗಧಾರಿಣೀ .. ೧೦..

ಕಂ ಖಂ ಗಂ ಘಂ (ಓಂ ಹ್ರೀಂ) ಸೌಃ ಸ್ಕನ್ಧೌ ಮೇ ತ್ರಿಪುರೇಶ್ವರೀ .
ಙಂ ಚಂ ಛಂ ಜಂ (ಹ್ರೀಂ) ಸೌಃ ವಕ್ಷಃ ಪಾಯಾಚ್ಚ ಬೈನ್ದವೇಶ್ವರೀ .. ೧೧..

ಝಂ ಞಂ ಟಂ ಠಂ ಸೌಃ ಐಂ ಕ್ಲೀಂ ಹೂಂ ಮಮಾವ್ಯಾತ್ಸಾ ಭುಜಾನ್ತರಮ್ .
ಡಂ ಢಂ ಣಂ ತಂ ಸ್ತನೌ ಪಾಯಾದ್ಭೇರುಣ್ಡಾ ಮಮ ಸರ್ವದಾ .. ೧೨..

ಥಂ ದಂ ಧಂ ನಂ ಕುಕ್ಷಿಂ ಪಾಯಾನ್ಮಮ ಹ್ರೀಂ ಶ್ರೀಂ ಪರಾ ಜಯಾ .
ಪಂ ಫಂ ಬಂ ಶ್ರೀಂ ಹ್ರೀಂ ಸೌಃ ಪಾರ್ಶ್ವಂ ಮೃಡಾನೀ ಪಾತು ಮೇ ಸದಾ .. ೧೩..

ಭಂ ಮಂ ಯಂ ರಂ ಶ್ರೀಂ ಸೌಃ ಲಂ ವಂ ನಾಭಿಂ ಮೇ ಪಾನ್ತು ಕನ್ಯಕಾಃ .
ಶಂ ಷಂ ಸಂ ಹಂ ಸದಾ ಪಾತು ಗುಹ್ಯಂ ಮೇ ಗುಹ್ಯಕೇಶ್ವರೀ .. ೧೪..

ವೃಕ್ಷಃ ಪಾತು ಸದಾ ಲಿಙ್ಗಂ ಹ್ರೀಂ ಶ್ರೀಂ ಲಿಙ್ಗನಿವಾಸಿನೀ .
ಐಂ ಕ್ಲೀಂ ಸೌಃ ಪಾತು ಮೇ ಮೇಢ್ರಂ ಪೃಷ್ಠಂ ಮೇ ಪಾತು ವಾರುಣೀ .. ೧೫..

ಓಂ ಶ್ರೀಂ ಹ್ರೀಂ ಕ್ಲೀಂ ಹುಂ ಹೂಂ ಪಾತು ಊರೂ ಮೇ ಪಾತ್ವಮಾಸದಾ .
ಓಂ ಐಂ ಕ್ಲೀಂ ಸೌಃ ಯಾಂ ವಾತ್ಯಾಲೀ ಜಙ್ಘೇ ಪಾಯಾತ್ಸದಾ ಮಮ .. ೧೬..

ಓಂ ಶ್ರೀಂ ಸೌಃ ಕ್ಲೀಂ ಸದಾ ಪಾಯಾಜ್ಜಾನುನೀ ಕುಲಸುನ್ದರೀ .
ಓಂ ಶ್ರೀಂ ಹ್ರೀಂ ಹೂಂ ಕೂವಲೀ ಚ ಗುಲ್ಫೌ ಐಂ ಶ್ರೀಂ ಮಮಾಽವತು .. ೧೭..

ಓಂ ಶ್ರೀಂ ಹ್ರೀಂ ಕ್ಲೀಂ ಐಂ ಸೌಃ ಪಾಯಾತ್ಕುಣ್ಠೀ ಕ್ಲೀಂ ಹ್ರೀಂ ಹ್ರೌಃ ಮೇ ತಲಮ್ .
ಓಂ ಹ್ರೀಂ ಶ್ರೀಂ ಪಾದೌ ಸೌಃ ಪಾಯದ್ ಹ್ರೀಂ ಶ್ರೀಂ ಕ್ಲೀಂ ಕುತ್ಸಿತಾ ಮಮ .. ೧೮..

ಓಂ ಹ್ರೀಂ ಶ್ರೀಂ ಕುಟಿಲಾ ಹ್ರೀಂ ಕ್ಲೀಂ ಪಾದಪೃಷ್ಠಂ ಚ ಮೇಽವತು .
ಓಂ ಶ್ರೀಂ ಹ್ರೀಂ ಶ್ರೀಂ ಚ ಮೇ ಪಾತು ಪಾದಸ್ಥಾ ಅಙ್ಗುಲೀಃ ಸದಾ .. ೧೯..

ಓಂ ಹ್ರೀಂ ಸೌಃ ಐಂ ಕುಹೂಃ ಮಜ್ಜಾಂ ಓಂ ಶ್ರೀಂ ಕುನ್ತೀ ಮಮಾಽವತು .
ರಕ್ತಂ ಕುಮ್ಭೇಶ್ವರೀ ಐಂ ಕ್ಲೀಂ ಶುಕ್ಲಂ ಪಾಯಾಚ್ಚ ಕೂಚರೀ .. ೨೦..

ಪಾತು ಮೇಽಙ್ಗಾನಿ ಸರ್ವಾಣಿ ಓಂ ಹ್ರೀಂ ಶ್ರೀಂ ಕ್ಲೀಂ ಐಂ ಸೌಃ ಸದಾ .
ಪಾದಾದಿಮೂರ್ಧಪರ್ಯನ್ತಂ ಹ್ರೀಂ ಕ್ಲೀಂ ಶ್ರೀಂ ಕಾರುಣೀ ಸದಾ .. ೨೧..

ಮೂರ್ಧಾದಿಪಾದಪರ್ಯನ್ತಂ ಪಾತು ಕ್ಲೀಂ ಶ್ರೀಂ ಕೃತಿರ್ಮಮ .
ಊರ್ಧ್ವಂ ಮೇ ಪಾತು ಬ್ರಾಂ ಬ್ರಾಹ್ಮೀಂ ಅಧಃ ಶ್ರೀಂ ಶಾಮ್ಭವೀ ಮಮ .. ೨೨..

ದುಂ ದುರ್ಗಾ ಪಾತು ಮೇ ಪೂರ್ವೇ ವಾಂ ವಾರಾಹೀ ಶಿವಾಲಯೇ .
ಹ್ರೀಂ ಕ್ಲೀಂ ಹೂಂ ಶ್ರೀಂ ಚ ಮಾಂ ಪಾತು ಉತ್ತರೇ ಕುಲಕಾಮಿನೀ .. ೨೩..

ನಾರಸಿಂಹೀ ಸೌಃ ಐಂ (ಹ್ರೀಂ) ಕ್ಲೀಂ ವಾಯಾವ್ಯೇ ಪಾತು ಮಾಂ ಸದಾ .
ಓಂ ಶ್ರೀಂ ಕ್ಲೀಂ ಐಂ ಚ ಕೌಮಾರೀ ಪಶ್ಚಿಮೇ ಪಾತು ಮಾಂ ಸದಾ .. ೨೪..

ಓಂ ಹ್ರೀಂ ಶ್ರೀಂ ನಿರೃತೌ ಪಾತು ಮಾತಙ್ಗೀ ಮಾಂ ಶುಭಙ್ಕರೀ .
ಓಂ ಶ್ರೀಂ ಹ್ರೀಂ ಕ್ಲೀಂ ಸದಾ ಪಾತು ದಕ್ಷಿಣೇ ಭದ್ರಕಾಲಿಕಾ .. ೨೫..

ಓಂ ಶ್ರೀಂ ಐಂ ಕ್ಲೀಂ ಸದಾಽಗ್ನೇಯ್ಯಾಮುಗ್ರತಾರಾ ತದಾಽವತು .
ಓಂ ವಂ ದಶದಿಶೋ ರಕ್ಷೇನ್ಮಾಂ ಹ್ರೀಂ ದಕ್ಷಿಣಕಾಲಿಕಾ .. ೨೬..

ಸರ್ವಕಾಲಂ ಸದಾ ಪಾತು ಐಂ ಸೌಃ ತ್ರಿಪುರಸುನ್ದರೀ .
ಮಾರೀಭಯೇ ಚ ದುರ್ಭಿಕ್ಷೇ ಪೀಡಾಯಾಂ ಯೋಗಿನೀಭಯೇ .. ೨೭..

ಓಂ ಹ್ರೀಂ ಶ್ರೀಂ ತ್ರ್ಯಕ್ಷರೀ ಪಾತು ದೇವೀ ಜ್ವಾಲಾಮುಖೀ ಮಮ .
ಇತೀದಂ ಕವಚಂ ಪುಣ್ಯಂ ತ್ರಿಷು ಲೋಕೇಷು ದುರ್ಲಭಮ್ .. ೨೮..

ತ್ರೈಲೋಕ್ಯವಿಜಯಂ ನಾಮ ಮನ್ತ್ರಗರ್ಭಂ ಮಹೇಶ್ವರೀ .
ಅಸ್ಯ ಪ್ರಸಾದಾದೀಶೋಽಹಂ ಭೈರವಾಣಾಂ ಜಗತ್ತ್ರಯೇ .. ೨೯..

ಸೃಷ್ಟಿಕರ್ತಾಪಹರ್ತಾ ಚ ಪಠನಾದಸ್ಯ ಪಾರ್ವತೀ .
ಕುಙ್ಕುಮೇನ ಲಿಖೇದ್ಭೂರ್ಜೇ ಆಸವೇನಸ್ವರೇತಸಾ .. ೩೦..

ಸ್ತಮ್ಭಯೇದಖಿಲಾನ್ ದೇವಾನ್ ಮೋಹಯೇದಖಿಲಾಃ ಪ್ರಜಾಃ .
ಮಾರಯೇದಖಿಲಾನ್ ಶತ್ರೂನ್ ವಶಯೇದಪಿ ದೇವತಾಃ .. ೩೧..

ಬಾಹೌ ಧೃತ್ವಾ ಚರೇದ್ಯುದ್ಧೇ ಶತ್ರೂನ್ ಜಿತ್ವಾ ಗೃಹಂ ವ್ರಜೇತ್ .
ಪ್ರೋತೇ ರಣೇ ವಿವಾದೇ ಚ ಕಾರಾಯಾಂ ರೋಗಪೀಡನೇ .. ೩೨..

ಗ್ರಹಪೀಡಾದಿ ಕಾಲೇಷು ಪಠೇತ್ಸರ್ವಂ ಶಮಂ ವ್ರಜೇತ್ .
ಇತೀದಂ ಕವಚಂ ದೇವಿ ಮನ್ತ್ರಗರ್ಭಂ ಸುರಾರ್ಚಿತಮ್ .. ೩೩..

ಯಸ್ಯ ಕಸ್ಯ ನ ದಾತವ್ಯಂ ವಿನಾ ಶಿಷ್ಯಾಯ ಪಾರ್ವತಿ .
ಮಾಸೇನೈಕೇನ ಭವೇತ್ಸಿದ್ಧಿರ್ದೇವಾನಾಂ ಯಾ ಚ ದುರ್ಲಾಭಾ .
ಪಠೇನ್ಮಾಸತ್ರಯಂ ಮರ್ತ್ಯೋ ದೇವೀದರ್ಶನಮಾಪ್ನುಯಾತ್ .. ೩೪..